HOWE Cafe (已結業)

近排都有多野做 難得今日終於忙完 於是就想揾間cafe同朋友chill下 傾下計😙😙😙😙 朋友就帶我嚟到呢間傢俬cafe 呢度入面都係d傢俬ge display 有寫明價錢 另一面就係食野區🥰🥰🥰 感覺好寧靜好舒服😽聽朋友講佢lunchset會成日轉 今次我地就揀左set e and g share食👅👅👅Set e係吉列豬柳bagel 因為無曬🥯臨時就轉左牛角包🥐 吉列豬柳好脆 但一d都吾油膩 加埋蕃茄青瓜生菜夾住食 感覺好fresh😚😚 另外伴碟的沙津亦都好新鮮 沾埋油醋汁仲正🤤Set g就係牛肉蕃茄意粉 意粉軟硬度好適中 蕃茄醬吾會好似罐頭蕃茄咁 朋友都大讚好好味😋😋😋😋整體感覺好舒服下次都會再嚟

上次跟家人到訪同行有1歲BB 餐廳職員主動給予一張較便利的桌子又為我們送上BB櫈很貼心！當晚我們order左意粉pizza及沙律前後共5道菜但整體味道一般不算難食但沒有驚喜若食環境及服務仍可推介

炸雞搥力推， 表面睇以為炸過火， 估不到一口咬下肉汁豐富， 皮脆肉嫩…正， 另一推介就是牛油果沙律， 除足料外沙律菜好新鮮 😍 旦其中一樣真係麻麻地… 烤紐西蘭西冷牛扒， 好睇唔好食， 多筋肉味淡超失望，仲要幾貴$2xx ， 另外叫了意粉…意粉過軟好難食 🙈另外， cafe 位置比較難找， 旦好在 cafe 內環境幾好又開揚， 又可以開窗好舒服

情人節唔知食乜，最終㨂左呢間近公司的工廈Cafe!第二次光顧，還是覺得很不錯👍🏻雖然地點較隱閉，又是夾雜住買傢私的地方，但環境卻是異常舒服寧靜，有種文青氣息！蜜蜂玫瑰花茶，清香甜美，好飲！另一杯石板街就普普通通，無咩特別青口薯蓉，青口鮮，薯蓉入口creamy，個香草醬汁又混入了少許三色椒粒，食落更有口感及層次炸雞搥，皮脆肉嫩，又夠入味，必食推介煙三文魚凱撒沙律，蔬菜新鮮清爽，三文魚一般般啦！日式加喱漢堡蛋飯，呢個汁唔掂，係唔夠味之餘又帶酸，塊漢堡得個淋字，全無牛味可言，只能夠說得賣相ok囉因為呢度係走慢活路線，我第二次來，都是得一個侍應，但服務態度良好友善，所以點餐及食物等耐小小都無所謂！

黎到觀塘做完野，知道觀塘工廈一向有好多特色cafe，今次就試左呢間以傢私為主既餐廳。一入到去，門口係完全傢私售賣，之後店員邀請你入內隨便搵張椅子坐，環境幾大，排位闊倘，唔會密密麻麻咁，幾舒服👍🏻午市做套餐組合，跟餐湯或者沙津，包一杯$32既飲品。我點左肉醬意粉，食物頗可以，因為醬料既牛肉、紅蘿蔔、洋蔥等都好足料，但係太流汁，肉汁抓唔實意粉，味道以香料為主，即是香料味太重，份量亦唔多，以大胃女生黎講，唔夠😩，整體一般。餐飲我加了少少錢要印度薩姆茶拿鐵，印度茶味重，奶味足夠，有特色👍🏻用紙杯上飲品，方便拎走👍🏻總結：主食一般，沙津唔錯，飲品有特色😋

之前係觀塘密密覓食 到而家先有時間打返個食評好耐之食係到食過dinner 再來感覺唔同哂 一入到去係好多家品同傢俱 到店的盡頭劃分為用餐區用餐區光猛而且舒適 唔會同隔離枱好近係邊食邊傾計的好地方 食飽仲可以睇下野先返office Daily Soup 他他醬吉列豬柳香草包 $80好足料的Panini 香草包香脆好味 吉列豬柳炸得香口唔油 如果個芝士再溶啲充完美喇再配埋沙律清新一下 Latte 12oz (加 $4)反而杯咖啡口味唔太岩我 同埋係堂食但又用紙杯 唔太環保呢. 不過原來佢定期會再轉Menu 咁就唔會食來食去都係果D會再返轉頭食Lunch 的

朋友生日想食西餐, 上網搵到呢間幾特別嘅餐廳, 有傢俬賣又有得食, 又多正面食評.OPENRICE BOOK左位, 有得送嘢飲.樓下搭LIFT係麻麻地嘅, 因為得停車場入口, 客LIFT位都無,  好在上到去就唔同晒, 一出LIFT就係, 一入去係賣傢俬範圍, 服務員小姐見到我地就安排我地去已安排嘅位置, 但朋友話有啲暗, 服務員小姐聽到後主動提出可以調位, 於是我地調左去窗邊位置.由於第一次尼, 唔知叫咩好, 睇到旁邊客人漢堡賣相唔錯, 又聽到另一枱客人介紹朋友尼食, 感覺嘢食應該唔錯.由於得一個服務員, 佢行左去廚房果邊一陣都未返尼, 於是我地自己行過去叫嘢食. 我地叫左三文魚扒漢堡, 卡邦尼先生, 厚切豬骨扒, 蜜糖芥辣燒牛肉沙律. 蜜糖芥辣燒牛肉沙律嘅牛肉唔係我預中咁, 佢係好似 三文治火雞片果啲咁樣, 無燒牛肉嘅感覺. 果汁蜜唔夠蜜芥唔夠芥, 蔬菜可以算係新鮮, 唔太咸. 份量OK.卡邦尼先生味道唔錯, 不太膩, 份量都OK, 意粉軟硬適中.三文魚扒漢堡, 由於見人地嘅漢堡份量大, 但我地嘅就差好遠, 可能人地叫嘅係雙層牛肉, 所以個包就好高, 而我地嘅三文魚就咁望都望唔到啲

