H.OURS Bar & Restaurant

營業中

休息中

今日見到太子酒吧街少見有lunch嘅酒吧，初時同朋友諗住入去坐下飲杯野，心諗酒吧lunch應該都無特別，但見個餐牌又幾平又有最愛嘅蔥油雞扒，咁就試一試，點知一試有驚喜，個蔥油正到不得了，仲有個醬油直頭撈飯一流，食完個飯同個靚女職員講加飯使唔使錢，靚女職員好有禮貌話加飯唔使錢，咁當然即刻加啦，無啦啦就食左2個飯😋😋😋超正。食完個lunch同朋友傾下計，飲完杯果汁諗住叫杯啤酒飲下，間酒吧又有個happy hour set，2杯飲品+1個小食，啱晒我哋2條友嘅組合，每人1杯生啤再叫個蒜香牛柳粒，今次個牛粒直頭由個靚女職員親自煮😍牛粒配生啤一絕，食完仲好似有少少初戀感覺🤣呢間野值得一試

喺酒吧街食午餐都係第一次太子酒吧街真係通常夜晚先會黎， 不過最近都要經常去太子 旺角警署附近 雖然好多餐廳選擇嘅 不過都係一啲好迫好細間嘅小店而且食飯時間都爆曬棚... 見到都唔想入去行過啲一個清靜嘅酒吧街嘅時候 發覺有間酒吧居然係有午市... 40蚊 一個飯呀 真係超值喎... 咁話曬本身係酒吧嗰個裝修都唔會太差加上呢一個價錢 真係值得一試我就揀咗個秘製醬汁豬扒飯豬扒 好鬆軟 一咬就咬得開， 嗰個蔥油呢都夠曬味道 不過就唔係咁健康咁解啫汽水就加三蚊果汁就加五蚊 唔好諗住係鮮榨果汁唔該 食完慢慢hea下幾舒服 不過有一樣嘢要改進嗰個份量真係太少喇 似係午茶嗰啲份量可以加返少少 咁就完美喇仲有 冷氣機滴水呀老闆 哈哈 少少姐

第四次來了，今天下午五時到達，叫了四杯啤酒，一客雞翼，埋單才說雞翼另計的，頭三次來雞翼是連同啤酒一個happy hour set, 員工說因為我在點餐的時候沒有說，所以不會向我提供Happy Hour, 其實他們是有心的。建議不要再來，或者來的時候，事先聲明是Happy hour. 員工仍然堅持他們是對的，他們說我沒有事前通知happy hour ，是我的責任, 不會再來，之前因為他們的雞翼而來的，現在這樣的服務質素，不會再來了。希望老闆出來給一個交代。

平時同朋友去飲酒，多數都會去中環蘇豪蘭桂坊或者旺角洗衣街。 今次轉場去咗旺角警署後面嘅太子酒吧街。同朋友行下睇下見到大部分嘅酒吧都係梳化+枱， 適合飲cocktail 或者食飯多啲， 最尾見到一間酒吧比較光猛同埋都係高抬高櫈， 似比較適合飲啤酒， 最後選擇咗呢間 叫做Hours 既酒吧。夜晚九點前仲係HH， 坐低咗之後， 侍應好純熟咁放低一碟花生，落order先黎一人一杯黑啤Murphy's， 朋友之後仲叫咗另外兩杯生啤， 我哋叫咗一碟小食， 芝士焗薯條。 薯條嚟到之後，見到啲芝士仲係g下g下咁, 證明係啱啱新鮮焗好， 一啖食落去好香口好野味， 以58蚊嘅價錢， 真係唔知喺邊度再搵到雖然係星期五， 但都唔算好滿場， 差唔多九點， 啲枱都係80% full。 酒吧環境都ok， 有三個大電視播mv， 有人食煙， 但係冷氣夠， 都唔會好烏煙瘴氣。

Happy Hour呢度歎個德國咸豬手加兩杯啤酒都係HKD160，雖然分量唔算多，但幾好味，好過成日跟雞翼啦。仲可以兩個人share，唔使跟人頭叫set, 不過我覺得跟人頭計都抵! 如果跟cocktail係每杯加HKD10。但今次意外收獲係菠菜pizza（正價都HKD98）！應該有10寸，芝士多又唔膩，熱辣辣配凍啤酒好鬼正！美咪指數：8/10抵食指數：8/10

晚飯前約朋友黎飲杯野消磨下時間而酒吧剛剛開門裡面都坐左一兩位客人侍應好好心機介紹下happy hour套餐比我都幾抵架即係有野飲有小食咁不過我見我都好快去食飯所以就飲一杯就算見佢有Edelweiss就叫一杯飲下啦飲既時候覺得怪怪地杯酒入而好似有渣咁即係唔係純粹液體飲落去又好似冇野但又好似微酸咁我以為我太耐冇飲記錯佢陣味啫就不以為然好彩到最好都冇事既不過後來再同其他朋友講返佢地話都有機會係變左變左先會有D咁既質感都係知句好彩冇事而佢地提供既花生偏林唔及得其他酒吧咁脆

今日同朋友行行下街，經過太子酒吧街，發現有間酒吧非常舒適，於是就同朋友入去飲野，入到去睇餐牌都唔少野食，仲有特製死神炸雞，聽店員講話係用最辣嘅死神辣椒做，於是就叫左一碟試下，真係辣到不得了，真係要投降，其他小食都係一流水準

今日約左朋友夜晚10點飲野, 黎到太子既H.OURS,但我仲未食DINNER, 超肚餓! 就馬上係酒吧叫左2樣小食~店員會介紹 飲品同食物!最後飲左3支紅酒(2人)紅酒係來自澳洲, 容易入口~一陣就飲左3支講返啲食物質素:蒜香牛柳粒飲紅酒食牛柳粒真係好好味呀!佢既牛柳粒蒜味好适中牛柳肉汁非常鮮味!一啲都唔好韌同埋乾, 份量都唔少呀!巴馬火腿配哈蜜瓜賣相已經吸引～蜜瓜鮮甜~新鮮到不得了!而Parma Ham味道都不錯, 亦唔會太咸, MATCH 埋蜜瓜 當然美味啦!平時黎酒吧..一般都係預啲小食唔好食既, 意在飲酒傾計!但今次黎哩間 竟然有驚喜呀!!!食物出色既! 會再去試其他食物!