Holam Bakery

營業中

休息中

WhatsApp回覆超級快！全程remote交易！溝通順利及時同清晰！店主超級好人同貼心！超有效率！送貨又無敵準時！下次有機會會親自嚟再幫襯！ps.遙距送客嘅，希望客人滿意～lol

屋企人買左幾件千層蛋糕番黎share~未食過Lady M不過呢間已經好滿足😆🌿抹茶流心千層$39流心都幾流質，lam落口感沙沙地，應該係用左多抹茶粉，抹茶獨有既回甘味，停留左係口差不多半個鐘🌿☕️伯爵茶千層$39伯爵茶味好濃，面頭既茶葉碎令到成個蛋糕味道再升華🍇香檳巨峰千層$36最有驚喜既一款，唔係低b提子味，係帶微微香檳香，食落酸酸甜甜，幾特別👍🏻千層皮唔會過濕又唔會過乾，之前食過一間濕到出水，千層皮同cream比例近乎50/50💞❤️每款既味都幾濃，食一啖已經食得出係咩味，三款甜度都岩岩好，真係好驚甜品好甜。屋企人request 下次經過要買多幾件試埋其他味🫶🏻❣️

今日難得黎到觀塘駱駝漆大廈行街行到攰 都要滿足本人既小肚子紅日既下午 客似雲來叫完右邊仲有個立食區 可即刻開心share! 而且擺到靚靚 俾大家打卡開心果味千層蛋糕培茶千層巴斯克蛋糕千層蛋糕 層層分明 cream 同餅好平均 又夠薄巴斯克蛋糕 有濃郁嘅芝士味 軟硬適中大家黎開觀塘 一定要食吓抵食 又好味

放假過左黎駱駝漆逛下，黎到第三座4樓，見到Holam Bakery 既千層蛋糕有好多口味，蛋糕樣又幾靚咁，就試試佢！（其實斜對面都有間又係賣cake 不過無咁多口味🤭）落完單後，可以揀堂食，蛋糕櫃隔離有個佈置簡約既鋪位都係屬於Holam Bakery，客人可以入去坐低食嘢，同埋仲有個可以打卡既位！！（記得要除鞋先好踏上地氈啊！）🍰阿華田流心 $39阿華田味好香濃，忌廉綿滑，唔會太甜。 🍰荔枝乳酪接木骨花$40荔枝味較花味突出，口感輕盈清新。（本人鍾意重口味阿華田多啲！😝）

-我自己好鐘意食千層蛋糕，所以間中都會上holam嚟買，不過提一提如果要訂原個買嘅話記得要先WhatsApp查詢🍰【8吋抹茶流心】 $380 (10/10)生日牌要再另加$10，千層蛋糕比起6吋，8吋切開更加靚，抹茶流心比起平時飲開嘅抹茶更加重茶味，我平時飲開微糖嘅都覺得好好食， 同埋食落好有層次，呢隻味我真係覺得超好食🍰【8件拼圓個蛋糕圈】 $259 (9/10)就好似名一樣有8種味嘅蛋糕，以前每日款式唔同，而家係每月款式唔同，我買嘅時候口味有: 抹茶、伯爵茶、原味牛乳、曲奇Oreo、益力多、吉士焦糖燉蛋、士多啤梨、朱古力，賣相好靚而且可以比大家自己揀食咩味，同事食嘅時候話冇LadyX咁甜，好好食，而我就食左揀剩嘅益力多味，好似Yogurt咁好開胃-📍【Holam Bakery】觀塘開源道60號駱駝漆大廈3座4樓I室🕑Mon, Wed to Sun 12:00~19:30; Tue 12:00~16:30

係人都知駱駝漆大廈超級多小店好嘢食😜心血來潮去咗試吓大家話媲美Lady M嘅千層蛋糕小店 @holam_bakery 每件既價錢都算平.口味眾多.小妹揀左最貪心既2款😂.➿巴斯克芝士x特濃焙茶千層蛋糕🧀一次過食多兩種口感~焙茶都唔錯有茶香.可以更濃.因為夾埋巴斯克芝士蛋糕食就比芝士蛋糕搶無少少.千層蛋糕既Cream夠滑☺️不過食到尾段係有D過甜膩.所以配手沖食就最好.➿抹茶麻糬 🍵千層蛋皮夠薄.抹茶味唔係一般食到既假抹茶味.而且可以有麻糬拉絲🥹小妹比較鐘意尼款🍵平時叫人介紹Tiramisu口味希望有機會遇上..➿抹茶麻糬 ʜᴋᴅ 𝟹𝟿➿巴斯克芝士x特濃焙茶千層蛋糕 ʜᴋᴅ 𝟺𝟼..(.❛ ᴗ ❛.) foodiepoison👩‍🍳  整體味道: 7.5/10 💸  性價比: 8/10 📸  打卡指數: 7/10 🤵🏼  環境服務: 8/10 🤔  推薦指數: 8/10

