Grubers (已結業)

之前來過這裡睇戲，見到有間食漢堡包的餐廳，覺得幾有特色，於是今晚約埋黃兔－齊試下。餐廳環境坐得舒適，有梳化位區，又有２人卡位區。但略嫌音樂大聲了點！食物選擇方面，不只有漢堡包，也有all day breakfast, 及焗意粉。而漢堡包約有六款不同味道漢堡可揀，有辣味漢堡，雞肉漢堡，也有素食漢堡等等。另外也有漢堡包套餐選擇，單層漢堡＄88，雙層漢堡＄118。套餐包薯條／沙律及汽水！我地選擇了漢堡包套餐＄88，揀了經典漢堡及松露漢堡。由於松露漢堡無松露味，食落同經典漢堡差不多，所以我將2個漢堡包—齊講。首先賣相方面，我地係堂食，但依然將個即整的漢堡包包實，令到面包扁哂兼皺曬皮，賣相不討好建議堂食不用包實個漢堡包，可令到面包保持鬆軟度。味道方面，2個包都太咸生菜絲新鮮度—般，漢堡厚度略嫌薄了點另外有好多汁同油流到成隻手都有，食得頗為論盡！沙律（細） - 份量比想像中大，配料不馬乎，沙律新鮮粗薯條（細） - 香口但偏咸凍檸檬茶 - 大杯，不太甜有茶味

上星期一吃素肉Burger, 今天就吃回牛肉做的Burger. Grubers是來自摩納哥的漢堡店, 她在亞洲的第一家分店是在德福的MCL內, 而非人山人海的銅鑼灣或是旺角, 我很好奇她的定位呢! Burger種類的選擇之多, 她在香港是數一數二的. 除了牛肉和素肉外, 她更有加上Truffle, 墨西哥辣椒, 甚至是Chimichurri—阿根庭青醬的Burger, 難道是在賭城吃漢堡包的人也是要腌尖一點嗎? 哈哈! 點了Truffle Burger, Truffle味夠濃, 可惜肉質有點乾, 不太Juicy. 麵包口感柔軟, 並非脆口焦燶的那一種, 是我喜歡的類型! 至於粗切的薯條, 外脆內軟, 層次感比Thin Cut的多, 這𥚃叫Sexy Cut, 我倒是不明所以, 加上粟米粉的薯條, 我只有一個結論: 好鹹!

臨睇戲前想食d野，就試依間burger.嗌左墨西哥辣椒漢堡，同埋經典漢堡。兩個都加左set, 有薯條，雞塊同野飲。墨西哥辣椒漢堡食落辣辣地，食落幾惹味！經典漢堡味道都唔差，肉質juicy!!薯條好新鮮，熱辣辣好正下次睇戲再試其他款🥳

天氣最近好熱, 行完德福商場又要醫肚, 最後揀左係戲院隔離的Grubers。餐廳主打漢堡包, 亦有意粉選擇。餐廳佔地都好大, 座位都好多, 環境好舒服。我地帶住BB車唔怕阻住地方。我地選擇卡位就開始睇下有乜食先。我和BUDDY最後選擇了:黑松露漢堡餐 $88 (配細薯角 + 細磨菇湯)每月推介漢堡餐 $78 (配細薯角 + 凍檸檬茶)醬料, 清水自助形式, 職員會勤清潔所以唔會污穢。黑松露漢堡餐黑松露醬好香, 漢堡扒好JUICY, 但外型就無張相咁靚。每月推介漢堡餐呢個真係唔錯, 漢堡扒煎得金香, 芝士溶溶地沾上漢堡扒, 一啖咬入去簡直回味無窮。磨菇湯湯好杰但好入味, 雖然SIZE係細, 但飲落都會好飽肚細薯角份量都係好多, 熱辣辣炸出黎, 真係好正。整體不錯, 下次必定再光顧

戲院隔離就係餐廳show戲飛買仲有9折環境好好 7點去都有位坐仲有卡位添食左黑松露漢堡 好濃松露同芝士味贊！野飲汽水仲可以轉飲蘑菇湯加$10轉左5粒雞粒 好好食下次再食！

