Home Bar & Restaurant

營業中

休息中

新一年當然要從食好西開始啦！今日中午就帶左媽媽黎荃灣呢間西餐廳date下啦 Lunch set 係高性價比之選！佢既lunch set，過一排就會轉。Price range $6X-9X, 雖然價錢比較貴，但係食物係dinner既質素，計番條數其實幾抵～ 今次叫F，G餐，第一次試呢度計羊架：P Set lunch價錢包餐湯／沙拉，主菜，凍／熱飲一杯，今日因為新年老細送多左個甜品！ 沙拉 每次黎食沙拉都係唔同款的，次次都有驚喜～ 今日既係菠蘿生菜沙拉。 本身沙拉偏酸，廚師加左平時yogurt／甜品會落既爆珠搭配沙拉，有佢地甜甜地點綴住幾好食xd 羊架配黑椒汁（3支架）（配薯菜） （$92） 8成熟，熟度掌握得唔錯，唔會太韌～ 可惜本身塊羊架比較肥：“（ 幾鍾意佢既配菜，有好多豆！ 同埋番茄整到個面焦焦地 個芯又好juicy 實屬難得 澳洲肉眼扒（8oz) 配燒汁 （配義大利麵） （$98） 比以前退步左，尤其係個presentation上面 雖然塊扒仍然都係甘厚，甘大塊；但牛味感覺上冇以前甘突出 甜品：） 店主送左個檸檬芝士蛋糕啊啊啊！ 檸檬味好濃烈：） 餅底做得夠薄，唔膩 餅身有點淰，

喺荃灣行街經過附近有一間叫做Home Bar & Restaurant嘅酒吧餐廳，見到入面嘅位置都比較舒適，所以我哋四個人一齊入去食晚餐。餐牌都有好多款式選擇，更有晚市套餐，價錢合理。套餐包括餐湯、沙律、主菜、甜品同埋飲品，非常豐富。 我哋先叫咗小食蝦多士，份量都比較多，而且食落去好香脆，非常滋味。當然唔少得叫我最鍾意嘅鵝肝伴蘋果，鵝肝一啲都唔油膩，而且食落去外脆內軟，有入口即溶嘅感覺。黑椒雞翼食落去肉質鮮嫩，非常滑。 套餐嘅沙律係煙三文魚凱撒沙律，蔬菜等等嘅配料非常新鮮，咬落去爽口。 餐湯係黑松露蘑菇湯，好大碗啊，可以兩個人share一齊飲。 主菜分別叫咗豬扒意大利飯同埋燒羊架，平時食開啲豬扒都係好硬身，但係反而今次豬扒好鬆軟，食落去好易咬口。 甜品方面都有兩份，分別係檸檬芝士餅係跟餐嘅甜品，同埋另外散叫嘅蜜桃雪葩，不得不讚蜜桃嘅雪葩味道非常濃郁，食落去好似咬緊啖啖蜜桃肉咁，而且甜品賣相精緻，一定要試吓。食咗咁多嘢，四個人都只係＄1000埋單，每人平均消費只係＄250左右，真係食到好滿足好飽。

最近迷上左去Bar & Restaurant嘅餐廳食飯，今日同friend係荃灣行完街，主打活動當然係晚飯！地點當然係Bar & Restaurant啦~我個friend話荃灣係超多呢一類型嘅餐廳，搞到我完全心心眼。今日佢話帶我去食一間正嘢，去到餐廳裝修同一般同類型餐廳差唔多都係燈光比較暗係走moody路線嘅。一坐低睇Menu ,我見到黑毛豬呢三個字！不得了！本人超鍾意食黑毛豬，佢同普通豬肉完全冇得比！！諗都唔使諗我即刻決定要嗌呢個燒西班牙黑毛豬set dinner~~，個set有主菜黑毛豬,餐湯配有餡包，沙律，甜品同埋嘢飲，勁抵！我friend就叫左自選意粉，大啡菇配煙三文魚忌廉汁天使麵，佢有唔同配料，醬汁同麵條or飯揀，可以自行配搭，佢大讚大啡菇正～今日餐湯係白蘿蔔忌廉湯，好清甜幾好飲，而且一啲都唔覺得膩因為加左白蘿蔔。另外配有一個有餡嘅包，個包超好食！入面係肉餡，就算唔點湯都超級好食，個餡鹹鹹地又juicy，出面就非常之脆好好口感。等左一陣我嘅主菜就黎啦，黑！毛！豬！入面啲肉仲係粉紅色架，好多肉汁，味道完全冇令我失望，好有水準！肉質非常嫩滑！調味亦剛剛好唔鹹唔淡，配上薯蓉同蔬果平