行駱駝漆，經過見有門口貼左勁多報導既shop，再睇睇網上介紹，發現呢間千層蛋糕既要訣係少甜、重奶味、皮薄，仲話煎皮時不會加油，見有好多口味，價錢又唔貴，就買一個6寸蛋糕試試。買左8味盒，試到8隻唔同既味，而3月份既味道就係：1. 朱古力2. 伯爵茶3. 牛乳4. 吉士焦糖燉蛋5. 紫薯粒粒6. 抹茶7. 士多啤梨8. 玫瑰同家人一齊分食8隻味，每隻味都試到少少，整體都幾好食既。見報導話每個千層cake有18層，我無數過係咪18層，就咁睇佢一層層分佈均勻，忌廉質地實淨得來幼滑，班戟皮唔厚唔薄，一層層切落有手感，唔會一叉落去就散。至於味道，其實8隻味同時一齊食呢….有部份味我都唔係好攪得清楚係咩味😛咁呢8隻味入面，我食得出味同埋比較鍾意既味係 伯爵茶 & 紫薯 。伯爵茶既味係淡淡的，只有好輕微既甜，一路食一路滲出好清香既茶味，微甜+茶香，幾好食。而紫薯味，可算係8隻味入面比較濃既味道，紫薯味好重，好似真係食紫薯咁，味道幾香濃。整體8款既忌廉都做得幼滑，全部都係微甜，所以食落唔會太膩。下個月如果出新味，都有興趣再試試。

因爲自己之前已經試過呢間的伯爵茶千層，所以上個月買左holam的伯爵茶千層蛋糕比朋友做生日蛋糕。個千層蛋糕味道一如既往的好，朋友食左之後都讚呢個好好味。本身有朋友一直都唔係好like伯爵茶，結果試左呢個之後覺得伯爵茶好似都幾好味！見到呢個情況，自己都覺得好開心哈哈🤣 🤣 🤣 🤣

好耐之前已經成日買呢間嘅千層蛋糕🍰因為佢可以單件咁買返屋企食，食過咁多種口味我都係忠心於最原始的味道🤣就係萬年不變的朱古力🍫朱古力味唔係太甜但係好濃😍再加上cream係咁滯，所以我就不斷回購了

屋企人生日二book咗嘅餐廳喺觀塘所以就搵到呢一間千層蛋糕🍰就買咗黎食！竟然千層蛋糕有流心，當然要買來試吓啦😙我買咗一個Oreo味🤗 Oreo味好濃但係竟然係唔流心就有啲失望🥲

一行觀塘記有恐懼🥴，多人到....咁岩放假要去個頭，唯有頂硬上💪。行下駱駝漆大廈，發現呢個人氣千層蛋糕🔝，雖然剛剛食完午飯，但同老公見到個廚櫃又俾佢吸引左，甜品果然係另一個胃。😛☆海鹽檸檬千層蛋糕☆🍋大家因為怕甜漏既關係，揀左海鹽檸檬。意外的俾預期好食😋，檸檬味俾想像中重，食完真係蓋到個creamy感，2個人食得津津有味☺

女朋友好中意食千層蛋糕，之前ig見到呢間好似好多followers，同埋之前都有朋友係ig po過，所以我都試試過去買呢間的千層蛋糕。我第一次買左個曲奇oreo巴斯克千層蛋糕 + 比女朋友，我女朋友又好中意wor！話覺得呢個組合好新鮮，好特別😍而且Cream的分量分佈好均匀，食落去口感十足。宜家女朋友時不時都會話想食呢間D千層蛋糕啦😍😍

今次要介紹比得上大牌既千層蛋糕🍰用八款唔同口味砌成一整個蛋糕❤️最鍾意可以一次試哂唔同款大家一齊share食係最開心既🥳🥳六個人以上比較好 唔會太飽 大家又試到唔同味有以下八款口味：阿華田吉士焦糖燉蛋玫瑰伯爵茶抺茶原味紫薯士多啤梨每次味道都會唔同 要留意ig開po👍🏻我地一致認為八件都好好食😝特別係伯爵茶同紫薯好出色大家都鍾意食啲出面少有既味道真係會有驚喜😛😛😛首先佢既味道唔算太濃但好香 咁樣反而唔會太甜每層千層都做得好薄啲cream好滑好平均 口感好幼細又有奶香試哂咁多款都唔會話太膩 成個清得哂～想食千層蛋糕既話呢間真係值得推介俾大家👍🏻特別鍾意茶味既朋友一定要試伯爵茶味🥰店主默默由網店做到喺觀塘開實體店真係好厲害👍🏻證明都有好多好評～～📍Holam Bakery (觀塘)觀塘開源道60號駱駝漆大廈3座4樓I室

這間蛋糕店已經幫襯過數十次。因為他經常推出不同口味的蛋糕，另外千層蛋糕的甜度也剛剛好，家裏的老人家也能夠接受的甜度。今次朋友生日，她比較貪心，嘗試不同味道蛋糕，所以決定再幫襯，將一件件不同味道的千層蛋糕拼成一個完整蛋糕。果然沒有令我失望。

Holam Bakery地址: 觀塘開源道60號駱駝漆大廈3座4樓I室#yauyau_觀塘佢嘅款味都好多，如果大家想買要預先訂購定，如果唔係佢有啲口味會唔夠嘅。🍰🍰朱古力千層蛋糕 $39今次我食呢個味朱古力味，千層蛋糕口感層次分明，每層餅皮之間都搽咗一層薄薄cream ， 令到口感非常之飽滿，中間個別幾層加咗啲好似crust 嘅嘢，食落去有啲冰涼嘅感覺，可以中和返奶油嘅飽滿口感。朱古力開得非常之好，順滑得嚟冇任何苦澀嘅味道，奶油同朱古力嘅比例好好，冇蓋過咗朱古力本身嘅香味。味道: 4.5/5番兜: 4/5#觀塘美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #觀塘甜品 #甜品 #holam #holambakery