Harbour Grand Café

營業中

休息中

呢排可能疫情關係，除咗好多時都買嘢返去食之外，仲多咗網購，我就買咗唔同嘅代購同埋甜品蛋糕。今次就試咗酒店嘅蛋糕，而且個蛋糕仲攞過獎。今次我買嘅係港島海逸君綽酒店嘅蛋糕，佢入邊嘅Harbour Grand Café出品唔少睇得又食得嘅蛋糕，喺網站訂購仲有外賣自取優惠，蛋糕方面有10幾款，當中仲有我今次想試嘅有2019年度香港國際美食大賽金獎既焙茶柚子朱古力慕斯蛋糕、另外仲有好打卡嘅獨角獸士多啤梨蛋糕，仲有限間限定既榛子朱古力蛋糕，其他嘅仲有低糖草莓蛋糕、D24榴槤忌廉蛋糕、大吉嶺茶配檸檬柚子蛋糕、香橙柑香雲呢拿蛋糕、紅絲絨忌廉芝士蛋糕、白朱古力草莓撻、巴斯克芝士蛋糕、芒果拿破崙蛋糕、百利甜酒咖啡焦糖蛋糕等，如果喺屋企食嘢食到悶或者想慶祝都好適合。今次我係喺OKiBook Shop網上訂購蛋糕，佢係一個搜羅左唔同酒店品牌同埋唔同供應商嘅特色產品網站，可以以較平嘅價錢去買唔同嘅蛋糕、住宿套票等。-1️⃣ 焙茶柚子朱古力慕絲蛋糕 💰278（👅: 8/10）呢一個蛋糕係酒店嘅招牌因為佢係，2019 年度香港國際美食大賽攞咗金獎，上年可以見到佢朱古力嘅裝飾，非常用心，朱古力嘅外層非常光澤，好似鏡咁。一

抗疫價港島國際美食匯-海逸君綽酒店$370就食到海逸君綽酒店 平時熱賣既自助餐（原價$5xx）Hight light ⭐️ 之選： 新鮮即叫即開生蠔、美國波士頓龍蝦、蟹腳、7寸長阿根廷蝦、帶子、青口、翡翠螺、日本剌生及壽司等矜貴海鮮凍盤一直無限量提供！ 非常抵食！其他必食之選還有多款口味 Mövenpick 雪糕及現場即製pancak 格仔餅！ 甜品款式車輪轉， 目不暇給！ 最正系精緻嘅馬卡龍，用巴黎鐵塔甜品盤誠拓，份外顯得貴氣，高格調！而且佢整得非常之精細，可以俾個為食更加多其他嘅甜品！ 務求令大家食得好開心🥳以去一年過兩次呢間酒店食自助餐嘅經驗來講，海鮮刺身甜品類👍🏻👍🏻非常出色，不但回本仲可以有賺！服務殷勤，經常都有侍應來收盤，加上落大嘅水晶燈環境下食得非常之暢心。😮‍💨😨但都有不足之處，就係佢哋嘅中式頗為失望，達唔到酒店級數，大家睇吓相就知道中式嘅點心用明火一路乾蒸，所以幾款點心都係好鞋!🥲Harbour Grand Café (北角)酒店北角油街23號港島海逸君綽酒店3樓

喺上次朋友嚟過嘅推薦之下，叫咗呢度嘅Pizza同埋意粉。其實本身佢係叫我叫一個Pizza同埋佢哋嘅雞飯或者喇沙嘅，因為真係做得非常道地，不過見到餐單上面個名覺得太吸引所以都係堅持叫咗一個四重芝士pizza，闊蛋麵配蟹肉、蝦、意大利青瓜及芝士忌廉汁。首先講嗰個Pizza，雖然價錢唔平成二百幾蚊，但係佢嘅份量真係超級足，超級大一個pizza。講多四重芝士真係會感受到四重唔同味嘅芝士，尤其blue cheese，淡淡都係超濃厚芝士，平均分布在喺每一件嘅Pizza上面。相信鍾意食芝士嘅人一定覺得非常滿足。最恐怖嘅係，食極都唔厭唔會覺得太over。至於個意粉，溫度依然keep到，同樣亦都係芝士味出眾，非常creamy。好香濃有好多芝士忌廉汁，完全唔會覺得乾身而食唔晒啲意粉，淡淡都完全唔想放過！另外都係對得住個價錢嘅，淡淡都會有啲蟹肉青瓜同埋蝦，真係豐富嘅，所以第二日亦都堅持再叫呢一個意粉。但係有啲失望嘅，唔知係咪太多人叫嘅關係，煮得可能有啲趕？第二次食冇咁香芝士味，縱使佢已經比咗芝士碎片我哋自己沈落去去加強佢嘅芝士味。味道真係冇咁出冇咁好食。覺得可以做得更好，水準要變得更加穩定。

