Hans & Gretel (已結業)

小女兒見到銅鑼灣這家【Hans & Gretel】非常雀躍，原來 Hans & Gretel 就是耳熟能詳的童話故事「糖果屋」。【Hans & Gretel】是來自希臘的雪糕甜品屋，甜品屋把故事中的「糖果屋」還原，店面用上不少糖果，人偶和樹藤等擺設，帶客人進入夢幻童話世界。 店內有大大隻的男主角Hans和巫婆，店內有小道具供客人打卡，吸引大、小朋友打卡。首間香港分店位於銅鑼灣，樓高兩層，二樓更設有堂食區，可以坐下好好品嚐。作為童話故事「糖果屋」，店內當然不少得各式各樣的糖果。顏色七彩繽紛，小朋友無可抵抗。【Hans & Gretel】除了雪糕 Gelato外，更把經典肉桂煙囪卷帶到香港，煙囪卷起源於匈牙利的街頭小食，不過小編對肉桂味道不大接受。意大利雪糕 Gelato 分為$55 1味道、$95 2味道、$125 3味道，更可自選1款醬汁及2款糖果配料。除了Gelato，仲有雞蛋仔、donut & 煙囪卷。店內亦主打意大利雪糕 Gelato，主打的意大利雪糕食譜均沿用希臘總店食譜，在香港工場製造，提供多款口味。仲有些香港限定味道，烏龍、四川辣味……等。可以自選1款醬汁及2款糖果配料，好

一間大人同小朋友都會好鍾意嘅雪糕店門外及樓上雅座都好適合打卡今日試咗佢哋兩款嘅雞蛋仔配雪糕雞蛋仔出奇地好味，好有蛋味，而且外脆內軟雪糕嘅口味都有好多種，我個仔好鍾意食士多啤梨味，所以印象最深刻就係士多啤梨味😅士多啤梨雪糕有香濃嘅士多啤梨味，酸酸甜甜。小朋友最愛，坐喺樓上一邊睇風景一邊食雪糕，而且冇時間限制，行街行到攰可以嚟坐吓食吓雪糕。店員亦都非常之親切友善。

銅鑼灣鬧市中一間童話式雪糕店✨, 連店員姐姐都係著童話式嘅制服👏🏻，全間店都係小朋友最愛嘅糖果屋🍬除咗超過60款糖果，當然主打意大利雪糕🍦，叫咗杯開心果雞蛋仔雪糕，賣相好靚好夢幻好打卡，非常建議帶愛甜食嘅女友黎打卡👍，二樓有落地玻璃對街坐位，可以上二樓慢慢食，臨近復活節仲會搞活動，有復活節限定禮品，一定好受小朋友歡迎⭐️如果喜歡甜食雪糕可黎試一下🙌🏻阿女去到又食又拎好開心，店員姐姐又親切又會主動招呼，係開心嘅

琴日係灣仔食晏後去左銅鑼灣行街，行到攰攰地見到間食Gelato仲要有得坐，二話不説入左去😂😂😂.Gelato $55 (單球+1款糖槳+2款糖果碎)見到香芋，開心果同乳酪味都有興趣，於是就滿心歡喜去試味，香芋完全食唔到香芋味🤡開心果味就好甜🫠雖然乳酪味都係偏甜，不過叫做係呢幾隻味入面最好食個隻味😂😂😂買完上左樓上坐下休息下，糖果店佈置好夢幻🍬🍭不過雪糕就真係有待改善(´･ω･`).

店舖色彩好繽紛，好有童話世界嘅感覺🎠 同其他店舖形成強烈對比下就被吸引咗入去！店舖內用唔同嘅軟糖做裝飾，真係令人無法抗拒🧡✨榛子朱古力，焦糖燉蛋 ($95)雪糕櫃內擺放着多達20種不同口味嘅意大利雪糕，平時比較少見到咁多口味。款款睇落都好吸引，好想試晒🤤 最後揀咗兩隻味，榛子朱古力🍫同焦糖燉蛋🍮 仲可以揀兩款糖果碎同一糖漿！🍫榛子朱古力呢種配搭本身就冇得輸🤩 雪糕嘅朱古力味濃，仲帶出淡淡嘅榛子味。有種食緊繽紛樂嘅感覺！🍮焦糖燉蛋食落口有種驚艷嘅感覺，令人意外！口感豐富，食到濃濃嘅焦糖味。估唔到焦糖燉蛋都可以成為雪糕嘅味道，覺得好好味😋 🧡兩款糖果碎揀咗曲奇碎碎同棉花糖，因為唔想糖漿影響到雪糕嘅味道，所以冇揀到。🧡最後店員再裝飾個雪糕，變到好靚！😍———————————————————————🌼評分：5個🌕為滿分🫧味道：🌕🌕🌕🌖🫧環境：🌕🌕🌕🌕🫧性價：🌕🌕🌕🌘🫧回頭：🌕🌕🌕🌗⏰限時：NA

