H.OURS Bar & Restaurant

營業中

休息中

難得終於可以陪男朋友同一班波友聚下舊啦✌🏻呢間餐廳我哋以前成日都嚟㗎，因為貪佢近近地又扺食。📍位於太子酒吧街嘅House酒吧，裝修風格偏向英倫風設計，好有舊陣時我哋去外國睇波去過嘅一間酒吧😆-蝦醬雞翼-好嘢真係一定要分享俾大家，呢度有一個套餐係生啤任飲加雞翼薯條任食嘅套餐，我哋之前已經試過㗎啦。❤️我認為最好食嘅就係佢哋嗰蝦醬雞翼，可以話係我嘅至愛，好特別之餘仲要好好食㗎！-香草焗德國雜腸（原條）-呢間餐廳嘅焗腸亦都係令我念念不忘的。你唔好睇佢咁細瞓得嗰幾條腸同埋幾條薯條啊，其實好鬼飽㗎！❤️我最鍾意就係因為佢哋用香草焗製而成，所以啲腸仔都充滿又香同埋香草香🌿薯條炸得非常香脆。

✊🏻 ̖́-一齊黎慶祝有返晚市啦喂(≧▽≦)之前一路因為疫情暫停晚市導致一直未能夠到訪呢間餐廳😢我之前已經聽過佢哋個名㗎啦，因為好多波友介紹。我阿哥今日終於帶埋我去朝聖啦( ˆ꒳ˆ )✌🏻♛芝士焗西蘭花🥦♛呢個菜係我阿哥點嘅💁🏻‍♀️都唔知佢係咪玩嘢㗎明明知道我唔鍾意食西蘭花怕佢淡茂茂佢竟然就叫左😾食落去竟然好食到不得了，因為上面有勁多芝士🧀芝士嘅鹹香味配搭埋西蘭花估唔到會搖身一變變得咁好食😍仲有呀‼️呢度嘅生啤有咁多唔同嘅款式，唔單只係得一兩款㗎，仲有黑啤、白啤、麥啤、清啤，鍾意點啤高就點啤🫶🏻😍

一向對於任點任食都有少少情有獨鍾，覺得過程好爽好開心。👅呢間酒吧除咗一般常見嘅酒類、意粉、薄餅、小食，之餘，仲有個餐牌寫著有任飲任食一小時四十分鐘。⏰其中餐點包括雞翼四味：瑞士雞翼、生炸雞翼 、蝦醬雞翼、韓式雞翼 同小食炸薯條飲品包括指定各種味道嘅生啤、紅酒同白酒! 我地先嚟當然係四款味道嘅雞翼每樣嚟兩隻試試先，再選擇追加邊款，避免中伏唔好浪費啊嘛😝點知試完之後發覺每款都各有特色好好味🤪瑞士醬汁甜甜地就好似平時媽媽整嘅鹵水雞翼咁。生炸雞翼炸到外皮超級香脆，皮脆肉嫩咁。蝦醬味道香濃甘醇，濃郁惹味。韓式醬汁甜辣甜辣令我超懷念以前每一兩年就飛一次韓國嘅回憶😢✈️

呢間餐廳超級啱鍾意睇足球嘅fans⚽️我男朋友就係一個足球迷佢話佢啲兄弟之前帶過佢嚟㗎呢度可以任飲啤酒🍻仲要可以一邊睇比賽嘅直播😆🔸意式薄餅izza向來是的唔少人喜歡嘅食物類別，我自己都唔例外啦‼️我覺得無論三歲定八十，都一定會食過pizza，但係我覺得呢間餐廳嘅Pizza厚身薄脆餅底、不同醬汁餡料各有所好。你睇吓佢啲芝士撻多到佈滿成個Pizza😆正呀😋吃慣連鎖店的款式，不妨試試呢間獨立小店的口味。👍🏻讚好之處:餐廳嘅職員態度都非常之好㗎，呢度每一台嘅人差唔多都係為咗睇波而嚟嘅🤣幾時都話睇波一定要多人先睇得開心🥳入波嗰下大家一齊慶祝真係好爽㗎‼️大家快啲一齊嚟感受氣氛🤜🏻🤛🏻

