Grubers (已結業)

跟好友們約好睇戲，大家約早了大半個鐘到達戲院，辦好取票事宜，眼見距離開場時間有點尷尬，到餐廳食一個飯又比較趕，飛奔回商場的連鎖快餐店買外賣，又比較遠，發現原來戲院旁的餐廳已經有所變化(其實我真係好耐冇去戲院睇戲喇....)從門口餐牌看來，應該是走快餐+輕食路線 (GRAB & GO)，加上有很多位置，也不用等位於是二話不說便進去 由於我中午比較遲食，所以不打算食full dinner，看到餐牌有個是日精選，是熱狗配飲品夠簡單，又快趣在吧枱點餐後，職員會提供一個 提示器，當食物準備好，提示器會閃燈震動，原意是由客人往 水吧自取食物 (方便在一些common area 設座位的餐廳)，而這裏則是由職員送餐，職員要憑聽覺送餐 (震動聲)焦糖洋葱熱狗 + 凍檸茶顏色確實不太討好，不過是由於 焦糖洋葱的關係，別怪它焦糖洋葱煮至腍身，除了熟洋葱本身的甜味，還有焦糖的甜味，味道實在不俗，熱狗包也不乾身，略鬆軟而飲品方面，凍飲餐廳是提供紙飲管，值得一讚不過凍檸茶是要篤D 檸檬，支 紙飲管唔夠力，篤幾篤 個尾位就"梅"左，希望下次可以俾返支金屬長匙羹來篤檸檬

熊大夜晚要去九展飲🍾，早上又要返返工，得下午茶的時間俾到熊妹。熊妹放假又好得閒，就熊大去九龍灣行下食下野喇。德福MCL隔離開左間摩洛哥🇲🇦漢堡包店《Grubers》都有大半年喇，次次睇戲都經過望過下，今日就同熊大黎試下喇。星期日下午4點半黎到，地方幾大，餐廳🍴無咩人，顯得比較冷清。環境幾闊落，樓底高幾開揚，大大的柔黃吊電燈泡💡，裝修好有西式快餐酒吧味道。餐牌有四款，有散叫，套餐，下午茶餐同睇戲餐🍽。熊妹呢個時間帶熊大黎就係想食埋佢個下午茶餐優惠。熊妹話要黎試，緊係熊妹去買喇。《Grubers》係以快餐店形式經營，食客揀選好食物去counter叫餐俾錢，然後會有呢張單的個感應器🕹俾食客攞返位。枱上面有張貼紙指示張個感應器擺上去，店員就會識得自動送上食物來。話明快餐店就咩都自己黎，醬料任吱，食水任斟，仲有啲調味粉、飲筒任攞。熊妹喜歡mayonnaise,熊大喜歡ketchup🥫，大家都係愛醬之熊。等左十分鐘到，店員送上餐來喇。熊妹點左個漢堡包🍔套餐連飲品$88，加$15包一盒薯條🍟同3件麥樂雞，同一個下午茶餐，熱狗🌭️連飲品，$43。松露漢堡漢堡包🍔本身包兩片芝士🧀，一片蕃茄🍅，一堆生菜🍀，

好像好久沒有食漢堡了突然有想食的念頭！剛巧去到九龍灣上網找一找，就找到這家店的漢堡好像不錯，那就決定試一試它！店的位置是在戲院𥚃的小餐廳，那天是平日的下午所以人流不多，位置也很多可以隨便座，我們座下之後就看看餐牌，因為過了兩點半所以有下午茶餐，而我們就選了一個普通餐，叫了黑松露漢堡🍔套餐包了招牌薯條🍟和凍檸茶🥤，另外也叫了一個下午茶餐熱狗🌭️配凍檸茶🥤我覺得食物很好吃👍🏻尤其薯條🍟另外餐廳環境也挺不錯令人很舒服，而服務員態度也挺好的👍🏻

有日晏晝突然間好想食包，就決定去平時都幾多人嘅 Grubers 試下。點左個classic burger 加蛋，雖然賣相就差少少，因為啲醬「必」晒出黎，但啲蕃茄菜好新鮮喔！同塊肉好夾！醬啲滿溢加埋蔬菜嘅juicy, 好好味！另外，因為怕熱氣嘅關係，所以無叫薯條，轉左沙律，都好fresh! 係一個好滿足嘅午餐

之前一直唔知道原來呢度有間餐廳食漢堡包我地見差唔多個下午茶時間 就去坐低食個tea先！其實鋪頭入面嘅空間都好大架幾適合同朋友傾吓計呀 咁岩個日落雨 唔太多人好舒服呢~落左單之後就會俾部機你 一陣就有人送餐啦~我哋叫咗兩個餐有香脆雞肉漢堡同雞塊薯條本身好鍾意食薯條既我 一見到係粗薯條都好開心呢~個包都唔錯 唔會太乾身仲可以再加其他配料架 但係個包本身有d淋如果有另一隻包款選擇就好啦我都幾鍾意呢度 下次黎睇戲都可以再食出示電影門票既話仲有優惠呀 咁都幾抵呢!

