Harbour Grand Café

營業中

休息中

Staycation Package包咗雙人自助晚餐🍽，睇返酒店大堂宣傳牌都要價六百幾蚊一位，試吓佢係咪真係值呢個價先😮！用餐時間由夜晚6點至10點，為咗睇日落8點先食，一入到餐廳見到自助吧由門口延伸到差唔多盡頭，睇落好多嘢食喎！食物就睇下面評價啦，服務方面收碟都幾快，經常都有侍應經過，而且佢哋都樂意幫手影相📸️。另一個周到位係食物檯係有蓋嘅器皿附近，都有毛巾墊住，方便食客放低鍋蓋，夾食物更方便👍🏻。成間餐廳佔地頗大，位於三樓低層望唔到維港景，令一邊可以望到啲泳池景，而且樓底好高唔會有壓迫感。不過天花嗰啲紫色裝飾燈，真係Foodie敵人，因為影啲相全部都有死亡Barbie紫💀，執色都執到暈————————————————👅日韓自助晚餐（平日$628/位）🔸海鮮類：👉🏻波士頓龍蝦喺繁忙時間成日得幾隻，食落無咩味又乾瘦🦞，加拿大蟹腳相對好少少，多肉啲同有啲海水鹹味🦀，青口同蝦都一般，痴殼就知新唔新鮮。每人每次可以拎兩隻生蠔，望住師傅逐隻清洗，都係有少少蠔殼🦪，唔特別出色。凍海鮮拎咗一輪就夠，勝在多選擇👉🏻行到埋壽司檔，見到有帶子、海膽壽司同七吋阿根廷赤蝦刺身，真係雙眼發光🤩，刺身價位較高檔，

過時過節都會和屋企人来呢度吃，因为佢keep住食物質素水平。朋友移民，farewell佢，成班朋友一起在五星級酒店吃自助午餐，每人330元，抵吃。有生蠔，各種刺身，海鲜還有長腳蟹，蝦等。並不是所有五星级酒店lunch buffet有長脚蟹。呢个價，有晚餐款式，更有各款甜品及雪糕，各款汽水任飲，服務環境都好，會再encore.

這裡是我們週年紀念晚餐的選址，可以餐廳環境不佳，桌子和桌子的距離很近，近到能聽到旁坐的對話內容，這種座位安排讓顧客感到隱私程度很低。海鮮有龍蝦、蟹腳、各種刺身等，選擇種類多，份量也多，經常有refill. 只是吃得出海鮮質量不佳。蟹腳太鹹，讓人覺得難以入口。雖說這是和牛主題的晚餐，但是和牛的質量明顯很低，沒有入口即化的口感，連基本的油香味也欠奉。一盤炒和牛粒作為和牛主題的主打菜餚，讓人覺得有點失望。

酒店staycation當中有現金券可扣作dinner buffet，因為有人流限制所以要提早預訂位置，好在我們在book酒店時已經預約了一般buffet回本海鮮如，龍蝦、長腳蟹、生蠔都有，最驚喜有海膽刺身而且有虎蝦壽司。熟食方面有片皮鴨、串燒、鵝肝及鮑魚etc每位會special一碗佛跳牆（好好味，火喉不足亦好足料）及磯燒鮑魚一隻 甜品亦有多種選擇，最開心係見到一櫃Movenpick雪糕，平時超市買一隻味都咁貴，係度食到夠整體食物質素ok refill速度亦算快，價錢亦都算公道，可以再有下次

