Goobne Chicken (屯門時代廣場北翼)

營業中

休息中

本人一個人去食午餐，由於較早的關係，全店只有兩台客但我叫了10分鐘都冇事應回覆我，全個場根本冇人招呼客人同工作一直只有兩個職員傾偈我已經好有耐性地行過去找他落單，但他全程只用眼神來回覆我，起初還以為是聾啞人士輔助就業食物質素姑且不論，倒水，落單，埋單都係我自己親自招呼自己，我都唔知呢一間係自助式快餐店埋單的時候，沒有說多謝我都不介意佢仲要我自己行過去取回自己的信用卡。超級10分10分10分欠佳的服務，就算食物有幾好都係無用

意想不到的好味。上次見佢新開張，外賣左一次返屋企食，味道好一般。今次俾多次機會佢，入左去堂食，可能全部都熱辣辣既關係，完全唔同！尤其係芝士火鍋雞，二百幾蚊真心必食推介，我地叫左無骨烤雞，啖啖肉，揀左兩款雞。一款甜辣味，一款芝士味。我個人比較鐘意甜辣味，啲醬唔太辣，好惹味。芝士味就有好多芝士粉，再夾埋中間熔左既芝士食，愛濃味既朋友至愛。

今日就同朋友去咗市中心嗰邊食韓國嘢，食咗pizza炸雞同炒飯，而且位置都幾方便，而且份量都好足夠價錢都幾實惠。-1.有骨蜜糖蒜香烤雞 $205首先，烤雞嘅份量好充足，而且啲醬汁都好入味，而且啲雞好有肉汁，叫咗有汁，都啖啖肉而且好厚肉好有口感，而且都有啲香蒜配搭。-2.芝加哥薄餅首先Pizza上邊有好厚嘅芝士，而且一粒粒嗰啲都係芝士，所以薄餅好香，而且配合南瓜肉甜甜鹹鹹，可以冇咁膩。而且一塊都好厚實，建議可以同幾個人share。-3.鐵板芝士泡菜炒飯首先鐵板上面有一整塊芝士，所以配飯食嘅話就好飽滿，因為啲飯充滿着芝士，而且仲有一隻太陽蛋，令到啲飯光澤感提高。4.醃黃瓜同白蘿蔔可以解膩，開下胃。總括嚟講都幾唔錯，不過午餐都要加埋一。--

事緣係因為睇咗新西遊記外篇之「Spring Camping」其中有一集佢哋好想食Rose spaghetti，就搞到我心思思上網search香港有冇🙂但搵唔到跟住有日嚟試呢間韓國餐廳啦😙發覺佢哋有‼️即刻order左來試試，其實真係加咗辣椒🌶️既奶油味，紅色嘅醬❤️食落去好Creamy，算比起平時食開白汁有多一個選擇呢間野比嘅醬汁多好多，好重味，所以食落去好香口，但又唔會油膩😁😁特別係年糕，因為好煙韌😛又唔會話好飽📍 Goobne Chicken (屯門時代廣場) (屯門)屯門屯隆街2號屯門時代廣場北翼1樓45-46號舖

太掛住韓國了，前幾日韓燒完，今日炸雞，不過因為兩老關係，所以食烤雞同揀所有都唔辣嘅食物，先嚟一jar香桃韓式米酒，雪凍嘅碗配冰凍嘅桃味米酒好低嘅酒精度，連兩老都添飲。第二次食香蒜蜜糖烤雞，揀咗無骨，皮有微微嘅脆，烤過嘅蒜片好香脆，雞又夠入味，本人勁介～一口接一口超好味老爸好鐘意嘅炸醬麵佢偶爾會買返屋企自煮，呢個配埋年糕同魚糕做「餸」無咁單調，炸醬麵係統一嘅味道，自行想像吓啦。海鮮煎餅都好出色，外觀好似好厚，但食落唔會覺厚粉，內容有～魷魚、蛤蜊、洋蔥⋯⋯一啲都唔覺油膩，好滿意嘅一餐

UFO 芝士火鍋無骨雞，可選2 款口味無骨非常正，啖啖肉，中間有勁多芝士點黎食，又有好多醬可以點黎食Goobne 芝加哥薄餅，5 重芝士濃厚芝士味，pizza都幾厚，厚批，味道十分唔錯

