Harlan's Cake Shop (已結業)

行得耐總想搵個地方可以休息下, 見到呢度既蛋糕賣相相當吸引就同友人一齊休息一下。GREEN APPLE + JASMINE 🍏🍰花係用糖粉造成, 蛋糕外表做得非常精美!蛋糕食落唔太突顯青蘋果味道, 面入既果凍以茉莉味造成, 食落口感有D似JELLY 茉莉味好香, 整個感覺味道好清新!👍🏻樹頭蛋糕 🍫🍰聖誕節當然要食返個樹頭蛋糕, 賣相真係好靚!口感偏硬而且朱古力蛋糕質感都比較實, 幸好做得唔會好甜, 食落感覺都算唔錯!

外出工作經過The one, Harlan's 又推出新款蛋糕， 立即買個回公司跟同事開心Share。蛋糕四四方方, 有12cm ($230) /15cm($330) 供選擇。白雪雪，上面有黃色圓點 點綴，餡料以熱帶水果為主: 椰子、菠蘿及芒果，夠晒夏日。中間看到一層層夾心，第一層是椰子之後是菠蘿，最後到芒果+菠蘿jelly。另外兩邊加了椰絲，望見都想食。生果味道天然，唔會太假似藥水。 椰子、菠蘿mossue 及 芒果mix菠蘿jelly已佔蛋糕3/4, 最低層的蛋糕只佔1/3, 適合不愛吃海綿蛋糕的朋友。芒果mix菠蘿，味道有點像熱情果，咬到菠蘿果肉，果味最濃。餡料比例唔錯，唔會只食到某一種生果味道。椰子、菠蘿、芒果三種味都食到亦都好夾。

假期看電影前歎個afternoon tea~點了Harlan 2人tea set $80，每件蛋糕都大約$40-45，算是送多杯飲品，而紅茶的確不錯。個朱古力心心 La Folie 表面好光滑好靚，內裡是好濃郁既朱古力，不太甜，仲有橙味啫哩，配搭相當不錯。不過栗子就麻麻地，唔係軟滑個隻😓

自上星期行經The One L4食過一件黑白芝麻豆腐蛋糕，覺得幾味道同好清新，食落唔係太甜。禽日剛係L6睇完戲突然又想食個cake，今次試咗件綠茶法國朱古力（Le Matcha），綠茶配上朱古力中間仲有紅荳蓉，簡直三重享受。綠茶味食唔到澀味（可能被朱古力蓋過），但估唔到裡面仲有少少紅豆蓉，甜味啱啱好，三個口味都係我至愛，再配上一冰紅茶，簡直透心凉！

在 THE ONE 睇完戲，經過 Harlan's Cake Shop。之前試過樓上 Harlan's 的 Brunch，水準很高，但這裡的蛋糕就未試過，剛好見到 BAR 枱有個位，就即刻點件CAKE 試試。我很怕吃太甜的甜品，所以問問店長有什麼好推介，最後點左黑白芝麻豆腐蛋糕。果然冇介紹錯，甜度剛剛好！豆腐的清香加上內裡那層芝麻醬 （掛住食，冇影到蛋糕入面XD）及芝麻脆餅底，好夾，好好食，感覺好清新＝）下次一定要再試下其他蛋糕先！

今天送東西去了尖咀 回程想說先吃個蛋糕開心一下經過這間看到蛋糕餐不貴就點了！$43 一件蛋糕包一杯茶/咖啡蛋糕夠鬆軟中間包著梨醬～味道清神不會太甜～最欣賞咖啡附的牛奶有加熱這個價錢有這種服務真是不錯

