H.OURS Bar & Restaurant

營業中

休息中

Pink lady係一杯吸睛又好有少女氣息嘅雞尾酒！基底金酒 混合雞蛋清同紅石榴糖漿調製做出嚟 賣相紅粉菲菲同個名“紅粉佳人”都好襯 味道飲得出芳香嘅金酒味 可能因為加咗蛋清嘅關係 入口質地潤滑滑順炸物拼盤中最最最鍾意個洋蔥圈 完全係同朋友傾計或者睇球賽時候嘅最佳搭檔 洋蔥圈 口感酥脆 洋蔥獨特嘅香味都非常超級之香濃 眾所周知生洋蔥或者未煮到好熟嘅洋蔥都會食到辛辣感 但因為洋蔥經過油炸到透徹所以只剩洋蔥香甜嘅味道 所以就算唔需要額外加好多調味料都已經好好味好獨特。

餐廳嘅happy hour優惠時段都有做啲優惠餐單，只需要160蚊就可以試到兩杯飲品加任何一款小食，真係超級抵！我地叫咗：1. 焗德國咸豬手，係一片一片切成厚厚一片嘅德國豬手肉，連皮連肉食到豬皮表面焗到卜卜脆，然後又有豬皮軟稔軟稔嘅口感，豬手肉綿軟有彈性，食到濃濃嘅黑胡椒調味，屬於偏向重口味嘅類別但又唔會話太鹹太辣蓋過豬手自帶嘅香味！生啤唔單單得一種 重要有幾個款式：有黑啤 白啤 麥啤 清啤！2. 黑啤，黑啤嘅烘焙酒味好突出，入口口感濃郁，層次豐富而且味道強烈，同偏重口味嘅焗德國咸豬手一齊食就超級搭3.Sweet mountain

焗德國咸豬手上檯嘅時候已經去左骨，店員重幫忙切成一片一片，所以超級方便你食用，只要吉起就可以食，方便之餘又可以好有儀態咁食，啱曬淑女💃身為正宗炸物愛好者，基本上每次見到炸物拼盤都一定要叫，來到呢度當然都唔例外啦☺️香脆拼盤有炸洋蔥圈﹑天婦羅炸蝦﹑炸麥香雞﹑炸魚肉燒賣，鍾意佢哋炸物嘅炸衣都唔會好厚，調味適中，個人認為最好味係個炸魚肉燒賣，燒賣皮炸到脆卜卜入面嘅魚肉就重保留到少少軟綿軟熟嘅口感🐟重叫埋一杯啤酒，總括而言炸物配啤酒真係無得頂啊！

𓃟巴馬火腿配芝士拼盤𓃟講起西式嘅前菜相信好多人都會諗起火腿配芝士我地今次都叫咗呢個經典嘅組合佢哋有六塊巴馬火腿𓃟 同埋六粒芝士粒義大利巴馬火腿肉質軟嫩 因為經過醃製所以食到芳香嘅鹹味仲係會齒頰留香嗰種！芝士粒切成一口大小嘅正方形味道鹹香但比巴馬火腿淡小小芝士質地好順滑綿密有小小黏口(￣▽￣)仲夏夜之夢(￣▽￣)雞尾酒顏色呈夢幻嘅藍綠色味道酸酸甜甜都幾容易入口表面重撒咗幾粒棉花糖同彩虹針夢幻又少女心(￣▽￣)~Green hotties(￣▽￣)~呢杯朋友點嘅外貌就比較簡單簡約簡簡單單插左原條辣椒做裝飾

其實一向都好鍾意好享受酒吧嗰種大大聲播音樂好chill好放鬆嘅感覺，但自問唔係一個好飲到酒嘅人，所以都好少喺街度飲，最多都係喺屋企同朋友或者屋企人飲啲bb果汁酒。🤣今日就同朋友嚟咗呢間係旺角花墟隔離嘅酒吧“H.OURS Bar & Restaurant”。我地分別叫咗一個和牛漢堡包餐同埋一碟芫茜汁煙三文魚意粉。和牛漢堡包結構係漢堡包夾著塊番茄、醬汁、和牛漢堡排、生菜。🍔漢堡包好鬆軟，醬汁酸酸地又有啲蘑菇嘅粒粒都幾香口，漢堡排用咗日本和牛超級多汁又有牛香味。仲配咗罐汽水同埋一堆炸薯條。🍝煙三文魚意粉都好特別好好味