態度極極級差 首先水杯有油既～menu痴立立既到叫野食我地明明叫有骨變無骨 同佢講番話要換 佢話好麻煩 有排等 叫我地照食但比個全單9折 已經燥底心諗我就係覺得冇骨唔好食啊嘛 不過都算啦都黎到費事搞到佢難做 冇cancel到埋單先話原來得個個雞9折 仲講咗句「but this item is correct right?」下 明明頭先另一個人話係全單9折 我唔理你地係咪溝通有誤會啦 有乜理由咁既態度講野 我睇番website Goodne chicken好似可以franchise 所以可能只係呢間係佢地一家人開 係例外 可能第二間服務會好d i don't know唉 總之無骨真係唔好食&食到成肚氣啦我唔會想再去 唔洗排隊都不了

朋友早去到所以有位唔使排隊，限食90分鐘不過無特別趕人走，坐得都舒服。🔅韓式BBQ醬烤雞 + 蜜糖香滑烤雞 ($238)雞唔大件，份量都唔多，黎到已經唔算好熱，暖暖地。食烤雞好少見有舊雞頸😱…雞都唔夠滑，雞胸更加偏鞋，係雞脾先滑少少…咁既價錢真係唔會再試…🔅卡邦尼炒年糕 ($135)雖然個名叫年糕，但都有少少意粉😂。但整體偏鹹，雖然可能如果唔鹹年糕就無咩味…🔅Goobne芝加哥薄餅 ($188)雖然pizza同幅圖就唔多似，但食落都唔錯既，幾濃芝士味，少少拉絲。餅皮夠脆，但都幾漏🙈…人多每人食少少應該會好啲。💬Overall真係普普通通，同埋覺得都幾重口味，食完會想瘋狂飲水。無咩服務但都要收加一，食完同朋友感覺都係麻麻所以再去食糖水補數🤣。

🐓鐵板軟芝士甜辣烤雞 烤雞等得耐少少 都係即整芝士好香超多！芝士控唔好走寶！捲埋落雞塊度一齊食超正雞唔會太乾 又唔會太滴油仲係軟身 好好食🍳韓式雞蛋捲 蛋捲幾得意 中間包左紫菜包飯料蛋捲都厚身 好大塊好飽除左蛋面醬 仲有沙律醬 都好match既味道🍹藍莓沙冰/西柚沙冰 兩杯沙冰都唔錯不過藍莓竟然甜左啲 西柚就小清新-好笑係送唔多每枱都有野要打包走 收銀機上面準備好曬外賣盒😂睇嚟慣曬😂

Goobne主打烤雞而唔係炸雞，聲稱因為雞嘅油份係烤焗過程中迫晒出嚟，所以比起一般炸雞更健康又冇咁熱氣，聽落好似唔可以歸類邪惡食物🤣的確對我嚟講食呢間比起pizza maru好似係無咁肥肥。不過兩間都係人氣人龍店呢樣嘢係無可否認嘅事實，屯門分店食兩次都要排隊，今次仲等左成個鐘🥲-🍯蜜糖蒜香烤雞 $205試過幾款，最鍾意都係BBQ，今次因為見佢話新出就試吓呢隻so called新口味🌝結果都係BBQ好食啲，呢個個醬油味重左少少，試一次就ok了👋🏻反而蜜糖系列會推介香滑烤雞都幾正😆💕-題外話雀仔胃表示如果可以叫半份雞就好，兩個人多數叫一份雞飽得啱啱好，次次都試唔到其他菜式😩仲有雖然我係懶人鍾意食無骨雞，不過今次試完覺得都係有骨會好食啲🤣-總結：想食韓國炸雞嘅時候唔係呢間就係pizza maru🤣兩間都係我fav韓國炸（烤）雞店💕

呢間韓國炸雞集團係香港已經開左幾年，終於開到黎屯門，所以個晚去食都有好多人排隊，都要等左半個鐘以上先可以入座。蜜糖蒜香烤雞呢款雞因為有蜜糖會偏甜，同埋會濃味d，鍾意濃味既朋友就岩晒，不過食完要食返幾舊酸蘿蔔中和下。(無骨）軟芝士蜜糖咖哩烤雞呢款雖然都係有蜜糖不過就相對淡味d，而且係無骨既關係，可以好方便食。而底下既芝士好「拉絲」，不過就要盡快食，唔係d 芝士會變返做一舊。總結係如果要排半個鐘以上既話，未必會再去食多次。

