HOW Food Factory (已結業)

竟然豈觀塘番左幾年工都唔為以呢間咁正咁大間嘅工廈cafe，今次夜晚番觀塘搵朋友先第一次食😂入到黎不自覺哇一聲，因為地方勁大。室內冇特別粉飾，帶點原始簡撲感覺。呢度除左食野，仲有好大位置擺放手作同傢俬比人購買。呢晚我地掛住食同聚舊，完全冇去到睇下d手作。嗌左三款dinner set share食：1)烤帶子.茄子.靈芝菇.香炒辣蝦米醬扁意粉2)紐西蘭黑安格斯肉眼扒.炸薯角.烤蕃茄3)慢煮厚切日本四元豚肉.薯蓉.肉桂蘋果三款野食味道都不俗，夠大份食到好飽。意粉比想像中辣，然而幾香口。兩款扒同樣夠淋身，鍾意其中嘅肉桂蘋果配搭，好好味。價錢方面就略貴。

那一夜我們看著揪心的新聞，相對無語，走進了工業區中的一小店。聞著咖啡的香氣和木味，繃緊的神經也開始稍微放鬆🌿。晚餐點了煎青魚柳·紫薯茸·無花果·白酒忌廉汁($148)，有湯、芒果帶子牛油果沙律和飲料，還送甜點。醬汁半稠身，帶甜，淋上小脆皮的魚柳很好入口，滑滑嫩嫩。加上紫薯和無花果壓茸後的甜香四溢，絲絲帶甜的纖維在齒間和魚肉融合，是精緻又甜美的味道，不過如果能有果仁香，或是多點辛香的味道，相信會更開胃呢。.甜點是紅豆抹茶涷，抹茶香沒有泡出來的濃，甘甜但茶香不太突出。

之前都聽過呢間餐廳唔錯咁啱去開觀塘就即刻黎食晚餐試一試一去到已經比佢個環境吸引左真係好有文青feel主要都係用木色既桌椅地方亦都好大 唔會好迫除左食野既地方另外仲有賣少少生活用品食完野仲可以順便行下呢次去到好好彩唔洗等叫野食既方式係自助既野食都算快 唔洗等好耐就有得食同朋友都一樣叫左Dinner Set入面既紐西蘭黑安格斯肉眼扒配埋薯角同埋蕃茄免費配埋湯, 沙律 , 飲品同埋甜品以呢個價錢黎講覺得算唔錯既個沙律同湯都一般, 無乜特別講返個扒, 我叫左五成熟, 切出黎都真係五成, 無過熟個汁唔會太重味, 所以可以食到個扒既原味, 唔錯薯角都好脆 係新鮮炸既 無淋蕃茄反而得半舊 我覺得少左啲但整體黎講都係好食既

上網見到好似幾舒服於是叫咗朋友同我,一齊黎食,感覺真係唔錯!今日叫咗兩個set dinner1.慢煮雞胸‧烤薯‧金巴利燒汁($158)賣相:4.5/5 味道:5/5 想再食程度:5/5評語:一向都好怕食雞胸因為覺得會好乾同唔好食.但呢個慢煮真係俾我一個新體驗,唔單止好滑而且食落好有雞既香味,汁唔算濃我覺得係岩岩好既,值得一試!!2.烤帶子‧茄子‧靈芝菇‧香炒辣蝦米醬扁意粉($138)賣相:4/5 味道:3.5/5 想再食程度:2/5評語:茄汁味有少少偏酸,我本人比較怕酸所以唔係好岩我,但帶子同蝦都好新鮮係對得住個價錢既!3.Grape Fruit Ginger Tea & Green Tea Latte 賣相:4/5, 3/5 味道:3.5/5, 4/5 想再食程度:2/5評語:唔係好大杯又唔係好好飲,但都唔叫差.整體CP值唔算真係好高,但好吸引我會再去既原因係佢地方真係好大,枱同枱之間唔會好近,講野唔怕會有人聽到!!

