Hello Kitty Secret Garden (已結業)

琴日同女朋友一齊去，本身我就唔係好鐘意食野既人，但我地望左歺牌之後，發覺有炸雞之類既食品，由於琴日係我同女朋友既紀念日，所以我選擇咗一啲我地啱食既野，例如一個開心拼盤，一個薄pizza 同埋一杯ice lemon tea

放假去試吓...地方細小...只有2位店員。唔好抱住太大期望..我自己都去個其他卡通店舖，比較之下D Kitty擺設唔算多⋯⋯吸引力都降低。份量好少，比較適合小朋友食...味道😟一搬搬。我一心諗住去影吓相但都係只影咗四、五張😅埋單後，佢哋送咗張postcard 俾我😊

是日放假，與朋友食完lunch, 想坐低飲杯嘢。唔知係咪平日嘅關係，我哋竟然包場。這裡每人最低消費$60，我哋原本打算只係飲杯嘢，咁唯有叫D嘢食啦，最後叫咗件cake，剛剛好。可能因為冇人，冇幾耐飲品及蛋糕都來了，我的Green tea latte好飲，朋友話杯mocha都OK，但件栗子Mont blanc 味道就麻麻喇，得個甜字。2個人坐咗45分鐘，幾舒服呀！

食親卡通嘜頭嘢食，好似餅、糖、馬卡龍等，全部都中伏。所以都預期唔好食咖啦。無期望，所以都無乜失望。水果冰茶 - 凍飲$78，熱飲$68。大熱天時，梗係飲凍飲啦！唔係差，不過一般啦！炸魚薯條 - 炸魚幾好，食到魚嘅質感，唔係剩係粉。薯條就一般，同平時食嘅硬係差少少。卡哇伊披薩 - 芝士、菠蘿、煙肉配料，芝士係Kitty剪影，係有heart嘅，見到都開心，味道就ok啦！送4張唔同款唔同色嘅名信片，免費嘅，好靚！來到Hello Kitty cafe，梗係要打卡同相機先食啦！周圍係Kitty，作為Kitty迷嘅我係開心嘅，仲同Kitty大毛公仔一齊坐，仲好橋一齊著紫色碎花裙。入面好細，得四五張枱，室名有兩張4人枱。有隻大Kitty，人咁高，牆都有Kitty，影相位。可以來朝聖一次嘅！但真係唔好對食物飲品有期望。

表妹係加拿大回港探親，佢最鍾意cartoon 就係「Hello Kitty」，我們幾個表姐妹決定同佢係hello kitty Secret garden 一齊happy gathering!全間店以hello kitty 擺設做招來，我們四圍影相十分愉快。首先到左凱撒沙律，只係插左Kitty竹籤。味道尚可但細碟。全日開心早餐（98元），又係例牌腸仔、蛋、煙肉、包等。味度個個一樣係無咩等別，麺包多了hello kitty!神秘花園漢堡（98元），佢漢堡有薯條都熱烘烘幾好食。瑰玫士多啤梨慕絲蛋糕（48元），有啖啖roses 味度及小小果肉。紅蘋果芝士蛋糕（58元），整個蛋糕櫃最靚這個，真的full of cheese,好味。

食物質素一般，但賣相及環境特別。曲奇有焦味，可惜。下午high tea 可作 tasting 首選。建議可選不是周六，日的下午光顧，那段時間較寧靜，不用等位，畢竟主要是感受哈囉吉蒂之氣氛也。亦可順便嘗一下別的大坑小店，如谷媽媽。

原來好運真是會隨着我的笑容過來找我，源源不絕的財運為我迎接2017年！當年只當潑出去的水，根本沒有打算再聯絡，最近把電話紀錄整理一番後，奇蹟地大家又再相約於大坑，重遊Hello Kitty舊地，懷緬一下兒時回憶，現在還可以收回一條爛尾數！已經不是第一次來這餐廳，但每一次經過這門口，見到這隻超大無咀貓貓，也忍不住會心微笑的。進入這間餐廳，看到這片綠油油的牆壁，感覺很舒服，也會令人心情放鬆下來。天氣寒冷，吃過午飯後，實在需要一杯暖粒粒、甜絲絲的熱朱古力奶$40和一件酸酸甜甜的藍莓慕絲蛋糕$48奬勵一下自己。這一件漂亮的藍莓慕絲蛋糕，裏面有着一層一層的蛋糕，一層一層的慕絲，和酸酸甜甜的藍莓果醬，味道普普通通，不過不失。至於這杯熱朱古力奶絕對不是我飲過最好飲的，但這拉花絕對是第一杯可以令我笑的，有點不忍心把它飲掉，這一刻看着這個拉花，我突然感到自己很幸福，人生應當就是這樣享受！

諗住今天聖誕假期去試下食這間餐廳，來到之後沒有人招呼，等了好幾分鐘叫了侍應幾次都叫我們等等，等到不耐煩再大叫才有個侍應幫我們落單😡。外國人就第一時間去招呼，本地人真的不要來！

