hoo韓國包車

營業中

休息中

尖沙咀美食多多，今日同朋友黎到依間韓國包車食午餐。韓國包車即係類似香港嘅大排檔，啲韓國人放咗工之後會到路邊攤同朋友傾計食飯，有睇開韓劇嘅人一定好清楚依個文化~ 餐廳裝飾得好懷舊，打卡一流。  午市時份推出咗便當，可以一人一份。我地叫咗吞拿魚蛋卷便當，吞拿魚蛋卷非常長同厚，蛋卷食到層層嘅蛋香味，而入面包住滿滿嘅吞拿魚，非常有口感。隔離仲有必備嘅小菜，就係芽菜同泡菜，作為開胃前菜亦都唔輸蝕。 醬油炸雞 半份，一上到黎已經香噴噴，醬油味非常入味，炸雞外脆內軟，雞肉雖然炸過但係依然鮮甜多汁，認真加分！ 招牌炒章魚，係椰菜紅蘿蔔爆炒章魚，好有鑊氣，章魚好彈牙，一定要叫黎送啤酒。 紫菜飯卷，配菜好豐富，好飽足。 最後叫咗2杯飲品，熱情果梳打同埋菠蘿梳打，清甜爽口，為下午增添番唔少能量喔~ 

一間以韓國夜攤為主題既打卡餐廳🧑🏻‍🍳將懷舊理髮廳💈韓式漫畫店📕韓國街頭自助洗衣店等等帶到大家眼前, 連路邊攤摺凳, 摺枱同 招牌都似足韓國街頭, 打造成韓國夜攤街頭, 韓迷必到🇰🇷🍘卜卜趣豬軟骨併拳頭飯 ($𝟏𝟑𝟖)🥔 薯仔煎餅 ($𝟖𝟐)🍗 甜辣炸雞 ($𝟏𝟓𝟖)

依家係朋友推介嘅韓國菜，真係真係要訂位，今日好彩有訂位，去到嘅時候已經座無虛席，走嘅時候仲有人等位添！ ！🥳🥳食物選擇都算好多，而且裝修好有韓國氣食白桃果味燒酒和柚子牛奶米酒是兩款特色的酒品。白桃果味燒酒帶有清新的水果香氣，口感柔和順滑，而柚子牛奶米酒則結合了柚子的酸甜和牛奶的濃郁，帶來獨特的口感和風味。韭菜煎餅香氣四溢，口感酥脆。這款煎餅搭配醬料更加美味，是下酒或者的絕佳選擇☺️☺️☺️卜卜脆炒豬軟骨拼拳頭飯菜，以香脆的豬軟骨炒製而成，口感獨特，搭配拳頭飯豐富的口感，咬落去好爽，都係必叫🤤🤤🤤總括嚟講，依間餐廳都好有韓國特色，無論係裝修定係嘢食，感覺似去咗韓國旅行一轉，建議大家來嘅時候要訂位！

店舖以韓國布帳馬車作主題, 又用上多盞霓紅燈做裝飾, 所以非常有氣氛, 兼且打卡一流.🍽️ 懷舊烤五花肉 $152份量非常多, 3-4人都食得哂, 而且每片肉都好厚好大片, 油脂香十足, 表面煎至酥脆,如果沾埋隨碟送上既麻油, 味道更佳🍽️招牌炒章魚 $146章魚全部爽口彈牙, 配襯椰菜令食落口感更爽脆, 加埋韓式辣醬令味道辣中帶甜🍽️ 甜辣炸雞 $158炸雞外脆內嫩,炸漿夠脆薄而且每舊都非常厚肉, 亦唔會炸得太乾身, 做到juicy得嚟入口又唔會太油膩🍽️蟹膏拳頭飯 $88蟹膏鮮味加上拳頭飯內裡既麻油香, 非常惹味, 而且入面仲有紫菜, 令口感更有層次

