How To Live Well (K11購物藝術館)

營業中

休息中

How to live well 外面coffee counter 可以好casual 咁飲杯咖啡食件蛋糕，咖啡同蛋糕都唔錯架。☕️Latte ($48)順滑咖啡加上豐富奶泡，天鵝拉花又靚👍🏻👍🏻🍵Matcha Latte ($48)抹茶加奶泡，抹茶味濃郁，帶少少抹茶苦味，混合豐盈奶泡又香又滑，係唔飲得咖啡嘅另一好選擇🍰Pistachio Mochi Roll Cake 開心果麻糬卷蛋($48)蛋糕係無開心果味嘅😆，不過中間深綠色嘅開心果醬就有好強勁嘅開心果味，總不能樣樣都開心果味嘅，好膩架麻，蛋糕無醬有，夾埋食就啱啱好，麻糬呢…..就係好似鮮奶麻糬果種流動性好強嘅質地，本人就麻麻鍾意。總括嚟講，想飲咖啡，嚟呢到唔會失望。

我哋1:30到到嘅時候同訂枱嘅時候冇人同我哋講用餐時間去到幾時2:30已經催我哋3pm交枱都唔緊要因為喺香港食飯都預咗但係我哋午餐食咗700幾蚊都唔預啲態度咁差2:35嘅時候佢哋已經係我朋友未食完嘢同埋枱上面仲有食物嘅情況之下收走佢嘅餐具同埋碟跟住我哋每飲完一杯水，佢就即刻收走隻杯但係其實嗰陣係只不過2:40 我都係想飲埋杯茶佢哋已經繼續逐樣逐樣將枱上面嘅收走其實如果一早同我講3:00又要交枱，我唔會坐低因為同一個商場有其他選擇而且佢可以直接同我講，佢要我10分鐘內食完走都好過喺我哋傾偈嘅期間咁樣逐樣收走枱上嘅嘢不過都唔緊要嘅，但係如果要傾偈真係唔好揀呢度同埋真係冇下次同埋食物味道普通真係唔值俾咁貴

17/5/2024📍How To Live Well位於K11嘅cafe 裝修自然都好有格調 係木系清新嘅路線 餐廳兩邊都有大玻璃窗 採光一流我哋嘅座位係窗邊 景觀好開揚👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨燴和牛面頰肉·肉醬粗管意粉（$138）牛面頰煮得幾腍 意粉軟硬度中等👍🏻汁醬偏杰身 令意粉好掛汁 面頭灑咗啲芝士粉 令道菜多咗層芝士香氣✨柚子蜜烤春雞·脆炸芝士圈·烤彩椒（$168）雞脾部分滑啲 雞胸部分就鞋啲 本身嘅汁有淡淡柚子味 仲有啲柚子肉係度 另外有個汁比你點 覺得唔夠味都可以點埋芝士圈好食 幾重芝士味三色椒焗到好腍 甜甜哋幾好食😊不過份量就好似偏少✨開心果麻薯卷蛋（$48）開心果味係有嘅 麻薯都幾煙韌 但太少cream 唔夠喉🥹✨Iced hazelnut latte（$33）揀咗nutty 幾好飲✨Cucumber latte（$33）抱住試伏心態嚟嗌 結果真係中曬晒伏 青瓜同咖啡唔係幾夾🙂‍↔️宜家諗翻起都覺得好奇怪好重草青味 唔係為左咖啡因都唔會飲曬🤢⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋食咗$462（連加一）另外商場有promotion滿$400減$100

第一次來這裡是幾年前，記得當時感覺不錯，有種慢活感，服務和環境都不錯。所以去尖沙咀就會來這裡。但相隔一段時間沒來，感覺完全不同了。收加一但QR code落單不要緊，但我剛好電話快沒電，問一個小肥戴眼鏡的男職員有沒有usb插頭借我差電，「沒有」，那有沒有隨差可以借一會，「沒有」，那我能不能放我的電話到你們counter差一會，「我們不會提供這服務」。可能是其他cafe太好，通常都會幫客人江湖救急，原來how是不會的。我當天點了一pot果茶，請該男職員幫我refill熱水，他幫我加了，但是一個已冷卻的熱水壺，水都只有微暖，真無言。當時還只是平日的下午，非繁忙時間，有很多空位，客人不多的情況下服務也這樣。真心，在我喜歡的cafe中除名了。

