Happy GLAZE

營業中

休息中

行過朗豪坊，見到Happy Glaze有餡曲奇🍪做特價35% off, 睇中咗斑蘭麻薯曲奇🍪，原價$40，特價$26，買嚟做早餐🥣，咬開，有斑蘭味，中間麻薯煙韌，正👍🏻

巨型牛角酥，有好多款口味，有蘋果肉桂，鹹蛋黃，咖喱肉鬆同香脆草莓...蘋果肉桂外型扁平大塊，超薄又酥脆，入口鬆化，蘋果乾加上肉桂香，層次豐富，可以同朋友開心share

Photos looked nice so came here planning to try some. There was only 1 staff and unfortunately she had extremely bad attitude. There were only 5 flavors of cookies on display versus the supposed 20 flavors they have (they didn’t have the ‘menu’ as I’ve seen in other reviews), so I asked if they had the other flavors. She said there were only 9 flavors today although she only showed me 8 flavors, and when I asked what the last flavor was she snapped at me: I told you it’s only THESE FLAVORS! When

行街見到有間可愛嘅店、有好多可愛甜品選擇：有蛋糕、曲奇（、奶凍同佢哋出名既薄脆牛角酥⋯.本來好想試牛角酥、但係最後兩塊都俾人買咗 所以今次試吓其他嘢先！特濃朱古力 chocolate chips cookie 🍪M&M's cookieOreo cookies全部cookie 造型 cute cute，曲奇好厚身、朱古力味亦好香濃、又唔會太甜太漏、啱晒朱古力控的我!甜品杯美祿朱古力慕絲杯：入口香濃creamy，杯入面分別有朱古力慕絲、朱古力布甸、再加入脆脆美祿可可球、口感豐富。茉莉奶凍：質地柔軟細膩、好滑、有淡淡的茉莉茶味，帶來清新的感覺、好好味呢💕

最近趁着節日去咗 @happyglazehk 買曲奇餅同甜品返屋企。喺「將軍澳PopCorn」開咗pop up store，勁就腳🎶多款美式曲奇、蛋糕同甜品杯，我都有少少選擇困難症。面層鋪上滿滿的杏仁片，雙重口感、一啖咬落去好滿足！！最後買咗節日限定款嘅曲奇餅同「士多啤梨芝士杯」同「Tiramisu杯仔」美式曲奇食落朱古力味濃郁，味道係偏甜少少，啱晒歡度節日享用。而且公仔精靈趣怪，出嚟招呼朋友都特別可人❤️士多啤梨芝士杯入口軟滑開胃，加埋水果味甜甜地，仲有面層嘅士多啤梨乾令到口感更加豐富✨

入到「Happy Glaze」，張晒眼嘅螢光色彩真係好吸引！😍 首先試咗個牛角包，Salted Egg XL Pressed Croissant 搶眼到不得了，厚厚嘅鹹蛋醬撲鼻而來，酥軟得黎有脆皮，啱哂我呢種愛嘅鹹香嘴！Chocolate XL Pressed Croissant 嘅朱古力同楓糖交錯，味道厚實但又唔會太過甜膩，真係朱古力控嘅福音。Caramel Cheese Cup，真心唔錯！焦糖脆餅配合富有層次感嘅芝士餡，攞個spoon挖一啖，啖啖都係驚喜！Milo Chocolate Mousse 同樣得令，美祿珠珠嘅加入好有創意，一層布甸一層mousse嘅設計，食落重口感又唔同功夫。店面內嘅裝潢同色彩好有衝擊力，幾有趣味。啱曬想Chill下，食個下午茶嘅日子。特大牛角酥系列，肯定係Hongkong首創，質感同外型完美結合👏，喺呢度食嘅每一款甜點，都係講求味道同口感嘅和諧，實行係「快樂嘅釉面」，唔只靚仔得嚟仲好味，絕對值得再嚟！🍰🍪

