Goobne Chicken (屯門時代廣場北翼)

營業中

休息中

係屯門開左間韓國烤雞店，所以同太太就去左呢間「Goobne Chicken」度食，試一試佢，好多人都慕名而來，好多人排隊等位，叫到差啲last order先入到去，爭少少就入唔到去食😬最後有位韓國Oppa經理親身同各位等候嘅客人逐一講解同安排入座，係依家呢個服務真係少之有少，真係要比個like佢哋👍👍雙併烤雞(BBQ味+蜜糖芥末醬)$238首先講下蜜糖芥末醬味，好出色，好夾個烤雞😋BBQ味相比蜜糖芥末醬冇咁好味，但都好好味🤣個BBQ醬汁好惹味🤤卡邦尼芝士火腿年榚$135小編係卡邦尼控，太愛了，無論卡邦尼配咩都咁鍾意😍😆柚子燒酒$150份量都好多，我同太太每人起碼斟左3杯先飲得哂😂味道就不算太特別，水準之作😊

三個人去食，攞咗飛冇幾耐，有個年紀大少少嘅阿姐問我哋加多張凳坐二人枱介唔介意，我就ok，入到去之後，竟然冇人帶位，啲員工同我你眼望我眼，夠膽死問我入嚟做乜，入嚟食嘢囉做乜😑唔帶位都同其他員工溝通下，示意叫佢哋帶啦，問個客入嚟做乜都有嘅，成班都懵下懵下。人手明明係足夠，但次次叫佢哋都冇人認，成班企係到發夢🙄🙄🙄🙄不過嘢食味道係OK嘅，但就等咗好耐囉。韓式炒年糕好好味，入邊有冬粉索晒啲汁😋😋

屯門市中心一帶越黎越多野食而且好多間都要等位，呢間都要等下不過想食雞蛋卷所以就照等下啦。點了：BBQ 及蜜糖味雞 ，韓式雞蛋卷，士多啤梨沙冰。BBQ味同蜜糖味雞味道都算濃，可以接受不過印象中以前食過既好似比較大份，今次感覺細隻左DD。韓式雞蛋卷，口感軟實的而且足料食落去係好味道的，咬落去d料都無散出黎，而且呢個一定要夠熱食先好味，今次都係算好味，足料而且唔散。士多啤梨沙冰就無特別，普通啦。總結自己都係最鍾意食佢地整既雞蛋卷。

屯門區又好少嚟類炸雞店，之前見裝修已經好期待，星期二剛好行過見到無人排隊（時候尚早），於是入去一試。二大一細，叫唔到太多款式，一份蛋卷，一份黃金炸雞，兩杯鯊魚特飲品。炸雞應該係即叫即炸，等咗差唔多25分鐘，如果繁忙時間應該等得仲耐。味道方面，其實唔差，特別係熱辣辣食，好香口，另外仲有配酸蘿蔔同兩款醬，燒烤醬好味☺️☺️蛋卷味道唔差，內有餐肉酸瓜，配味道好夾😋，小朋友好啱食。鯊魚特飲完全係吸眼嘢，係帶桃味嘅沙冰，好大杯，同小朋友一齊飲都飲唔曬😅下次可以再試其他款式。

星期六6點左右入去唔洗等位原本安排左中間位但有近窗未執枱 一問帶位侍應哥哥都好helpful比我揀幫我執枱因為兩個人所以剩係叫左一個芝士雞（蒜味+蜜糖）落單最尾職員話要等大約40mins最後7點先到中間就幾枱你眼望我眼 都冇野食上菜後職員有幫手炒芝士後尾想叫侍應比兩杯水， 侍應話「d杯未洗好， 比唔到水」 😂 最後直到走都冇比水 中間聽到隔離枱有漏單補落單同埋外賣落左單等over 1 hour 都未有既情況後尾直情停埋外賣感覺佢係未準備好 平均等得有小小耐不過門口個侍應都幾好禮貌 不停要同客解釋都好有禮貌不過人小就未必會成日食 因為太多雞 希望佢出半份雞～

見新開都人多，都等左近兩個鐘。入到去同我地講餐牌嘅全部炸雞得返一款，入坐前又唔講咩都冇哂，入到去叫野飲，為咗個白桃米酒黎，酒全冇，又唔講又唔貼出黎。同埋落完單野食嚟先準備好張枱。隔離枱有一枱又係最後一齊入，之後想落單就話佢哋第一個落單，已經係最後落單。但第一次落單，店員冇同顧客講清楚。去過尖沙咀個間，完全覺得屯門店服務態度差。如果下次要食，近都唔會揀係屯門食，情願出返去市區食。個品牌嘅炸雞幾好食，野飲都好飲。

之前食過將軍澳同旺角分店，都覺得Goobne好食，但係屯門呢間分店實在令我太失望叫左2樣野食，half half 蜜糖雞拼BBQ醬同蛋卷個雞真係好有問題，話明half half，但係2隻味嘅雞撈埋一碟，完全分唔到咩味打咩味。仲要啲雞唔似其他分店咁熱辣辣Juicy滴雞汁，皮又唔脆蛋卷同其他分店嘅味都唔同，似隔夜員工not well trained, 成班似炒散唔識收錢落單serve客人落單個陣本身叫左米酒，但話冇酒牌（但餐牌冇遮住含酒精嘅飲料），fine，叫沙冰。等到食完一半野食都未黎野飲，一問之下先知原來冇冰咁點解冇人通知客人？斟水都唔識，正常應該拎起客人水杯去斟，但係呢度啲人唔係。仲要個壺嘴貼住左杯嘴咁斟，疫情之下更覺嘔心。好心未train好員工整野食同serve人就唔好開鋪啦

