Green Common (The Forest) (已結業)

O! Crab Pasta 扮曬蟹意粉 $79 口感同味道都似蟹肉嘅🤔係一個正常嘅蒜香意粉。Stir Fried OmniPork Strip Udon with Black Pepper Sauce 新肉絲黑椒汁炒烏冬 $72 係一個甜甜地，有蔬菜嘅炒烏冬。烏冬不會太淋。Beyond Burger Classic未來漢堡 Classic $78 炸薯條 Fries +$12漢堡扒味道同口感都似肉，不過有啲乾，漢堡包有烘過，薯條正常，新鮮炸起。

2023.02.16 lunch因為有$60卷，所以今日嚟咗呢度食，但午餐就一般般。之前係將軍澳分店食過晚飯都算唔錯，賣相好好多。今日嘅午餐，賣相就麻麻哋喇，女友要$62嘅芝士焗善良肉醬意粉，我就揀咗$72嘅白汁新炸魚柳芝士焗意粉，午餐可揀湯or沙律，我哋兩個都要咗湯，個湯都幾大，味道ok又夠熱。但其中一碗個碟邊似未洗乾淨，都費事叫換，怕佢拎入去係咁易抹乾淨佢，反而感覺再污糟啲🫣兩個意粉嘅味道好一般，冇咩好寫了，應該唔會再嚟😝 好彩有$60 coupon 添，如果唔係會覺得好唔抵！p.s. 人消費我用番原價計

素食能夠食到煎釀三寶，咖哩蘿蔔魚蛋真的很不錯！Green Common最近推出呢2款食物確實為素食者帶來驚喜，味道yummy,但很可惜份量很少,如果可以大份d，深信會吸引更多非素者加入素食行列！

每次來旺角覆診都係星期六，每個星期六都係我嘅「素食日」🌿咁除左食酸齋蘿蔔車仔麵，其實都仲有好多選擇嘅，講緊嘅就係又可以食嘢又可以「素」貨Green Common🌱🧀芝焗膳良肉醬意粉$78🧀芝脆焗豬扒意粉$82*以上餐點如果可升級做套餐（包一小食+一飲品），套餐價$95意粉勁多半溶芝士，肉醬係我嘅最愛，焗豬就口感層次豐富，各有千秋🍅🍗樂樂雞（3pcs）配純素蜜糖芥末醬外層味道就係麥樂雞咁，咬入去嘅口感好似魚柳包嘅魚柳🌟🌟🌟🫘經典紅豆冰（+$15）椰奶味濃過好多出面茶記嘅紅豆冰🥥加上紅豆起沙，有啲料到😏🍞流心香芋西多士$46估唔到呢度都有呢啲咁邪惡嘅嘢🙈西多士餡料部份已經有好多芋泥，仲有少少未完全係泥狀嘅芋頭，保持口感🤤再淋上濃甜嘅香芋醬，超邪惡但停唔到口🫢

間唔中食下素食對身體都好既，呢間餐廳之前食過覺得幾好味，值得再試。餐牌主要以西餐做主題，今天 order 左芝脆焗豬扒意粉，新炸魚柳燴藜麥蒟蒻米 ,小食揀左樂樂雞&炒雜菜，飲品就order磨菇湯。個人最喜歡磨菇湯，湯好大碗，入口有好香磨菇味，有磨菇粒粒可以咀嚼。試左新炸魚柳燴蒟蒻米，蒟蒻米係低卡路里食物，取代白米飯夠好健康。焗豬扒意粉都唔錯，豬扒好脆口，豬扒應該係豆類製成品，配合醬汁味道好，食落好似真係食緊豬扒，份量都好足夠，食到好滿足，可以再來試其他食物。呢間餐廳比較自助形式，Order食物要自己去 cashier先付款，之後坐低等食物送黎。

本人大部分時間為素食者, 已多次光顧不同地點的green common前後幾年, 但已旺角店為去得最頻密..呢間舖最大問題係D員工, 無論換咗幾多批, 佢哋都係唔attentive 由得顧客係前台等而自顧自吹水或數錢, 亦不下一次在收舖時間前40分鐘就叫我轉外賣不要堂食.就算你轉咗service為捧埋餐去客人枱都唔能夠為整體服務加分.好生意呀吓！