好耐冇食韓國野，終於有時間試下bookmark左好耐嘅韓式街邊檔feel餐廳！入到去真係好似係夜市咁，有霓虹燈、街頭裝飾等，好多復古野😃打卡好正！野食方面選擇不算好多，但又咩款式都有🤣先上嘅小菜有我好喜歡嘅豆芽！爽口又夠麻油味😋另外一款係泡菜。兩個人揀左三款野食都食得好飽😆嗌完先發現每樣都有泡菜🤣🤣🤣泡菜豬肉鍋+公仔麵🍜呢個真係打開味覺😎😋平時都有食過泡菜鍋，但係好少食豬肉鍋，見到好多舊五花腩係度唸點會好食🤣 點知食落啲豬肉味好香好濃！湯味道濃郁，不過都真係幾辣下😛刺激！泡菜好味，五花腩更係出色，瘦肉部分都軟爛即溶😍😍追加嘅公仔麵夾埋個湯都食個不停🤣個鍋中嘅食物好多，我地都加左幾轉水味道都冇淡🤪招牌炒章魚🐙呢個上到檯真係好香，章魚都好好食，椰菜都係爆炒得好正！美中不足係，好幾舊大椰菜冇分開到所以中間偏生😅後尾放落個鍋度煮熟再食都好味🤣芝士泡菜煎蛋卷🥚面頭有幾款芝士一起烤，內裡包含好多泡菜🤣蛋亦香滑，若果 係平時果啲蛋捲 啖啖蛋就更好了！整體氣氛不錯，好適合同朋友來吹水食野😛

係尖沙咀厚福街中間最旺既藍馬商業大廈頂層22樓雖然電梯人數有限制晚飯時間要排一排隊最正係頂層用餐後走人不用等其他樓層清晒先走得環境設計到好似去左韓國既地道大排檔咁各種拉閘既商店及電錶位加上天花的霓虹燈十分搶眼其中一邊更是很地道的洗衣店格局及韓國漫畫架食物款色略為特別、份量亦好足可惜係霓虹燈下搶左大部份紅色現場分別不大但影相出到嚟就幾偏色下泡菜芽菜可以任FILL環境好地道座位不多最好BOOK位懷舊烤五花肉配生菜 $152新鮮熱辣既燶邊厚切肥豬肉配上蒜片及韓式辣醬十分惹味另外包上軟硬適中既韓國生菜更加地道五花肉份量好多仲好滿足拉絲芝士韓式炒雞 $128煎至脆香嫩滑既雞扒炒埋鮮甜既洋蔥再加上大量拉絲芝士一齊焗仲有少量甜甜地既泡菜帶出不同層次トト脆炒豬脆骨拼拳頭飯 $142沾上大量芝麻及麻油既紫菜飯搓成小粒方便分配及不會易濟伴上香辣爽口嘅豬脆骨炒棷菜整個配搭令人食欲大增又不會太油膩

餐廳裝修超特別好，似韓國嗰啲大排檔一樣，超多影相打卡，最啱一班年輕人過嚟食飯，餐廳選擇都好多除咗部隊鍋仲有韓國傳統小食同埋炸雞，餐廳人流都好多，黎之前記得book位✨傳說中的部隊鍋（M）$146最近天氣凍返少少，梗係要叫個部隊鍋食吓啦，部隊鍋泡菜味香濃，唔會過辣，好啱香港人口味，材料好豐富，有芝士茄汁🥫豆，腸仔，餐肉，芝士🧀，洋蔥，大蔥，椰菜，每個部隊鍋仲會跟個韓國公仔麵，絕對係跟足傳統食法✨韓式炸餃子$68炸到兩面金黃，外脆內軟，肉味濃，肉汁juicy，食裏面仲加咗粉絲，有兩重口感✨拉絲芝士韓式炒雞$128雞肉相當嫩滑，雞肉一啲雪味都冇，用韓式辣椒醬醃過相當入味，而且芝士超多，淡淡嘅芝士香味，鍾意食芝士嘅人必點✨蟹膏蟹肉蛋卷$128玉子燒蛋味好重，玉子嘅質地好滑，裡面仲有好濃郁嘅蟹肉同埋蟹柳，蟹膏都好新鮮鮮味，為蛋卷增添不少特色，係必點推介✨菠蘿梳打$38果味濃郁，用咗新鮮嘅菠蘿，所以唔會太甜，解渴一流

最近同朋友兩個人都沉迷kpop文化，每次見到綜藝上面韓國料理都覺得好吸引，今次去一間餐廳嘅裝修好有心思，真係好似韓劇入邊嘅場景，所以我哋超級期待，食完之後覺得十分推薦。首先，拉絲芝士韓式炒雞真係驚艷到我，啲雞肉爽嫩，芝士拉絲效果超勁，入面仲有好多泡菜，酸辣酸辣好開胃，加上韓式辣醬好惹味🧀。另一款菜式薯仔煎餅都令我留下深刻印象，酥脆外皮，內裡嘅薯仔餡料鬆軟香甜🥔。而招牌炒章魚係我嘅最愛，章魚炒得彈牙有咬勁，加埋啲香料香氣四溢，辣得黎好過癮🐙。最後嘅一款菜式係芝士蟹膏蟹肉蛋卷，芝士同蟹膏嘅混合，加上鮮甜嘅蟹肉，層次感豐富，雞蛋軟滑嫩口😋。飲品方面，我地點左朱古力啤酒，係呢次餐飲嘅完美結尾，香濃的朱古力味道混合啤酒的氣泡，帶點微苦但又甜甜地，十分特別🍺。