甲. 食物質素： 劣等。2/10生蠔雖然即開，但超細隻，無蠔味長腳蟹、龍蝦吾新鮮、無味凍蝦正常，但有混雜次貨入內燒牛肉，略嫌乾身，肉汁欠奉洋蔥湯似洋蔥水燉湯竟然係暖湯和牛粒係缺乏營養，硬、咸，經投訴後再另想一碟即炒的，都要退貨鴨肝太咸、味淡刺身沒有油甘魚 ，吞拿魚係淡味、散的。帶子算係最正常，但每次只配給兩粒，其他刺身壽司見到都吾開胃，連舊腐皮都係超細粒，我整得肯定好過佢天婦羅雖則正常，但沒有天婦羅蝦沒有羊架 只有羊脾花膠鴨掌淡而無味 ，試無前例甘差小炒如西蘭花炒大蝦帶子雙蚌欠奉，連原條蒸魚都無炒蟹太細，無肉食粉麵喇沙湯底無味，似飲有辣味及椰汁味既水，配料只有牛丸魚皮餃，檔次還比lunch buffet 差粥算正想，但配料質素欠奉蛋糕得幾款選擇。質素差過美心$3.8/件既蛋糕Move pick 雪糕正常，但已經無意欲添食其他甜點無級數、無質素飲品差劣，橙汁有苦味、檸檬吾新鮮、西柚汁不知所謂，最後連自助餐後餐飲都無乙 環境。尚可。5/101. 枱的高度不符合比例。枱與枱之間太密，有的明顯是僭建2. 有的枱有枱布 大部份沒有。有枱布的長到拖哂地3. 完全談不上是五星酒店4. 周圍食客都係搶

staycation揀咗嚟呢間餐廳度食自助餐，但我覺得種類唔係太多😟😟😟一開波就去咗食海鮮，海鮮種類都算OK嘅，有生蠔、螺、蝦、青口同埋長腳蟹。生蠔我覺得好細隻，唔多肉，仲要好淡☹️☹️☹️長腳蟹我都覺得唔係好新鮮，因為啲肉好痴個殼。。。螺就OK，幾單牙，同埋都大隻。其他嘅食物種類就真係好少，最好食嘅都係得個燉湯、鴨肝同天婦羅。其他都冇乜特別嘢可以食，如果要我俾$628特登黎食嘅話，我就一定唔會喇。

繼續增肥之旅, 最好就是去吃自助餐, 選了港島君綽海逸, 也吃得十分暢懷.  主題是國際美食, 範圍挺廣, 凍海鮮、刺身、熱葷、麵食、中式燉湯、甜品…很齊全.  每位更獲贈花膠燉蛋白, 好滋陰.先來必定要說凍海鮮, 多膏龍蝦、鮮甜蟹腳、青口、凍蝦. 即開生蠔也吸引, 但不敢多吃, 始終小食多滋味. 很可惜…人越大, 即使喜歡吃生凍食物也要有節制. 刺身來說, 這裏的也夠多, 超級喜歡阿根廷紅蝦那黏黏的口感帶甜味, 又有爽滑帶子、八爪魚、墨魚、希靈魚、三文及及吞拿魚.凍盤、芝士拼盤、預拌沙律選擇, 從賣相選了泡菜沙律、青瓜蟹肉沙律、泰式木瓜沙律、紅菜頭、凍豆腐.鵝肝多士添上蘋果醬, 減膩又香甜. 為自己製造更美味西餐, 加添羊柳及雜菜.玫瑰焗雞扒幾特別, 西班牙海鮮飯又足料.要惹味香口, 就不要錯過各款串燒.片皮鴨、蝦滑冬瓜環、矜貴的有花菇花膠、香辣龍蝦鉗、泡菜海鮮批, 每款都忍不住口吃了些.竟然連潮洲打冷也有, 墨魚、金錢肚、紅腸、豬脷.再飽肚些就吃生滾粥, 可自選食材, 例如牛肉、魚、豬肉、蝦、帶子、雞肉; 麵檔湯底有喇沙、豬骨湯及雞湯. 可惜真的太飽了, 要留肚吃甜品.甜品款式也多