一入到黎吾會有人帶位，要自己揀左位坐先⋯再出去叫野食，叫左2樣野。香辣星洲叻沙（植物雞+米粉）個湯底幾好飲，少少辣，植物雞就完全吾岩食、之前都食過植物雞，但今次整得一般🥲太膠咁米粉份量都好多，女仔可以同人share一齊食新肌肉藜麥沙律（新午餐肉+豆腐+牛油果+雜菜+粟米+蕃茄仔）最好食⋯係個新午餐肉，新鮮煎，好脆好香，十分推介，其餘配菜如牛油果，豆腐，食2食都好飽肚

香港開始多左人接受素食既文化，而GREEN COMMON就係係香港打出名堂既素食食店。係旺角波鞋街既呢間GREEN COMMON除左堂食既CAFE之外，都有超市既SECTION（但唔係好大，因為間舖拼埋堂食），但想買既產品，如素凍肉，配料等等都有齊。而堂食既CAFE就好似一般快餐店咁，都係先霸位後落單，D餐單全部都係素食餐單，可以叫飯，意粉配素肉咁，而因為我去食既時間都晏了，所以叫左杯咖啡同一盒麥樂雞，咖啡好有水準，唔會萃取得太多而變苦，麥樂雞雖然係素肉，但味道都有8成似，好岩剛剛轉食素既人士。

平時去呢間green common一向都唔係平…可能食個lunch都起碼要$200左右…最近知道佢哋午餐有一個半自助放題…決定咗去試吓 $95半自助午餐仲要唔使+1真係好抵食呢個餐可以揀一份主菜…另外前菜任食..不過會有少少限制…就係每次只可以嗌兩份前菜…一定要食完晒先可以再叫因為要限時90分鐘…我起初都以為會唔夠飽..不過真係會食到你飽一飽我就叫咗主菜係新吞拿芝味螺絲粉…份量唔係好多但勝在好咪我老友就叫咗黑椒新牛堡…佢話食落去完全唔似食緊齋真係好似食緊牛肉咁我就叫咗幾款佢哋嘅前菜…有如手指蟹餅和Loklok雞魚手指真係食到停唔到口真係好香脆…而且蟹餅都好好味…其實真係食五六份前菜已經回晒本另外我哋重叫咗個下午茶餐…沙嗲牛肉公仔麵…不過呢個就一般般但係$58個餐勝在夠抵食…因為除咗有碗麵…仲會有塊新餐肉同厚多士…總括嚟講呢間素食餐廳真係幾有新意

環境不好素食都要來個變通，變則通！👏Green common 出了一套頭盤任食套餐，今日姨甥女就話請個茹素半放題午餐。🤣又幾特別喎😀套餐 $95 免加一，有頭盤有主菜仲有甜品飲品。👍👏👏👏🍴主菜我點了新肌肉能量碗，多有趣名稱多豐富，內裡有粟米，紅腰豆，羽衣甘藍，新餐肉，豆腐，牛油果同藜麥，真係飽到你唔算，最令我欣賞係用了花生醬沙律汁有別於其他沙醬汁味道。👍👍🍴黑椒新牛漢堡厚厚的一塊黑椒新牛堡，鬆軟可口美味，漢堡包就略微乾了一點，我比較喜歡濕潤。🍴到任食頭盤喇！先係魚手指，蟹餅，樂樂雞同新餐肉趣趣條，款款都香脆可口，不過油份較多多食都幾肥幾膩。🥄南瓜湯香甜不加忌廉口感更清。現在買 $800 Coupon 送 $200 仲有二大支燕麥奶，真係蔗渣價錢燒鵝享受🤣🤣🤣🤣🤣

有一天，朋友在signal群組說：旺角green common做緊類似半自助餐嘅，即係前菜小食任食(食完再ORDER), 主菜、飲品、 甜品各一份, 都幾抵食 唔知其他分店有無呢個Menu, 如有, 大家可以一試。我說：其他分店都有，我已經食過好多次，係好抵食😋朋友說：唔早響既然朋友講到版主 “唔早響”，咁版主本住 “早響好過遲響，遲響好過唔響”的精神，一於就簡單咁介紹下這個全線GREEN COMMON都有提供的 “一素回味” 半任食餐啦。1️⃣點餐形式每人揀選一份主菜，一杯飲品，店方會送上一份甜品(2粒雪米糍)，而最吸引的地方😍，當然就是在90分鐘內可以無限任食的前菜了(每人每次限點1份前菜，食完後再落單)2️⃣主食系列版主品嚐過愚柳漢堡和黑椒新牛堡兩款漢堡，會較喜歡後者，覺得牛堡的素扒會較愚柳為佳，而後者加上了黑椒汁，亦令其惹味程度勝於愚堡。此外，在多次的用餐中，我們都點選了香辣星洲叻沙。植物雞柳口感頗煙靭，不過這款主食最吸引的，還是在於叻沙的香辣味道🤤。有時，即使已吃完整碗叻沙，但還是會多喝一兩口湯，讓味蕾再回味一下👅，希望那種香辣感覺能夠在口腔內縈繞不去。新吞拿芝味螺絲粉也算不錯，🧀芝