最近屯門市廣場新開了很多間餐廳，而這間韓式炸雞店便是其中之一，剛巧媽媽又想試一試韓式炸雞的味道，所以今天中午的時候我便陪她來嚐試一下可能現在新開張的關係，所以中午 12：00 餐廳未開門之前已經有很多人在排隊，幸好我們都早來到能夠成為第一批的顧客，不然應該要排隊很久了另外可能太多人同時落單以及多新員工的關係，導致炸雞製作時間十分長，我們的炸雞等了 35分鐘才來到，而旁邊的客人更等了足足 45分鐘，老實說等待的時間真的太久了，餐廳真的要改善一下這個問題No.1【蜜糖蒜香烤雞(無骨)】$205由於炸雞是即叫即炸，所以外皮十分香脆可口，而內裡的肉質則十分嫩滑可口，鮮甜美味，細嚼慢嚥的時候，鮮甜無比的雞汁更立即傾巢而出，在唇齒間留下一絲絲濃郁的鮮雞氣息，香甜可口，肉汁四溢，口感豐富而飽滿，讓人陶醉其中，吮指回味美中不足的是，烤雞的份量真的太多了，有骨的有 14件，無骨則有 16件，兩個女人全程只吃一盤雞，味蕾未免有些重複，吃多幾件便開始有些厭倦在現在仍然是四人限聚令的情況下，其實餐廳出一些 6件炸雞套餐/雙拼炸雞口味/炸雞拼雞蛋卷套餐會更好一些價錢方面，蜜糖蒜香烤雞 $205，餐廳設有加一服務

午市外賣韓國人參雞加白飯$188 話新開鋪未有lunch set 最快要下個月咁真係要考慮下幫唔幫親佢 仲要12點開要12點10先準備好 叫炸雞仲要等半個鐘 如果趕時間既真係唔見意食

韓式炸雞終於開到黎屯門啦～開業首個weekend已經約朋友黎試下，唔使下下出九龍先止到癮。今日餐廳都幾禍不單行，首先我5點半落去攞位，諗住6點半有得食。點知熱情奔放嘅屯門之友，已經瘋狂黎落take away order.一位身高188左右嘅歐巴店長出黎用英文同等緊嘅食客交待，話呢刻廚房至少有over 50 orders.咁就勸食客要等返好一段時間先有機會入去食。由於我想食雞嘅渴望指數很很很很高，所以我張飛只係等4張枱，我就堅持咁等落去。望住張menu就咁過左成粒鐘，人就越黎越多，餐廳仲黑仔到連部攞飛機都壞x埋。攞唔到飛嘅同入去買外賣嘅屯門之友，就係咁塞爆左個門口，歐巴後來再出現處理問題，好彩係歐巴咋，先可以安撫到一眾女女嘅心情，包括...我。我估應該外賣都已經停左，人群先無咁洶湧。而我就等左2粒鐘先入到去坐。點解咁誇張？因為餐廳其實唔大，70個位，大部分4人枱，如果2人嘅話就應該更難先入到。6人就建議你地返屋企或者分枱，仲唔好request坐埋一齊，因為堅難安排。好啦～我以中獎嘅心情入坐，開心到忘記左自己同朋友得3個胃，就瘋狂叫雞，同以最難得嘅心情叫下特飲慶祝下。3條Queen, 叫左

6點幾去到未開門，等到7點先話可以入去，明明排第二個 佢又分ABC區。最好笑係老闆話要分ABC區落單 要A區落完哂 先到B區可以落 你以為排第二個就係A區，唔係架，分到你去邊就邊 落單都搞左成大半個鐘，後尾終於落左單又開始漏單，林林總總既問題都發生，全場好多張枱嘅客人本身都好有耐性等待但係真係等得太耐！但係其實食物係好食嘅 純粹管理方法好有問題真係好需要去改善！好需要去改善！好需要改善！總括而言下次買外賣會快過你排隊入去堂食！

下午1點45分，我和兩位女士一齊行入店。入到去，前面兩位女士同職員交涉緊，我就喺後面等。有電話，我行返出去講咗一陣，唔夠一分鐘就入返舖頭，剛剛嗰兩位女士就準備坐底。我同職員講“唔該兩位“，個職員同我講“唔可以入人啦“。我好驚訝問 “點解呢？我同前面嗰兩位女士一齊入嚟，差一分鐘就唔俾入？？？“職員答我“老細啱啱同我講唔可以再入人啦…“我除擘大個口得仲窿噤望住佢之外，都無咩可以做，唯有走人... check返營業時間，又無寫話中間會落場喎...我見FB話呢間新開分店，啲人啲comment又講到好期待食噤，就特登約朋友嚟食，點知...... 下次都唔知再嚟唔嚟好，點知會唔會突然呀老細唔想做生意......