Hello Kitty Secret Garden (已結業)

朋友是Hello Kitty 迷，今次約佢出嚟食飯搞搞心意滿足佢。來了一間名符其實的Hello Kitty cafe,從店外到內都是滿滿的Hello Kitty裝飾叫了一份薄餅和漢堡扒，與想像中一樣食物都有Hello Kitty 的裝飾。由於是平日時間來餐廳進食，客人不算太多，食完飯後可讓我們留一段時間影影相打打卡。除了肚仔滿足外，手機相機亦收穫不少靚相，最址重要是Hello Kitty 控朋友好滿意這間餐廳，整餐飯食得開心。

作為Hello Kitty的忠實fans，當然要去Hello Kitty Cafe打卡！一心被hello Kitty公仔吸引了去，但最後發覺有驚喜！值得推介點了一杯rose latte ! 雖然不是Hello Kitty拉花，但都有用朱古力粉印上Hello Kitty樣子！樣子已經值$100分！味道都不錯！喜歡咖啡的朋友不要錯過！主食方面，一定要推介蟹肉牛油果多士！除咗多士係用Hello Kitty樣子，蟹肉牛油果醬真係好出色！原來冇發現蟹肉同牛油果係咁夾！一啲都唔會覺得漏！反而牛油果嘅味道好清新，非常開胃！鋪頭還有好多Hello Kitty嘅物品可供購買！還有自家製造Hello Kitty曲奇！ 味道都不錯👍

💰人均$120又是少女心的一天，第一次黎到大坑的hello kitty cafe 食all day breakfast，材料十分豐富，有九種不同食材，包括烘有Hello Kitty 的麵包丶煙三文魚丶煙肉丶香腸丶沙律丶焗豆丶蕃茄丶蘑菇及雙太陽蛋，蛋是流心的，吃得很滿足。此外這裏的咖啡都幾好好香滑，點了朱古力latte，朱古力味濃，也有hello Kitty 的樣子，整個餐廳也是拍照打咭的好地方，岩哂少女心的你和hello Kitty忠實粉絲！

話收十點，未夠八點就話截咗last order，今日仲要係星期六，電話問話可以walk in.,去到先知已經截咗last order,仲要未到八點，生意唔係咁做嘛，只能說唔會再有第二次，完｡

現在香港就只剩下這唯一一間Hello Kitty餐廳了，這間最初開的時候另有一舖位在樓上的，可惜我還未有機會試就已經沒有做了。這間能夠撑到現在，相信是因為食物選擇和價錢方面也比較大眾化，而且除了午餐和晚餐，也可選擇來吃個brunch或tea。這次我們來就是要吃個brunch，朋友點了一份all day happy breakfast，我點了一個磨菇湯，一份三文治，一杯熱鮮奶，全部都有Hello Kitty的☺️

出黎食無非為開心，所以好少劣評。今次真心中伏下午茶時間有d肚餓，咁啱大坑附近見到呢間hello kitty secret garden ，唔洗排隊不如入去食個pancake。間鋪好細，室內有4張枱、戶外兩張。入去見到角落有張4人枱有個kitty毛公仔，就問下店員可否坐果張，間鋪明明只有一枱人，佢都堅持要我地坐雙人枱。明嘅，可能一陣會有4人客。不過印象就打左個折我地order左士多啤梨窩夫同蜜桃窩夫set，同一杯桂圓茶。士多啤梨窩夫$78上第一份窩夫，店員同我地講今日人多洗唔設碟，所以冇碟比我地。我同老公你眼望我望，間鋪冇客架喎其實我冇問佢攞碟，因為諗住同老公一人一份，係店員自己主動講，不過我又見到佢雖然冇碟，但有成棟碗蜜桃窩夫$88 本身諗住同老公一人一份，結果第一份食晒第二份都未上。服務都唔講，呢d店仔細細，得幾個店員，態度friendly係老闆嘅福氣，冇得強求。但食物質素就真係。。。窩夫硬嘅、cream 相影左一張就溶左、桃係中國桃，無味又硬。最後杯桂圓仲漏埋單

和好同事過來中央圖書館training，完了堂當然找機會去大坑找東西吃！由於時間不多，我們一早book了枱，看了看menu，不太多東西點，好快就叫了不難煮又易好味的食物，希望除了影相呃like外，都可以有美食吃～我們兩人點了carbonara和marshmallow 朱古力pizza，還有rose latte和mocha呢！環境小小，周圍都是Hello Kitty的擺設，連枱，刀叉碟都有Kitty嘜頭呢！marshmallow 朱古力pizza只是一般，個pizza底可以再脆身香口點。。。，朱古力醬份量可以大方點。。。現在味道只時死甜呢。Carbonara則比較好，是一般出街吃到的好味水準。Mocha也不錯，香甜又不失咖啡香，最緊要賣相一流！最後我們都沒有擺上網呃like，哈哈。。。除非和Hello Kitty fans來,否則就不會encore啦!