疫情期間 去過咁多次staycation都幾鐘意黎harbour grand hk今次特意寫下佢既早餐個人唔太喜歡朝早食太多凍野冷盤無乜留意但見都系大路野 乳酪 芝士 沙律 生果各款麵包 蛋糕 酥點 窩夫 都有供應熱食 除左 點心 仲有其他野可以比你自製番個all day breakfast款式雖然唔太花巧簡單直接 應有盡有員工友善 效率算高 唔會無人收碟而且又無限時 舒舒服服 食完可以響同層做埋gym先check out可惜泳池無開下次有機會都會再過黎放鬆下

本身其實對於自助餐都唔係好有期待 但係呢度嘅自助餐真係令到我非常之驚喜！首先一定要講吓佢嘅海鮮陣容😚佢嘅龍蝦大大隻任拎 一啲都唔孤寒！仲要每隻龍蝦都啖啖肉😍😍第二個人認為必食嘅一定係生蠔！生蠔雖然比較細隻但係好有鮮味😛佢嘅甜品就唔係特別好食 但係個人認為佢嘅芒果拿破崙可以一試刺身嘅話普遍冇乜太大嘅驚喜除咗佢大大隻嘅赤蝦刺身！

-{北角Harbour Grand蛋糕店🍰}今次無意中喺IG見到依間酒店嘅蛋糕!!試咗佢哋得獎嘅焙茶柚子朱古力味蛋糕！🤤焙茶柚子朱古力味蛋糕🤤 ($261)勁多層layers!!!有朱古力鏡面同mousse 朱古力蛋糕 焙茶mousse 柚子醬 柚子肉同朱古力裝飾😆味道係朱古力行先 之後先到焙茶柚子 依個配搭之前係bagel都見過 但做蛋糕又係更上一層！因為個蛋糕唔會膩😋🥰保持清新嘅感覺😌👖褲評: 8/10蛋糕又平又好味！平過好多IGshop又要高質絕對encore😍😙性價比: 10/10服務: 8/10環境: Nil🚩 Harbour Grand Café🚩地址: 北角油街23號港島海逸君綽酒店3樓

說實在，如果吾係有 coupon，都吾會食自助餐，食物質數一般，仲浪費左食好野 quota，真係好無為。冷盤，有生蠔，蝦，青口，長腳蟹overall 不過不失，吾難食，但又未至於係勁好食。刺生食左吾多，款都吾多，不過不失熱食都叫多既，飯，即滾粥，粉面，咖喱，pizza，天婦羅 (即炸都超淋。。。)味道都係不過不失甜品雪糕每球都係迷你size，甜品無咩驚喜總括而言，要我比錢，我吾會去。免費，係比可以接受高分小小。另外，我想講，疫情下，全場 full ，仲要坐得勁密，呢個我就吾係好接受到。