以美食減壓，我會去食自助餐，海鮮迷如我，這晚來到港島海逸君綽酒店 Harbour Grand Café 咖啡廳享用自助晚餐，以國際環球美食為主題，食物種類多元化，中、西、日、印度等美食，吃到捧腹而回﹗  必食之選，當然有新鮮即叫即開生蠔、美國波士頓龍蝦、雪腳蟹、扇貝、青口、黃金螺等矜貴海鮮7 寸長阿根廷蝦、日本剌身及壽司。  每位奉送鮮奶蛋白燉花膠  扒肉眼牛排外，另有烤羊腿，還可配上香口油潤的香煎鴨肝呢﹗ 沒太多自助餐廳提供片皮鴨，這裡卻給我遇到，鴨皮酥香鬆化，至少要吃2件呢﹗ 比較特別的，當然還有潮州打冷啦﹗墨魚、紅腸、牛肚等好入味呀﹗ 來碗中式燉湯濕潤一下，特別鮮甜美味。 中式熱盤，有玫瑰雞、蝦滑釀節瓜、冬菇花膠、薑蔥炒蟹等等 日式的串燒、天婦羅、吉列蠔等等 其他的有西班牙海鮮炒飯、蛋餅、印度薄餅、印度咖喱等等 食物相當豐富，飲品也不缺，咖啡奶茶、果汁等，任君選擇；回一回氣，又可以開始食凍肉拼盤及各款芝士、特色預拌沙律真的飽到八成飽，但仍敵不過甜品區的誘惑，12款口味Mövenpick雪糕及特設即製甜品專區 ，糖水、豆腐花、窩夫、葡撻。  蛋糕甜品也好有水準，多到不能盡錄﹗Tir

其實呢間酒店係炮台山地鐵站一出過條馬路就見到，好方便，啲嘢都幾好食，有即開生蠔，今日係美國生蠔，本人就只食一隻，口感麻麻，有法國生蠔就最好；仲有長腳蟹、凍開邊龍蝦等海鮮，刺身有牡丹蝦，肉質鮮甜，海膽等；其他有花膠鵝掌、鵝肝、龍蝦鉗，每人有一隻鮑魚和一盅燉湯。最正都是講到甜品，雪糕有12款，比起其他海逸酒店多好多，其他甜品都好多款式，有tiramisu、拿破崙cake, coffee , tea,果汁任飲，連清水都係自助，總括來說係好正。

來酒店Staycation順道來吃dinner buffet, 先前沒留意原來自助餐廳也有人流限制，所以要提早預訂位置，幸好有朋友預早book了，可以幫忙加位，不然可能得上酒店餐廳吃晚飯了，雖然不差的，可是來酒店就是想瘋狂吃吃吃！由於疫情關係，每次離開座位都需要戴口罩，這有點不方便，不過也沒辦法啦。食物方面，種類挺多的。基本沙律吧、醬料齊備。飲品種類比其他的酒店多，茶、coffee、果汁，果汁有好幾款都有。海鮮有生蠔、龍蝦、蟹腳、蝦、青口等。壽司吧竟然有虎蝦、海膽刺身! 熟食有片皮鴨、串燒、煎鴨（鵝？）肝，其他比較普通就不提了。甜品款式也很多，特別推薦有酒店logo那款cheese cake, 真心好吃。除這些外，每位個別給一隻鮑魚和佛跳牆，真心好喝! 總的來說，這次體驗不錯，只是住得不近，來這邊有點遠，希望還有機會再來

Harbour Grand Cafe 因為買咗港島海悅君綽酒店staycation package 嘅關係，我哋有1300 蚊嘅酒店餐飲voucher！之前聽過佢地嘅Harbour Grand Cafe 嘅dinner buffet 都唔差所以就入咗嚟食。入面嘅食物擺位幾好，一條長food line 令到拎嘢唔會好逼好辛苦！檯與檯之間嘅距離都好夠。嘢食方面，佢地refill 嘅速度非常快，最欣賞嘅係，食物來講真係應有盡有。生蠔，刺身，鵝肝，海膽，龍蝦，長腳蟹，全部都係任食。仲要原本佢話個set每人都送佛跳牆同埋磯煮鮑魚！😋😋😋連好受歡迎嘅生蠔，長腳蟹腳，生蝦刺身同龍蝦都會keep 住補上，值得一讚！個人就最鍾意食佢哋個紅蝦刺身，鮮得嚟啖啖肉整體呢一餐飯真係好好👍🏻👍🏻超級值得食既一個buffet!

