Him’s (長康大廈) (已結業)

灣仔茶餐廳式西餐廳，份量超大燒春雞🔻招牌燒春雞半隻拼辣味德國腸💰89 雖然講係燒春雞，不過半隻都好大隻，肉質好實，唔會太嚡，食到好飽🙈燒春雞個皮唔係脆嘅，淋到似豉油雞咁☹️醬汁係蒜蓉汁，調味較淡可以點，細心位係有俾到手套我地食燒雞，幾貼心☺️揀左薯菜，薯條超級多，但係唔夠熱同酥脆。德國腸有啲辣，好大條，都幾好味😋👅味道：6.5/10💡性價：7/10📌環境：6.5/10——————————————————————🔍餐廳：Him’s #Him’s🏠地區：#gdwest灣仔🍽菜式：#gdwest西式💸價錢：人均$80📍地址：灣仔莊士敦道25-33號長康大廈地下D號舖

有時好食有時難食😅真係好睇廚心情，每個餐都會有湯有野飲，飲品好在可以叫果醋，其他地方無，都係好飲，烏冬就正正常常，沙律普通，唔係減肥唔會叫，如果唔堂食可以外賣，會平d，有折，咁會抵d

午餐1）日式櫻花蝦炒飯拼烤汁雞錘（ok 好食，雞錘雖細但啖啖肉）2）招牌流心芝士漢堡包🍔配薯角( 牛丸芝士，感覺係牛丸多過漢堡；個包唔好食；薯角ok) 3) 凍檸茶 （正常）4）沙律（ok)5) 蘑菇湯（唔ok 冇蘑菇）

之前有時都會叫下外賣平台 外賣，覺得呢間啲野食都唔差，今次就直接坐係到食。😙😙而家嘅晚市都唔會好多人，所以都唔洗等位。餐湯好淡味唔可以話完全接受唔到，味道叫做勉強OK😂黑豚肉厚切咖哩豬扒配飯 $66咖哩係偏甜唔會辣,而豬扒個皮都脆,肉既質地厚實唔會係juicy個隻，本人覺得呢個好麻麻。招牌9安士肉眼牛扒set $106牛扒無得選擇要幾多成熟,但都唔會煮得過火位,切開肉質都微微粉嫩,有輕微肉汁,呢個價錢都知唔會比太靚嘅牛扒,但絕對超值。呢個牛扒直頭係平價得黎好食😋

放返時間周圍都好多人見到依家冇乜人等就入咗去食結果有啲伏🥹佢嘅價錢其實唔係特別平勝在包飲品、湯或者沙律正正常常嘅沙律但係唔知點解侍應成日都想收咗個沙律😅😂明明我朋友仲食緊食飯時間好似趕住落場咁冇乜特別嘅粟米湯低卡之選呢個鯖魚飯份量都比較少不過女仔食都ok但係成個餐睇落好寡😂覺得佢好油😂炸得比較乾佢嘅烏冬係最cheap嗰隻完全冇咬口份量都係比較細呢杯係熱嘅蘋果醋覺得係成餐最高分嘅嘢一啲都唔會藥水味酸酸甜甜幾好飲

Came here last night before the play. Ordered the set dinner - omelette rice with Japanese eel. A full length eel on top of the omelette rice. Bit disappointed with the omelette rice though as the eggs were over cooked. Flavour wise was ok. The set includes a dessert which is Japanese cheesecake for today and you get to choose between a salad or the soup of the day. I went for the salad and it was just some greens in a cup. Oh, you get a drink too. I went for the grapefruit vinegar and it was ok

今日嚟到位於莊士敦道嘅Him's 食lunch。 餐廳主打日本菜同埋西餐。 我點左個咖哩芝士漢堡飯。 漢堡係自家製，裏面包有芝士餡， 食落有少少肉汁同淡淡嘅芝士鹹香味。 配上日式甜咖哩，幾好食。 隨餐仲附送咗個南瓜湯添， 不過個湯就稍為稀咗啲。 除咗湯佢就唔包咗杯嘢飲 ， 除咗一般茶餐廳會有嘅茶啡類飲品 ， 呢度仲有果醋可以選擇 。我要咗杯蘋果醋 ，埋單50蚊都幾抵食。