睇完《貓侍 - 萌主現身》，我們都被萌貓玉之丞和搞笑劍客斑目久太郎逗得哈哈大笑。離場後，決定把歡樂延續 - 吃甜品去!剛才在商場蹓躂時，在四樓Harlan's Cake Shop，早已被廚櫃裏造型精美的蛋糕吸引了。餅店除了出售蛋糕，還有六款曲奇，且設有試食。曲奇分別有杏仁曲奇、燕麥提子曲奇、夏威夷提子曲奇、伯爵茶曲奇、宇治抹茶曲奇和朱古力曲奇，小妹試吃了前四款。杏仁曲奇不夠香脆；燕麥提子曲奇和夏威夷提子曲奇質感硬脆，多了提子乾的甜味；伯爵茶曲奇夾了了茶葉碎，入口最為鬆脆香口，茶香盈腔。八十大元的下午茶，包兩件蛋糕和兩杯飲品，挺經濟實惠的，決定要一份，三人同享。芒果熱情果脆脆蛋糕$40面層飾以少許開心果碎粒和長且幼的朱古力條，蛋糕吃起來鬆軟，芒果味未算突出，中間有一薄層酸香的熱情果醬，底層的餅底混入了椰絲，感覺不太匹配。法國Imbert栗子蛋糕$43（+$3）用法國頂級栗子安貝Imbert製作，栗子蓉滑溜香甜，入口即融，且伴有一粒具咬口的糖漬栗子，中間白色層的蛋白忌廉混入栗子碎粒，整體栗子味天然且不太甜膩，予人輕盈飄逸之感。薄荷茶，味道淡淡的，帶薄荷的幽香。水蜜桃檸檬紅茶（$2）入口味道

這個4月，吃了不少蛋糕。當中有我一向喜歡的蛋糕，亦有初次吃到的新口味蛋糕，其中包括由朋友介紹的Harlan's Cake Shop出品。餅店就在尖沙嘴The One商場4樓，位置方便。除了外賣蛋糕外，餅店亦設有少量座位可以堂食，煎飲杯咖啡或茶，可順道當作shopping中場歇歇腳。這裡的蛋糕款式不少，而這次我們看上的3款都是剛新推出的春夏日口味蛋糕。黑白芝麻豆腐蛋糕 ($42/件)，質感相當輕盈滑溜，甜度適中。芝麻香突出，配上淡淡的豆腐香和富芝麻香的脆脆餅底，很有日式風味呢！朋友吃的這件焦糖燉蛋榛子朱古力蛋糕 ($43/件)，聽說香甜得來不會太膩，蛋糕質感濕潤。另外這個加勒比風情蛋糕 ($230/12cm；$42/件)，足夠大家5－6位朋友分享。蛋糕質感軟滑，鳳梨，椰子與芒果的味道相當夾，酸微微的清新果香，味道與賣相同樣讓人感覺非常夏日，就像在飲Pina Colada雞尾酒呢～

好朋友生日，生日蛋糕是必須的！！！記得幾年前，喺The One嘅呢間餅店食過，味道唔差，而且餅店有放少量枱櫈，可以坐低慢慢食！ 我地揀左呢個<<焦糖燉蛋榛子朱古力蛋糕>>，蛋糕面灑左少許金箔，賣相吸引。四種不同味道的配搭，食落層次感十足。濃郁的榛子配上焦糖燉蛋陣陣的蛋香，再加上由朱古力脆脆壓成的餅底，好好味呀！食多幾啖感覺有少少似食緊繽紛樂咁。呢個蛋糕有半磅，不消片刻就比我地兩個為食女人食哂！！！其實可以切四件，四個人分會比較好的。另外仲送左兩杯紅茶比我地消下濟。

有時候打發時間會選擇逛逛街，偶然也寧願找個地方坐坐，跟朋友閒聊一下。來到小咖啡店，點了熱Mocha 員工服務態度都很好 賣相不錯，有抹茶曲奇點綴。嚐一口咖啡，泡沫帶少許幼滑，咖啡很甜，有機會是我習慣喝少甜飲料的關係，甜到未能感覺到很香濃的朱古力或咖啡的味道，可能下次光顧要選擇少甜。對伴碟的曲奇有小驚喜，抹茶曲奇非常鬆脆，而且有香濃的抹茶味道，帶少許甘香，令咖啡感覺不會太膩，曲奇夾雜一些香脆堅果類食品，令口感更豐富