話說疫情關係相信好多香港人都少左好多出街食飯嘅機會同埋慾望 所以好多餐廳 小食店等等都頂唔住休左業甚至結埋業😭就算繼續營業嘅都有唔少會推出推廣優惠套餐餐牌去吸引食客幫襯 拉上補下都好啊嘛 呢間位於旺角太子附近嘅酒吧都唔例外🤗三點幾嘅歡樂時段happyhour😄都有一系列嘅食物款式最吸引係只需要百零蚊就可以食到個小食配埋兩杯飲品（包括酒精飲品）德國鹹豬手切開嘅色澤結構樣貌有啲似傳統上海小食嘅熏蹄🐽味道鹹鹹辣辣🌶️好惹味 肉質紮實得黎又唔會硬 外皮脆脆嫩嫩好好味

芝士拼巴馬火腿拼盤分別有六粒正方形嘅芝士粒粒同埋六篇切到好透薄嘅巴馬火腿。芝士屬於質地厚實口感綿密嘅種類，鹹味唔會話太重令你好口渴。巴馬火腿相對之下鹹香味就更更更突出啦。採用咗風乾醃製方法，鹹味之中又透出細緻嘅甘甜味道，都幾齒頰留香。清啤酒味道清淡負擔唔重，配搭前菜嘅芝士火腿有助解膩。黑啤酒就明顯更重口味啦！首先顏色嚟講上面係淡黃色而呢款已經進階到深啡色甚至係黑色。離遠其實都已經聞到啤酒花嘅味道。入口飲到少少甘甘地。

酒吧通常都係夜晚先開始營業 但呢度就竟然做埋午市，有午市餐單、下午茶餐單、歡樂時段餐單 同埋晚市餐單🌞就算唔同時段嚟到都會揀到啱胃口嘅餐點 自由度非常高👍適逢歡樂時段到訪見到有個餐單寫著飲品兩杯加任何小食一款只需要一百六十蚊，我點左個焗德國脆鹹豬手同一杯名為“粉紅佳人”💓嘅cocktail焗德國脆鹹豬手係無骨連豬皮連肉嘅，每一片都好厚好有肉感 豬皮就煙煙韌韌🐷豬手肉紮實有彈性 食到黑胡椒辣辣地嘅味道同埋鹹香味道，醃製程度調味都啱啱好，可以配埋甜甜地嘅黃芥末醬🍴

雜扒餐配薯菜 $108😱😱雜扒餐竟然都只係一百蚊鬆啲，呢個價錢已經包含咗雞扒 牛扒 豬扒 炸午餐肉 炸雞翼 西蘭花 腸仔配埋薯條😍😍真心好顛啊！咁多款食物裡面最中意個塊雞扒，雞扒煎到完美金黃色 雞皮脆卜卜雞肉又好鬆軟 做到鎖住肉汁 超有水準，煎牛扒就自帶一層肥膏係最外面嗰度 所以就算唔食肥膏都可以好容易切走佢唔會影響口感，腸仔半煎炸到外皮少乾 所以外皮少少脆然後入面就一如既往地多汁啖啖肉！芝士和牛肉漢堡 $78和牛漢堡扒鬆鬆軟入口好綿軟唔會有肉質乾鞋嘅感覺，而且揀選嘅日本宮崎和牛食到牛味濃郁但唔會膻！

香港嘅酒吧聚居地相信都係喺港島區中環蘭桂坊一帶 今日就特登搵到旺角太子呢邊有一間酒吧🍺嚟到酒吧當然要一人叫一杯酒試試 享受一下呢個咁放鬆嘅環境氣氛 我地都各叫咗一杯特色嘅特調雞尾酒🍹一杯叫做Something🤔基底酒用嘅係伏特加 混合兩款果汁：菠蘿汁同埋橙汁 伏特加口感相對其他常見基底酒比較為清淡同爽口 味道唔會苦唔會澀 唯獨係會帶烈焰般嘅刺激感覺齋飲會辣喉嚨 但因為混合咗菠蘿汁同埋橙汁 所以會多咗啲酸酸甜甜嘅味道 更加容易入口

🔥炸午餐肉午餐肉相信大部分香港人都唔會覺得陌生，平時煮麵煮飯煮粥都會加兩三片一齊食。呢度就比較特別將午餐肉油炸，熟悉又陌生少見嘅菜式小食。午餐肉總數有八片排得整整齊齊好別緻嘅感覺。厚薄度偏向厚身，切成一片片。午餐肉炸到表面微微金黃色，做到基本外脆內軟嘅結果。因為經過油炸所以油脂感覺更加突出更加明顯，邪惡又滋味。🌭香草焗德國雜腸(原條)見到餐牌個名特別表明“原條”所以都想睇睇有咩咁特別，然後發現都真系無呃人窩。雜腸有四種，顏色外貌都明顯唔一樣。