I came by Kwan tong to have lunch with a friend and we found this cute restaurant upstairs which also sells furnitures. My friend had the rose latte and the egg omu rice and the lighting made everything look greater than it really was.she enjoyed her food and drink but mine wasn’t that great. there was indeed a lot of veggies with my burger but the salmon was so small that you can’t even see it in this photo. I also ordered a green tea latte but it was soo sweet I had to add extra water.

最愛去這間傢私showroom 連 Cafe, 又可看傢私傢具，食物又便宜又有質素，而且店員仲好友善添。炸雞翼超好食，外脆，多肉汁。肉腸份量夠大，有3款。日式吉列豬扒蛋包飯更不得了，豬扒香脆，好好食。蕃茄大蝦意粉開胃。還叫了三杯特飲同一件甜品，好滿足。悠閒地坐了一個晚上。

環境清靜，空間大，坐得舒服，想靜靜地傾計係唔錯既選擇， 餐廳仲有出售傢俬，連坐既台都係on sale😁幾得意…All Day Breakfast $98份量足夠，牛角包熱辣辣脆卜卜配士多啤梨果醬/牛油好正， 黑椒司華力腸， 滑蛋， 卜卜脆薯粒，煙肉硬左 dd，半個蕃茄，茄汁豆同沙律菜，女仔食就岩岩好但餐飲蜜桃茶熱飲就怪怪，凍飲會好d磨茹燴飯$78味道濃，一個飯既份量夠兩個人食，入面仲有青椒紅椒蘑菇好健康，對素食者嚟講算係唔錯選擇

糸觀塘APM行街，行到攰攰地，好想搵間cafe飲杯野，休息下，放空一下，地點都算方便喺觀塘地鐵站B出口行大概10分鐘就會到達，e間又系餐廳又糸家俬店，好有家的感覺，全部是木既製成品，可以訂造傢俬，還有陶瓷製成品及燈飾售賣，餐牌見到有漢堡包，主菜及甜品，咖啡等供選擇叫了一杯榛子朱古力奶茶拿鐵，大杯$36，甜甜榛子，有朱古力味又有拿鐵既香濃，滑身

Afternoon Tea in a furniture shop. When I entered the shop, many wooden furniture came into my first sight. But the staff told me the way to their cafe. I did browsing the shop, the staff was so friendly and nice to share his idea about my house decoration although he knew their furniture don’t match my house. He also provided some suggestions where to get the stuff for my renovation. It’s was really nice chat, casual but sincere.Then I decided to sit down to have a blueberry cheesecake, h

聽朋友講有間cafe 同時又係賣傢俬既，坐緊既枱椅都係賣得，好好奇咩事。真係放得係度既就賣，d 木傢俬係好high quality 既，你有得親自坐過就知。佢都好多選擇， 加$25 仲有件cake, 每樣野都唔貴，大多$100以內。大蝦中通意粉第一次見同食中通意粉，中間通既，口感唔錯，有成5隻蝦，1人份量，唔太大碟。蜜糖介末燒牛肉芝士wrap好好好大份，每邊都有手掌甘大，入面好多料，菜同燒牛肉。甜品叫左apple cumble加左雪糕，凍同熱一齊食，好正呀，不過哩個無得only 加$25, 要用正價$68 ,有d 貴！

觀塘工廈有好多唔同既特式cafe今次黎到呢間傢私店做主題既cafe😆一入門口係不同種類既傢私，行到入去就係cafe喇可能因為平日，人流較少，環境寧靜又舒適🤩🤩試左個漢堡排咖哩飯，日式咖哩味道唔錯，漢堡排好juicy，好好食！

雖然知道觀塘工廈隱藏了很多cafe，但並不是誰都有勇氣踏進高深隱秘的工廈搜尋這些cafe! 我也一樣，基本上都是有朋友帶或者介紹先會去這些工廈cafe。這次也是經朋友帶領之下，一遊這家家俬舖cafe。午市餐牌午市套餐包茶或咖啡一杯，加錢可選特飲。也有普通餐牌，意粉、漢堡、烤卷、牛扒、小食、沙律，一般西式cafe有的東西基本上都有了。樓上cafe而言，這裡算很多選擇了！價錢也很合理。凍蜂蜜薰衣草拿鐵咖啡 （大）$42 朋友點的咖啡，名字看起來很夢幻的感覺，但喝起來跟普通拿鐵咖啡無異。藍蝶豆花檸檬冰茶 （大）$42雖然心裡也知道這些有著夢幻名字的飲品往往都是虛有其表，但每次都忍不住試，然後後悔（笑）。不過這杯蝶豆花飲品其實味道很正常，淡淡的草本味道配上檸檬與蜂蜜的酸甜，不至於驚艷，但挺好喝的。和風油醋汁無花果炸雞沙律 $75第一次見的沙律配搭。炸雞雖然是翻炸的，肉質有些乾，但味道不錯，很香口。沙律蔬菜也夠新鮮。南瓜忌廉汁豆腐粗管意粉 $78無疑是和風意粉，味道柔和甜美，很合小朋友胃口。豆腐稍為炸過，外脆內嫩，口感非常好。北京烤鴨胸墨西哥卷 $80菜！菜！菜！爽口的蔬菜配上薄薄的煎香了的鴨胸