不漏都好鍾意食豬手，無論係炸嘅燜嘅或者煮湯我都好鍾意！嚟到見到個焗德國咸豬手當然要試下佢，順便滿足下自己愛豬手嘅心，因為自己喺屋企煮嘅都真係幾廢功夫，心機同埋時間😫焗豬皮雖然睇落好似有少少乾 有啲啲怕會失望，但食落口外層脆卜卜，肉質嫩滑又有好多豐富嘅肉汁簡單落咗大量黑胡椒碎調味已經超級惹味好味 超貼心位係佢哋已經講豬手肉拆離骨，所以可以好方便咁就咁用叉叉嚟食 因為已經切成一塊塊厚片，所以就更加食得出豬手肉嘅滑嫩多汁口感👍

下午茶時段雞翼有三款口味可以選擇，分別係：蝦醬雞翼、韓式雞翼、瑞士雞翼🇨🇭我哋就叫咗個人認為比較特色少見嘅蝦醬雞翼試試佢嘅味道。因為通常都係海邊譬如香港長州或者大澳會主打架嘛，無諗過係九龍區嘅旺角太子酒吧都會有呢款調味😆蝦醬雞翼味道好咸鮮，食到海洋嘅味道。雖然話蝦醬味道濃郁好突出但都唔會話太咸，咸到要不停飲水嗰種。不過同普通嘢事相比的確比較重口味，所以好適合配搭啤酒，因為眾所週知飲啤酒會令味覺變得比較遲鈍，對味道無咁敏感，所以食嘅嘢都會覺得淡味咗，呢個蝦醬雞翼嘅調味就啱啱好啦👍雞翼肉質都好多汁而且嫩滑，份量唔少。

香草焗德國雜腸(原條)都只係一百零八蚊。個餐包括左司華力腸、雞肉腸、豬肉腸x2。四條腸仔樣貌都令粒粒 好誘人嘅感覺！司華力腸係平時食開嘅好好味，外皮脆卜卜腸仔有好多汁好juicy。雞肉腸係口感微彈，咸鮮適度，油膩感都唔算重。豬肉腸一款比較幼長另一款就有啲黑色粒粒；有黑色粒粒嗰款食到濃濃嘅黑胡椒味道，帶辛辣嘅感覺都幾惹味，重口味嘅我最鍾意當然就係呢個黑胡椒豬肉腸！旁邊配左啲長長幼身嘅炸薯條。食到啖啖薯仔香味，簡單用鹽調左味道，簡單滋味。如果想多啲味都可以沾最經典嘅番茄醬。

Kamikaze神風, 睇到個名字覺得好似好犀利好威風咁, 上網睇翻資料發現原來佢係來自美國嘅經典調酒🇺🇸以伏特加做基地, 取其名原因係因為呢款酒嘅味道辛辣, 刺激到感覺好似美國人係第二次世界大戰時對神風隊伍嘅感受一樣驚慌, 所以就改咗個名做神風🌪️以伏特加加柑橘酒調配而成, 味道有酸有甜 好清爽🍋Pink lady粉紅佳人, 呢杯酒嘅顏色味道同名字都好互相呼應, cocktail呈少女心粉紅色以琴酒作基調, 加以現榨檸檬汁蛋白加紅石榴糖漿調配而成,呢杯酒象徵浪漫愛情 所以都好受在場女士歡迎, 見到好多女士都有叫呢杯酒😳

疫情下每日都留係屋企辦公(/扮工🙈🤣)難得有時間出嚟偷閒梗係要約朋友去酒吧飲返一兩杯聯誼下感情😭雖然休息時間唔多但可以有一兩個鐘係酒吧都已經好似放咗個假咁開心！巴馬火腿配芝士拼盤有巴馬火腿同埋芝士粒粒各六件巴馬火腿切成一塊塊薄片重要捲得好靚Green hotties用咗常見嘅食材嚟調配，分別係紅辣椒、青瓜同埋青蘋果本身無諗過呢三樣食材同酒嘅配搭但飲落又幾新奇味道都唔錯啵😉紅辣椒嘅辛辣感；配搭青瓜嘅苦苦澀澀同少少草青味加埋青蘋果酸甜清香嘅味道令雞尾酒味道更豐富多姿多彩有種清熱解毒嘅感覺～

