影片
港鐵尖沙咀/尖東站 N2 出口, 步行約3分鐘
繼續閱讀
電話號碼
92204403
開飯介紹
位於尖沙咀的居酒屋，用多幅現代畫作配襯日式木系餐桌以增添現代感。主打多款日式串燒，部分更選用日本食材，如日本雞心、熊本豬腩肉都十分香口。
繼續閱讀
營業時間
今日營業
11:30 - 23:30
星期一至六
11:30 - 23:30
星期日
全日休息
以上資料只供參考, 請與餐廳確認詳情
有關獎賞計劃
《Hea Ha Hea Ha 居酒屋 - 尖沙咀》發覺近來去多左居酒屋聚餐，個重點除左係食飯之外，仲貪居酒屋可以飲番杯吹下水，食下串燒小食，好多時飲多過食😜今次我就去左位於尖沙咀既一間幾有氣氛既居酒屋食串串，當晚閒日都好滿場，原來餐廳入面仲有包廂的🤪隱約聽日房內既客人好hyper，氣氛好似好好咁，睇黎呢度平日都好多人會book 場gathering 的，都幾有私隱度😎💁🏻♀️Sappro生啤 $52黎居酒屋又點可以唔飲啤酒，$52喺尖沙咀黎講唔算貴，大大杯好夠凍💁🏻♀️唐揚炸白鱔 $68燒鱔就食得多，原來炸鱔既口感都好唔錯的😎用左做炸雞既方式製作，可以點蛋黃醬或者椒鹽食都好惹味😋係好適合送酒既小食💁🏻♀️串燒雞皮 $32又係送酒一流嘅串燒，聽講食材係來自日本的，呢度製作嘅燒雞皮唔會燒得過乾，中間仲保留住少少油香，外面面脆卜卜好似薯片咁，好香口😝💁🏻♀️燒翠肉瓜 $24平時我唔太食翠玉瓜的，但係用嚟燒迫晒啲肉汁出嚟又幾好食，翠玉瓜味道鮮甜，食完咁多香口嘢，啱晒用嚟清清味蕾💁🏻♀️燒日本豬腸 $48原本想叫牛腸的，但係當日賣晒，所以我哋就試吓日本嘅豬腸，同樣都係肥美有油香，用咗甜甜地嘅醬汁燒香，外層脆脆地，中間保留咗少少軟淋淋既口感，食落唔會有豬肉嘅腥味，下次有機會都想試埋個牛腸💁🏻♀️豚肉車厘茄卷 $40鍾意又鹹又甜味道嘅我，真係好鍾意呢個豚肉車厘子，出邊嘅豚肉有啲似用咗醃製嘅五花肉，再包住香甜嘅車厘茄，燒過嘅車厘茄會隱約帶有焦糖嘅甜味，同豬肉嘅味道好合拍，點少少鹽已經可以吊起個味道👍🏻💁🏻♀️燒牛小排 $68燒牛小排嘅份量好似比較少，食落有筋膜位置，亦都食到油脂嘅香，用咗甜甜地嘅醬油燒香，邊邊燶咗嘅位置幾香口，食落無筋好嫩滑👍🏻💁🏻♀️美國牛肋骨肉 $58對比起牛小排，呢一款牛肋骨肉就相對重肉味少少，食落有口感同質感💁🏻♀️熊本豬腩肉串 $58呢一個豬腩肉串一定要同人share，佢就好似梅菜扣肉嗰啲嘅豬腩肉，不過用咗燒嘅方式製作，本身已經醃煮咗，之後再燒香，肥肉嘅位置好香肥油嘅味道，不過一個人食晒真係會好漏，呢個時候飲酒就最啱不過啦💁🏻♀️燒連殼廣島蠔 $58呢度嘅燒廣島蠔嘅價錢相對比較高少，不過睇落都幾大隻同埋幾肥美，連殼燒嘅好處就係佢可以保存住肉汁唔會燒乾晒，我哋兩個人分嚟食都覺得好Creamy好足夠，可能因為佢比較大隻啦
繼續閱讀