已經唔知第幾次黎HOW，觀塘好食嘅選擇真係唔算多，再黎每次都有唔同嘅感受。今次有個快閃嘅飯，知道下朋友近況。隔左一段時間無黎，有新嘢食。今次隔局唔同左，係自助形式為主，有舊提示器會提你水吧攞飲品，而食物就係另一個。Latte，我個餐唔駛另加錢，幾好。湯係磨菇湯，唔算濃，可以。沙律正常。朋友點嘅係慢煮雞胸，烤薯，金巴利燒汁，158元，朋友話幾好味，唔錯。我嘅係烤雞扒配日式咖哩，蛋煎稻庭烏冬，148元，咖喱係夠，係日式嘅，主要係甜啲。蛋煎過嘅烏冬幾好，好香口，但無咁濕就會更好啦。我欣賞依家無哂油煙味，睇黎改良咗，好好！Happy食得開心Own好有自己嘅空間Warm人都好nice，小店絕對支持！

HOW to live Well，一入門口都感受到個空間感好大，無論係傢俬部或餐飲部，空間感都好足，完全無壓迫感，成個感覺好relax！黑毛豬味道濃郁且鮮嫩，配輕微薄荷味嘅蘋果蓉，不但令味道更具層次，而且能中和當中的肥膩感和牛牛味重，每一啖都好幸福！伴碟有黑醋沙律及炸薯角三文魚塊皮煎到脆，魚肉嫩，油脂豐富冰果茶係玫瑰蘋果茶，賣相同味道都係好嘅~本來以為跟餐甜品好hea，估唔到又唔錯喎，朱古力味濃，口感都算漓，仲有粒同朱古力好夾嘅伴侶-香蕉環境夠靜，無限用餐時間，好適合傾計，食物質素不錯，食完飯又可以睇吓隔離嘅日式家具及精品，暫時拋開工作煩惱，短暫忘憂空間。

Live complainingEasily dubbed as the hipsterest cafe in Kwun Tong, HOW attracts a hip crowd even on the weekdays from the creative personnel alike. I am impressed by the store decor and the scale, but this cauliflower risotto is simply disappointing. Why are people being stingy on cauliflowers? Isn't it dirt cheap?? The presentation is blend thanks to the overall-white color. And out of the three cauliflowers they gave me, only one was flavoured. The chef should probably re-learn how to evenly c

呢間工廈西餐廳，係觀塘區算係出名，之前都黎過。覺得呢到地方夠大，坐得舒服，仲有特色既家具擺設望，都幾好，所以今次再黎。環境上無乜改變，但叫食物既形式改左，由侍應落單，改為自己到收銀講，而拎餐都係自己見牌着燈去拎，食物同飲品分開位拎，實行以自助式快餐運作。好喇，講返野食，個人覺得水準下降左吾少。首先最失望係野飲，非常細杯，仲要用即棄膠杯裝，好吾環保，飲品原價都三四十蚊，實在吾抵。而食物就不過不失，牛魚味道正常，燴飯有d咸，伴魚既紫薯味道有d怪！呢間價錢吾平，經過今日都無再想再黎既感覺...

終於有返啲心情☺️出去「搵食」，食返餐🍴好先對得住自己，化悲憤為食量！呢間Cafe☕️ 一直好評，無論係食物、飲品、服務態度同樣高質，而且以一個傢具店嘅配套作賣點，空間感大又不失格調，感覺舒適寧靜，十分滿意☺️.🍽『日式🎌和牛🐮芝士🧀磨菇🍄漢堡🍔』...... 和牛漢堡排煎得好香口，好有筋度，有咬口，記憶中真係幾高質嘅漢堡排，配上芝士磨菇，好夾，再加上蕃茄🍅同酸瓜，連同沙律🥗同薯角，豐富至極😎.🍽『香煎青衣魚柳🐟配紫薯茸🍠無花果白酒忌廉汁』...... 魚煎封後脆口，魚蘸上白酒汁先叫係perfect match ，新鮮無花果清新甜蜜，連埋紫薯嘅甜美，感覺幸福☺️.☕️『泡沫咖啡』...... 拉花精緻，咖啡香滑，十分舒懷😌.🍵『抹茶拿鐵』...... 超濃烈嘅抹茶味道，很有日式茶道嗰一種風格，一試難忘😳

平時食開樓下2樓嗰間西餐，但原來佢哋星期日唔開，所以就走咗上嚟3樓開餐。第一次上嚟，發現呢度地方好大，有好多精品賣，亦可以訂做傢俬，一旁就做cafe，開放式設計，樓底又高，空間感十足，而且文青氣息濃厚。餐湯只係暖，唔熱。🚀珍寶牛角包•牛油果醬配香果煙三文魚 $118賣相不錯，顏色吸引引，睇落足料大個。但味道一般，單以食物味道嚟講，就絕對唔值$118嘅價錢。牛角包軟腍，過氣麵包嘅質感，入面嘅薯餅香脆好食，但敗筆在於煙三文魚，煙三文魚味道咸”腥”，而唔係應有嘅咸”鮮”😨朋友叫嘅沙律，沙律菜望落都幾新鮮。飲品造型可愛，影相同樣一流，不過咖啡味一般，唔夠香濃。總括嚟講，呢度嘅環境同食物賣相都好好，但食物味道，服務態度都強差人意，枱與枱之間嘅位置好近，近到甚至聽唔到對面朋友講嘢，聲音完全比隔離枱蓋過，而且仲係有用餐限時，真心唔認為值呢個價。