座落於The One裡面嘅一間法式甜品店, 甜品各式各樣, 花款非常多, 賣相亦都非常地吸引!結果揀左呢一款啡色嘅甜點, 仲有半邊馬卡龍鋪面做裝飾!賣相係吸引嘅, 味道上… …甜..太甜..真係太甜…甜到唔識再去形容…食到一半已經好漏…真係唔太識去欣賞呢啲法式甜品, 感覺食左好多糖落肚, 嚴重超標, 完。

之前成日經過呢間cake shop見到d cake 好令, 但一直未有機會試. 今次好姊妹就買左2件harlan cake shop既花花蛋糕比Vi試下, 第一款係朱古力橘子果凍慕絲蛋糕, 賣相已經好令, 上面仲有一朵小花, 好精緻, 入面係一層層chocolate mousse, 中間仲有一層橘子果凍, chocolate mousse好rich, 而且唔太甜, 幾好食, 入面既橘子果凍酸酸地, 可以中和chocolate mousse既膩, 不過果凍質感有點膠同實, 影響左口感~第2款cake叫做2 girls, 粉紅色真係好吸引, 入面係青蘋果味既mousse同茉莉花果凍, 味道較淡, 同埋食唔出係青蘋果味同茉莉花味, 而且果凍質感同樣麻麻, 只有賣相夠令, 都係朱古力橘子果凍慕絲蛋糕比較好食~

與好友聚會後仲有講唔完既話題，使搵個地方坐低繼續傾，便好自然醒起位於The One既蛋糕店，上次無緣試到Sexy Lady，今次終有機會一試，賣相靚蛋糕，當然要相機食先，成個蛋糕內外都充滿濃濃朱古力，唔甜，都好適合鐘意食黑古力既人，而紅色裙邊係糖餅黎，唔好食，如果改為食得既野相信會更完美補充說話，每枱枱面都寫明每人最低消費為一杯飲品或一件蛋糕

中午想同朋友搵個舒服，寧靜又唔會俾人趕走既環境飲杯咖啡，食個蛋糕，於是去左The One逛逛，睇下有冇個好地方，於是去到Harlan's，佢既蛋糕真係超可愛，所以俾佢地既蛋糕吸引左。雖然店有最底消費，每人最少一杯飲品或蛋糕，由於中午之後，店有一個special deal，就係$43有一個蛋糕同一杯咖啡，所以非常超值！再加上，如果想改其他飲品，只要加差價就可以了！首先這個充滿藝術的Sexy Lady，是dark chocolate所造的，非常厚實的黑朱古力，但不會太甜～這個栗子蛋糕雖然無其他咁出名，但很軟，而且勝在好似食緊真既栗子，味道也不會太甜。我和朋友都最愛這個～這個士多啤梨黑醋蛋糕，看起來有點單調，但其實非常有內涵，士多啤梨味配少少的醋酸味，非常開胃。至於這個聖誕系列的樹頭蛋糕，貌相非常可愛，上面用糖做成的聖誕葉和小菇，非常精緻。可惜，味道相比其他遜色，沒有味道，口感也一般。Harlan's用的是Lavazza咖啡，但Latte、Cappincino和Smoothie都沒有咖啡味道，所以有點兒失望，連拍照也沒有。但總體而言，是值得一試的！

向來也甚為欣賞Harlan's所出品的蛋糕，猶記得那時候跟團團圓相聚，吃着Harlan's的蛋糕，是多麼的寫意呢～這一年團團圓K的慶生，我們在夏宮吃着的也是Harlan's的，這次是一款聖誕蛋糕喔～Strawberry Balsamico Mousse Cake($340,15cm; $238,12cm): 蛋糕光是賣相已是美美的，亮麗的紅色，以巧克力做成了聖誕節作裝飾，實在是應節不過。 切開蛋糕後，便見內面是層層分明的，帶酸的慕絲蛋糕是跟平常吃到的巧克力很不一樣，認真吃下去還有果肉呢～Harlan's Cake Shop (尖沙咀)地址 : 尖沙咀彌敦道100號The ONE 4樓L411號舖電話 : 2911 4788網址 : http://www.openrice.com/hongkong/restaurant/尖沙咀-harlans-cake-shop/107202