Hungry Korean (已結業)

豆腐汤，清汤清水，食起来完全无味道，不咸不辣不香...铁板牛肉，不像是现做的，完全无锅气，份量小小，味道平平。煎饺只能算是OK，连最最基本的冻柠茶都淡到无味...非常失望，不会再来.

味道係ok 但真係要等太耐啦 明明個廚房咁多人但都好似無人做野咁 叫左個外賣 等成半個鐘都未有堂食既人數亦唔算多 唔明點解要等咁耐.最嬲既係佢竟然跳number出餐有無考慮過等既人既感受好嬲呀😭

哩間店食一次就要入黑名單，落order、俾錢都超級慢（前面僅僅2撥人），坐度等到快餓死追左又追先終於有得食，只係一個拉麵，臨時去左買爐？！鹹到爆、筷子勁傳熱之餘，要價44hkd，一塊肉都無，得3片薄薄地豆腐，問你服唔服！！！總之就非常非常之差體驗！！

一向都唔覺得自己喺食家，皆因對飲食嘅見識都好有限，更連香港依個彈丸之地都仲有好多地方未食勻，就好次今餐匆匆食晏嘅沙田連城廣場，雖然就喺地鐵上蓋，但都喺因為嚟聽啲旅遊講座先到此商場。上到1樓嘅美食坊，間間餐廳都人頭湧湧，結果揀Hungry Korean，相對門口無乜人排，客流亦似乎快上快落啲。環境唔多講，快餐店格局，不過，初時老婆入去搵位先，小弟就排隊買嘢食，但店員堅持我哋買咗嘢先可以入座，做法上實際對我哋影響唔大，但感覺就肯定有啲不近人情，似喺唔想啲客無幫襯霸住個位。而且，員工嘅服務態度一般般，所以，只點兩客食品食完就算，都唔想多幫襯。店內有咩食，一眼睇晒，唔多講。韓國壽司（吞拿魚）$34韓國壽司就喺我哋去日本餐廳慣常叫嘅壽司卷，共有6款口味供選擇：牛肉、雞 肉、豬肉、魷魚、吞拿魚及芝士，一客10件。份量上都叫做抵食啦，壽司內有雞蛋、醃蘿蔔、甘筍絲、菠菜……等，食落香香甜甜，不過，除咗中間嗰兩件放咗多啲吞拿魚外（當然唔喺刺身級嘅貨色啦，罐頭吞拿魚而已，哈哈），其他嘅咬開、撩勻，都唔多覺有吞拿魚，就算有都薄到無影 。石鍋飯（牛肉）$44小弟就較喜歡食石窩飯，熱辣又有飯焦，真喺咪講笑，送到

算係一間幾有規模的連鎖式韓國料理本身都有期望佢係要先排隊等有人食完走先買飛再入座咁環境算可以不過都係比較快餐feel食物就真係要彈下呢兩樣叫正正常常亦都好難唔好食炒年糕係辣的，有幾舊未煮熟，仲係硬硬地呢個就真係伏中之伏得幾條海鮮咬落口得油的感覺仲要成$7X同menu差勁遠總結同價位的韓國野有好多選擇應該冇下次

今日行過沙田 又唔知食乜諗係都係食泰國野發現到有間新既韓國野 我女人行過話想試下就入去先買飛 後佢安排坐 同送餐坐就有D麻煩 因為要佢安排比你 餐個牌又唔順D姐姐真係好難搵叫左一個飯同SUSHI個飯我要甜雞 ($50)個雞好滑好多汁 個汁用黎溝飯真係一流仲有D椰菜 冇得輸 為一敗筆係冇野飲 要加錢個SUSHI飯就正常啦冇咩特別 但要等幾耐下要左個牛SUSHI  ($34)如果個餐跟埋野飲就會覺得好小小 50蚊食餐飯冇野飲又真係差小小