不知道何野一到十二月就好忙,差不多晚晚OT,真系人都癲,好彩好朋友有我心,約我到Home Bar食飯傾計,讓我心理平衡些。Home Bar環境比較暗,但每枱都有一盏設計Classic 的燈,情調立即加分!而且比較多 high table,如果有special request 可以訂位時講聲,雖然是一間酒吧,但其菜式很多樣化,單單Set dinner就有多款,配沙律和餐湯,還有甜品、餐飲,這價錢算合理。沙律幾好味，不會太酸,加塊巴馬火腿即刻高級不少。餐湯味道特別,有蘿白蓉,介乎中湯西湯之間,但味道帶來驚喜,特別喜歡它家的餐包,長條形十分Q彈煙韌,而且裏面有好香的芝士餡,頭一次食這款餐包,每人得一塊好想Encore。蒜片欖油蝦扁意粉首先份量十足,蒜香味香濃,蝦肉彈牙爽甜, 用料新鮮!扁意粉帶少少蛋黃味,時間掌握得岩岩好,但不知是否蒜片燶了,有少少苦味,希望餐廳留意下。燒紐西蘭羊架紐西蘭羊架由2-3支為一組,厚身羊架外皮煎得香脆,內裏好Juicy,羊架吾會太So,口感嫩滑,用手拿着食更加好味,加60$有一塊鵝肝,油味甘香,其它的配菜也十分豐富,有黑松露薯容、翠肉瓜和茄子,最滿意是黑松露薯容,

最近荃灣真的多了很多東西, 我們逛完新開的傢品店後更遇到舊同學一家。雖然未能一起吃晚餐, 但他們向我們推介附近的一家餐廳, 環境和食物也很不錯, 既然有地頭虫介紹, 那我們當然不需再考慮, 便來到這間新開的西餐廳。以"HOME" 作店名的餐館, 除了是間西餐廳, 還有BAR SECTION 和LIVE MUSIC, 很適合朋友聚會。餐廳內的裝修設計也較年青, 用上不同的畫作和街道路牌作裝飾。而且更有波枱, 可以又食又玩, 非常不錯。其實內裏的氣氛也不錯, 有不少情侶光顧, 還可以點蠟燭切生日餅呢~本來簡單一點可以每人點一個SET DINNER, 但我們就是多心, 想多吃點小食, 所以便點了一份SET 另加兩個DISH。跟餐的沙律一點也不少, 大大碟的吞拿魚沙律顏色繽紛, 紅紅綠綠的十分好看。而且味道也相當不錯, 沙律菜新鮮爽口, 而吞拿魚肉也混入了洋蔥, 味道和口感就更有層次。一向番茄湯都不是我杯茶, 但這個是日餐湯十分足料, 濃濃的番茄味一點也不會過酸, 加上點點香草, 味道更為可口, 一點"臭青"味也沒有。而少少的淡奶令整個湯更香滑。而叫我驚喜是餐包, 熱辣辣的小麥包烤得剛好, 內