放工諗唔到食乜，經過見到冇乜人唔洗等位就入去試下。一共叫咗兩個set，分別係皇牌原隻燒春雞& 8安士厚切豬扒拼辣味德國腸，另外再追加咗唐揚魷魚鬚同三文魚手卷。《皇牌原隻燒春雞》分量非常大，大到唔似春雞，直頭成隻芝麻雞咁嘅size！雖然size係大，但係一切落去個皮係淋嘅，似豉油雞多到，肉質亦頗嚡。不過配菜嘅薯角就好香脆，加返少少分。《8安士厚切豬扒拼辣味德國腸》分量亦好有睇頭，豬扒有成塊面咁大，條德國腸就有我2/3隻手臂咁長！豬扒嘅樣望落去就一般，白雪雪咁好似煎得唔夠香，但係食落去又幾有豬味，比較驚喜，辣味德國腸又真係好夠辣，對於鍾意食辣嘅我黎講都唔錯，至於唔食得辣嘅友人就表示辣到食唔到😂唐揚魷魚鬚好味推介！上枱熱辣辣夠香脆，醬汁方面亦唔係平時嘅沙律醬而係蜜糖芥茉醬，好惹味！三文魚手卷非常一般，平價連瑣店嘅質素，但係收四、五十蚊總結就係性價比一般，分量多但係味道一般

喺灣仔呢啲地段食個lunch閒閒地六七十蚊真係走唔甩，但啲野食都起碼要對得住個價錢掛🥲Order左個4號，諗住番茄湯烏冬實無死啦！仲要寫皇牌添！點知中大伏！先講講佢個湯，大家千奇唔好期望係蕃茄濃湯，有好濃郁嘅茄肉。成件事就係一個淡淡嘅蕃茄湯包再加幾粒蕃茄粒。蕃茄湯底煮得唔好唔緊要，但啲雞翼同豬扒煎炸完冇理由放喺湯浸返淋佢掛🤔🤔🤔最離譜係個烏冬， 竟然係超市賣開十蚊三包嗰隻酸味烏冬。用廉價食材唔緊要，但都唔係處理得咁差，其實過一次水，已經可以減少酸味🥲🥲🥲$68唔期望食咩好西🥲感歎百物騰貴。。。

第一次光顧叫咗一碗雞肉喇沙湯米線。喇沙湯底不是喇沙，同埋味道唔好食。 雖然，價錢不是很貴，但是，食過第一次，就算數，不會有下次。優點是： 星期六晚餐時間，都沒有什麼人，不需要等位。First time visit. Ordered Laksa with chicken noodle soup. It did not taste like Laksa at all. Pros: cheap ($75) and many available tables even on Saturday evening. Cons: did not taste good. Won’t be returning.

今日去到灣仔一間餐廳，偏向日式再加西式嘅餐廳。今次就叫佢哋偏向西式嘅午餐，叫咗一個豬手套餐。佢哋既豬手，表面冇毛，食落去味道就非常之好，個豬手都偏原宿風，配合佢哋嘅日式醬汁，都幾夾。我就配薯菜，佢哋嘅薯條好似薯角一樣，炸得好鬆脆，而蔬菜佢哋就係西蘭花，分享到幾多，感覺健康。另外點左一個佢哋嘅小食，日式炸年糕，質感都幾軟熟，入邊仲有少少流心嘅感覺，值得一試。這個套餐都會配一杯飲品，我點一個熱奶茶，不過不失，正常。

今天晚上灣仔附近，經過這間新餐廳，初時裡面只有一檯人，本身都不敢入內，看過開飯喇得知觀塘分店評價不錯，入內試試。結果叫了燒春雞。惡夢才開始。可以說從來都沒有試過這麼難食的燒春雞。無味之外，肉質鞋霎霎。燒春雞的份量大是沒有意思的，若質量去到這樣的地步。實在難以接受。（有些時候我覺得餐廳需要員工先試試餐廳啲食物，作初步評價之後，若員工都能夠接受的話，才能夠給客人吃。）所以，為免中伏請大家千祈不要叫燒春雞餐。公平一點，餐廳職員的服務態度是沒有問題。但食物的質素有改善的空間。

