Green Waffle Diner (形點) (已結業)

和小朋友點了一個水果窩夫早餐在開放式廚房，男廚師長頭髮沒有札好，整理好。處理食物時沒有載手套及口罩沒載好，口罩在下巴，切生果前也沒有洗手。敏感時刻，應該做好衛生問題，希望餐廳正視問題

狗狗生日, 特登找間方便家人, 又有狗仔餐供應既地方. 天氣熱可以生室內是好選擇. 泊車亦方便. 食物service 都ok, 但狗仔餐圖文不符. menu 上相片是清楚見到菜, 肉同飯. 上枱是一堆爛飯. 仲要熱到出哂煙. 要分開吹凍先可比狗仔食. 當時很多食物已上枱, 枱面滿了仲要找位置分碟攤凍狗仔食物, 場面混亂 （狗狗可憐望住) 無暇影相.

我晚上7:30到達餐廳，和朋友慶生日，叫了二人套餐，主餐食物好快送到，8:00左右餐廳已在進行清潔，收銀處埋緊數，有一待應長期企在我隔離，中途叫我先埋單，弄至我和朋友也誤以為已10-11:00阻人收工、但甜品待應完全忘記送上來，加錢特飲又不願比餐牌我們，最後還在我們枱下面用漂白水拖地（當時只時9:00）、隔離只有數枱人，也主食未到、雪糕甜品已上（套餐食物質素只是一般（個炸猪皮差吧！）服務態度差到離譜！無奈比了$5xx走人轉場吧！基本上花$5xx食了一個鐘快餐（必無下次）

一個休閒的星期日，難得和老公一齊放假，而佢又肯唔食中式下午茶，試新野。我就帶左佢去元朗green waffle，由於疫情關係都會在門口等工作人員探熱再安排入枱，但揮極手都無人理，工作人員忙於吹水，有兩位年輕工作人員望到再低頭吹水。我便衝入去同佢講兩位，佢哋先慢慢行番出來比票。等了一安被帶到入內，舉手差不多5分鐘，工作人員都忙於吹水同玩手機，到一位南亞睿工作人員來幫我哋下單，佢應該全場最好個位服務人員。落完單後老公想再order杯咖啡，結果我又繼續揮手，但原來我後面兩枱都同時要order ,只係得一位工作人員來serves 客人，但我不甘心再等，我直接叫個着便服花衫又企喺cashier工作個姐姐，我直覺佢應該係高層會妥善處理我的order.但呢個姐姐登大眼操唔咸淡廣東話（我沒有帶歧視眼光)問我，就咩？我話想叫杯野飲姐姐話：梨哨下個豬曲。我問我叫野飲喎。佢就晦氣叫我等一下。其實當客人坐低可以介紹你哋有QR code 。食物一般

-🦄GREEN WAFFLE DINER-DRAGON MOOD BOOSTER Hkd98Rating🌕🌕🌕🌕🌑-有一段好長嘅時間都冇食到GreenWaffleDiner🙈之前一直都好想食曬佢咁多款唔同嘅SMOOTHIE點知佢仲出左新口味Tim🤤個Base係粉紅色架‼️少女心💗都即刻出返來呀HAHA💗個底我就簡左杏仁奶🤤唔想要杏仁奶可以簡豆奶🤤因為我一直都係杏仁奶嘅忠實粉絲😂😂杏仁奶好飲而且又低卡😇屋企長期都有大量存貨🤣雖然營養成分比其他植物奶冇咁豐富🙈不過唔理了然後佢仲加左紅/白火龍果同芒果🥭當然唔少得一定會加嘅香蕉🍌啦所以個Base變咗粉紅色之餘 仲食到淡淡嘅火龍果味味道唔會過分甜😌因為我相信佢嘅甜味都係好天然來自水果入面天然嘅果糖🙈TOPPINGS有火龍果乾 少少脆咁好好食😋同埋都仲有香蕉🍌紅同白嘅火龍果 以及係奇亞籽同椰子片🥥有一樣野值得讚揚嘅係佢夠凍❄️❄️當係一個甜品咁食有唔會有好大罪惡感🙊所以呢個SMOOTHIE BOWL我覺得都唔錯嘅🙈希望會陸陸續續咁推出更多新口味🥺🥺🥺又或者可以比客人自己Mix And Match都幾好‼️-