去就銅鑼灣都會泊車在世貿，每次泊完車行出地面都會被呢間雪糕店嘅裝修吸引住，今次帶埋仔仔出街，就同仔仔試吓呢間嘅Gelato啦！行入雪糕店，望見色彩繽紛嘅雪糕，顏色非常吸引，淨顏色已經同平時食開嘅雪糕好大分別，價錢都幾貴，我哋點左細杯裝單味雪糕試下，選好雪糕仲可以選一款topping。雪糕味道頗甜，質感好滑，好易溶，份量好細。以呢個價錢同份量嚟講，性價比低。試一次夠了。

Went there today with my kids.This is the 2nd time we went but this time service was horrible. Two ladies were fine but that cocky guy not much. When adding the KitKat and cone on our 3 scoop deal...He didn't even changed his blue gloves therefore I ended up throwing it away instead.( and his gloves looks like it's never been changed as the color looks so faded)Better train that cocky guy to give at least a decent service, instead of being so cocky with the girls his working with. Sorry but ther

早前睇ig 發現左依間有布拉格特產煙囪卷出售既店舖 ， 係香港搵到依隻食物真係稀有架 所以點都要去一試。店舖主打賣雪糕，煙囪卷其實感覺都係其次。 不過價錢黎講覺得偏貴 ， 正如上所述 為左煙囪卷而光顧既我 要半份原味冇雪糕都要$50 全份更加要$80😓 真心個人認為價錢偏貴 。 可能因為幾年前香港曾有一間專賣煙囪卷既店 ， 惟可能因為香港人真係食唔慣 。 介紹番煙囪卷 主要係布拉格既特色小食。 配以肉桂粉更加香，一般入面會包括雪糕，相當飽肚講野依家店 ， 半份價錢$50 如需加朱古力醬要再加$10 。 雖然望落去職員係會加熱番個卷，但食落去都係凍左 同埋比較硬 冇左新鮮嗰種軟熟😓😓 份量都相當細（半份黎講，個人覺得唔值） 。 講番店面， 位於世貿對面， 雖就對面開始有機會 就..。 如堂食也可上樓上坐 而位置真係好細😓😓 上面更設有糖果牆 可供打卡😓

After another meet and greet with Pokemon, I passed by this store and was attracted by its entrance.The decorations upstairs were also cute, fitting the candy filled spooky theme of Hans and Gretel.I decided to try their Half Chimney Cake and Gelato Set.For the Gelato, I chose cotton candy and surprisingly it wasn't too sweet even with the chocolate sprinkles. There was even bubble gum flavors and some other fun flavors to try.For $70, the gelato was pretty large and you get to try their chimney

【魔法世界糖果屋過20款意大利雪糕🪄】呢一間之前經過已經好吸睛👀好似去咗愛麗絲啲童話糖果世界🍬童真爆發👶🏻原來佢係全世界各地都好出名，而今次呢間「甜點屋」入面有好多款糖果、果凍、棒棒糖同特色雞蛋仔🍭仲有勁多款意大利雪糕添🍦無論大人小朋友都一定好中意🥰佢仲要有得坐低食，唔怕疫情下唔知係邊度食🏠.🍴 MANGO SOBERT 芒果雪葩幾重芒果味🥭，少少酸幾JENG😋.🍴 CARAMEL 焦糖我地特登揀一個酸啲一個甜啲😚呢款係幾甜，好重焦糖味🍦第一啖試果陣覺得好甜😂但朋友中意就揀咗呢個味！食食下可能加埋芒果雪葩一齊食好啲🥰又唔會好甜🥳.🍴煙囪蛋糕呢個老闆提過係來自布拉格(?!)嘅小食😆由酥脆外層同鬆軟麵團、肉桂組合而成🍬我地半份已經好多！充滿肉桂味🥰完全唔知應該點食😂最後我哋MIT開再塞GELATO食😝有冇人可以話我知正確食法係點🤩.🔖今次叫咗煙囪蛋糕SET🧁包括煙囪蛋糕➕朱古力糖漿➕雪糕➕少量TOPPING(半份💰:70) 再追加多個雪糕球(💰:35).🔖有過10款雪糕，仲有啲特色雪糕，例如吹波料雪糕、椰子味雪糕等等🥥仲有雞蛋仔、冬甩🍩糖果🍭飲品☕️我哋都試咗勁多味先揀到呢款味😝.👨‍🍳BO

