Grove Cafe (已結業)

風景幾好 有海睇 價錢又吾貴味道就吾係話特別 但呢餐都幾抵甘岩又撞正日落🌄 有feel 幾relax🥰·🍞法式西多士 連熱飲 $28🍞幾好 意料之外😂·🍝焗肉醬意粉 連熱飲 $35🍝麻麻 吾推薦🙈

只係炒蛋加煎太陽蛋，塊碟都可以油到似裝過炸雞一樣，炒蛋咁簡單都可以咁“鞋”，我到底食左d 咩？間野冇師傅，得d大姐自力更新，btw 我都整得好過佢地...寫單既員工西住面我都算啦，上餐可以斯文少少嗎？唔想做就番屋企啦咁既質素收呢個價好神奇仲生存倒......唔知佢地有幾多回頭客，我只知不可再了。好少寫食評，為左佢地我用左d時間記錄，按食物質素佢早餐菜單上既野基本上做法簡單靠混疊，間野應該有其他分店，我唔排除其他店會好少少，但呢間食物，服務態度都令人失望。

因為在附近工作，每星期都有至少一次在這間午膳。餐牌每星期都會換，水準都算不過不失。價錢和附近的餐廳相比唔算特別貴。上菜程度都算快。餐湯每天都不同，最愛佢雜菌忌廉湯，但要睇運氣。

星期六下午茶都比我搵到間優閒地方，今個下午可以悠悠閒閒吹吹水🗣法蘭西多餐朋友的 $32炸得金黃香口西多鬆軟可口，檸檬茶的茶底較為澀口。花生醬多士配凍檸茶$25是我的花生醬混過有點稀，多士一般。一人一份餐在秋涼的戶外吹水無時限👍悠閑下午茶餐價錢好幾經濟，意粉、沙律、薯條及湯麵任君選擇！

應承要陪阿媽買餸做節，一早已到油塘，就叫阿媽陪我去食個早餐先，隨便去地鐵站附近一間cafe食，方便食完去附近街市買餸，呢間cafe外面係露天茶座模式，而且又可吸煙，所以通常坐喺出面嘅都係啲放狗人仕同煙民，入面就座位唔多，但景色就一流，對住個海，尤其係日落時分，超！不過今次係同阿媽一齊食早餐啫。阿媽叫咗個牛乳炒蛋早餐，炒蛋唔算滑，牛角包外皮唔酥脆，而且火腿通粉啲湯好咸，真係有啲強差人意，食到阿媽扁晒嘴，好在餐飲華田還可以。我就叫咗個雙併麵餐，揀咗煎蛋、炸菜雞絲米粉同熱齋啡，佢哋用嗰啲係炒嗰隻米粉，比較粗啲，口感嘛嘛，唔係咁喜歡，但味道就OK啦。而杯齋啡就值得一讚，真係好味、好濃，！講真嗰句，咁嘅價錢，咁嘅境觀，真係冇要求囉！

本想拍攝日後輕鬆一下。食物: hoegaarden +德式烤豬手配酸椰菜薯容豬手大約等左半個鐘(有計少無計多) 硬既! 癡牙既! 酒都等到熱左! 垃圾中既垃圾，唔識煮咪去買羅，咪浪費大家時間丫

小餐廳有心有力,雖然地方少，員工殷勤招待，員工好有心去工作，並不因為餐廳少而放棄某些原則，各侍應均很年輕，但態度世故，如某些位大風、有B.B. 入坐或有老人家均有迅捷反應如提供協助。令食客會再回頭。食物水準中上。價錢相宜，這價格食到此質素值得一讚👍🏽

黎到油塘大本營有呢間露天荼座，見到個景幾靚，坐底食個下午茶，奶醬多，及熱咖啡，厚多士奶醬多有烘底，可惜咖啡無咖啡應有既香味。今餐食物算一般，但係環境優美，值得一試。

同老婆黎到油塘大本型出面平台嘅 <Grove Cafe>。呢度環境都唔錯，八點鐘都唔係太多人，侍應安排咗我地靠窗位置坐，可以一路食飯一路望到海景。今晚餐湯無其他選擇，只有忌廉湯。未上枱前，侍應話幫我哋落咗汁先上枱，點知一嚟到，兩個汁倒轉咗。之後就問我哋介唔介意照要，因為我唔食黑椒汁，而老婆亦希望食到黑椒汁，所以我哋都要求佢更換過俾我哋。鐵板新西蘭肉眼牛扒 (黑椒汁，薯菜，凍檸茶) $96 - 唔駛五分鐘，牛扒重新上臺，所以應該唔係重新整過，可能係黑椒汁味道比較濃，可以遮蓋燒汁嘅味道。牛扒好大塊，7成熟嘅肉質普通，但食到某啲位，會夾雜住燒汁嘅味道。鐵板美式雜扒 (燒汁，薯菜，凍檸茶) $95而雜扒就等得比較耐，初時喺度諗，可能黑椒汁太多黑椒，比較難處理，所以真係會重新整過。點知黎到切開放入口，都係食咗黑椒味。再望真啲，雜扒上嘅黑椒粒依然清晰可見，令到成份雜扒既有黑椒味又有燒汁味，都唔知食緊乜。黑椒汁可以遮蓋燒汁嘅味道都可以算，因為明白重做會浪費食物，但個雜扒真係接受唔到。