見食評不錯，即管去試一試，叫咗個 二人set，可揀沙律/湯/＋$15雞翼， 另外沙跌蛋 每人二款， 主菜揀兩款, 甜品兩個, 飲品兩杯，价錢合理！ 南瓜湯- 味道可以，但比較稀 沙律-唔夠沙律菜,麵包糠唔夠脆，一般 炒蘑菇- 味道可以，但比較多油 炸蕃薯條- 新鮮炸 好好食 慢煮牛仔骨- 比較重牛味， 三成熟，剛剛好，好味 香煎比目魚- 賣相唔錯,有好多火箭菜伴碟,另外個sauce 好特別，魚皮煎得很脆，好味 朱古力pancake- 不錯 雲呢拿窩夫- 窩夫新鮮整就好食，因為比較脆整體味道不錯，環境可以，價錢合理！值得幫襯！

一心想食smoothie bowl...點知原來所有smoothie 都有蕉。。仲要無得走坐低左就費事轉餐廳，所以照食兩個人叫左一個鑊仔一個all day鑊仔系列之前都食過好好食真係有d 鑊氣，已經薯仔粒外脆內軟架加埋d 芝士同蛋，好味，牛仔粒就正常～～推介佢地鑊仔系列依間all day 都係第一次食，煙三文魚偏細塊炒蛋幾滑，唔錯，沙律份量比較少上次食唔成既waffle 今次終於食到外脆內軟，係唔錯，但唔算好特別暫時依間最鐘意都係食鑊仔

今日同老公去了元朗YOHO mall 行街，突然好想食甜野，於是我地揀咗green waffle 試下，未入座前見有好多人推狗狗🐩車系門口位置食野，見到狗狗好可愛，忍不住同狗狗玩左一陣😁等了一陣服務員安排了坐位比我地，坐下後比埋信封✉️我地放口罩，夠細心體貼👏來到當然要食窩夫🧇banana foster waffle 🧇 Waffle 食落都算外脆內軟，配上有焦糖的香蕉🍌同朱古力雪糕，配合剛好，口感豐富唔會太甜漏！fresh fruit pancakes 🥞 生果新鮮美味，pancakes 淋上朱古力醬再配cream 夾來食，吾算特別，口感一般。最後叫了杯Lattle, 滿足了一個下午茶時間✌️

呢間位於yoho地下的西餐廳，環境寬敞舒適，好岩朋友聚會🥣是日餐湯呢碗蕃茄湯同想像中唔同，比一般既蕃茄湯傑身，飲落質感順滑有奶味，應該加了cream，感覺很有新意！🍄炒蘑菇本身以為伴碟係同主菜一齊上，估唔到竟然單獨有一大碗！蘑菇肥美多汁，加左少少牛油令口感更加順滑😻🥑蟹肉牛油果包拼炸魷魚蟹肉牛油果夠曬健康低卡，啱曬減肥中既我。配料比想像中多，每一口都有滿滿既蟹肉，加上牛油果獨特既柔滑感，必食！魷魚熱辣辣炸起，雖然唔會好脆，但感覺呢個炸粉就應該係咁！魷魚鮮甜彈牙，配上莎莎醬好正呢！🧇鮮果窩夫窩夫外脆內軟，質感好好，而且份量都幾大！

聽朋友介紹元朗yoho呢間餐廳又大份又好食，呢日收工就去試下啦。餐廳裝修都幾靚，以綠色植物為主題，想黎打卡都可以！我見套餐$198就有齊4樣野加飲品，咁低冇理由唔叫啦🤣☀️頭盤頭盤選擇有沙律、餐湯、或者可以+$15揀雞翼！我覺得今次選擇真係冇錯🙈雞翼又大又juicy，而且個醬仲好好食！☀️伴碟伴碟我就揀左番薯條，食落雖然冇薯條咁脆，但感覺健康好多！甜甜地既蕃薯點蕃茄醬竟然都唔錯🤣☀️主菜每次食親西餐，都會比菇意粉吸引。今次都不例外，揀左燴野菌長通粉配烤大菇🍄呢個長通粉配的白汁不算太濃味，但正正可以好好地突出菇獨特既鮮味！每條長通粉內都吸滿曬汁，食完真係好滿足呀！🤤☀️甜品甜品方面有窩夫同pancake揀，另外仲有埋雪糕🥰pancake係美式pancake，食落頗鬆軟每一次食美式餐廳都覺得好大份好飽，呢間都唔例外，但咁抵食真係好少見下次帶埋阿媽黎先得

