Homy Cafe (已結業)

食過兩次，第一次食咗豬肋骨同漢堡，覺得水準算係中上，豬肋骨味道唔錯，幾入味~~~漢堡肉梗係冇和牛堡咁好味，但都覺得食得過…但過咗幾日再去食，食咗沙律同美式醬漢堡，點知個漢堡肉同石頭一樣咁硬而且super dry🤦🏻‍♀️🤦🏻‍♀️🤦🏻‍♀️，個包咬咗幾啖，放棄咗，水準唔知點解短時間差咗好多，至於服務態度真係麻麻，上錯咗嘢仲要解釋唔係佢嘅問題，明明講咗係A，佢就上咗B，廣東話好易明吧？？？沙律入面有條短短嘅頭髮😡，唔知係邊個嘅，我冇出聲，因趕時間就費事麻煩，好彩唔係某d昆蟲。。。如果有下次，就一定唔會再食漢堡啦~會唔會有下次，應該係No。。。

鋪面睇落唔錯，工業風cafe,座位都夠多，🥴不過看來人手好不足。理解黃店多人支持，出面排隊既時候，🤕已經見到枱面積左一堆外賣未處理。其實排隊既十個人都無，而且一直見有客人食完出黎，😥可惜既係一直無人手去執枱。Lunch set價錢算合理美式醬烤豬肋骨伴薯條 $78🤥份量比想像中細....而且係豬肋骨黎，即使係女仔都應該唔夠食。。肉質唔錯，粗薯條有點淋，但重點都係果句，份量有點少👉🏿👈🏿香煎厚切豬扒伴薯角 $78🙌🏿話說等依碟真係太耐了朋友已經慢慢食住等我，食到所淨無幾都未等到，隔離枱遲入我地既都差唔多食完了😢好彩同店員催一催單之後，就上菜了Menu sell 有自家既夏威夷芥末醬，🥺但係得幾滴，好難食出個醬咩味喎....不過豬扒的確幾厚肉，肉質都唔會太乾.🙏🏿最後，希望店舖可以加番啲人手，顧客既就餐experience 都好重要,同埋寧願佢賣貴少少，加番啲份量

開業好幾年都唔係第一次黎，今次再黎水準依然保持到。餐廳一直播住柔和結他音樂，配上美食，氣氛唔錯，同出面既水貨街有一種對比，雖然都因為疫情而倒閉左好多間。見午市餐牌有85折，就叫左個香辣海鮮意粉，開頭望落以為份量好少，但食落又覺得剛剛好。色香味俱全，辣味唔會過火，好開胃，意粉軟硬適中，蝦仁爽脆。配埋杯味道清新嘅荔枝玫瑰梳打，perfect！另外叫咗個Tea set係煙肉牛肉芝士漢堡配薯條，開頭以為細細個會唔夠飽，薯條都係幾條。但食食下又okie，薯條又熱又外脆內軟。杯岩鹽焦糖咖啡好好飲，可能因為我好甜。食完嘅時候坐喺度傾吓計聞到好香嘅窩夫味，下次有機會再試埋佢。

這陣子已經很少踏足上水，據聞自從少了大量水貨客後，上水變得寛濶了很多。趁住星期六日行山，吸收大自然清新空氣，走的時候行到黎上水，經過見到有間burger店賣相好似不錯，就來試試。上網search發覺這間店舖之前有很多好評，應該不錯。點了一個burger set 及雞沙律。香烤雞扒凱撒沙律 $68沙律賣相可以，裏面有多塊雞扒、雜錦沙律菜、芝士碎，細心地把醬汁分開，有需要就自己加上。烤雞夠乾身、入味，不會太過鞋口。沙律菜新鮮，伴勻芝士碎同吃味道不錯，如果有埋麵包粒會更加好！

一向認為上水餐廳比較貴，食物質素亦比較一般，今次來到一間性價比較高的burger店。餐廳不設加1服務費，所以水、餐具、醬汁等可以自己在收銀處附近自取。辣辣醬烤漢堡 加配芝士薯條 $112Burger配料有蕃茄、生菜、紫洋蔥、辣肉腸。Burger味道不錯，比想像的辣。牛扒juicy，自家製辣醬惹味特別，在坊間較少吃到。薯條十分鬆脆，是即叫即炸的！略嫌芝士醬汁味道較淡， 味道不明顯。Burger set及沙律，一共不用$200，CP值高。