🥩雜扒餐配薯菜雜扒餐當然有齊雞扒 豬扒 牛扒，三款扒類都係肉厚又食到多肉汁juizy嘅，絕對唔係燒到乾爭爭鞋過腳板底嗰啲扒類👍最最鍾意個六成熟嘅煎牛扒配菜方面佢哋有一個西蘭花 炸午餐肉 香腸 雞翼，炸午餐肉屬於厚切 都幾juicy架，配埋少量炸到香脆脆嘅炸薯條係偏幼身有薯仔味嘅🥔🍊Something 混合伏特加 菠蘿汁 橙汁，唔講唔知道原來伏特加被譽為世界6大基酒之首🏆佢顏色係透明嘅 口感相對其他基酒比較清淡爽口，而且飲落唔會有苦澀嘅味道 ，淨係會係喉嚨留低啲灼熱嘅炙燒感覺 非常刺激！

焗德國咸豬手 $128，價錢嚟講真係算好平價，平時嗰啲都賣到二百幾蚊啦，呢度仲要去曬骨一片片肉咁食到！雜扒餐配薯菜 $78，雜扒包括雞扒，牛扒，豬扒配薯條，雞扒，牛扒，豬扒 每款各一塊，每塊嘅厚度都有返咁上下 唔會話太薄好似食咗張紙咁👌其中我最鍾意係個雞扒，🐔雞扒厚度算係最厚 鎖住肉汁無骨啖啖肉，食到濃濃嘅胡椒粉調味，好多時候啲雞都好容易煎到太老太乾 但呢度就恰到好處，雞肉嫩滑又多汁！另外仲有條半炸嘅腸仔 外皮少少脆入面就係正常嘅腸仔，醬汁配咗蒜蓉醬汁，番茄醬，特別在蒜蓉醬汁仲有大量蒜蓉嘅蓉🧄

來到酒吧主角當然係要一人點一杯酒享受下啦😙我點咗杯特別啲嘅雞尾酒 個名都好吸引 叫做 Hotties🔥🔥 材料有青瓜 青蘋果 同埋辣椒 新鮮嘅青瓜味道清爽好清新 伴隨住少少淡淡嘅草澀味 微微苦🥒 配搭青蘋果味道酸酸甜甜 配搭相得益彰🍏最吸睛係佢仲放咗原隻紅辣椒係個杯嘅邊邊位 打卡吸睛效果一流🌶️都會飲到好輕微嘅辛辣感 有少少刺激感🔥重點係佢酒精味道唔算重 都比較容易入口 感覺好適合唔太識飲酒但又想嘗試嘅朋友仔 都可以嚟試一試佢🍹另外嗰杯啤酒睇落就更加架勢🤣 個杯超級高 而且氣泡份量都好足夠 飲到好爽

好多時候啲酒吧都係下午五點甚至夜晚先開始營業無諗過呢間酒吧居然係有午市😆而且選擇都有六款 有飯有意粉今日下午得我自己一個所以就叫咗一份主食加一杯啤酒芫茜汁煙三文魚意粉🍝呢款味道都幾fusion用左大量芫荽所以意粉被染成綠色除咗一坡坡芫荽仲有唔少磨碎咗嘅芫荽🌿味道超級清新清爽意粉煮得啱啱好 有嚼勁唔會煮得太耐過淋 或者煮唔夠導致太硬咬唔開🐟配搭鮮香嘅煙三文魚片 非常唔錯另外哎嘅啤酒250ml好清爽氣泡份量得宜 配搭午餐真係簡直係 大 大 滿 足 啦🍺

～香草焗德國雜腸(原條)～呢款焗德國雜腸拼盤總共有四款唔同味道嘅香腸，最鍾意食係最粗嘅司華力腸🌭因為佢超有份量所以咬落真係啖啖肉！咬開會爆汁超級juicy😋另外都配左啲幼身薯條～蝦醬雞翼～雞翼係連埋雞翼尖嘅位置 所以比平時食開嘅大隻少少🐔見到顏色係偏深啡色就覺得佢好入味，果然都無令我地失望😆蝦醬嘅蝦膏氣味濃烈，有濃濃嘅蝦鮮香味又唔會有腥臭味味，質地有少少黏稠都好惹味🦐最正係個外皮有少少微脆然後雞肉又好嫩滑以呢個價錢食到咁高質素真係超級物有所值❤️❤️