因為Staycation ，有1300蚊餐飲券，又好想食buffet，就介紹一下buffet這間酒店出名係咩呢？其實我都未食過😂，fd介紹平靚正而且refill 👍👍👍講真吖，要十全十美，就一定無可能，食開buffet 都知嫁啦好食又未必價錢合理，而食品質素差不多，而且refill 又未必咁好，而這間實測，每樣食物都必定不斷refill，食到你唔食😂這間buffet不是超棒，但亦不是太差，如果上網訂有折，5百幾蚊，差不多啦，食一個日本放題連加一都3百幾，但現在酒店食，而且還有生蠔，龍蝦等。。。。咁既水準，還想點因為打風第二天食，所以無左海膽食，但都無乜所謂想不想知，我當晚吃了什麼嗎？三文魚刺身，超級大隻刺身紅蝦兩者都新鮮，因為無點任何醬汁去食，沒有腥味，這就一定ok因為刺身放得耐會出水，而且腥味會很重還有特別提一下，紅蝦texture係咁，唔好以為佢有沙😂龍蝦，青口， 翡翠螺，蟹腳，龍蝦超多膏，蟹腳剪開都好多肉當晚生蠔就係太平洋，見到開蠔師傅處理得👍👍👍因為你睇住佢即時開，而且用清水和掃，掃得好乾淨，再過水啲個動作不是每間酒店buffet都會做，有時都會食到少少蠔殼所以我都食左有一打😂

9月20日（星期日）晚，4個大人到 Harbour Grand Cafe 食自助晚餐，因為係網上第一次見到有任食海膽就被吸引了，再加上酒店唔係5星級但價錢都唔平，要$728一位（未加一）。上佢地既eShop 買定coupon 有74折都收$610 一位，心信質素應該唔差。主題係海膽，蟹，龍蝦。點知海膽好深色，有苦苦地既味道。所以食到尾聲仲有大量海膽供應，但又無人排隊。刺身蝦都大隻，但隻隻都有條好深色既腸，要自己人手挑完蝦腸先食得安心。其他刺身就無咩味道好普通。蟹腳每隻好幼，食落好重海水味，食完你個口係會好’鞋‘，唔會再食。龍蝦即煮，味道一般，勝在即煮即食。生蠔係即開，但size 仲細過件lemon, 食完兩隻就無再食。熟食無咩特別。最好食竟然係雪糕 Movenpick, 有十幾種味道比你揀。食完buffet 過了一日,星期二的零晨4個人陸陸續續又痾又嘔，全部中晒腸胃炎，足足病了一星期。第二日通知酒店，有一位經理回覆，話問過晒其他同日食客都無人話有事。跟住我打了一封電郵去酒店投訴，當晚有一位高級經理回覆我，話好重視問題，會盡快調查，但因有幾日假期所以需時。經過兩星期，高級經理李先生終於回

皆因我同老公嘅飲食嗜好幾唔同，所以久不久我哋會去食buffet！疫情關係，又限聚，今次是今年我哋食嘅第一次buffet，見有龍蝦，生蠔，海膽及蟹做主題又有74折，好耐無出街食飯都非常期待! 一入場例牌量體温，入口處有提供搓手液及酒精纸巾，場內亦有提供，枱面亦有mask cover 提供! 坐位有隔板，訂坐時安求梳化位，但最後入坐並没有安排到! 當晚係星期日9/20, 目測應該係full house, 人好多，前菜沙律頗多款，更有Prama ham, 及我至愛嘅意大利Insalata Caprese,唔係好common嘅buffet appetizers 都有，但似乎客人更愛海鲜熱葷，無咩人問津! 入席後，侍應會奉上龍蝦，其後7點半之後可到海鲜bar 枱自取, 其他主題食物亦有供應，應該有的都有，绝無欺場，魚生質素係一般壽司店質素，不能用omakase 2xx 一塊嘅Toro 比較! 海膽亦然，加拿大嘅本身質素入口唔及日本嗰隻鲜甜，生蝦係大隻嘅，係亞根亭红蝦texture本身係淋，呢D蝦大隻反而入口唔太好，赤蝦反而會甜D好D! 都係嗰句，唔好用omakase 嘅質素比較! 蠔，即開，試

突變朝夕晚改，失而復得，可進入VIP室睇美景嘆美酒🍷入住時，因房問題，最後酒店Upgrade了大型房間🥳，原先只包一次VIP貴賓室，但現酒店神秘額外送多一次，還送了一支白酒及生日蛋糕，到我們房間享用，非常貼心。