呢間細細地嘅Cafe下午茶大概$60左右有個迷你漢堡同埋薯條仲有杯咖啡添唔知咁樣叫唔叫平又或者更加貴呢對我來講我就覺得有少少貴啦不過佢都好有誠意啲嘢熱辣辣員工服務態度亦都好好今次叫咗呢個咖啡菇牛肉迷你漢堡如果個漢堡可以再大返少少就好不過真係好Juicy好多汁好好食反而佢個薯條就好乾如果可以變洋蔥圈又或者係可以做到薯圈就正了值得一讚係呢個美食咖啡唔錯唔錯最鍾意冇奶少甜

上水舊墟嘅水貨客唔見哂😎條街行得好舒服～喜歡這個寧靜的上水🥰行到餓去Homy 食返個Tea，音樂柔和、同朋友傾計好地方！呢個黑松露雜菌牛角包堅正🥐牛角包好脆口又夠熱、層層分明😋啖啖都充滿超香嘅松露，配埋我最鍾意既蛋x沙律醬！食到停唔到口，咁好味都只係$38蚊。朋友叫左輕量西班牙豬肉漢堡。因為下午茶關係比較細個，豬肉好厚身只係略嫌有D乾同較啖味，如果可以鎖住肉汁應該會正！薯條有水準，外脆內軟！呢個要$50蚊性價比相對無咁高～跟餐半價就可以叫特飲，加左$18蚊～幾滑甜度岩岩好！可以一試！依加做緊全日抗疫價優惠，$40外賣都幾抵！小店認真製作食物又注重衞生，坐得舒服仲免收加一，抵佢咁多讚！

第一次去因為人太多 3個人+1個小朋友攞左飛等位 諗住天氣熱 小朋友入面等 廢事中暑入面兩個女waitress 話唔比入面等要我地出去等 個小朋友又唔係走黎走去 已經出汗到好似洗完頭咁 但算數佢有佢道理ok算數但之後真係太熱流哂汗係咁滴水 頂唔順走左去咗第二間（但其實唔明佢地整個自助bar有咩用途 嘥晒啲位）第二次一樣日頭晏就去 今次外賣間鋪無人 得一個人坐係bar枱D女waitress又係話唔比企入面要出去等真係火都黎埋今次有消費 你間鋪又無人 我又唔係坐係到阻你個位（但間鋪係無人）企係到等都唔可以大佬你個位係咁值錢洗咪以後堂食外賣都收坐位/企位費？一係就整走個多餘嘅自助bar？到食物我買左個意大利飯 番到去打開食 d飯仲未熟 係生嘅 未計野飲個飯都成70蚊 你比個生飯我個老闆夠竟有冇檢討嘅意欲？點解d質素差左咁多？尤其服務真係超級失望 一開頭明明食物服務都幾好嘅店變到咁嘅質素

之前聽過好多好評，今日特登同朋友來試兩點鐘入座時已表明有三個人，仲有朋友黎緊我地先叫左兩杯飲品同小食，已要求留低餐牌但侍應仲不斷收走餐牌…重點係，我地坐到三點半，另一位朋友都未到齊佢已經話截左單唔比再order問多兩句就話今日早左截單😒唔明點解侍應收走餐牌時又唔講清楚，搞到我要臨時臨急再轉餐廳等朋友😡

受朋友吹奏已久 話上水都無乜比較特別或者好食嘅餐廳可以一戰今日終於有機會係lunch時段大約12點半到訪homy cafe一試 6個人都可以即時入座餐廳裝修幾有格調 不過呢樣就唔係我看重嘅嘢 畢竟我覺得嘢食好食先係重點點餐menu有大概三頁 主要有沙律 意粉 漢堡選擇 不過望咗好耐lunch set都覺得未算係好吸引 於是都係決定嗌burger 不過就咁睇就lunch set抵食啲嘅最後嗌咗佢嘅B2 美式醬烤漢堡 ($78) 材料有蕃茄，生菜，紫洋蔥，煙鴨胸，美式燒烤醬加手工牛肉漢堡扒 再加咗薯條($10)同凍檸茶($2)如果揀牛肉漢堡扒就唔使另外加錢 加錢就另有豬嘅漢堡扒同雙重芝士漢堡扒揀 雖然就話餐廳標榜即叫即整 但都上餐上得好快薯條夠哂大條 都食得幾爽 仲熱辣辣 未食過咁大條嘅薯條至於漢堡個人覺得十分出色 因為成個漢堡每一種材料醬汁配搭都幾夾 手打牛肉漢堡扒就唔算整到好熟 雖然對於免治肉如果唔夠熟個人對食物安全上會有憂慮 但食落肉味同肉質係OK嘅 而我自己覺得煙鴨胸夾入漢堡係畫龍點晴之舉 佢每一樣食材分開食我都覺得唔錯 尤其因為真係太大個而最後有部份就咁食算嘅時候驚奇的食食下發