開心果朱古力醬、朱古力布朗尼、朱古力榛子曲奇每次食完佢既曲奇都會都會感到好滿足而且夠飽肚，今次終於都記得要影相啦! 基本上朱古力愛好者一定會好滿意因為佢既朱古力味道好濃郁而且又唔會太甜，特別係而家仲有聖誕限定既開心果朱古力醬，開心果味道好濃厚又唔會太杰身。屋企有氣炸鍋的話基本上180度焗4分鐘就可以還原出爐時既口感，流心既朱古力醬包住成塊曲奇，食落層次感好豐富! 另外兩款都一樣好好食，特別係布朗尼既質感好有咬口而且都係滿滿既朱古力味，真係同食緊甜品冇分別!另外當然就有佢好出名既特大牛角酥，店員特別推介原味同埋士多啤梨味，食落酥脆口感加埋本身甜甜的調味真係幾肉牛角包但又唔會咁滯，整得夠哂脆所以真係可以當零食咁一路睇電視一路食就最岩!

想去雅蘭買甜品🍮點知未開，落咗朗豪坊地底Happy Glaze買甜品🍮，剛知6pm後第二🥈件半價,加埋sales姨姨落咀頭介紹，買咗Tiramisu同芒果🥭布甸返屋企，陳皮兩妹都好鐘意食。Tiramisu味道ok, 芒果🥭布甸🍮自己唧花奶，芒果🥭唔夠甜。

🥐超大巨型牛角酥專門店 — Happy Glaze放假行街經過朗豪坊，見到新開左間甜品店，裏面有好多款式嘅甜點，包括：有美式曲奇🍪蛋糕🍰甜品杯同牛角酥🥐XL Pressed Croissant($58)呢款係佢哋嘅皇牌產品第一次食咁大塊嘅牛角酥！感覺好似俾熨斗燙平一樣！真係大過我塊面！平時都係食開一個個🤣特大薄脆牛角酥總共有六個口味，包括有原味、香脆草莓、朱古力碎碎、鹹蛋黃、肉桂蘋果脆脆同杏仁。今次揀咗杏仁同埋原味，入口係超級酥脆！口感似拿破崙嘅質感，會越食越上癮，想一次過食晒成塊！🍎蘋果脆脆杯($58)甜品杯層次分明，夾左4層的cream cheese 同肉桂蘋果肉，蘋果肉好爽脆，仲食到淡淡玉桂味，感覺上好似食緊蘋果批咁！🍓士多啤梨忌廉杯($58)附上士多啤梨脆脆乾，可以到埋落啲忌廉到一齊食，忌廉打得好幼滑，成杯都好開胃

經過朗豪坊 作為為食我緊係要發掘下有咩新野好食野😋行過比依個大大塊牛角包吸引左 🥐 仲大過我塊面🤭依到仲有甜品杯 美式曲奇都一樣好多款式🍪apple cider jelly勁可愛既造型 唔知真係會以為係啤酒🤭其實佢係蘋果汁啫喱 面頭有啲好豐盈既泡泡食落去係酸酸甜甜既味道幾清爽🍎Black sesame & Vitasoy Pudding黑芝麻味好香濃 配上微甜既維他奶味布甸好夾 質感軟滑 唔甜膩😋Almond XL Pressed croissant & Original XL Pressed croissant近期大熱 大大塊既牛角包 香濃既牛油味 超級香脆加埋杏仁片個款更加香口同有咬口😋極邪惡 食到停唔到口😈另外仲有蛋糕添呀 下次朋友生日買黎試下先🎂佢地啲包裝好精美啲插畫好Cute cute 用黎做散水餅都好適合😋

經過朗豪坊B2層, 發現了這間Happy Glaze, 見佢哋嘅零食又幾特別，就入內逛一下，同行的朋友見到有款特別大嘅牛角酥，即刻就話好想食，我地再買多幾款曲奇一齊吃下囉。牛角酥有幾款口味，我地選擇了mix肉桂、蘋果味，餅薄身咬落有酥脆感，味道甜甜蜜蜜，煲劇食都就啱晒啊。我哋超喜歡食軟曲奇，呢間味道選擇特別多，點左肉桂蘋果脆脆味曲奇，紅棗核桃味曲奇，朱古力🍫味曲奇，同埋菠蘿椰絲味曲奇🍪，款款都鬆脆味濃郁，而且不會過於甜，柔軟的口感令人食完仲想再食多塊。店內尚有其他甜點🍮，如Apple Cider、啫喱杯、蛋糕同Tiramisu🍮，造型特別又可愛。