餐廳環境優雅，全是落地玻璃，一面是望着維多利亞港，雖然海景被東區走廊的隔音屏障遮蓋了，但是樓底高，顯得非常明亮開陽，侍應安排了望維多利亞港的窗口位，自成一角的用餐環境讓人很舒適，而且枱與枱之間的距離比其他餐廳還要寬闊，餐桌上的防疫屏風擋板是白色的，不像其他餐廳是透明的，好處是讓食客進食時不會你眼望我眼太尷尬，保障安全之餘，也給了客人一定的私隱度，用餐環境10分。侍應也非常勤快，會主動問客人有什麼需要，用完的餐碟也很快收拾乾淨。餐廳食物質素很高，一排一排的長腳蟹無限量提供，是鮮橙色的，味道非常鮮美，還有龍蝦鉗、生蠔提供。牛扒生熟剛剛好，還有日式天婦羅、印度咖喱等提供。刺身有四、五款選擇，吞拿魚及三文魚很肥美，給的份量也很大方，日式甜蛋捲非常出色，和在日本吃到的相似。中午自助餐還有多款甜品，及多達七款的Mövenpick， 侍應可以每個味道一小球讓你一次過試晒七隻味，非常吸引。茶、啡、果汁自助，cappuccino 不錯。雖然午餐價錢三百幾一位有點貴，但是環境好、服務好、食物質素高，是個愉快的用餐體驗。

一入黎，就覺得個場好大，野食種類好豐富，d座位都好寬堂行左一輪，見佢d刺身真係好肥美好好食咁D大蝦同大子大隻到呢😂😂勁好味另下佢熟食都幾多選擇，又有片皮鴨，鵝肝多士呢d高質野，都真係幾好另外海鮮方面，生蠔，蟹腳就少不免，so far係個蟹腳爭d, 好少肉，好多水，d殼太脆，蟹肉味道好淡，呢樣比較失望🤔🤔最後甜品方面，都好多選擇，好多cake, 又有疏乎厘，pancake 揀，雪糕就movenpick 大體上都好滿意，咩都有d, 比唔同口味既人揀

因爲慶祝屋企人生日，book 了晚上自助餐。位置好容易搵，環境唔錯，舒服乾淨，有中高價位酒店感，食物質素可以，不過種類唔算好豐富，基本自助餐會出現的都會搵到，但認真比較細一個圈就行完所有食物。海鮮冷盤正正常常，都添得好快。最後因爲預約時有講有人生日，所以餐廳就送一件小蛋糕，真係小，唔需要太高期待不過都有心思會問你想寫咩朱古力字，打個卡紀念下都ok 

今日一家大細黎君綽酒店食lunch buffet，長腳蟹竟然令我好失望，完全沒有驚喜、冇味道、難食，食完完全唔想再encore。之後生蠔瘦到皮包骨。食物質素完全唔得三百幾蚊完全超級唔抵。真係非常之差評不會再幫襯第二次，請我食都唔想浪費時間出席

本人趁著生曰打算同老公慶祝生日食buffet ，但卻十分之失望，首先是時間非常趕食得急（因為分時段，只有一個鐘零45分鐘）另外食物選擇小，食物品質差，生蠔细得似蠔鼓，長脚蟹冇味，唯一熟蝦比較好，片皮鸭份量小只得一塊，熟食種類少，每人仲要$6xx冇嘢好食！😒重要是員工冇乜禮貌，好唔客氣，感覺似趕客，向客人背後講壞話，完全不像一間五星酒店服務，從未試過去酒店buffet感覺那般差勁，超級失望，絕無下次😡

呢日嚟到staycation，包左dinner buffet，結果比想像中出色。食物選擇多，pancake、窩夫、麵包布丁、蛋糕，另海鮮同刺身出色。海鮮任食龍蝦、藍青口、蜆、螺、蝦、長腳蟹、生蠔。刺身三文魚、呑拿魚、八爪魚、希靈魚、帶子，竟然仲有大蝦。仲有任食鵝肝多士。首先講講d海鮮，質素值得推介。龍蝦肉飽滿，蝦肉彈牙，唔會霉，而且有鮮味。普遍自助餐食嘅龍蝦都係好淡冇味，又或者一味浸咸水味。青口冇沙，鮮味。螺亦十分推介，已事先去掉面頭塊野同尾部嘅腸，換言之成舊螺一叉出嚟就食得，非常方便。而且去除得乾淨，唔會食到有泥沙，亦唔會食到仲有內臟嘅味，螺肉亦鮮甜彈牙。任食生蠔，安排妥當無須大排長龍，師傅處理得快手，而且一比就3隻。以自助餐來講算唔錯，之前食自助餐嘅生蠔好多都腥到食完半隻就食唔落。呢度嘅都算鮮甜，不是太腥，但肉就比較瘦削，細隻。刺身亦十分推介，每款都切得幾厚，亦好鮮味。最推介帶子，睇住師傅成粒拎出嚟切都唔切，勁厚嘅帶子就咁比人，仲一比就兩三粒，所以帶子口感好，而且鮮甜。而且竟然有牡丹蝦食，都幾大隻，算幾鮮甜，唔腥。即切牛扒就比較乾鵝肝多士，任食人蔘雞湯勁大塊pancake，但竟然冇