因為係上水新成路可以支持既鋪頭有幾間！今日就黎呢到試試佢～～～～係門口見到個餐牌就想食burger所以呢 兩人之選就揀左一個burger餐～～～一個就叫左個黑松露燴飯！叫左個mocha，再叫多左杯牛油果奶昔！！！ 估吾到係個奶昔出色啲～～～咖啡就嘛嘛地～～～～～～然後見到隔離枱個豬扒就有啲後悔叫左個飯，因為色香味俱全，引人入勝，有啲唔開心。不過個飯都唔差既，只係份量有啲細。Burger就正常味道，大大份咁。

又在附近行完山，找一間黃店吃個下午茶這間Café原來下午茶時段也可以叫午餐因為下午茶的漢堡的份量和大小會細很多點了一個Lunch Set L5原來餐牌最近轉了，可惜沒有拍到照片經典豬肉漢堡配薯條 - $71有蕃茄、生菜、紫洋蔥和芝士，都是經典漢堡的配料始終漢堡包還是牛肉比較好味道，會有牛肉肉汁的水潤感而豬肉漢堡則比較淡味和硬，有點像厚厚的火腿粗的薯條比較好吃，炸得恰好，不會太乾可惜餐廳用KETCHUP茄汁太水狀，裡面沒有什麼真蕃茄，故味道非常淡跟餐配飲料，凍飲加$3

上水舊墟的HOMY 是上水難得少有的餐廳，同類型真的沒幾間，平日都很多人來光顧，疫情期間，少了人外出，WALK IN 沒預約也有位。兩女孩點了兩食物兩飲品經典芝士漢堡配薯條先說薯條，是厚的那種，夠厚身和大條，一定要加配。經典芝士漢堡包含JUICY 的漢堡,生菜,青瓜,紫洋蔥,蕃茄, 包底香脆好味。日式芝麻醬煙三文魚沙律食材新鮮，平凡的沙律也做得好味。青擰梳打荔枝玫瑰梳打味道大太甜，非常好~

今日見到呢間舖頭冇人排隊就即刻衝入去試下， 聽講呢度嘅漢堡幾好食，所以就嗌咗個經典芝士漢堡同埋芝士大蘑菇漢堡，一於試下佢哋有咩分別。.佢個餐牌幾好可以比你睇曬每一款漢堡入面有啲咩材料，另外佢可以畀你揀要邊款漢堡扒，仲可以加款料添。.🍔經典芝士漢堡$75.呢一個經典芝士漢堡入面，就包括有蕃茄，生菜，洋蔥，芝士同酸瓜片，配上手工牛肉漢堡扒。睇落去真係好大嚿好足料。食材好新鮮同埋啲芝士食落都好香，不過塊漢堡扒食落去就乾身咗啲。.🍔芝士大蘑菇漢堡$90.至於呢一款漢堡就多咗樣芝士大蘑菇做配料，呢塊大蘑菇真係有成塊麵包咁大塊，佢嘅作用就係可以將乾身漢堡扒一齊食嘅時候，感覺唔乾之餘仲變得更加juicy。 只係多咗呢塊芝士大蘑菇食落同經典芝士漢堡完全唔同感覺， 同埋佢呢度嘅薯條非常之大條，應該係直接用薯仔整出嚟嘅，而唔係出面舖頭嘅普通炸薯條。.我覺得可以一個餐跟薯條，之後兩個人share一齊食。

自從舊年六月開始一直都將呢度當做飯堂，但係最近兩三個月越食越失望，因為有食物敏感，故在晚餐時查詢一下確保沒有引致敏感嘅食物，但查詢之後聽到店員轉頭走勁唔滿意咁樣鬧緊我麻煩⋯之後午餐亦多次受到不禮貌對待，食物質素其實不錯，但當然有時亦有失手嘅時候，但係店員態度就真係不敢恭維並且令人卻步😢😢，因為自身都係從事服務性行業，所以對飲食及服務行業亦會保持相對客氣態度及禮貌，但係最後就換來一次比一次受氣、只可以講徹底失望至極😥