lunch time同同事嚟chill吓lunch set配嘅麵包吉列芝心豬扒日式咖喱飯 $128 🍛依個presentation我會形容為 成地都係咖喱汁😂😂😂啲飯同豬扒會浸親 但其實我好喜歡每啖飯都係滿滿嘅咖喱汁甜甜哋嘅日式咖喱 撈飯一流芝心豬扒都唔錯 炸得幾香口 又唔會乾加埋芝士 邊有得輸係略嫌薄咗少少🤏🏻厚身啲嘅話就perfectPEPPERONI ONSEN EGG PIZZA $148 薄脆pizza餅底 上面有茄汁蛋黃 同埋pepperoni + Parma ham 簡簡單單 正常發揮啦燴和牛面頰肉肉醬粗管通粉 $138依個就最失望 通粉好硬 斗膽考驗我嘅牙力乳酪雪糕 • 窩夫 • 一口心太軟 $88一口心太軟好好味好似一個流心朱古力波波咁外層係脆嘅 入面就係濃郁嘅朱古力連埋加一每人$200左右

這家餐廳名字很有意思，就是想要創造一個讓人擺脫日常工作，放鬆身心的空間，這家咖啡店在一家傢俬店裡面，店內全是木系裝修，走進去就有一種放鬆身心的居家鬆弛感。週末跟朋友到這裡brunch都覺得很幸福。✧ 雜錦小食拼盤（炸薯角、南蠻漬糖醋炸雞、芝麻雞翼、豬肉香腸、炸芝士圈）對於選擇困難的我來說，小食拼盤可能是最好的選擇，炸芝士圈是我的最愛，外皮炸得酥脆，咬開能聽到清脆的咔嚓聲，混合了奶香，外脆內香。豬肉香腸肉質多汁又Q彈。✧ 燴和牛面頰肉，肉醬粗管通粉和牛面頰肉熟度恰到好處，口感柔嫩，加上彈牙的粗管意粉，簡直幸福又滿足。✧ 飲品 - Guava OasisHow to Live Well (k11 Art Mall)📍尖沙咀河內道18號K11購物藝術館2樓201-01號舖

雖然今日落雨，但係唔駛出地鐵站都搵到好西。黎到左間食西餐既地方，迎接呢個週末。入到去被安排坐吧枱位，由於我地得兩個人，所以吧枱既話傾計都幾方便。點左個意粉同burger、再加兩杯野飲。個burger 都有番咁上下水準,雞扒幾juicy 薯角都幾脆。另外明太子煙肉意粉都好好食，兩樣都係我至愛。兩杯野飲都打卡一流。

同朋友過黎聚餐所有食物都好有驚喜好好食！牛肉5分熟好juicy 薯蓉超級好味！意粉一d都唔漏 意粉軟度適中Pizza與燒春雞都係出乎意料的好食真的不錯 下次有機會再過黎食～

上網睇顯示冇得訂位，打電話去又唔冇，唯有Walk in碰吓運氣，全因為朋友話呢度選擇多又抵食大約7:00去，得返一兩張枱，weekday 都差唔多坐滿，呢間餐廳算生意好好叫咗個玉子燒，幾juicy 多汁炸日本魚仔，唔記得咗個名叫咩魚，不過成條食好惹味Six cheese pizza - pizza 餅底好脆，一定要有返咁上下勁嘅焗爐先可以做到呢個效果，大贊慢煮豬柳 -重肉味亦都好Juicy，配搭煮熟咗嘅蘋果亦都好特別，唔使點佢個汁都已經好夠味成餐飯重點係，人頭計都唔使$200

位於K11 Art Mall嘅HOW to live well分店 裝修簡約 環境舒服🤍食物質素高 店員服務態度仲超好 值得大家一試✨.📌吉列金文畢芝士條•吉列埃文達一口芝士粒•無花果醬 $88芝士條同芝士粒炸得好乾脆 完全唔油膩👍🏻金文畢芝士條鹹香中帶酥香 口感有啲似薯蓉 好綿密 又有少少顆粒感🧀埃文達芝士粒鹹香十足 外脆內軟 仲好拉絲添🧡芝士配清甜無花果醬 味道好夾😋.➿Pizza (12”)➿Pizza可以揀兩款口味雙拼 以較高價錢嘅pizza再加$28🙌🏻Pizza比平時薄批厚身啲 外脆內軟🔥.📌Six Cheese (12”) $168Pizza用上六種芝士 分別係: Mozzarella, Gorgonzola, Fontina, Emmental, Cheddar, Parmigiano Reggiano 鹹香十足 啱晒芝士控🧀批邊脆卜卜 而芝士令pizza更軟熟濕潤 口感好正🍕簡單芝士同蕃茄醬嘅配搭 個人最鍾意🥰再點埋香甜蜜糖 鹹甜鹹甜 一流🍯.📌Seafood (12”) $188海鮮Pizza內餡豐富又足料: 有三文魚, 墨魚, 蝦滑, 蟹肉棒, 蘑菇, 洋蔥同鰹魚