今晚約左家姐一家去將軍澳食飯，點知自己早左，就去行下Donki。之後再行過一條天橋去到另一個商場位，見到間充滿童話風格的糖果屋「Hans & Gretel」。上網一查先知尼間係間國際魔法糖果店，全球仲要有勁多間分店，每間都裝修到又夢幻又富有魔法感，同埋整間店都係滿滿既糖果。以前細個幻想既居然成真！😍 聽職員講將軍澳係香港的第二間分店，第一間係銅鑼灣！店員都打扮到好似童話書的人物咁！店内提供多款美味甜品、糖果任君選擇，彷彿入左魔幻童話世界！店內有個名符其實的糖果屋，而天花板上掛滿好多糖果，另外仲有唔少魔法精靈的公仔俾人打卡。 ⦁🍨肉桂煙囪蛋糕Chinmey cake $75⦁🍩冬甩 Donut with 2 toppings & chocolate syrup $65⦁🍭繽紛色彩糖果、棉花糖 Assorted candies $40/100g 果煙囪蛋糕系硬身，所以店員好貼心咁俾左手套🧤，方便進食！講番果蛋糕先，唔好以為得最上面先有雪糕呀，係成個煙入面都系雪糕，勁滿足！而雪糕都有唔同選擇，我見有好多口味都好少見，我最後揀左「吹波膠味」！冬甩的口感鬆軟，仲可以自選配料，如果小朋友黎既

去銅鑼灣食完飯就去找甜品，看到一間雪糕屋幾吸引，而且感覺有點似童話般就吸引咗我哋去，看到似雪芭的甜品味道不少，又可加其他配料，最後我們叫了一個偏平的雪芭再加配料，記得大約$5X左右，見又可以坐係度食就決定試一試，點知中伏了。首先雪芭勁甜而且味道好假，選擇了糖勁硬，一齊食就更甜，真心唔覺有幾好食，只可講不想浪費而食晒，而上面的位置都比較簡單，打卡位不多，只可講有個位置食甜品不用企，整體係有失望，這價錢有更多選擇。

《Hans & Gretel - 銅鑼灣》作為新界仔其實真係好少出港島區，早幾日因工作既關係去到銅鑼灣，本來襯gap time 打算去行下世貿，點知行到去先發現成棟building 都裝修緊🤔証明我真係好耐無去果邊😂到行番對黎既時候直望見到要間好colourful 既店舖，原來係糖果Gelato店😍天氣炎熱🥵我恨不得可以將自己變成冰呀😩咁就當然去會一會😏睇下有咩味簡啦😝我當日要左繽紛樂味單球$55，佢可以配一款糖果同埋果醬，不過呢個價錢其實唔係太化算，個球唔算大，奶味好濃但無gelato 果種煙韌好滑既感覺🤔唔似Gelato應有嘅質感，呢隻味可能擺咗好耐？食落有少少膠質既狀態咁😂同埋佢個繽紛樂味唔出，好似普通牛奶朱古力味咁無咩特別，鋪頭設有樓上雅座可以比人坐定定食Gelato，但當日我上到樓下比個環境嚇一嚇，因為好多上一手食完既野放左喺枱，張枱又勁多醬汁喺度🥹只好幫佢抹枱執番個位出黎先再坐啦😂整體黎講，有Gimmick既成件事，但雪糕既質素一般，呢個價錢銅鑼灣有大把好選擇，試過就好了😆*btw門口隻公仔真係好詭異😂

完美還原糖果屋造型嘅雪糕店，唔止打卡，佢嘅雞蛋仔都造得唔錯，係即叫即整，所以成間舖都好香餅味。推薦果味同乳酪味雪糕，佢哋做得比較特出，再配埋雞蛋仔，甜甜酸酸，好正另外，職員都好nice，好有耐心。

呢排好hit 既geleto雪糕店，最吸睛之處當然就係童話式既設計同裝修喇！令人恍如置身喺童話世界般，咁夢幻☺Bubble waffle = 雞蛋仔，係即叫即整既，個配方同坊間既雞蛋仔唔同，口感似蛋糕！都幾特別！雪糕我地就揀左開心果同Tiramisu 🍦 可以揀兩種topping , 分別係棉花糖同星星糖⭐️Total 💰$125首先講吓個雞蛋仔，口感軟綿綿的確好似蛋糕，不過甜到漏😢開心果味gelato係成個雪糕最好食既部分！果仁味濃郁，甜度適中！😍Tiramisu 味就唔太出~食食下開始唔係好知自己食要乜😅因為個雞蛋仔真係好甜好甜，我寧願食返出面普普通通既雞蛋仔😢我同朋友食唔夠一半就放棄左lu🙈不過都要讚下，店員非常親切有禮貌！👍🏻可惜衛生環境同味道就。。。不了👋🏻