Hunky Dory

營業中

休息中

星期一去食午餐，叫左兩個餐，一份香橙汁豬柳拼鴨胸，另一份蕃茄海鮮闊條麵。午餐包餐湯，叫左一個羅宋一個忌廉。兩個湯勁淡，忌廉湯係麵粉水，羅宋湯相對地好少少，但一樣難飲。到主菜豬柳好鞋好乾，煲完湯黎咁。鴨胸無煎過，好似解完凍放上碟。側邊有幾舊薯仔，同一舊紅蘿蔔做配菜，舊紅蘿蔔又係勁乾，湯渣一樣。所謂既香橙汁同碟頭飯既汁無分別。另一個蕃茄海鮮闊條麵，蕃茄汁勁水勁淡，意粉烚左好耐，海鮮相信係無解凍過，就咁同意粉一齊煮，點解？因為個汁好腥！今次係我第一次專登上黎寫差評，平時食物質素普通都唔緊要，但今次真係好差！差到我連相都唔想影！

今次嚟到白石角科學園，試咗呢間名叫 Hunky Dory 嘅西式小店，主打英國風味。中午 set lunch 包咗湯、主菜同飲品，性價比算一般，環境乾淨舒服，適合附近上班族輕鬆chill吓。🥣忌廉湯揀咗忌廉湯，質地香滑，比較淡同稀，入口有啲淡淡牛油香，暖笠笠飲落幾舒服。配埋少少香草做點綴，睇落都幾高質。🍔英國皇家牛肉漢堡主角漢堡上枱賣相唔錯，夾住一塊厚身牛肉漢堡扒，但係肉質偏散，同比較咸，加埋生菜、蕃茄、醬汁，麵包係烘過嘅 ，微甜鬆軟。牛肉煎到七成熟左右，咬落多汁唔乾柴，味道有層次。薯條就屬於幼身款，炸得夠脆，唔太油，配埋一齊食夠哂滿足。☕Coffee餐飲揀咗杯熱咖啡，唔太酸，苦味適中，唔使加糖都ok，普通齋啡加奶。

同朋友去咗科學園有嘢做，經過咗呢間沙田的 **Hunky Dory**，都幾多菜式選擇，因為唔食牛，點左香烤豬鞍黎試一試，整體感覺相當不錯，值得推薦豬鞍烤得恰到好處，外層有一層微脆的金黃焦香，內部卻保持了豬肉的鮮嫩多汁，完全沒有乾柴的感覺。搭配的醬汁味道，為豬鞍增添了層次感，同時也不會掩蓋豬肉的原味。旁邊的配菜很有心思，烤蔬菜同薯仔香氣十足餐廳的環境走的是簡約又帶時尚感的風格，燈光柔和，氣氛輕鬆，非常適合小聚或約會。價格雖然稍微偏高，但以食材和整體質素來說還算值得所以下次經過我都會再試第二次

今日同男朋友過咗嚟科學園食嘢，見到餐廳門口感覺上係一間比較西式嘅西餐廳；午餐尾段時候去到，發現都有啲外國人喺入邊食完出嚟，更加覺得佢係一間傳統西餐。坐低咗諗緊食乜，手痕撳下OpenRice，發現佢有幾篇幾嚴重嘅負評，嚇到我有衝動想拉男朋友起身走；不過諗諗吓唔應該咁衝動，心諗點都俾一次機會呢間餐廳啦！跟住我同男友都嗌咗前幾篇食評話好難食嘅牛扒，然後大家心情緊張咁靜待食物來臨.. （途中仍然不停睇緊食評）好啦，先嚟餐湯，一飲，即刻想講「椰林閣！！」🤣🤣🤣🤣🤣就係大家令人又懷念又暴露年齡的味道👅就連檸檬茶都係懷舊的味道；牛扒就係正宗豉油西餐嘅牛扒，包括佢哋嘅黑椒汁，全部都係非常令人值得令人懷念的味道🙂中途見到啲廚房師傅行出嚟，全部都幾大年紀，咁我都大概估到應該佢哋嘅作品都係有返咁上下歷史。我諗我知點解大家會寫到佢哋咁差，因為佢哋確實係唔啱嘅，門面做到好西式，但係入到去食落先知係「港式豉油西餐」，難免會有落差🙃但如果用一間豉油西餐去評佢哋，咁佢哋就非常出色，亦都值得佢哋賣緊嘅價錢。始終而家好多新式冰室已經冇做呢一隻味道，就算扒房都好多做得好難食。相反佢哋係比較好食嘅，而且而家已經好難搵到呢類型

最近見到呢間餐廳嘅食評好差，但因為之前嚟過，覺得佢哋無咁差，於是決定再俾多次機會佢試吓。今次真係冇令我失望！食物方面，**Fish & Chips**（$128）炸得外脆內嫩，啤酒漿味道正，配埋薯條，真係好味！而且配醬清新，令整個味道更加突出。推介！另外，**Tomato & Meat Ball Fettuccine**（$138），意粉煮得淋咗少少，肉丸多汁，番茄醬酸甜適中，食完令人開心。**Argentine Red Shrimp Fettuccine**（$158）佢係真係紅蝦，不過就一定係雪㗎啦，OK可以接受。好啊。至於 **Avocado Chicken Pesto Linguine**（$128），青酪香滑，搭配花生，口感十足，真係好味！最後，佢哋嘅咖啡（$38）拉花做得靚，令人心情愉快。而且呢間餐廳外面有個小草地，啱晒小朋友玩，環境非常適合家庭聚餐。總括來講，今次嘅食物對得住價錢，值得再來！