新開張一排，最初多人到6:00pm 來排都無位食dinner。今次Friday 6:30 左右到，竟然無人可以直接入去坐。第一次試左佢個蛋卷，好有心思一層一層捲出來，又唔會好易散，蛋好滑好juicy, 無煎到老左嘅感覺，好正。來到一定要試炸雞，作為芝士控，揀左個三重芝士，重口味，超正，夠熱,外脆內juicy，雞皮炸粉都調好味，上面芝士粉好正，食到停唔到。份量好足，最少三個大人先clear到佢。唔想打包走，因為返熱就唔夠新鮮，會唔好食。飲品揀左藍橙沙冰，甜甜酸酸好開胃，藍色但係橙味，好特別。不過呢杯飲品等左好耐，最尾食完晒先上，懷疑佢等埋幾個order一齊整，一出就出幾杯。呢餐食到好飽，返去要飲定一杯涼茶清清熱氣先

Goobne 終於開入屯門，四個女仔便一嚐韓式風味。驟看餐牌，單點的炸雞、食物份量較大，校適合一班朋友前去用餐，若果是兩口子應該不能是太多種類的食物。建議餐廳可以提供不同份量的餐點，供人選擇。是次點了韓式芝士炸雞，口味分別是蒜香和BBQ醬。芝士相當濃稠，蘸上炸雞時有拉絲效果。炸雞方面，兩款都相當Juicy，蒜香略勝一籌。不過，多蘸芝士會顯得較飽滯，建議六至八人share 會更好。另外也試了蛋餅卷，傳統嘅飯卷換成蛋，更健康，配上蛋黃醬，不俗。韓式炒年糕方面，點了少辣也較辣。不過內裏的粉絲吸收了炒年糕的醬汁，年糕也很煙韌，儘管辣，也一口接一口想吃。

卖相和口味都不错，就是店铺极小，位置比较紧逼，还没有取号系统，得在室外热气腾腾傻等，碰巧周五晚上还下阵雨，风中凌乱一个半小时，哎所幸食物还可以。服务还可以。我们选了一份芝士火锅，可选双拼两个口味炸鸡则选了一份辣（五🌶️火山辣）一份不辣（果酱蒜香酱油味）。服务员和我们确认了一下，因为另一个辣只有一🌶️的甜辣味，我们没有更改，事实证明坚持是对的，辣度刚刚好，和肥腻腻的芝士，很和爱辣人士的口味。炸鸡确实非油炸，也没有厚厚油油炸浆皮。唯一美中不足是火锅只有无骨可以选择，食肉兽估计很喜欢，对于爱吮骨的人来说就少了很多乐趣。第二道是蟹子沙拉酱蛋卷。非常喜欢，柔软香浓第三道是铁板海鲜煎饼，不失不过，一般般还行。

從來未試過食一餐飯食物要等成個鐘先上到枱，我地7點30開始等位，8點30先入到座，咁都正常嘅，間野又細間，又多人食，等位耐都好正常。8點30入都去我地就立即叫野食，叫左米酒同一個大鐵盤芝士烤雞，order完大約10分鐘就上左米酒，之後一直等，因為唔想空肚飲酒，所以等到d米酒出晒水隻雞都未到。大約30分鐘後，店員先俾個gas爐我，我地順便問佢大概仲要等幾耐，佢話已經幫我地問左廚房，過多10分鐘再問佢話廚房放緊雞上盤，但我眼見遲過我入坐個d人都已經左晒野食。9點15分店員同我講話因為廚房俾錯單，所以你盤雞同事俾左前面個枱客，你介唔介意食?我話我見到佢已經撈左芝士，我唔會食佢食過嘅野(我望住前枱上盤後5分鐘個店員先同佢講盤雞唔係佢oder嘅雞，竟然個店員問我介唔介意食上手d野)9點30終於上到枱，佢重新整其實15分鐘係可以上到枱，但我要等成個鐘先食到，到上枱時個店員依依哦哦咁話會俾折我地，但要問問老闆娘睇下點(佢講得好細聲，唔太聽到佢講緊咩)到埋單睇返張單，完全冇折過，要我出聲問個店員話你頭先唔係話有折咩，佢先幫我地free個服務費。總結:我由7點30排隊，8點30入座，9點30先有野食落肚