同媽媽返完教會，我地行左去連城食lunch, 我地選左食韓國嘢。媽媽就選左泡菜湯飯,我就選左辣年糕，嚟到先見到兩樣都係橙橙色的。媽媽叫的泡菜煲比較辣，泡菜份曬唔算多， 但都好夠味， 底部就點豬肉片同豆腐， 十分滋味。辣年糕，辣汁頗多，年糕就軟熟得來又十分煙靱，微辣之中又帶甜，除左年糕外，仲有薄魚蛋同烚蛋，魚蛋就唔太咸，唔洗成碟都重口味嘛。我就覺得lum lum 脷，但媽媽就俾隻烏蠅煩住有啲不安所，係咪因為餐廳open area,所以呢啲嘢係難免呢~

聽朋友講沙田都開左hungry Korean, 所以就黎試下，之前有食過CWB分店，但坐得比較逼，沙田呢間感覺上寬敞點，同普通餐廳不同的係呢度係要先排隊點餐付錢然後先入去搵座位，我點了呑拿魚紫菜飯卷，飯卷內有蛋，醃蘿蔔，呑拿魚等，好均勻。另外點了碟辣炒年糕，的確有點兒辣，唔食辣的人未必食到，但不得不讚年糕口感in un, 同響韓國食的口感近乎一樣，除左年糕，仲有一粒雞蛋和魚糕片，下次會再點

之前未食過呢間，見新開就入去試試。首先唔可以揾位先，要買左野食先可以坐低，好啦，上菜速度一般，石窩飯算快，我朋友既炸醬面我食完都未見影石窩豬肉飯菜少，生旦變熟旦，醬汁味道一般，連街邊小舖都做得比他好！$10杯麥茶冇味，糖水1 杯差差差既炸醬面，面還可以，d醬係甜 c油+洋葱咁一 pad野！咁就$50

Hungry Korean 在沙田又多一間分店，想食終於不用跑到老遠的尖沙咀。因為還是新開張關係，星期五約7時多也算多人排隊，大約20mins才入座座點餐。點了梅茶，因為少冰的關係，份量也縮水，感覺有點小家，不過梅茶甜甜酸酸很解渴。另外也點豬肉石鍋飯，基於$44價錢關係，份量很迷你。加入韓式辣醬將全部拌勻，飯粒還未算太乾身，豬肉算是多，味道中規中矩。炒粉絲質地較濕潤，不夠乾身，不及尖沙咀店美味。我們也點了雞肉壽司，但不是即點即製的，飯有點鬆散，失望。比起尖沙咀及荃灣店，沙田這間仍需努力。

自從新開張後，呢度都成日排長龍，今日終於有機會試下店係自助形式，買完嘢先自行搵位入座，但冇足夠指示。揀完位又可能會被店員大執位。石鍋飯都算幾足料，一黎到即刻撈都無痴底不過味道就幾淡，就連配料嘅味道都好淡，唔望住食都唔係好知自己食緊咩，加左好多辣醬先夠味粉絲雖然細細碟，不過調味較得幾好，好易入口配料亦都唔少，呢餐最好味係佢。石鍋飯同粉絲都好快黎到，但係食完之後壽司先黎到上菜速度有啲不一。由於壽司比較幼身，賣相都比較唔整齊; 同石鍋飯一樣都幾足料但係味道偏淡，連條黃蘿蔔都唔夠爽脆，麻麻地食飯果陣見到有職員成日周身搲痕，衛生麻麻地

以前好鐘意係尖沙咀食hungry Korean, 沙田開左分店好開心！點知...分店質素真係同原店差好遠，其實都唔只呢間，中環一樣...我係因為尖沙咀店既辣豆腐湯，而愛上呢間韓式快餐店，點知...今日既辣豆腐湯，會變成辣豆腐水.... 真係好失望....豆腐份量係多，但...辣豆腐湯唔辣，好明顯睇到辣粉同水係分開...應該辣醬冇加？雖然服務態度唔錯，但...食物質素更重要吧好彩仲試左水冷面，冰凍十足，面身都好軟身，味道都算ok