先講人人都排隊攞嘅海鮮：1）龍蝦 ： 無味，未完全退晒冰，細隻、細隻、細隻 （食過咁多間最細隻）就連4百幾自助餐都大隻果佢…..完全失望 ，佢收6百幾…2）長腳蟹： 肉質霉、無咩鮮味….想點…..3）螺 ：又係無味4）蝦 🦐： 最正常的一款海鮮5）蠔 🦪： 蠔係即開，有啲肥，有啲瘦（睇你好唔好彩） ，味道正常無腥味，還可以6）刺身： 八爪魚 - 一片有一半係霉，食左2片都係咁…又賴嘢 ，已經唔想試其它😒7）炸蝦🍤： 層粉係雙倍係隻蝦到，食落去食到兩層粉先食到蝦肉基本上好似食粉咁…又賴嘢8） 花膠鴨腳： 嘩….呢個仲得人驚🤢，無味，咸味都無，好似食膠….想點….收我地6百幾7百9）串燒雞腎雞軟骨： 乾 、雪藏味勁到不得了，食左一粒已不了10）飲品： 我飲左杯橙汁，哈哈….好凍…我估佢溝埋冰所以淡到咩咁食完全餐，其實得鵝肝同木糠布甸係正常之外，其它完全可以講係難食，真係唔明點解可以話好食。我覺得收到6百幾7百起碼要對得住個價錢先，如果呢餐係3百幾，我收貨。但收差唔多7百完全中㐲。以上希望商戶見到評語後可以改善，我都係因為見到咁多好評先來，但黎食完後又覺得中㐲，先有感而發。唔知係唔係個別例子

午市自助餐12點開始，主要分開甜品，沙律凍肉芝士，海鮮，中式燒味點心，現切烤牛肉火腿+少量西式主菜，日式鐵板燒肉類蔬菜類，比薩，現炸天婦羅，中式熟食，東南亞咖哩，日式刺身壽司，飲品。我係有優惠卷，所以唔洗$100一個人~*海鮮龍蝦鉗，實肉，但最低個鉗位有啲乾，唔知點解第一輪最好食。長腳蟹，重海水味，水啲但鮮甜，抵食。大蝦，普通。青口，細隻冇味。現開生蠔，可惜冇相，甜，新鮮，但細粒冇肉，又要排隊，嘥氣。刺身壽司刺身新鮮，三文魚滑嫩，呑拿魚瘦，一般，鯛魚有咬口，八爪魚就冇乜味，仲有啲壽司，日式麵，螺肉中華沙律。沙律凍肉芝士沙律來來去去都係嗰幾種，菜類，粟米青瓜蕃茄仔，有幾類醬料沙律，普通冇咩特別。凍肉有火腿salami巴馬火腿等等，質素一般正常。芝士有個簡單嘅盤，兩種硬芝士一種軟芝士，都係正常普通。比薩，現炸天婦羅天婦羅係蔬菜類，番薯，薯仔，南瓜，現炸夠熱，但麵衣厚身，並且偏淡。比薩賣相得，但自助餐嘅話唔抵食。現切烤牛肉火腿+少量西式主菜烤牛肉有牛肉味，中間半熟唔會太韌，有少少筋，唔錯，有黑椒汁同牛肉汁可以自己揀。火腿我就冇試喇。見到有芝士菠菜雲吞食，食完覺得好膩，雲吞皮都好腍，一般。仲有