餐廳本身有set dinner，其實都算多嘢食包晒前菜嘢飲等等，主菜有三款可以揀，但我地想食多啲款就散叫。主食叫咗一個白汁risotto同埋Mac and cheese，risotto份量適中，白汁忌廉芝士汁又有啲蘑菇同洋蔥就中和返；Mac and cheese有驚喜，芝士份量好足，每一啖都有拉絲效果，芝士控一定要食。仲有個豬肋骨都好有驚喜，肉基本上唔使切，好腍，攞隻叉扯開就食得，佢有個汁另上，但完全唔使點都好夠味，配菜用上番薯條，味道較甜又健康啲。最後叫咗個鮮果pancake做甜品，有好多唔同款既水果，呢個就好普通，cream加朱古力醬搭埋水果幾好味，有水果口感fresh啲，下次會試下Waffle。

係元朗放工就同同事行下Yoho Mall，7點幾食飯時間見呢間唔使排隊就去呢間食。環境以綠色為主，都坐得幾舒服。有dinner set ，但set得3款main dish 揀，好似太多驚食唔哂，所以今次我地係散叫嘅~食物都好好食，份量好多，食得都好飽。第一碟上嘅菜就直接係好濃郁嘅車打芝士通粉，勁香芝士味，中意芝士嘅大推。個飯都勁足料，啖啖肉，好食好食。豬肋骨嘅肉同骨好易分離，肉嘅質感半肥瘦幾唔錯，配蕃薯條，份量都幾多，值得推介。個甜品嗌左鮮果pancake，賣相同味道都很不錯，有機會下次可以試試個斑蘭pancake,都好似好吸引。

去元朗玩同行街到夜晚緊係要搵食，之前係商場經過見到呢間餐廳環境同menu都幾吸引咁就試下，成個setting好綠色好似大自然既感覺，坐門口位幾正可以同朋友自成一角。我地散叫左幾樣主菜同小食，首先美式咸牛肉三文治幾惹味，麵包烘得微脆似多士，餡料好足，咸牛肉層好厚，搭配酸酸的千島醬，好味道，仲有啲黑醋沙律做伴碟，蔬菜都幾新鮮～煙肉芝士忌廉意大利飯好creamy，醬汁好足夠，所以每啖都有濃郁既芝士味，仲有雜菌同洋蔥等唔同食材所以口感比較豐富，芝士通粉都好好味，拉芝效果好正！

愈來愈覺得出街食飯嘅價錢係食租金好多時食材都好求其或者份量好細哩間餐廳初頭以為只食甜品原來都有晚餐而且每一道菜都滿有心機食材絕對同價錢成正比而且佢哋歡迎少鹽少糖啱晒而家戒緊口嘅我Appetizer叫咗沙律配黑醋🥗份量剛剛好Side dish當然係最愛嘅薯條如果要食晒就實在太飽啦Main course試左大啡菇長通粉有滿滿嘅火箭菜👍仲有好多小菇Set dinner仲有waffle送超吸引有得睇無得食唯有外賣拎比愛人嘆🧇🤤

朋友想食這間餐廳 可惜我book位睇錯左時間 將7點半 book左5點半 被cancel booking 咁只好 walk in睇下有無位 好彩都仲有位唔駛等 不過就坐門口 佢地既dinner set 好抵食 就叫左2人set 有湯or salad, 二個小食 二個main course 二個甜品 同二杯飲品 可以掃code or 叫侍應點菜 我地用左app叫 點了蘑菇湯 一個沙律 蘑菇湯好香蘑菇味 好creamy 而朋友個沙律我無試但都幾大份 之後小菜叫了番薯條同薯粒 番薯條好甜 就咁食都好正唔駛點醬 另外薯粒都好多 幾脆口 如果配啤酒仲正 之後主菜叫了大啡菇長通粉 幾大碟個汁少少酸幾開胃 唔太膩 另外牛油果蟹肉包配炸尤魚都唔錯 幾多蟹肉 最後上甜品 朱古力雪糕窩夫 同pancake 好好味 一熱一冷唔錯 我欣賞這間餐廳無限時 可以慢慢食 如果食得急 就無左享受食物既美味了 服務都好好 由開始到賣單都係女侍應幫助 無覺得我地煩同唔好態度 真係好好 另外朋友選擇得好好 好開心既一餐