今日同朋友去左荃灣行IKEA，行完想搵個地方食飯，朋友話想食西餐，咁岩見到商場對面有間餐廳幾靚仔，所以一於試吓。由於已經係晚飯時間，餐廳已經差唔多full哂咁滯，好彩都仲有位。坐低望一望個環境同裝修都唔錯，感覺上同另一半黎最岩。特別既係餐廳較入位置放左張桌球檯，我睇平時再夜Ｄ就會做埋酒吧場。　再睇下menu，見到set dinner 既選擇同份量都好岩我地兩個餓鬼，沙律加湯，之後主菜、餐飲，而且仲包埋甜品，所以就即刻落左order。　首先黎既係沙律，有Ｄ意料之外既係個份量都幾大下，仲一Ｄ都唔hea，有鴨胸之餘，上面仲有一Ｄ形狀似珍珠但實際係茘枝味既啫喱。好醒胃。之後再黎餐湯同包，餐湯係甘筍南瓜忌廉，好濃好creamy。更驚喜既係個包唔係普通果Ｄ法包，而係入面有芝士同烟肉做咸既餐包，食落似食緊pizza咁，我同朋友都心諗今次肥死啦，食完前菜其實都已經飽左。。。。不過戰鬥力依家野都好睇Ｄ野食煮得好唔好味既，主菜我地點左芝士蕃茄燴蝦肉意大利飯同燒西班牙黑毛豬兩個人share。前者又係一個好濃味而可口既餸，大大隻蝦配上意大利飯，只可以講係質感同味覺既享受。黑毛豬雖然係厚切但都幾易入口，配菜種類

上來一大盤，有5片蒜茸法包、6塊蘇打餅幹，一份芝士三文魚醬，一份芝士火腿醬，10片鵝肝，多士夾上冰涼的鵝肝，配上熱辣辣的芝士醬，滋味豐富，配酒一流。這家吧做的意粉和飯都非常出色

今次已經係第二次來Home Bar & Resturant 食晚飯，記得第一次係紀念日時同老公一齊來，對呢間餐廳食物及環境印象本身已經唔錯。今次約左老公一起放工後一齊進膳談談心，沒諗過閒日前來，餐廳都幾乎坐無虛席，幸好我地預先預定位置，今次職員安排左我倆坐bar 檯位置，幾有情調，我地附近仲有撞球檯，可以一邊玩，一邊食。一來到，餓餓地分別叫左兩個Setdinner，一個係蟹肉扁意粉，另一個就係燒西班牙黑毛豬，兩個SET DINNER 都分別配有餐湯、沙律及甜品。由餐湯、沙律到甜品都屬用心及有質素。首先上既係沙律，沙律好新鮮，仲配有巴馬火腿，食完好開胃。一坐埋來，老公就問我，仲記唔記得你個時好中意食佢個餐包!!!因為單講餐包已經好吸引，呢度餐包唔係一般西餐廳提供既餐包仔，餐包呈條狀，好似放大既手指餅咁。剛上桌既餐包仲有少少微暖，食落口係有少少嚼勁、煙煙韌韌咁，真係令人一試難忘，如果有得添，我一定會舉手添!而是日精選餐湯係南瓜湯，未入口已經聞到南瓜香味。餐湯南瓜味濃厚，入口個下仲好似食到棉棉地既南瓜茸、小顆粒，貨真價實既南瓜濃湯呀~今日重點菜式係，登登登….西班牙黑毛豬廚師建議七成熟，一食

今日嚟到荃灣嘅Home Bar and resturant餐廳好有格調，燈光篇暗，好適合同朋友喺度盡數心中情。我叫左燒原條鮮魚配香草汁真係大大條，上菜既時候魚既香味已經陣陣飄入鼻，而且唔會熟過頭，加上香草汁，既能確保到魚肉的嫩滑，香草汁又唔會蓋過魚本身的味道，好好。朋友就叫左南瓜雞柳蘑菇意大利飯感覺超足料，意大利飯永遠唔會令人失望。身為雞翼控嘅我，當然要試吓邊間餐廳嘅雞翼，有驚喜，雞翼唔會太鹹，濃度適中，有保留着原本雞翼嘅味道，一上菜已經流晒口水了，估唔到一間吧所整嘅雞翼都可以咁好食，抵讚！今次同朋友嚟食，都帶俾我地一個幾好嘅用餐感受，可以享受美食之餘，又可以與好耐冇見嘅朋友暢談，相信如果下次嚟嘅話帶埋另一半，相信亦都有令一番滋味。

