Hungry Korean (已結業)

好耐無食辣野，就念住食韓國野啦（雖然韓國食物都唔係好辣），但要係沙田搵韓國餐廳都幾難。其實呢間以前係旺角食過一次但味道普通，份量少。抱住沙田呢間可能會好d既心態，就入去試多次。原本想食豬肉石鍋飯，但見到之前食評得三四塊少得可憐既肉，所以 揀左泡菜湯飯，味道偏酸，唔太辣，d飯好硬，好彩係湯飯可以浸返林。我覺得還可以，但如果可以俾人加牛肉豬肉就更好，呢個湯飯佢賺唔少啦，俾d肉人食下啦。

今日晏咗起身結果換得衫出門口已經到咗下午茶時間😅 好肚餓所以決定近近地係沙田新城市食啲嘢先！沙田新城市好多餐廳揀但係就周圍都係人😑行下行下就黎到連城廣場個邊，呢邊既餐廳相比起新城市嗰邊價錢平啲💰 仲要下午茶時段$3x-$4x 一個飯幾抵👍🏻呢度係自助形式，喺櫃檯買完之後，坐低等一陣再自己去拎飯。如果老人家有需要，鋪頭職員都會好好咁幫佢地拎去佢既坐位❗️味道都幾好，辣醬分開上，仲可以自己因應自己嘅喜好而加😋 鐵板上所以好夠熱，雞肉都好嫩滑，不過醬汁略嫌多咗少少，有啲濃味🤔$80 兩個下午茶都幾抵食到好飽！如果想要飲品都係加$8😁

今日在沙田火車站出口附近個間 Hungry Korean 食下午茶餐，我大約五時二十分點菜，有石頭窩飯、鐵板甜雞飯，我叫飯時忘記要餐飲需加8元！但我在五時三十五分要了杯熱朱古力卻要另加15元正！算啦！鬼叫自己遲叫及改有看清楚餐牌吧！豬肉石頭窩飯啲飯又凍，豬肉不辣，好像它有自知知名，在飯旁邊放了一支辣椒醬，石頭窩不太熱，我把飯、雞蛋、豬肉攪拌並等了5分鐘才吃！但窩中的飯只是暖少少鐵板甜雞飯，空有其名，椰菜太多，雞太甜，汁唔好味，好難食！這些是我們食剩的車西，附近更有些食客叫了東西食了一、二口，喝完杯涷飲便走人！服務更差，要求拿多隻杯，竟然要我自己去水吧問！

一向覺得韓式料理味道較濃，所以揀了個不辣又沒有泡菜的韓式牛肉來試。五十六元正，跟白飯一個，飲品另計。先講碟韓式鐵板牛肉，感覺似雜菜炒牛肉，同西式鐵板好唔同。賣相認真麻麻，勝在味道比想像中好，份量足夠，有大白菜同甘筍同洋蔥一齊炒，適合我這些要出街食又想食返多啲菜的人。據聞是韓國人來港開舖，店內都用不銹鋼碗筷，個碗好輕，筷子略為扁身，起初拿上手扒飯都有點不慣，要學韓國人咁夾起啲飯來食。需要一提，那碗另上的白飯，非常淋身，都唔係咁易夾得起。對韓國飯食無咩研究，究竟係間分店個伙計落多咗水煮飯？定係韓國人本身煮飯係咁淋？由於是快餐店，無論是成個餐抑或是一杯水，都係由出餐位自己捧埋位的，沿途請小心突然由卡位跑出來的細路仔/女。杯水亦是不銹鋼杯，有加檸檬。

次次去親沙田新城市中心食飯都要等好耐位, 依一日發現原來近沙田火車站上一層有幾間餐廳, 唯獨見依間冇人排隊又有空位即時入座, 但換唻好伏既一餐! 老公叫左鐵板韓式牛肉飯, 食落冇咩味, 普通住家飯咁, 牛肉唔係好既質地, 非常普通！ 最令我失望係韓國炸醬面, 個醬完全冇味, 重點係d肉一大陣雪味, 一陣陣臭味咁,難已入口！配既青瓜絲又係唔新鮮苦苦地！雖然知道好浪費食物, 但食左幾啖已經唔想再食！知道依間餐廳原來仲有好幾間分店, 只可以話唔會再有下一次！

今次我要介紹這間位於沙田連城廣埸的一間韓國快餐，我同朋友已去了3次，這個石鍋飯，真得不錯，飯很熱，價錢又不太貴，飲品也特別，平時我會叫薑茶飲，味道不錯，現在這天氣飲，Good

平時食呢間只係喺夜晚晚餐時段食，今日經過又肚餓既時間，見到出面有個牌係下午茶、好吸引。我叫左一個鐵板甜雞肉飯，$43，不過就無野飲包....水都無杯.....黎到個份量竟然係同夜晚果個份量一樣，咁都ok wor👍🏻👍🏻👍🏻雞肉夠嫩夠林，唔會硬，又多菜，碗白飯其實都好多，呢個係甜雞肉，所以個汁其實都真係偏甜，用黎送飯一流😹😹如果唔鐘意甜既就可以揀佢個辣雞肉，由於我唔太食得辣又鐘意食甜野，所以我都係揀甜雞肉。普遍黎講呢間野，食咁多次既水準都係差不多，唔會話時好時差可一可再👍🏻👍🏻👍🏻