芫茜醬汁配煙三文魚意粉三文魚片切成厚厚一片再捲成花嘅形狀🌹三文魚花花用少少鹽輕輕醃製 保留住三文魚本身嘅味道 然後再用傳統方式煙燻 令三文魚片有一陣薄薄嘅煙燻香味 點到即止都唔會太強烈 好欣賞係佢嘅口感肥美豐滿油脂味突出 如果可以有多啲就好啦！！意粉質地爽彈有咬口 芫荽醬汁係將芫荽磨成芫荽蓉所以令到意粉都變成埋綠色 醬汁食到原汁原味芫荽獨特嘅香味 如果想更加重口味可以夾雜埋表面嘅原顆芫荽一齊食另外都叫咗一杯黑啤同埋一杯特色酒“Green hotties”

適逢歡樂時段到訪呢間酒吧餐廳～唔剩係得酒比你飲，仲有埋嗰款主食、小食同埋炸物。叫嘅芫茜汁煙三文魚意大利粉顏色綠油油如果係芫荽控必定會心心眼，但如果接受唔到芫荽嘅朋友一定想掉頭走。。作為芫荽愛好者超級鍾意佢：除咗用研碎嘅芫荽醬汁妥妥包住每一條意大利粉之外，佢重放咗唔少芫荽葉係意大利粉表面，芫荽香味爆發，超清新，唔會好似平時忌廉醬汁煮意大利粉咁飽飽膩膩。叫咗杯清啤酒，味道比較清淡輕盈少負擔，更加凸顯到啤酒花嘅香味。感覺比其他啤酒種類更加適合女仔或者唔太經常飲酒嘅朋友。

🍺黑啤酒黑啤因為經過深度嘅烘烤過程所以會聞得到濃濃焦香嘅味道，飲到咖啡同埋朱古力嘅口感。味道方面因為經過深度嘅烘烤過程所以會提高咗麥芽嘅酸味，同時間飲到微微苦嘅味道。總結就係味道強烈，口感濃郁同埋帶微微苦嘅啤酒，都幾有特色！🇮🇹意大利式披薩屬於厚批，係我鍾意食同埋平時食得比較多嘅質感。批底硬脆硬脆，中心就鬆鬆軟軟有少少似咬麵包嘅口感，不過當然無麵包咁大舊啦。配料加入咗莫札瑞拉芝士，拉開披薩嘅時候中間嘅莫札瑞拉芝士會有微牽絲嘅效果，非常吸睛。

香脆拼盤有四格分開裝著四款唔同嘅炸物賣相簡單得黎幾精緻-炸洋蔥圈-總數四個炸皮薄食到洋蔥本體味道甜甜地-天婦羅炸蝦-炸蝦肥篤篤好可愛蝦身都唔係梅梅爛爛嗰種-炸麥香雞-偏圓形好香脆-炸魚肉燒賣-啖啖魚肉香味聽聞德國人就係名副其實鍾意「大口吃肉，大口喝酒」嘅民族所以我哋當然都要叫最經典嘅：原條香草焗德國雜腸總共包括咗四款香腸-法蘭克福香腸-肉口感細膩又柔軟食到啖啖嘅煙燻味-紐倫堡腸-呢款香腸混合咗帶獨特香氣嘅墨角蘭帶微微淡淡嘅柑橘香甜味-維也納香腸--黑胡椒腸-

首一百分鐘$250一位第一次加鐘$200一位第二次加鐘$100一位第三次加鐘$50一位飲品包括指定生啤及紅酒白酒食物就有蝦醬雞翼 瑞士雞翼 生炸雞翼 韓式雞翼 同埋 炸薯條🍟每款味道嘅雞翼各兩隻試一試味道先蝦醬雞翼 味道鹹鹹香香 蝦醬嘅蝦味濃郁突出但唔會過鹹令你要不斷飲嘢瑞士雞翼 醬汁味道甜甜的生炸雞翼 名副其實嘅皮脆肉嫩又juicy韓式雞翼 醬汁味道甜甜辣辣有少少漿口但又唔會太漿令你食得好狼狽好無儀態要係咁擦嘴嗰種🤣我就叫得比較fusion雞翼配一杯紅酒🍷男朋友就叫咗一杯啤酒🍺屬於比較傳統嘅配搭