而家既素食愈來愈多款式簡😊出乎意料之外，味道都唔錯😋💟$108位有一款主菜加90分鐘任食前菜連飲品甜品真係幾抵🤗因為平時食佢既一款小食都差唔多$40~而今次任食既款式都有7款，今次都未試得哂，最後飽到甜品都無試到。💕主菜🍛日式咖哩烏冬上面有兩塊素蟹餅同塊素豬扒，仲有d紫菜碎，所以食完都飽飽地。味道都唔錯，不過塊豬扒當然同真正既豬扒無得比😂🍔愚柳漢堡呢個相比烏冬既份量就細份d，素魚柳食落都脆口，味道就比較健康d💕前菜🦀🫓扮哂蟹餅整得好香脆，食落都有d蟹味，配埋個泰式醬，酸酸地幾開胃🍗樂樂雞個外觀同麥樂雞差無幾，配埋個純素蜜糖芥末醬，食落都好香脆🥓🥩新餐肉趣趣條就咁食稍為咸左d，配合埋個煙燻蜜糖芥末醬就會平衡返，口感同午餐肉好似，同樣係香脆🍟薯條呢個就稍為失色少少，味道普通，加上只係配普通既茄醬，如果換一換個醬會正好多💕飲品🥃養生桂圓紅棗茶都好足料，有好多紅棗同杞子係入面，飲落清清地唔會好甜❣餐廳環境都幾舒服，一邊位置係對窗口位，有日光照住望住街景食都幾chill。餐廳入面仲有其他素食產品賣，食完覺得好味既，可以買返屋企自己煮！

今日佛誕茹素，即刻諗起呢度😄依家仲要有折，食物好味又抵食。。。食完仲要叫外賣俾屋企人食。。。 yummy 有磨菇湯、雜茶、炸魚薯條。。。份炸魚薯條大份到。。。好滿足！😄

疫情下好多餐廳為挽回生意額推出優惠，呢間餐廳都唔例外，外賣自取有66折，一個未來漢堡連一個湯折後盛惠$58, 對比平日個正價非常抵食包入面才料有素扒，蕃茄，茄醬同埋生菜，塊素肉都幾似真肉，而且幾香口唔錯另外係雜菌湯，菇味好重，好香濃，仲會咬到粒粒菌渣，幾好

-{純素店午餐自助餐🥘}之前有朋友留意到green common 出左自助餐前菜加主菜再包mochi甜品係88 per person!!🤤新吞拿芝味螺絲粉🤤 個吞拿魚好似魚😂拉絲芝士食落有啲膠膠地嘅質感 但可接受嘅！😝個汁似係白汁感覺食完唔覺膩🥰👖褲評: 7.8/10🤤 日式咖喱烏冬🤤 咖喱同平時盒裝咖哩味道好似！係甜咖哩黎 有秋葵 蘿蔔 豆腐乾 不可能素肉漢堡🥳依個激似肉😂😂整體唔錯！👖褲評: 7.5/10🤤香辣星洲叻沙🤤 依個個湯好香椰汁味 又係唔辣嘅！☺️個豆卜吸曬啲湯勁正😍另外個素雞好難食🤮無論質感定味道都怪怪地👀👖褲評: 7/10🤤 樂樂雞🤤 分別有純素燒烤醬同純素蜜糖芥末醬 基本上同金拱門冇分別 係個肉質差好少分別😚依款前菜要encore!!👖褲評: 8/10🤤新餐肉趣趣條🤤 新餐肉嘅質感就唔似午餐肉所以我幾鍾意🥳 配埋蜜糖芥末醬又係可以係咁食嘅前菜🤑👖褲評: 7.8/10🤤 新吞拿脆脆🤤 呢個雖然都有脆脆嘅質感 但食落同吞拿魚唔係好夾👀同牛油果味分開咗🥺👖褲評: 6.5/10素食嘅semi-buffet 黎講性價比好高 相較之下佢本身lunch set