今天四時許已覺有些餓了，可能因為今天的午餐吃得比較少。恰巧途經沙田連城廣場的Hungry Korean, 心想很久已沒有吃韓國食物了，於是便決定入內享用一個韓國下午茶餐吧！人到舖內，服務員很快便遞上了餐牌。餐牌上的選擇有辣的，也有不辣多；有麵亦有飯。一比較之下，便發覺下午茶餐相比其他時間的套餐確實便宜了很多。我們最後選了一個甜雞肉鐵板燒和一個泡菜豬肉豆腐鐵板燒。買了票後回到座位不久，服務員已送來食物。先來的甜雞肉鐵板燒雖然鐵板上，但也不太熱。幸好雞肉醃料味美，鹹甜適中，再加上很多的椰菜和洋蔥，更是美滿。用這菜和肉餸飯更是一流。凍梅實茶極像酸梅湯，又是酸酸甜甜，頗為醒胃。泡菜豬肉豆腐亦是鐵板上，賣相不錯。白滑的豆腐下便是紅紅的辣油。泡菜豬肉亦頗辣，但用來送飯亦是一流。可惜的是熱人參茶的味很淡，可以説是全沒有人參味，只有少少甜味。但無論如何，$51的一個美味健康韓餐已算便宜了！

行完新城市廣場星光花園影完相巳經接近晚上九点，同朋友三人行街去連城廣場有比較多的平價選擇的餐廳，最近天氣比較凍，選了韓国石頭飯為晚餐，服務態度不錯，食物不過不失。環境乾淨清潔由於快餐形式關係，要自行往付款櫃位比錢取票，過了大約10分鐘員工姐姐送上熱辣辣的石頭煱飯。熱辣辣的大大隻蛋，買相不錯，肉菜飯比例剛剛好，一人份量剛剛，附上辣醬，但不辣增添野味，對不愛辣的我覺得啱啱好。只是49元不包飲品，抵食推介平價之選

每次去韓國都會去食炸醬面, 但係香港好少餐廳整炸醬面整得好食, 一係就好淡, 一係面既咬口唔好. 但係HUNGRY KOREAN既炸醬面整體上似係韓國賣既炸醬面, 份量足夠, 炸醬味道幾好, 加埋上面D青瓜絲, 好滿足

果日星期六陪屋企人行沙田，行到肚餓想食韓國野，於是去了Hungry Korean 食韓國野。三個人叫了一碗麵鼓湯拉麵、一個飯卷和一個煎餅。個拉麵麵質好好食，不過湯底略嫌偏鹹。泡菜飯卷好好味！微辣而可口！最後煎餅都好好食，推介。

路經打算隨便揀一間餐廳醫肚，點知上菜個下灰左，朋友點了豬肉石頭鍋飯，整個鍋的東西也少得可憐，肉不多也算，知道肉貴，連配菜也少得可憐，少過係出面食粥時的蔥，看了也沒胃口，最後朋友是用隨碟附送的辣醬伴飯，而我也只是點了一個最普通不過的泡菜湯飯，結果竟然跟我朋友的一樣，成個湯內只有幾條泡菜，係幾條(超細條），和幾粒肉仔，最感恩是它還有2舊豆腐仔，成餐飯我簡直以為自己去左唔知邊到討飯吃，非常之唔合理的一個午餐

同老公一齊放工，唔想返屋企食飯，肚仔餓了，要食點飽肚又唔太貴的食物，想起Hungry Korean!!✌️雞肉壽司卷～壽司卷成卷上菜，賣相不美觀，亦要自己拆開弄得手也有油了⋯但味道是不錯的！雞肉甜甜的，醃菜爽爽的，紫菜香香的😋✌️韓式牛肉飯-這個很不錯呢！很喜歡它超多菜！肉汁甜甜的很好送飯！牛肉很嫩容易咬開，肉汁也鮮美😋老公一口氣吃了整碗飯呢！😂✌️香蒜蜜糖雞翼-這個有少許過份⋯不是難食的⋯但完全不是我想像中的味道，也很奇怪！它的香蒜是鋪在雞翼上面，完全無蜜糖味的，然後吃下雞翼成口都是蒜蓉加蔥味，跟平時蒸海鮮上面的蒜蓉一樣味道！和雞翼不太夾吧⋯⋯好想食辣！但老公唔俾我食辣😢這間是飽肚之選，純為了充饑其實味道是不錯的。實而不華啦～🙂

平日夜晚一定唔洗等位 有好多唔同既款既飯揀 我食左甜酸雞 略嫌試台時唔夠熱 (係暖既不過) 建議可以試下走緊啲配菜 咁就可以有多啲雞食 食得spicy既可以食甜辦雞 應該會好惹味

住沙田諗起韓國嘢都會過來食，一直都覺得唔錯，甚至係其他區都會去食，但今次真係好失望。我叫既係石鍋飯，以前上菜覺得佢七彩繽紛，睇啲配菜都好吸引，今日睇到已經唔想食，食落啲飯好淋身，完全無飯焦。叫左杯梅實茶又無梅味，以前飲夠酸夠開胃。好啦，唔緊要，都叫左啦，咁都要食啦！食左一半，停左手睇下手機姐，過來問我係咪食完啦，可以收走未？即係趕我走姐，係咪？我答話未食完喔，我就拿拿聲食埋飲埋，又即刻過來問我食完未，我話食完啦，即刻就收走曬！我明呢間係快餐店，但係咪唔俾慢慢食既呢？