呢個國慶週令香港熱鬧左好多‼️夜晚比平時多左好多人，book餐廳食飯都要預早啲～～呢間居酒屋係朋友推介的，加上餐廳名勁易記點知嚟到嘅時候，竟然無咩人食完之後，覺得真係值得有更多人嚟幫襯‼️串燒燒得好好，最鍾意係「大蔥雞肉串」燒得好夠香之餘，雞肉非常juicy，而且舊雞肉係大舊的日本大蔥好爽甜「牛脷心」集軟、爽、彈於一身嘅牛舌心係最好味❤️每次見到有牛舌心我都會必叫～～燒到外層有焦香，真係好加分「Hea 吓招牌沙律」睇呢個菜式名睇唔出有啲乜，一心抱着試吓，見到實物後都唔算好吸引，有蕃茄、沙律菜、吞拿魚、炸蓮藕片！但食落係非常開胃，好好食炸蓮藕片更加係一個亮點，脆卜卜，配埋新鮮沙律菜嘅清新爽脆「雞頸肉」識食串燒一定要食雞頸肉，肥瘦交織融合，肉質非常有彈性，有嚼勁又帶嫩滑口感「鹽燒油甘魚鮫」每次去居酒屋都一定會食，用鹽燒更能帶出魚油香，並滲入魚肉度，真係難以抗拒‼️生薑豚肉飯P.S. 好鍾意呢度嘅Q版圖片，豪邁中帶有童真
繼續閱讀
今天和朋友慶祝一下搵到新工，揀咗一間位於尖沙咀的居酒屋。店內氣氛充滿日式感覺，以木系為主調，感覺溫馨，坐得舒服。前菜三小碟，有泡菜，蘿蔔粒和牛蒡絲，調味剛剛好，醒胃有益。飲品在餐牌都有好多選擇，叫咗兩款白桃櫻花梳打熱蜂蜜青檸柑桔茶唐揚魷魚鬚新鮮炸起熱辣辣，魷魚鬚係厚切碎上，新鮮，彈牙，一啲都唔韌，有口感，非常推介。北海道蟹肉湯飯賣相吸引，超多蟹肉，有兩舊蟹柳伴碟，湯飯加咗蛋花賣相靚。大蔥雞肉串大蔥配雞肉好夾，減去肥膩感，燒得好香。鹽燒大白鱔燒得外脆內軟，白鱔厚身，啖啖肉。燒封門柳肉味比較濃，肉質結實。燒牛小排脂肪比較多，食落鬆化，有油脂香。秋葵燒得剛剛好，加咗鹽調味唔會太寡，有益健康。日本准山第一次食燒淮山，感覺不錯，爽爽脆脆，口感特別。燒茄子比想像中大份，加咗超多木魚調味，全部精華滲在茄子內。日本BB蕃薯仔甜甜地，燒得外皮香脆，入邊軟綿綿，好味。總括嚟講，食物質素高，坐得舒服，價錢公道,下次會再幫襯。
繼續閱讀
🔅免治雞肉串雞肉及雞軟骨的比例恰到好處再點上滋味的月見汁 食指大動🔅燒封門柳其實是牛的橫膈膜肌肉肉質鬆軟 唔易變韌而且牛肉味極為濃郁脂肪含量極少🔅美國牛肋骨肉肉質緊實而富有彈性濃郁的牛肉風味和口感🔅鹽燒大白鱔火候掌控得很好皮脆肉嫩的鰻魚簡單調味已經很滋味🔅鹽燒油甘魚鮫魚肉嫩滑細緻入口甘香營養價值仲非常高🔅日本味噌牛什煮一上枱香氣噴鼻牛什極入味🔅燒厚油揚即是厚豆腐加了香蔥粒和沙律醬惹味可口
繼續閱讀
放工同朋友去左一間樓上日式居酒屋，裝修以木系為主，牆壁掛住日文字句，充滿濃濃既日本風情。串燒封門柳串：口感細嫩，肉味濃郁，油脂較少。牛肋條肉：濃郁牛肉鮮味，肉質鮮嫩多汁，帶有豐富既油脂。豚肉蘆筍卷：豬肉包住脆嫩既蘆筍，豬油脂香濃郁，蘆筍中和油膩感。鹽燒大白鱔：白鱔外皮香脆，調味恰到好處，口感爽口。免治雞肉串：烤得外焦肉嫩，肉質細膩，醬汁加左蛋黃，居酒屋必點。厚燒糲美油揚外層酥脆，帶有濃郁既豆香味，有驚喜既一道菜。日本味噌牛什煮牛雜口感軟嫩入味，味噌湯底濃郁香醇，每一口都充滿豐富既味道。燒油甘魚鮫魚肉油脂豐富，烤得外焦內嫩，口感細膩，魚肚部分特別嫩滑，帶有豐富既油香味。北海道蟹肉湯飯蟹肉湯飯用料十足，米飯吸收了蟹肉和湯汁既精華。
繼續閱讀
您可能會有興趣的...