大坑一帶食肆林立，各式各樣的食肆密集分布在數條短小的街道上。是日到訪的 Hello Kitty Secret Garden 是其中一間特色主題餐廳，餐桌餐椅，餐牌小擺設，各式美饌，林林總總，裏裏外外皆加以 Hello Kitty 為主角。 全日早餐內含九款不同的食材，分別有煙三文魚、雞蛋、香腸、煙肉、焗豆、粟米、蘑菇、蕃茄及吐司。Hello Kitty 的蹤影，可從煎雞蛋及吐司面上可見。綜合而言，煎蛋做得頗滑，流心美味。香腸、煙肉及焗豆這些現成成品一如預期冇乜特別。粟米、蘑菇及蕃茄均是比較健康的菜蔬食材，尤以蘑菇炒得爽香。 Kawaii 薄餅是廚師推介，以最常見的菠蘿、芝士及火腿製作。薄餅外型呈 Hello Kitty 模樣，面上再加上數片 Hello Kitty 造型的芝士片作點綴。薄餅厚批製作，口感欠脆，味道也很一般。 鮮奶咖啡同樣是餐廳推介，Hello Kitty 順理成章融入於 Latte Art 之中。香滑輕盈的咖啡口味，正合筆者心意。整體來說，餐廳以 Gimmick 取勝，適合 Hello Kitty 迷。對於著重食品質素的朋友，大坑仍有很多選擇。

之前星期日行完山，為左獎勵自己係咁大熱天時都係3粒鐘都完成呢個任務。所以去左呢間食野同埋去影相⋯點知去到，又唔洗等位！去到叫左個洋蔥圈，炸魚薯條，pizza ，水果茶，玫瑰咖啡!！個洋蔥圈，麻麻地，份量少，炸得太燶⋯炸魚薯條，好好味Pizza 焗得太乾，但都可以再食水果茶、玫瑰咖啡，一般！

平日中午過後，等一陣已經有位，但2～3店員不足以應付小小店面幾張枱？！超差的體驗：點幾款食物都係落單後，再問水吧先知道今日無，洋蔥圈太油，之前收拾的餐具就堆在吧台上，洗手間不能用，見住上—位用信用卡但竟然同我地講唔收卡！！以後都唔會再帶親友去！！！

陪一位kitty迷到這間吃個下午茶。不是kitty迷的我當然一點期待都沒有啦。其一當然是因為覺得每是賣gimmick的餐廳質素都不會有驚喜。果然，結果如期一樣。自己點了一份拿破崙意粉 和 pizza。意粉像是加上茄汁（不是茄膏）再撈勻,賣相麻麻，味道亦只有茄汁味。pizza 比如期中細，材料亦少。這個價錢竟然送上的像是在便利店買再放入微波爐那種普通貨色。

雖然我不是Hello Kitty 粉絲，甘岩去大坑，發現左呢間Hello Kitty，所以順便入去試下。呢間Hello Kitty Secret Garden，唔係好大，估計室內可以坐20人左，而門口外面亦有2張枱，而我就選了坐室內。門口是粉絲影相既必殺位，室內既Green Wall 亦可以影。室內都有一些Kitty既擺設，連枱都印埋Hello Kitty 。因為唔係好肚餓，所以叫了一份雞翼、拿破崙意粉、Mocha及Cappucino。雞翼味道普通，冇咩特別拿破崙意粉，賣相麻麻地，味道尚可Mocha & cappuccino兩款咖啡都普通，不過hello kitty 的拉花，相信是主要賣點以食物味道來説，其實是很普通，但相信這是Hello Kitty 迷必須朝聖的地方。

再次 中坑 與 Kitty .... 更不多作解釋 ~ 這地方才是真正的 Hello Kitty Secret Garden 因為 Hello Kitty 的私房晚餐是需要預訂的 ~ Menu ~ 身處非常夢幻的餐廳, 連肚餓的響聲也自動滅掉, 心跳加速, 暈得一陣陣、一陣陣、一陣陣 、一陣陣、一陣陣、一陣陣 .... Abalone Simmered in Sake Sauce 鮑魚帶酒香, 入口冰涼爽彈, 最重要是烙有 Kitty 的樣子 ~ Cherry Tomatoes in red wine sauce and Pan-fried Duck Breast今次香煎鴨胸的魅力也不及紅酒浸車厘茄, 兩夥艷彩奪目, 口感甜潤細膩 ~ Seared Hokkaido scallop in lemon butter sauce 香煎北海道帶子與配料在呈上時是煙燻效果, 只要把玻璃蓋打開, 你我也可以聞到燻香 ~ 帶子厚肉甘甜, 而最吸晴的 Kitty 卻是紅菜頭 ~ Black Forest Mushroom Soup 湯有纯厚奶油香, 且質感細滑奶順, 菇菌味道濃郁, 黑松露

位於大坑的Hello Kitty Secret Garden一直是貓迷的朝聖之地，這天剛好借著替身邊貓粉絲賀壽的機會去這秘密花遠一探究竟XD甫踏進安庶庇街已遠遠看見小磚屋外型的secret garden，像置身花園的Cafe部分以木桌椅為主，有種田園風味。到達時正好天黑，閃閃燈飾襯托讓貓迷朋友也忍不住自拍一翻！Cafe旁邊的店面是用餐的地方，裝潢走高貴風格，似走進了Kitty和Daniel的結婚會場中，連餐桌椅餐具都滿是Kitty，又是一輪瘋狂拍照的時間。Abalone Simmered in sake sauce清酒鮑魚是小巧可愛的湯匙尺寸，鮑魚上居然也烤上Kitty圖案，擺盤美美的，相機食先少不免。鮑魚稔身，有淡淡酒香，作為前菜很不錯。Cherry tomatoes in red wine sauce，Smoked duck breast with salad紅酒浸車厘茄配煙鴨胸沙律煙鴨胸沙律清新開胃，旁邊的去皮車厘茄事先以紅酒浸泡，除了本身的甜還帶很淡的紅酒味，很特別。Seared Hokkaido scallop in lemon butted sauce香煎北海道帶子配檸檬牛