朋友想食漢堡，上網搵過呢間寄居係mcl戲院入面既摩納哥漢堡好評什多，今日就黎會一會佢。朋友星期六7點黎到，無乜人。餐牌都好簡潔易明，選好單層/雙層漢堡再選扒既種類，$88已包薯條及飲品。同朋友兩人分別都叫左single($88)，兩個松露漢堡，薯條，雞粒(+$10)，湯及汽水。薯條真係非常推薦！外脆內軟，仲帶有薯皮，好有質感！雞粒都係剛剛炸起，肉好juicy，炸皮都好鬆脆。而蕃茄汁同蛋黃醬就可以係外面自取。到重點漢堡包，因為叫左走蕃茄，佢同時添加左大量生菜🥬，感覺上呢餐會無咁邪惡。漢堡包都幾大個，麵包皮係甜甜地既，有toast過，而個包亦充滿住松露既味道，漢堡扒咬落去都好juicy，整體不錯！但可能芝士太多，食到最黎有d漏。

今日老公要去九龍灣教拳，所以就就番佢喺九龍灣搵嘢食。其實九龍灣都好多餐廳，我哋揀咗一陣，都係返拳館附近嘅餐廳食就算喇。「Gruger」喺正戲院隔離，人不算多亦唔需要等位。menu 👇🏻 有好多款唔同嘅漢堡比人選擇，因為第一次食，所以都係揀返經典漢堡再加上Bacon同煎蛋，而Sides 就要左招牌薯條加chicken nuggets 。另外再叫左個焗意粉set。今餐嘢飲帶咗個可樂同mango juice😋Burger出場，流心蛋正，burger OK。估唔到最好食係個chicken nugget 😋😋意粉set要等好耐先有, 能要焗嘅關係, 食晒個burger set都未到😣 可惜嘅係嚟到，熱辣辣好足料，但味道麻麻，可能我食得比較濃味😓

唉！不得不這樣開頭，幾乎是人生呢幾年食咗最難食嘅意粉🤐而且亦証明咗，一間食店，專門食某種食品，突然多咗樣就好易中大伏！😨 其實呢間係食漢堡包🍔，而我哋都食過一次，亦無再黎，因為唔平亦唔夠好味。早幾個月已發現佢加咗4款意粉，依家係3款。。遲遲我地都無試，而今午要去銀行放票，見近近哋，好！就試下！我哋揀咗兩個set，茄汁肉丸意粉同牛肝菌汁野菌意粉，$78一個，有湯、沙律、氣水 or 凍檸茶，都覺得都ok喎。 我倆都要咗凍檸茶走冰，因為都唔想飲凍嘢😅 呢杯檸茶都算正常⋯⋯等多十多分鐘，食物到了！就咁睇都無咩，但一開始⋯⋯ 湯⋯唔夠熱兼’傑’到傻咗，但味道都正常嘅沙律⋯當然唔好期望好新鮮啦。主角出場⋯⋯oops ! 咁嘅樣嘅？啲汁又多又’傑’，其實都唔係汁，係糊仔咁🙄，都有好多野菌，但係一啲香味都無🙄🙄 有啲菌仲好似有啲怪味添🙄🙄🙄，啲意粉呢，唉！都唔知點形容，一向唔嘥嘢嘅我倆都要放棄，食咗三份二我就食唔到，仲有少少想肚痛肚🤢 至於女友個個肉丸意粉，我都有食肉丸，唔好食，怪怪地，女友見我停咗無食，佢都即停，都係一樣難食😭😭 嘥錢嘥食物！ 朋友們，如果你黎呢度，千其！千其唔好試意粉！！ 唔好意見

點左有漢堡套餐，一個炸洋蔥圈，一個garlic bread，當中漢堡套餐有包括薯條，但送黎時冇，而且一粒聲都冇出，或者叫我地等等就走左，要我返櫃台問至有，仲要問我係未同事唔記比我，你問我，我問李小龍呀？過一陣送左兜凍既薯條黎，換言之，唔問就冇，問就有，不過凍既！係我錯！係我自己行入黎既，對唔住！想用佢既wifi上黎比佢腐皮，唔知佢係未知道，一直連唔上線，佢地真係醒！醒過愛因斯坦！真係要揾盧覓雪求救至得！