作為Hello Kitty嘅忠心粉絲Hello Kitty嘅餐廳點可以唔去講真，都係為咗影相打卡！食物OK正常！飲品甜品都非常之美觀！一行五個女仔一齊去影相影不停！但地方偏遠，非常之難去！

超級鍾意hellokitty既我，終於來到哩間kittycafe打卡啦，哩間餐廳係小清新田園風，入邊好多綠色既植物點綴，還有很多乾花裝飾，餐廳裡面無論牆上還是台上面，都印有hellokitty既圖案，超得意呀！Rose latte唔錯噶，好香玫瑰味，咖啡甜度岩岩好，咖啡味都好濃郁。secret garden burger ，舊肉夠曬juicy，好有份量！認真睇個蛋，都係kitty頭來噶！kitty迷一定要來朝聖一次呀，隨手一影都係大片呀。

basically me and my mom went there on a weekday during tea time, it was beautiful the decor was so lovely but there’s apparently a minimum 60 dollar spending fee so basically we had to order more besides our drinks, and my mom got a really bad coffee. she didn’t like her drink and mine was a peach tea which was basic, not very worth the price. anyways to anyone who wants to go i mean yeah you should for the decor and pics but don’t expect much from the food or service. the servers were pretty ru

作為Kitty迷既我，周不時都會去唔同國家既Kitty Cafe, 為既係同Kitty影相，對佢地既食物一直都冇expectation, 因為通常都係得個樣。但今次去呢間Kitty secret garden俾到驚喜我，佢地既食物質素唔差，唔係得個樣！我同朋友點左個和牛漢堡拼炸蝦、拿破崙意粉、吞拿魚三文治、熱朱古力同Rose Latte。先講個和牛漢堡拼炸蝦先，個漢堡用料唔錯，肉汁濃郁，個炸蝦都好新鮮。而拿破崙意粉味道都唔錯，但配料太少，只得腸仔。令我有驚喜既反而係個三明治，佢焗到好脆，而且吞拿魚份量多，好味！而佢既Rose Latte, 好重花香味，同咖啡味好襯，值得一讚！但杯熱朱古力就淡左d，唔夠濃。溫馨提示：各位Kitty 迷如果唔想破壞咖啡上既Kitty拉花，可以好似我咁，用枝熱飲飲管飲底下既咖啡，咁就可能將拉花圖案保持到最後。

大坑 Hello Kitty Cafe大坑美食多，間間都各有特色。今日同2個女放學出街同婆婆食晏，當然要揀D啱大人，更要啱小朋友口味嘅餐廳啦。Hello Kitty cafe 係不二之選😍All day breakfast 好豐富，Kitty 頭煎蛋，Kitty 多士，小朋友見到好開心Pizza 🍕 係普通嘅芝士火腿料肉醬意粉小孩至愛，正什菌意粉竟然有驚喜，我好鐘意食😋食物好食之餘，環境仲好舒服。果度D員工姐姐，仲送咗幾張Hello Kitty 卡同糖俾小朋友，又食又拎，好開心

On a semi-cloudy Sunday, I went to this cosy restaurant having breakfast and chilling out with my friend. I am not a big fan of Hello Kitty; nevertheless, I could find my experience in this restaurant pretty pleasant.This restaurant is located in a peaceful neighbourhood in Tai Hang, a few miles away from Bing's Tea Restaurant. Surrounded by some nostalgic tenement buildings, you could see lots of bourgeois non-native residents with their cute dogs running rushing back and forth to their owners

作為hello kitty 粉絲既我，開左咁耐終於都黎到朝聖😌朋友見我生日特地陪我過黎大坑食個tea⋯遠處見到已經好開心😻😻😻呢間kitty cafe係行清新田園風，出面放左好多植物襯托。之前都有去過日本、台灣、韓國同泰國既kitty cafe,呢間既風格我幾鍾意。店內外都佈滿可愛既hello kitty~木枱面都印有kitty 嘜頭😌😌個日因為book左7點半去食晚餐，所以我地只係叫左一個hello kitty 新地一齊食，同埋叫左水果茶同熱情果梳打。新地有蜜糖多士配士多啤梨雪糕，多士都幾脆，覺得都可以既。不過食過咁多間，個人覺得泰國既hello kitty cafe 食物質素相對較好。另外覺得幾好既係同店員講聲可以好似咁樣加個happy birthday 印花上去，好靚靚至於飲品兩款都係好一般，水果茶係朋友叫既，佢話無咩特別，純粹係茶壺入面有d水果咁🤔🤔熱情果梳打就正常梳打一杯。幾欣賞呢度既環境，幾清靜令人好舒服，當然因爲我係kitty控所以更加鍾意啦😂😂食物就一般，可以接受，不過唔太突出。

大坑特色食市愈來愈少。早幾年要大排長龍既Hello Kitty Cafe , 現在都可以輕易攞位。環境佈置好用心的cafe , 店舖環境開揚與佈置綠油油和階。加上係寧靜小巷𥚃，令人想坐好耐好耐。食物滿滿是貓頭樣，氹得大人細路都好開心。名物-秘密花園和牛漢堡 、好味道！ Cuppccino 是蝦毛吉蒂樣，明顯呢到既selling point 係歡樂。服務好識氹小朋友，而且好細心。因為我隻仔見到hello kitty 太興奮，好在無介意我隻馬騮仔跑出跑入，仲送吉蒂棉花糖氹我隻曳仔。 價錢在大坑區嚟講差唔多。比起其它區會有點貴。但阿仔好難忘吉蒂貓cafe , 咁開心我都好難忘。Hello kitty cafe 帶俾我地係親子回憶。