值得推薦的餐廳❤️昨天與朋友們聚埋一起晚餐，我第一次選擇這間餐廳，因為餐廳裏面寬敞舒適，很適合與朋友聚埋一起傾偈，冇諗過食物真係唔錯，尤其是封門柳5乘熟剛剛好，好有牛肉味好腍👍👍明太子忌廉煙肉意粉好夠味好好食，反而係Parma Ham Pizza比較咸左D，凱撒沙律都唔錯，整體如果10分我都會比8分半呢間餐廳，而且侍應都好有禮貌喎，好有耐性，現在很少有這種服務態度👍下次會再去。

好耐之前同朋友嚟過一次～嗰次感覺都唔錯，就再嚟多次先星期日大約2點到～就咁睇座位都有9成full上次同朋友叫咗1款意粉同2款小食，我哋都比較鍾意Pasta多過小食今次叫咗2款主菜: Pasta🍝+Pizza🍕煎大蝦•龍蝦鰹魚湯扁意粉 $148意粉面頭鋪上2隻煎香咗嘅大蝦同埋沙律菜，配上一小壺龍蝦湯～賣相幾有文青feel龍蝦湯質感比較濃稠，都有陣陣嘅龍蝦香味，但配上扁意粉後唔太掛汁，味道稍淡～面頭2隻大蝦唔會煎得過熟，亦都煎得幾香，最重要係唔使剝殼Classic Pizza $193正正常常嘅大Pizza~面頭鋪上香腸、煙肉、蘑菇，配上芝士同蕃茄醬整體感覺焗得唔夠香，食材味道唔突出，被蕃茄醬掩蓋晒餅皮屬於比較簿脆類型，食落偏硬～整體嚟講算唔錯，位置方便，環境都舒服～嚟到嘅話我會比較推薦大家試Pasta

龍蝦鲣鱼湯煎大蝦扁意粉的大蝦煎得好香，扁意粉彈牙，加埋龍蝦鲣鱼湯，十分配合，沙律的菜鲜甜，醬汁亦調配得不錯，加埋蛋汁就剛剛好。Dirty咖啡都幾好飲，温度適中，不太苦，有回甘。

週末和朋友逛完街後找地方飲咖啡，How To Live Well就在K11 Art Mall內，連接尖沙咀港鐵站，非常方便。2PM左右到店，難得不用排隊。店內的工業風裝潢很有格調。樓底高之餘，店裡有自然採光，空間感充足。我們3人被安排坐在梳化位，非常舒適How的食物、飲品款式不少，但沒有套餐選項，需要散叫。我們最後選了一個蛋糕和一個Pizza分吃。因為Pizza需要20分鐘製作時間，所以蛋糕先來。今天的Homemade cake是black velvet cake，分量偏小，對我來說cream有點偏甜。Flat white味道正常，拉花很美製作了20分鐘的classic pizza，熱辣辣上枱是我喜歡的薄脆口感，美中不足是有一點點燶邊。配料簡單，但芝士量足，好吃。How To Live Well的食物表現普通，但環境寬敞舒適，是個和朋友悠閒聊天的好地方。

收工約咗個朋友食飯👯‍♀️揀個中間點就決定去尖沙咀K11搵間可以傾偈嘅餐廳，呢間「How to Live Well」係K11 design gallery 入面🖼️餐廳都幾闊落，同埋好多梳化位置俾大家慢慢坐傾下計💬Hot Peach Fruit Tea  (Tea Pot) $68呢排養生所以就叫咗壺桃味嘅茶🍑佢係用茶壺裝🫖幾有feel，不過個水杯就有啲頹，如果襯埋一set 會好啲🫣但都冇影響味道，係賣相冇咁靚🤣壺茶有淡淡的桃味，好香，而且即使浸咗好耐，都唔會變澀，好啱我哋慢慢傾偈慢慢飲🫶🏻日式蟹棒芝士蛋卷 $108對於任何有蛋嘅菜式我都不能夠抗拒😋唔好以為蛋卷係一個份量好少嘅小食，佢都幾大舊同飽肚🤩蛋卷燒得好實正，一切開仲見到一層一層嘅蛋包住芝士同蟹棒，配埋上面嘅紫菜+ 木魚topping 同汁一齊食，好多唔同質感嘅食材撈埋一齊，但好夾，鍾意食蛋卷嘅你一定要嗌🥰明太子忌廉汁煙肉意粉 $178好搞笑佢上面裝飾嘅topping 同個蛋卷一樣，都係紫菜同木魚🤣作為好鍾意食明太子嘅我，就覺得個意粉嘅明太子味唔太出，俾個忌廉汁蓋住左，但個汁係好食，同埋意粉都煮得好彈牙，配埋啲煙肉碎，其實都幾飽🤰🏻