今日諗唔到食乜，所以就去試呢間，本身都鐘意食漢堡，於是去試叫咗2個餐，單層同雙層，第一個叫咗墨西哥辣椒漢堡，而另一個叫咗黑松露漢堡，2個都加咗小黃瓜，併沙律同夢條，點解失望呢俾呢個價錢就唔會想食麥當勞㗎signature啦，但事實比麥當勞仲差，第一雙層㗎漢堡係薄過單層，味道個墨西哥漢堡太辣食唔到牛肉味，啲漢堡無汁太乾身，小黃瓜太鹹唔酸，黑松露漢堡太鹹又係太乾身，個面包就太濕，小食方面沙律最緊要係新鮮，但呢點都做唔到(有圖)，可能係夜晚食㗎關係，最驚喜係招牌薯條，炸得好翠好香同個麥樂雞，呢2個小食最好味，飲品方面唔使多講，如果你地要食呢間叫返罐裝可樂啦

今日去了德福有啲嘢做，之後上網睇吓附近有咩好食，見到呢間漢堡包好多人讚，就去試吓。見到個松露漢堡都幾吸引，叫咗個combo，加咗薯條同凍檸茶。佢會比個牌你放喺枱上面嘅sensor，跟住就會自動送餐俾你。個薯條熱辣辣好好味，松露漢堡就有淡淡松露味，都幾吸引。地點寧靜舒服，坐喺度睇下書休息下慢慢食賞心樂事。之前見到話用MCL飛有九折，原來MCL會員都有九折，平左真係覺得好抵，因為我冇去嗰度睇戲呢！🤣

寧靜漢堡包小店同屋企人做節，通常食中菜，但我地竟然係食漢堡包😂😂😂我們點了四個漢堡包餐，選了三個松露漢堡，一個雞漢堡。本來見咁細個以為唔夠食，但食埋薯脆就好飽松露漢堡：好香和好重松露味，但略嫌咸左少少，同埋松露香味奪左牛肉既味道，所以食唔出牛肉味。薯脆：薯條🍟與薯塊的混合版，炸得香脆可口。咖啡：拉花好靚，但唔夠熱。可能因為係戲院入面，無咩人知，所以上一手suszki 都做唔住。希望呢間餐廳多d人去食，始終係一間舒服、寧靜既漢堡店。

今日去德福睇戲，上OP睇下附近有咩食，見到戲院入面有間漢堡，評價都唔錯，咁就食漢堡包啦漢堡有單層同雙層兩個set,跟飲品同個細薯條漢堡扒有7款可選，有幾款唔同味道既牛，仲有雞同素既漢堡另外仲有8款要加錢加錢既配料最後要左松露漢堡，配料加左個脆洋蔥飲品就叫左美式咖啡俾錢個陣，職員問有冇即日既戲飛，原來可以平10%，即刻覺得抵左俾完錢會俾個感應器你放響枱面，有職員會送過黎，一打開個包，賣相就一般啦，食落去有淡淡既松露香味，不過就唔太有牛肉味，個包就同m就既漢堡包差唔多，加配既洋蔥就又香又脆，包入面既菜同蕃茄好新鮮，如果牛味重返少少就好啦試埋個薯條，望落似薯角多D,好夠薯仔味，都炸得好脆，好食食飽就去入場啦，我諗下次再去德福睇戲，都會再黎食，試埋其他唔同味既漢堡

I try their burger whenever I am at Kowloon Bay. This time I tried their Jalapeno Burger this time and ordered a double. They will serve it to your table which was a great touch to the service.The patty is thick and juicy as usual. But most impressive was their spices used. The patty was really spicy from the jalapeno pepper. It was just right without ruining the burger. So far my favorite out of all the flavors I tried(only if you like spicy things)

Lunch time 第一次去呢間 Grubers食, 叫左個每月之選, 一邊食一邊唸, 點解有人話呢間好食, 味太咸, 牛肉質料差, 個麵包淋之之, 食吾到有牛肉味....