之前光顧過其他分店，覺得又平又好食，所以一知道佢起沙田開分店就好開心。今日12點前黎到，仲未開門，原來佢開12點的。一夠鐘就可以點餐啦，因為剛剛開門，所以都預左要等比較耐先有得食，結果等左25分鐘。我要左鐵板韓國牛肉($51)。好多菜，少肉，呢個價錢預左了。未食過咁甜既鐵板牛肉，似乎落左好多糖，但我本身鍾意食甜野，所以還接受到。座位寬敞舒適。應該會再黎，但唔會再點鐵板韓國牛肉 。

新城市廣場變得很高檔，想要在這裡吃一餐都至少人均一百元以上。連城廣場是沙田站上蓋，卻也連住了新城市廣場一期，不用走到沙田中心那邊較遠。竟然開了Hungry Korean，想當年可是特意到尖沙咀吃呢，真是窮人恩物是自助式的韓國快餐店，這裡先點餐後入座，有店員會安排座位和送餐來，也算有服務。先來的飲品，點任何東西加$10就有數款較特別的飲品選擇，我的是抹茶牛奶。點餐的店員已很貼心問我要不要少冰，不過點了少冰也是有四大顆冰，不少冰的話我想冰多得飲料剩下少許呢。比我想像中淡，可能冰又溶成水再溝淡的關係。有少許抹茶粉味，不算太甜，但沒有很好味。韓式卷壽司比日式的紫菜相對較林，醃蘿蔔很爽脆，玉子富蛋香，加上菠菜和醃瓜口感豐富，壽司飯加上少許甜辣醬調味，唯獨魷魚太幼條吃不出味道。撒上白芝麻，再用原個石鍋上賣相吸引。牛肉出乎意料的厚切，醃得入味，較下去也有肉汁。蘿蔔、冬菇、菠菜等配料豐富，可隨自己口味加入甜辣醬，再有生雞蛋拌勻吃。石鍋夠熱，一定要上菜後快速攪拌，底部仍吃到香脆飯焦。粉絲是整餐覺得最好味的，端上來還是熱辣辣。粉絲炒得條條分明卻不油膩，調味帶微甜非常惹味。配料有粗蛋絲、鮮冬菇、菠菜，作為小

見到連城的「麵屋武藏」換了新的韓國菜館，就趁悠閒的星期六吃一個遲來的午餐。近4時才來到，不用等位，先在櫃枱點菜，然後自己入坐等待送餐。兩口子點了辣年糕、炸醬麵及魷魚壽司為主菜，另加了$15前菜 (3款包括泡菜、薯仔和魚餅)，及各加$10的凍梅實茶和凍抹茶牛奶。韓國菜館裡前菜必備的泡菜，入口較辣，感覺較多辣粉，味道尚算合筆者心意。薯仔其實是薯蓉加了點沙律醬及酸青瓜絲，味道意外的比想像好，值得一試。魚餅實際是醃好的薄切魚片，是預期中的味道，香而不咸。辣年糕裡亦夾雜了不少魚餅，當然味道就變辣了，辣度不算大，辣汁足夠吃到尾。條狀的年糕感覺軟硬有些不均勻，內子吃到一些感覺會硬一點，筆者則感覺軟度尚可。附上的一隻熟蛋如果可以先分開兩半上菜會更好。飲品配餐，價格商宜，梅實茶夠味夠酸，抹茶牛奶香甜，不錯。魷魚壽司上菜時感覺有些散，賣相失分，少了口感。但夾雜青瓜、泡菜等，味道卻不俗，有機會會再試別的餡料。炸醬麵味道比預期中淡，可能因為搭著青瓜入口。麵身略粗，只比烏冬幼一點，不過有煙韌感，有趙口，整體感覺中規中矩。