今日中午諗緊食咩嘅時候，經過見到呢間新店，認出佢係觀塘都有分店，咁就即刻去試下。入到去樓底都算高，裝修好寬敞，兩邊卡位闊落好坐，假日午市時段都唔算多人望下餐牌，以灣仔區近金鐘嚟講價錢都算經濟，每個套餐可以揀餐湯或者沙律，再另外配飲品，最驚喜嘅係呢度可以配果醋，凍飲就+$3。今日餐湯係南瓜湯，質地幾好夠熱，但南瓜味唔重食先叫咗櫻花蝦海鮮泡飯，雖然有櫻花蝦喺面，但係湯底櫻花蝦味唔重，米粒似係珍珠米，一粒粒好完整，海鮮有蟹柳同青口，最驚喜既係有蠔餃子，餃子咬開入面有原隻完整蠔肉再來係慢煮燒牛肉蕎麥麵定食，定食沙律同燒牛肉正常，蕎麥麵配嘅麵汁落咗少許柚子醋，酸酸地幾開胃，而且佢再配一個未開乳酪，成餐變得小清新，如果當場食唔落，仲可以帶走壽司定食有兩個加州卷同六件壽司，壽司質素唔錯，都配上壽司薑。店員親切熱心，環境舒服乾淨

觀塘中海日升中心的Hims係灣仔 莊士敦道開了分店，Lunch 時間多人要排隊，見晚餐Menu吸引，原隻燒春雞$68 😍即叫了老公來品嘗😋推介皇牌原隻燒春雞🐥$68驚喜是燒春雞嫩滑而不油膩，本身較淡味，配上燒汁即變惹味可口。香口薯角更是一食就停不了口😋🙈9安士肉眼扒🥩分量好大塊厚身，叫了七成熟，但煎出來對我哋嚟講都較生，食咗約一半🙈雞軟骨串🍢 跟餐$28跟餐加配的小食，調味適中、不算油、有點咬口。朱古力蛋糕🍫🍰 跟餐$10女侍應好nice,推介跟餐甜品是朱古力蛋糕係日本空運抵港。食落有啲鹽，鹹鹹甜甜都幾好味😋凍青梅果醋 🍹👍（跟餐有沙律/餐湯+飲品$18, 另外加大飲品$3)很清新解膩，食咗熱氣薯角及肉類飲呢啲較健康🤭以晚餐的價位來說，Him's的份量亦較大，另可加錢選配餐湯或沙律、餐飲及甜品。整體大件抵食，環境新裝修舒適，難怪lunch time好滿座多人等位，晚餐較少人容易有位，而美味抵食燒春雞要晚市才有來吸客夜晚再來👍

中上環食一個飯閒閒地都過百蚊有時份量仲好少食唔飽添灣仔其實都唔弱要有湯有嘢飲🍵7，80蚊走唔甩今日經過呢間新開嘅鋪頭見到啲菜式幾新穎唔悶又咁啱到食飯時間餓啦就走入去食個快飯🤣好似有鰻魚，有流心漢堡扒仲有日式煎餃子添最抵讚係有張大枱佢可以接4位但我一位都照拆枱俾我😋本身自己鐘意食咖哩🍛又鐘意食芝士🧀🧀🧀🧀🧀見到流心芝士漢堡扒真心忍唔住一上到枱賣相唔錯但啲飯粒有啲過淋嘥咗啲咁靚嘅珍珠米啦咖哩汁份量都夠食到尾都仲有味道正正常常個漢堡扒先係重點一切開啲芝士爆曬出嚟芝士正呀🧀🧀🧀🧀🧀個扒用咗牛肉同豬肉mix質地我食唔太慣太腍，無咗應有嘅嚼勁味道重肉味進食嘅時候都聽到隔嚟枱話啲餐具好重，食嘢嘅時候隻手好辛苦我都有同感🍴同埋好搞笑聽到佢哋話啲肉丸似宜家傢俬又話啲炒飯整到似意大利飯跟住又話炒飯配餃子好古怪…當然唔係我食過我又唔夠膽評論不過我個飯都成＄68架🤣我expect個水準可以稍高啲啲唔講唔知原來呢間鋪喺觀塘有分店架