🍰餐廳：Happy Glaze📍地址：旺角亞皆老街8號朗豪坊B2層18號舖網上見到朗豪坊有間人氣餅店，有個超大牛角酥XL Pressed 🥐 Croissant ，見到實物比我想像中更加大！！賣咗兩個用嚟來送比好耐無見嘅舊同事，包裝同紙袋都好靚，送禮大方得體，收到一定會好開心。今次買左Almond🥐 & Original🥐，店員非常親切，一入到門口就攞產品比我哋試食，試過岩先買，真係會吸引好多，有時淨係睇個樣都唔知咩味道，可以試好開心！另外試咗益力多味及芒果布甸，入口即溶，又唔太甜好正。成間舖頭比人感覺都係愉快氣氛，仲有好多產品款式，我下晝四點去，好多曲奇味道已經賣曬，店員話六點後，有啲貨品仲有折添！

連住旺角mtr，朗豪坊既B2呢層，一直都好多蛋糕甜品鋪。最近新開一間鋪面好colourful，又有個得意公仔樣既甜品鋪。咪睇佢舖頭細細，各樣甜品蛋糕款式都好多！曲奇、布甸、蛋糕、mousse cups...最特別既係佢首創,只有呢度獨有既特大牛角酥！！！特大牛角酥好得意，形狀似熨平左既特大牛角包🤣有好多種味，試左朱古力碎碎特大牛角酥、香甜草莓特大牛角酥同鹹蛋特大牛角酥，每種味道各具特色。不過食落感覺唔會太link up到牛角包，反而感覺其實有d似好薄而脆既千層拿破崙酥餅咁。個人最鐘意士多啤梨味，似係一塊焦糖的拿破崙酥餅，上面有士多啤梨醬同士多啤梨乾，香甜牛油味，又帶士多啤梨嘅酸酸甜甜，好邪惡會令人係咁一口一口接住食。另外仲買左泰式奶茶布甸同荔枝奶凍返去做飯後甜品，泰茶布甸好甜，荔枝奶凍都不錯👍😋

Happy Glaze 嘅甜品真係好正！呢間新開嘅甜品店喺朗豪坊，旺角，真係值得一試！特大朱古力碎碎牛角酥係我嘅最愛！佢超巨型，外層酥脆，入口即溶。朱古力碎碎令牛角酥更加香滑，每一口都好滿足！曲奇買五送一嘅優惠真係抵食！海鹽脆脆焦糖朱古力曲奇、榛子朱古力醬曲奇同菠蘿椰絲曲奇都好好味。海鹽脆脆焦糖朱古力曲奇有獨特嘅咸香味，榛子朱古力醬曲奇濃郁香滑，而菠蘿椰絲曲奇清新爽口。買五送一嘅優惠令我可以多試幾款口味，超級划算！甜品杯六點後第三杯蛘價，真係超抵！士多啤梨忌廉杯同Milo朱古力慕絲都好出色。士多啤梨忌廉杯有新鮮士多啤梨，忌廉香滑，好開胃。Milo朱古力慕絲濃郁香濃，令人回味無窮。總括嚟講，Happy Glaze 嘅甜品真係好好味！特大朱古力碎碎牛角酥酥脆可口，曲奇買五送一嘅優惠讓我可以嚐到多款口味。甜品杯六點後第三杯蛘價，真係超抵！士多啤梨忌廉杯同Milo朱古力慕絲都係絕對推薦嘅甜品。如果你係甜品愛好者，一定要嚟Happy Glaze!

同小朋友行經朗豪坊，佢見到呢間甜品店就話要買啫喱食，呢到甜品好多種類，啫喱，蛋糕，曲奇，牛角酥等。我比呢個牛角酥吸引到，買左兩隻味道，士多啤梨乾同杏仁片，牛角酥薄身，咬落香脆可口，表面有層焦糖，甜甜地好好味，我自己中意士多啤梨乾味道酸酸甜甜，杏仁片就香口。蘋果啫喱口感Q彈，上面有層泡沫，入口綿密。椰子熱情果慕絲慕絲入口幼滑，熱情果味道酸甜，加上椰子香脆可口，口感豐富。下次經過想試埋個曲奇，見到好多口味選擇。