下午茶時間，位置都幾好，係大平台旁邊仲有海景。兩個人，叫左一份炸魚柳薯條、一份蝦多士。蝦多士都唔錯，有千島醬、蝦、蟹柳，再配合厚度剛好又脆口的多士。口感幾好，一到熱辣辣即刻食最好！炸魚柳薯條（$35)就一般，都係普通茶記水準。本身個餐都包野飲，凍飲就再加$2.見到meun上面，都有唔同選擇。而價錢都係$30-45左右，同普遍茶記tea差不多。整體性價比唔高，味道都ok但份量有點小。有個環境搭救都ok

知道呢間西餐廳近排改咗lunch menu，一於黎試下有咩特別見到佢個lunch menu有拉麵、台式肉燥飯、西冷扒⋯⋯真係幾「多風情」。鋪位細細，勝在係商場平台，可以睇到海景，唔落雨坐戶外都唔錯。肉燥飯黎講呢，明明叫台式肉燥雞肉腸飯，估唔到係配兩條香港牌子雞肉腸係上面，真心笑咗😂有小小食緊頹飯既感覺。肉燥有好多，味道唔錯，不過就唔係好台式既味道，似住家豬肉碎淹鼓油既味道送飯都尚算可以。西冷扒飯，味道可以，個黑椒汁都幾好。個扒都幾大，煎得夠香，飯夠多。拉麵就好一般，係普通超市都買到既拉麵餅，仲要未散開晒，一餅野咁。炭燒豬頸肉夠大塊，有4-5塊，夠入味，唔錯。但係湯底麵係一般麻油豬骨湯咁，無咩可評論。雞扒拉麵同豬骨拉麵一樣做法，只係換咗料。

放工後相約朋友係油塘食tea。係大本型巡了一個圈，見呢間係大本型外面既露天地方，對住海，環境幾好，又有tea set,咁決定去呢間。二話不說order左卡幫尼煙肉意粉配熱檸茶，大概50蚊左右。意粉煮得幾好，沒有過熟，有咬囗。醬汁適量，夠撈咁整碟意粉。油塘黎講佢既意粉算係唔錯。(油塘係冇咩食店既意粉係ok，因為食店選擇少)p.s.:可能係閒日關係，坐左好耐都冇人趕走。雖然係室內，但係有充足既陽光射入黎，我鍾意係有日光既位食野。

垃圾服務態度，無下次。我地四個人入到去，無位，有張八人枱（兩張四人枱了放左個留位牌），個收銀叫我地坐低，咁我地坐低（窗口位）睇食咩，之後另一個仕應唔夠兩分鐘叫我調去另一張四人枱，咁我地照調，之後有兩個人入黎，坐左之前張八人枱，仕應叫佢調位，佢地唔肯調，個仕應由佢之後我問個仕應點解要我地調位，佢唔洗調，之後佢態度好差咁話，你可以調返過去，不過要答枱，之後我話個位都比人坐左啦！之後無食到，走人！無下次！

朋友有兩頭住家，其中一頭家係我屋企附近，佢都係間唔中先黎呢到訓下，所以每次佢一黎都會問我係咪附近，食咗飯未，其實就係想約我一齊出去食野~XD今晚佢又好似往常咁whatsapp我問我係邊，佢今晚會係呢邊，睇下會唔會一齊食晚飯。我今晚咁啱要返工，但係見佢咁有誠意(?)去邀請我同佢一齊共進晚餐，咁我唯有請示腦細，睇下可唔可以補鐘早走。結果如願以償，我可以補鐘早D走，就嗱嗱臨趕黎。會合咗之後，我地就要諗下食咩。我地見呢間平時係出面睇落都幾有feel，但又未食過，所以就決定試下呢間。呢間野其實係大本型出面，算係一個露天既area，但係可以揀室內坐。室外坐位有兩邊，其中一邊可以望海。入座後，叫了鐵板美式什扒($89)。有煙肉、牛扒、豬扒、腸、薯條、豆角等，啱哂咩都鍾意食既我！除咗煙肉咸咗少少之外，其他都okay，不過唔咸既都唔係煙肉啦！一個餐有餐湯，又有野飲，呢個價錢算抵！而且，當晚餐廳冇咩人，所以可以坐係到傾好耐計都得！

今日同同事經過油塘,就諗住食埋飯先回公司.大本型其實都算幾多野食一行4人不約而同表示非常極度肚餓需要食一份大大份既飯去填補個肚行行下見到有扒餐又唔係貴就入去食野望左兩秒個餐牌就唔好諗喇叫薄切西冷牛扒跟飯*4....分別在跟個汁同野飲有黑椒汁有蘑菇汁...........飲既就熱奶茶,凍檸茶.....冷熱飲都同價唔需要加錢黎到塊扒都算好大塊大過我塊面加少少菜塊扒唔算好難咬,都無用SODA粉嗱到佢淋到爆既感覺因為嗱得太勁會無晒口感同個味都死埋咁佢都算唔錯既黑椒汁就冇咩特別大路野