前兩星期我同女友又出動搵野食，好耐無約會過，緊係同佢揀間有情調d嫁啦呢間環境昏暗，又有英文歌聽，氣氛唔錯，臨近聖誕，裝飾得好有聖誕氣氛女友大讚鐘意我地點左兩款dinner set,感覺上有頭盤到甜品都好有心思，質素好好沙律：好少餐廳嘅跟餐沙律會有肉，呢碟沙律有兩三塊鴨胸帶點咸香，又有乳酪珠珠帶點甜味，味道層次多餐湯係黑松露野菌， 好creamy得來,又有一粒粒野菌嘅口感 濃而不膩餐包內有乾坤，竟然有芝士火腿做餡，好好味主菜：燒西班牙黑毛豬（加了$60鵝肝）先講配菜，配菜多元化，有黑松露薯仔蓉、亦有茄子、小蕃茄同埋菠蘿。另外附加嘅鵝肝都幾大塊，入口即溶，香味十足 黑毛豬都幾厚身，而且笑得啱啱夠熟，肉質唔會老，女友好鐘意！主菜：蒜片欖油蝦扁意粉貶意粉質感唔錯，口感唔會淋又唔會太硬。面頭灑上少少芝士，令汁更加香。大蝦都有幾隻，爽口。甜品係朱古力蛋糕，上層係大有少少液態嘅朱古力醬，成個食完真係好愉快！好想再食多件呢餐大餐 都幾豐富 就咁叫2個dinner set已經令我女友好滿足

同男朋友預早慶祝聖誕節啦，咁就係openrice搵到呢間好評如潮嘅餐廳，咁所以就帶男朋友去試下。咁佢餐牌都好多唔同野可以選擇，又有前菜、沙律、主菜，仲可以揀set dinner添。咁最後我地兩個人就叫左2個唔同嘅set dinner，一個係芝士蕃茄燴蝦肉意大利飯，另外一個就係燒西班牙黑毛豬。加左$48多一隻大蝦。咁個set dinner包埋一個餐湯、沙律同埋甜品，非常抵食。咁沙律都幾好食幾特別，因為有d荔枝味啫喱，仲有幾塊鴨胸，好開胃。而個餐湯都幾濃。個小餐包都幾有心機去整，入面係有d煙肉粒同芝士傢。主菜個黑毛豬好好食，味道非常濃郁，而且仲配左2款唔同嘅薯泥，同埋菠蘿。而個燴飯都好值得推薦，因為入面嘅蝦都有幾多，而且幾新鮮，好好食。最尾有個甜品作結非常滿足。

今次嚟咗依間叫做Home ge餐廳,餐廳一入到去嘅感覺係好熱鬧同埋好有家嘅感覺，感覺上好適合朋友黎聚會同埋傾計飲酒。今次同朋友過嚟我哋就試咗佢個晚市套餐叫咗一份西班牙黑毛豬，一個小食拼盤同埋一個自選意大利飯首先就講咗小食拼盤先，一入到餐廳就見到好多人都有一個摩天輪嘅小食拼盤，我自己都忍唔住叫咗一份可以一路玩一路食，小食拼盤嘅份量其實好多，有雞翼，麥樂雞，魚手指，薯條同埋洋蔥圈。食咗小食拼盤其實都已經好滿足。套餐有一份沙律一個餐湯同埋一個主菜，最後仲有一份甜品。沙律嘅份量係一人份量，仲陪左一個餐包，沙律菜都幾新鮮同埋餐湯都唔錯主菜係一份黑毛豬，雖然份量唔算太大份但係以質量去睇，肉質都幾先前同埋好爽口，配埋特製嘅醬汁就覺得啱啱好之後我哋就叫咗一個自選意大利飯，所有嘅配料醬汁同埋飯或者意粉都係由自己去揀嘅，我自己就好想食三文魚所以就叫咗忌廉汁煙三文魚意大利飯依個意大利飯其實真係有驚喜，返嘅口感同我想像中嘅意大利飯非常之夾，而且味道都非常之夠，分量仲要好多添食到我同我朋友都捧住個肚走。依間餐廳可以俾人傾好耐計同埋飲酒係一個好好嘅地方俾人happy friday。