星期日晚上同老公拍拖黎到德福上次經過e個漢堡已經想試，今日就食啦！肉可以自選，配料都可以加錢要唔係就會跟最basic 既配料(即係都係蕃茄，菜，芝士)飲品見都冇咩特別野，所以都揀檸檬茶算（唔洗加錢）我揀左墨西哥辣椒，老公就揀左阿根廷香料墨西哥辣椒唔多辣，配菜都食到係新鮮蔬菜老公個阿根廷香料都好食，食到好香香料味，但老公嫌肉太薄略咸，反易變左麵包係重點整體來說係好食，這個價錢合理最驚喜係個雞塊！係juicy 雞塊！推薦

上次食完對個薯條同松露burger念念不忘 所以又黎encore😂今次黎到竟然有意粉!!所以就嗌左burger同意粉餐各一去到收銀度個人就話8點半後其實無意粉...不過佢好好人咁幫我入去廚房問 好彩仲有一份✌🏻Burger我地今次就試左阿根廷味 再加細薯條+雞粒落完單收銀都提一提我話意粉要等耐少少然後我地就去左其中一張卡位坐啦坐坐下就發現滴水 咁就調去後一張坐啦點知有個食客好心提我地另外個張都滴水侍應妹妹就即刻好有禮貌同我地講唔好意思 話會同公司反映番🤔無耐burger個餐就黎啦 個薯條同雞粒真係好好食!!KXC個巴辣雞粒完全比下去 呢度個粒好juicy🤤🤤個包就覺得松露味好食d 阿根廷就好似咸左少少再等多陣個意粉仲未黎 收銀男仔就同我講話唔好意思 原來因為廚房焗燶左要再整過😳如是者等多10分鐘 我個白汁雞扒意粉就到啦原來扁意粉 開心過普通意粉😂😂😂芝士好香 不過就嫌唔夠汁 同埋塊雞扒有d乾差唔多食完個陣個侍應妹妹拎左杯雪糕過黎話係因為滴水+個意粉遲黎所以請我地食😱哇 太客氣啦嘛🤦🏻‍♀️🤦🏻‍♀️(利申: 唔係因為杯雪糕而打呢篇openrice😂)店長(即係收銀)都行左過黎問我地對於野食

垃圾......食左2個餐，double combo 經典同阿根廷香料漢堡，又鹹，肉又無煎過，成條軟身個D 香草腸咁的質感，香料同經典又差唔多味，包又薄，又無牛油香，叫做得層芝士好少少，但本身太差，一點都救唔返，薯條又係凍架，麥樂雞係暖暖地的，但我寧願食老麥個隻，起碼皮脆，作為burger 愛好者大失望，失望到要寫食評發洩一下

我相信大部份觀塘人和我一樣，有事冇事，想不到去那裏逛，第一個想到的地方便是德福和男朋友在德福逛了整個下午，想在商場吃晚餐才回家。不想頹頹的吃m記，便在openrice 找到了這間漢堡店。這間漢堡店位於德福戲院內，與售票處十分近所以吸引了不少正等待進場和剛看完電影的人過來填飽肚子餐廳以半自助形式，先到counter點餐，店員便給一個感應器我們，可以取餐時便會以震動作提示。點了汽水的要自取喔大概等了15mins，可以取餐了！我點的是松露漢堡，松露味不太濃，像是用松露油調味。漢堡扒比想象中的薄，牛味不足。男友點的是阿根廷香料漢堡，香料味濃，與漢堡扒較合襯。個人認為阿根廷香料比松露的更好但兩者的温度只是微温，是美食的致命傷

今晚又唔算好肚餓，諗咗好耐突然醒起德福戲院內果間Grubers!!咁就即刻去食🙈環境幾舒服，貪佢唔太多人，播既音樂都啱我個age聽😂menu上可以叫combo set或散叫，咁我同我朋友就share，叫一個combo set，一個散叫，冇叫heavy!價錢合理，88蚊已經有一個漢堡包，一杯野飲，同一包薯條，咁當然睇依個menu前我已經assume佢唔係老麥lv..我地叫咗一個墨西哥香料漢堡包，見啲食評話加蛋好，咁我就試下加🍳落去😂，根住仲加一個炸雞漢堡，同炸雞& sexy fries!(去之前唔多肚餓😂但我朋友又想食，咁就照加sexy fries啦!!)首先就嚟咗個墨西哥香料加🍳漢堡包😂一切開啲蛋汁就流出嚟，正！！(話說我係茶餐廳叫餐蛋公仔麵，都會專登叫太陽蛋，之後整爛佢，流蛋汁出嚟！🙊我覺得咁整個湯同麵都好似昇華咗😂)一咬落去，我覺得都塊肉都幾juicy，有啲香草味咁，個味幾特別，不俗！仲要個包本身有哂芝士同菜，唔洗我再加，大家如果嫌未夠，可以再加配料，有磨菇、洋蔥等！之後就嚟個炸雞漢堡，依個個味都唔錯，但塊炸雞就略嫌硬咗些少😂膠叉都整斷咗，笑到我呢😂😂😂😂btw佢出面有得自助拎醬，

As well as burgers, they have soft serve!!It only costs $15 so a great dessert treat before or after watching a movie.The softserve was creamy and not too sweet with a choice of sauces.Also had the beef burger but I found the patty a bit salty compared to the last visit.They said it was a different batch of patties so will investigate.Hopefully, the burgers should be just as good next time because I do like their burgers.While everyone is at SS, Grubers gives me a similar burger satisfaction.