好耐冇食過韓國菜啦🇰🇷 今日試宜間樓上舖 一入去發現裝修勁懷舊 無論燈光枱櫈都好似韓國路邊攤感覺。至於食物如何就睇睇下面嘅分享啦😀🍙蟹膏拳頭飯 $88飯團真係好大個 上面放左蟹膏 加上飯團入面有小許蟹肉同紫菜 食落都幾香蟹味 吾錯👍🏻🐙招牌炒章魚 $146 宜個炒章魚 我地都覺得好好食 章魚好彈牙 醬料辣辣地甜甜地 加上大量椰菜一齊炒 夠香 章魚都好入味 😋🐷懷舊烤五花肉 $152限量8份 份量十足 兩人會食唔哂 大大碟五花肉 包埋生菜 面鼓醬 蒜片 解油膩 但覺得五花肉可以再烤燶啲會更脆更香🍗甜辣炸雞 （$228 whole / $ 158 half)叫左半份 都有6大舊炸雞 勁多醬料 甜辣醬吾會好辣 味道正常但雞肉略厭未夠滑 同 juicy 比較貼心係有埋手套 方便食

星期五黎到尖沙咀行街，夜晚7點幾搵野食，搵到呢間每層都係餐廳嘅商廈🤣 一於試吓頂層嘅韓國野🇰🇷燈光好潮、好hip hop嘅感覺，而且我地之後嘅人都要等位🪩一坐低就有泡菜、荳芽兩碟前菜～ 用QR code落單，亦有實體餐牌。我地叫左三個主菜、兩杯飲品🥤芝士蟹膏蟹肉蛋卷 $128 🦀🍳好食！一切開有蟹肉、蟹柳，層次豐富，醬汁惹味🤤拉絲芝士韓式炒雞 $128好多芝士🧀🤩 亦有好多洋蔥🧅 d雞肉同芝士一齊食好夾，原本以為好大份量，但我地都食得晒👍🏻招牌炒章魚 $146章魚彈牙，蔬菜好fresh👍🏻熱情果梳打 $38、柚子梳打 $38，好夠氣，冰爽！🧊我地走嘅時候，越黎越多人，排lift條隊勁長，真係好難得商廈都咁爆場！

最近對食韓國菜興趣大增 尖沙咀最多韓國食肆 今次決定試一間韓式大排檔 樓上鋪平日8點鐘都好full 氣氛非常好 好彩仲有一張兩人枱我地點左炸雞 可以half half 味道 、魚糕串 同埋蛋卷 份量非常豐富 炸雞我地選左原味和甜辣味 都有7-8 舊 肉質鮮嫩 保持到肉汁 甜辣味亦唔會太刺激 反而幾開胃芝士泡菜蛋卷蛋卷分離時亦有拉絲感 內裡泡菜料豐富 最後點左年糕串 有gas 一路暖住個鍋可以保持溫度 不過都要留意控制火候 避免太猛火overheat 年糕串 年糕串吸收左湯汁的精華 口感亦相對清新 消解一下炸雞的油膩感飲品方面試左罐裝梨汁和青蘋果梳打整個晚餐氣氛熱鬧 而且食物份量和質素都有返咁上下 👍🏻

❤️朋友介紹到hoo 韓國包車食lunch，果然冇介紹錯，同一般韓國餐廳唔同，這裏特別有懷舊風格，真係比較別樹一格。⭐️⭐️食物有好多選擇，午市仲有街頭便當，都好豐富😋⭐️⭐️拉絲芝士韓式炒雞，滿滿拉絲的芝士和滑嫩的雞肉，加埋爽口嘅洋蔥，真係令人無法抗拒，口感十足👍🏻⭐️⭐️卜卜脆炒豬脆骨拼拳頭飯，名符其名，脆骨脆卜卜，仲有爽脆嘅椰菜，配合韓式特色辣醬，非常惹味香口，送飯一流。拳頭👊🏻飯有陣陣麻油香味和紫菜，容易入口。⭐️⭐️炸芝士流心豬扒韓式便當，炸豬扒裏面啖啖芝士，既邪惡👿，但好味道，不單有主菜，還有份量充足的配菜👍🏻⭐️⭐️甜米漿、柚子梳打食完豐富嘅午餐，當然要有冰涼嘅飲品作結尾。

