Grove Cafe (已結業)

知道呢間西餐廳近排改咗lunch menu，一於黎試下有咩特別見到佢個lunch menu有拉麵、台式肉燥飯、西冷扒⋯⋯真係幾「多風情」。鋪位細細，勝在係商場平台，可以睇到海景，唔落雨坐戶外都唔錯。肉燥飯黎講呢，明明叫台式肉燥雞肉腸飯，估唔到係配兩條香港牌子雞肉腸係上面，真心笑咗😂有小小食緊頹飯既感覺。肉燥有好多，味道唔錯，不過就唔係好台式既味道，似住家豬肉碎淹鼓油既味道送飯都尚算可以。西冷扒飯，味道可以，個黑椒汁都幾好。個扒都幾大，煎得夠香，飯夠多。拉麵就好一般，係普通超市都買到既拉麵餅，仲要未散開晒，一餅野咁。炭燒豬頸肉夠大塊，有4-5塊，夠入味，唔錯。但係湯底麵係一般麻油豬骨湯咁，無咩可評論。雞扒拉麵同豬骨拉麵一樣做法，只係換咗料。