愈來愈鍾意喺荃灣搵食！自從上幾次喺荃灣食飯都有愉快嘅用餐經驗，我更加驗證有時好食嘅餐廳唔係市區，細心搵下其他遠少少嘅地方反而有得著。當日睇嘅晚餐餐牌大多係啖啖肉類，對我同友人來講就唔係好吸引，怕食唔晒！（睇其他客人order嘅都好大份）所以我地單點咗一份鮮蟹濃湯伴帶子香草汁，水牛芝士蕃茄Pizza，同一個自選配搭意粉。呢道鮮蟹濃湯伴帶子香草汁意想不到地好食，一個單點有齊湯，沙律，餐包同前菜，其實好抵食。先講餐包真係surprisingly好食，佢並非一般餐包口感，質地近似糯米滋，好煙韌同軟綿綿！而且餐包入面有忌廉蟹肉，單食餐包就加咗分。蟹湯正如佢所講一樣濃，蟹味好香濃，並唔會水稀稀，而且有少少野菌調味。香草汁帶子就好Fresh，汁醬帶酸，為往後嘅主菜開咗個胃。水牛芝士蕃茄pizza以薄脆呈上，都幾cristy但就無咩咬口，focus就落咗係水牛芝士度。呢度嘅水牛芝士帶有少少芝士嘅騷味，我反而幾鍾意，有時食水牛芝士無咩嘅話就會好似chew緊香口膠咁，唔知食緊咩。自選配搭意粉我杜揀咗香蒜橄欖油配野菌配天使麵。一上菜嘅時間好香，橄欖油帶出蒜頭嘅香味；天使麵做到條條分明，意粉應有嘅熟度做得啱啱

星期日黎左荃灣行街 血拼完一番時間尚早 6時半 肚子已餓黎到愉景新城對面既Home bar吃一下晚餐時間尚早 未有很多人入坐環境唔錯 暗暗地 幾有情調先黎個鮮蟹濃湯 果然 很濃 結結的 仲有好多蟹肉絲係湯度 可以點包食好香蟹味 好鮮旁邊仲有粒帶子配 個汁好辣 是開胃菜嗎？哈哈黑椒蜜糖雞翼 好味 外脆脆地 肉嫩 保留到肉汁映返張有氣氛既相先飲品散叫左二杯呢杯叫strawberry freeze味道清甜 充滿士多啤梨味若果多些層次口感 會更好友人的桂花茶 普通今餐最期待既海鮮大燴D汁好好味 配落薯容度 正😋仲有青口 魚柳 帶子 虎蝦 配菜連埋一起的蕃茄仔 好可愛又好食虎蝦大大隻 好味最後上既係一道 自選意大利飯選左煙三文魚 北海道蟹腳 黑菌忌廉汁自選配搭 煙三文魚好像不太夾 這飯 睇黎無咩天分自選材料 但個飯好入味 濃濃既菌味白汁 飽到食唔到甜品了食到7點半鐘左右 開始滿坐 如果無bk位最好7點前要黎啦

荃灣真的太多吸引的餐廳，這次遇上的是 Home Bar & Restaurant 。這裡的佈置擺設頗有特式，其中牆上掛了不少香港地方名的街道牌，很有趣很特別。鮮蟹濃湯伴帶子香草汁 $68蟹湯啖啖蟹肉，味道鮮甜濃郁。帶子大大隻，配合酸甜香草汁味道更鮮。最意想不到是軟法包，原來內裡是軟心芝士㗎，口感香軟又有淡淡芝味，讚！ 咸牛脷 $168一份有4大件切成長條狀的牛脷，看起來煎得剛好沒有過火。牛脷的肥瘦剛好，油香滿溢，入口鬆軟得來有彈性有咬感，牛肉味十足，味道不會太鹹。點上伴隨的芥末蛋黃醬，微辛帶甜的味道，和咸牛脷很夾，也能減輕肉類的油膩感。千島海鮮薄餅 $138薄餅底香薄鬆脆，不會太硬太熱氣。每件薄餅上都有一隻大蝦，以及其他海鮮如魷魚等，配上千島醬及燈籠椒，口感味道豐富。火焰雪山 $78常覺得火焰雪山是視覺系甜品，看著火點起來的那刻，很療癒。很重酒味，有點焦香，內裡的蛋糕也很軟綿。喜歡這裡的環境，喜歡這裡的食物，喜歡這裡的服務。