全晚由等候入座，上菜，問野全程都態度好好2人埋單5百蚊左右性價比都算高餐廳環境好有風味食物唔係全部都出色但服務態度值得一讚同回頭再幫襯今次主要為左碟章魚去餐廳而家出左2人餐但同朋友慶祝生日就無買任朋友想食咩就散叫2個人叫左4款菜街頭魚糕串串中size $146湯底好似關東煮魚糕甜甜地夾埋湯好好食芝士泡菜煎蛋卷 $112入口超級有驚喜全晚最好食嘅一碟芝士泡菜加蛋真係好夾招牌炒章魚 $146朋友話偏辣但用韓國標準嚟講又唔夠辣同埋偏甜泡菜煎餅 $85完全唔值得叫好淋又無味

一直都好想試呢間餐廳，終於約到朋友去食。餐廳嘅裝修係韓國路邊攤嘅風格，再加咗啲復古嘅家具做裝飾，好似搭咗飛機去韓國咁🤩我哋6:45去到餐廳仲有位，直到7:30左右已經full晒，見到啲人要喺出面等位，所以記得黎之前book定位啊！餐廳嘅Menu都好易睇，兩頁就睇得晒。卜卜脆炒豬軟骨拼拳頭飯平時食雞軟骨就食得多，都係第一次食炒菜嘅豬軟骨，咬落去感覺似豬耳，真係卜卜脆，然後個拳頭飯有四粒，大約係一個乒乓波嘅大細，唔會話太大粒食得太飽。薯仔煎餅冇諗過薯仔煎餅可以咁好食，佢將薯條切咗做好幼既絲，再加咗粉漿，應該係木薯粉所以煙煙韌韌韌咁，有啲似蚵仔煎嘅感覺。泡菜豬肉鍋見到隔籬左右都有食魚糕串鍋，本身都好想試，不過朋友話屋企都整到😝所以最後叫咗泡菜豬肉鍋，冇諗過佢個豬肉係五花腩，一層肉一層油脂分布，食落唔會覺得太肥膩，配埋泡菜同個湯食啱啱好，如果可以加啲公仔麵就好啦🤣拉絲芝士韓式炒雞因為真係好鍾意食芝士，芝士係絕對做到拉絲嘅感覺，個雞係比想像中嫩滑，而且啱啱好唔會太鹹，配埋啲大蔥一齊食真係好開心。最後都有叫咗兩個嘢飲，冇諗過條飲管係心形咁有心思，用嚟打卡一流啊🥰

🍽️hoo韓國包車今日來尖沙咀試下韓國路邊攤小食，非常有氛圍的一間店鋪，系韓國最中意食路邊小食，真系有翻到韓國的感覺！強烈推薦同朋友一起來感受一下熟悉嘅韓國味道☺️🍢街頭魚糕串串 ＄146又軟又嫩的魚糕串串，一煲上來熱辣辣♨️湯底有白蘿蔔一起煮，鮮甜又暖胃，推薦👍🦀醬油蟹 配 脆脆紫菜 ＄288醬油蟹好新鮮，完全冇腥味，之前仲擔心會肚痛，但系一D事都冇啊🤭蟹肉飽滿結實，同韓國食嘅味道差唔多，但系冇韓國嘅甘咸食完口乾🧀芝士蟹膏蟹肉蛋捲 ＄128中間包裹超多蟹肉很多，而且蛋捲夠厚，一大啖咬下去好滿足啊，可以同時食到蛋同蟹肉雙重口感🫓泡菜煎餅＄85泡菜煎餅比較薄，煙韌彈壓噶口感，唔系香脆的薄餅口感，同泡菜一起食會更好吃🍗一雞兩味＄228醬油味+辣味，份量好足雞超大塊，適合大啖食肉噶朋友，3-4個人share一份ok，辣味唔會好辣，雞肉有肉汁唔會太乾🍺柚子啤酒＄58🍹柚子/熱情果梳打 ＄38柚子啤酒清爽解膩，唔飲啤酒都可以試下炸雞配梳打