今天我食到一個同「孤獨的美食家」那個一樣的漢堡，麵包整個被菜汁浸透，那不是 juice，那叫做「水汪汪」「濕淋淋」。比他好的是我那個還有少少熱，有藍芝士味道，但看不到藍芝士，已經被熱菜汁溶到一pat pat。食既時候已盡量小心，但衫褲還是滴了湯汁，餐盤上也多了一灘菜汁。薯條很脆，少鹽，味道很好值得讚。凍啡味道一般，加＄15太貴了，覺得不值。我個人對食物味道品質要求高，相對對店舖提供的食品質素要求低，所以從來沒有寫食評，但是這個漢堡令我不得不第一次把自己的感受寫出來。成個餐 $151，冇言😵

第一次喺香港試Gourmet burger,講真其實無乜期望，諗住唔難食就算。去到見到坐滿人，應該Ok啩。點咗個每月精選餐，一舊水有找都Ok啦。Ketchup, Mayonnaise, Mustard 係自助嘅，太好喇可以放任地用薯條沾Mayo食。等咗五至十分鐘左右個餐嚟喇，我中意食薯條所以馬上試。個造型同味道幾好喎！本月Special係blue cheese + egg + fried onion 漢堡，藍芝士味調得啱啱好，唔會落太重味。Overall 好食，不過唔日日去因為食Lunch哩個價錢有啲貴。

今日屋企人上左大陸玩，我地冇飯開 !! 突然間醒起戲院入面有間 BURGER 店 !! 決定試一試 !!! 黎到冇咩人，入座後睇下有咩想食，原來都好多選擇，由漢堡肉開始已經好多野選 !! 漢堡肉有5款俾你選擇，我選左 松露漢堡肉 + 磨菇 配 炸雞塊。隻佬選左 松露漢堡肉 + 脆洋蔥 配 炸薯條 !! 飲野本來我都想飲奶昔，最後佢地話自己既茶係自制，我就選左凍檸茶 ~~ 哈哈 !! 而隻佬就飲士多啤奶昔 !!等左一陣就有野食喇 !! 個包好香脆 ~~ 塊肉值得一讚，除左入面 JUICE 之外，個厚度唔會太厚又唔會太薄 !! 入面仲好香松露味 !! 好正 ~~ 個包仲有蕃茄同芝士生菜 !!另外炸雞塊我覺得佢係好味話老麥架下 ~~ 不過佢冇醬汁配埋 !! 淨食 OR 茄汁都 OK ~~ 薯條應該係原隻炸 !! 吸引度大增 !! 外表炸得好香口 !! 入面既薯蓉好夠 !! 薯條係粗既都真係好正 !!個奶昔應該係用雪糕打 !! 個士多啤味唔算假 !! 都好味 ~~ 下次可以試其他味道 !! 至於我既凍檸茶冇乜特別 ~ 下次都係幼昔算 !! 哈哈 ~~ 

88蚊一set ge burger combo在現時嘅香港，話佢貴，又貴唔到好似BLT burger 百幾二百咁貴；但又無話平到老麥咁三四十蚊個餐，咁88蚊到底算貴定平，就要睇下佢究竟值唔值：服務泥講，order counter 個姐姐唔算殷勤，用語有禮但語氣死板，無目光交流亦無笑容；食物泥講，我叫左 單層松露漢堡排漢堡包 跟細薯條同凍檸茶，落單後等候時間不長，食物一整起就有專人送到，但我就算已經係九秒九即刻打開諗住食個包，包裹起牛皮錫紙（？）入面個包焗到好諗😥而我期待烘烤出來嘅面包、剛剛煎好嘅嘅牛扒，則完全無左佢地應該有嘅crispy；蜜桃色嘅醬汁亦並不出眾，絲毫不令人印象深刻，質地水水的，令人好不論盡；主角松露漢堡排有應有嘅松露香氣，但亦沒有為整體加上很多分數，肉排是薄的那種，所以並沒有豐富肉汁；生菜絲和番茄焗在牛皮錫紙內變得過熟，斷送了身為沙律應有嘅清新爽脆；唯一出色在夾在漢堡包內的兩塊香濃的溶化芝士，芝士質素不低，入口後芝士濃厚得包裹著你整條舌頭，把口感昇華不少。凍檸茶不過不失，就是紙質吸管太厚，吸吮凍飲時咀唇沒辦法感受冰涼，甚是奇怪。扁型薯條感覺新穎，外脆內軟，可以一試。包裹