周日通常會係觀塘 最近鐘意飲咖啡於是係OpenRice search coffee shop 見到呢間覺得環境好合心水 但星期日係收1830 我坐低個陣係1730 不過冇計啦 我喜歡 唯有下次早啲黎入到去店員都好主動問我想點啲咩 同埋同我解釋1800 last order 1830 close 睇我o唔ok本身打算飲Latte 最後我點左杯flat white 呢杯咖啡唔係間間都有得飲 係我係澳洲個陣一試愛上 所以見到即刻點 飲落較重奶味 岩哂我呢啲唔鐘意太苦既人咖啡亦唔會話好甜 對我來講啱啱好我上網見到仲有其他Menu 有蛋糕/熟食嗰啲唯有下次嚟試啦 或者再早啲嚟By the way 呢度真係好啱拎部電腦過嚟做嘢或者拎本書過嚟睇 好Chill 好舒服 Will come again

朋友係觀塘返工，約埋一齊黎食飯，又俾我地搵到好西😋$150-$200不等一個餐，免加一，有湯、沙律、主菜、飲品，仲有埋甜品，食到好飽😛自助形式出去買完之後分別要去水吧拎野飲同廚房拎野食。沙律醋幾特別，但略嫌啲菜唔係最新鮮。忌廉湯都足料唔會太稀，但味道有啲罐頭 😛主菜就好！慢煮雞胸通常都鞋，我見佢有chef recommendation icon就即管試下，正喎好滑，個汁又好夾，同埋佢份量係好多，配菜都有心思，起碼係熱，同埋有味。帶子意粉好多茄子，叫左少辣都有啲啲辣，個汁係香既。烤雞漢堡有埋薯角，好大塊雞扒，芥末醬好出。甜品係紅豆綠茶布甸，好好味呀 😍 布甸底唔甜，紅豆比較甜😂 夾埋就岩。布甸好滑，好香綠茶味🍵

星期日經過觀塘巧明街去咗呢間集傢具店同coffee shop於一身嘅舖頭，HOW。這裏的家事轉化成餐廳裏的擺設和座位，環境好舒服。我地叫咗杯ice latte，一份日式雞軟骨餃子同一份烤帶子香辣蝦米扁意粉分享。帶子煎得好香口但未至於太乾，意粉10分入味，都好彈牙。雞軟骨餃子最為吸引，大大舊好足料，，仔細咬落還有一點軟骨的口感，正！這裏的店員都很親切十分願意為顧客服務，又會主動介紹餐單。星期日下晝住低食個tea好寫意！

[🇭🇰香港- 觀塘].Cafe行工業風,除咗有餐廳,另一邊係賣精品,擺設同家品,地方夠闊落,幾舒服;見到其他人叫嘅食物,望落都幾吸引,不過我哋食完飯先嚟所以淨係飲咖啡,就不過不失;要留意佢哋假日有min charge同限時90分鐘,但如果唔多人,店員都會比你坐多陣嘅.🔻🍽 HOW📌 地址: 觀塘觀塘巧明街99號巧明工廠大廈3樓AB座.#tummysready #tummysreadytoeat #tummysreadytodrink #tummysreadyinhongkong #tummysreadyatkwuntong #tummysreadyforcoffee #tummysreadyforcafe

今天相約了朋友到觀塘工業區的Cafe食lunch，環境寬敞，餐廳裝潢都以自然木色為主，氣氛放鬆！朋友分別點了牛扒及豚肉。牛扒選了五成熟，熟度適中，不過牛味不算太濃，算是不過不失。豚肉份量十足，而且口感腍身，配上滑溜薯蓉也算不錯！而我點了慢煮雞胸配金巴利汁，雞胸滑身，口感不會很柴！有意外驚喜！及後追加了雞軟骨餃子，煎後略油。午餐跟餐還有沙律或餐湯可選，而飲品則要散叫。最後我和朋友們在餐廳坐了3個多小時😂渡過了一個休閒的下午😌