每樣食物都非常之淡味懷疑廚師味蕾有問題意粉薯條雞翼都完全沒有味道 牛扒更加之過分沒有吃過這麼難食的牛扒大家都吃到想馬上去第二個餐廳吃飯這樣的餐廳可以原地倒閉 還要帶了小朋友一起吃🥹 不要相信其他的評價 絕對100%真實吃過之後極差評價很少有這麼難食的餐廳 價錢性價比極低 大蝦意粉蝦子完全不新鮮😡😡😡😡😡😡😡😡😡還要特地從港島駕車過來然後吃了這麼難食的一頓飯這裏的廚師是有問題嗎？做出這麼難食的食物

之前食過覺得ok 所以再去，今次叫左個兩個main dish, 但個威靈頓牛柳個芯入面仲係凍，可能天氣凍左解凍唔夠，焗嘅時間又唔夠長，侍應拎走左，然後經理拎返出黎，竟然係煎返原本我地原本切碎左，仲咬過有牙印嘅牛😵，真係未見過有餐廳係咁！舊牛煎返熟又燶燶地出面又好鞋，佢地會咁做真係對食品質素無要求。我地同短頭髮女經理講取消啦，我地唔想食喇，佢話我地叫左2個跟餐$58 set湯同飲品，要求我地叫返其他野食，湯同飲品散叫係百幾蚊！ 我同經理講係佢地處理手法有問題，佢仲反問我，佢地係有咩問題呢？頭先唔係佢收走碟牛，所以佢唔知發生咩事。但係佢拎住碟切爛晒，咬過嘅牛出返黎，佢都唔覺得有問題，仲不斷要客人叫返其他野，真係離晒譜！😑我地堅決唔想再食啦，經理先悔氣咁話個湯同飲品當請你地飲。啲雪完嘅牛未煮返熱真係不敢食😰，仲有喱啲咁推卸責任嘅經理，唔覺得自己有問題，請餐廳正視員工服務態度同食物質素！

好耐無入科學園🌴喇！Weekend 想出外走走，大佬就車我嚟悠閒一下🥰 醒起之前帶過家主子🐩嚟過科學園19W大樓嘅Hunky Dory ❣️裝修頗有格調，且設有室外同室內嘅座位，價錢又好合理，而且與露天花園相鄰，可以Chill☘️住嘆最愛嘅All day breakfast🍽如果有🧒🏻👦🏻小朋友同行，去呢間餐廳係唔錯選擇，因為露天花園塊草披，岩晒佢地放下電, 的確係假日好去處～𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ𓐎 All day breakfast $138超級豐富既All day 入面有三文魚，德國香腸、煎得嘅香口煙肉、🥫茄汁焗豆、🍄大啡菇、薯餅！蛋就選了scrambled egg, 煮得好滑溜🍳☺️𓐎皇家煙三文魚Egg Benedict $118牛油果取代muffin做底，加上整得剛好嘅水波蛋，撈勻蛋漿入口真係好yummy😋今次係選咗Classic Hollandaise Sauce (荷蘭醬），味道真係好夾！𓐎 Cappuccino☕️ @$40綿密奶沬調得不錯😋‪如果唔渣車嘅朋友仔，其實除港鐵，沙田火車站都有小巴（27A)🚍直到科學園，好方便架💁🏼‍♀️間中入嚟

今日入到科學園好多人放寵物於是去19W 食下野上2樓原來有間叫Hunky Dory出面有片草地可放寵物紐西蘭肉眼牛扒產自紐西蘭的草飼牛肉質地細膩叫左medium rare 簡單調味不需汁也夠好味牛扒本身也配了焗薯相對上也夠吃 蟹肉菠菜蕃茄班尼迪蛋牛油果見到個Combination 覺得都幾營養均衡蛋白質(蟹肉和雞蛋)、纖維(菠菜和蕃茄)、健康脂肪(牛油果)清清地幾健康熱朱古力朱古力醇厚濃度正常 最鐘意飲完朱古力暖暖感覺

今次嚟到科學園呢間pet friendly 餐廳食lunch🍽️餐廳幾舒服，對出有一大片草地。可惜去嗰日落雨，否則唔係應該有毛孩🐶喺出面放電🤣星期六冇set lunch, 得à la carte menu.坐低就可以用QR code落單。食物選擇都幾多，主要有以下幾大類：All Day Breakfast🍳, Egg Benedict🥚, Salad 🥗& Soup🥣, Burger 🍔& Sandwich🥪, Main 🍗🍖🥩, Pasta 🍝, Sharing Snacks 🍕🍟, Korean Food, Kids Menu👶🏻, Dessert🍰🧁🍦🍨🍧🍮。飲品都有唔少選擇：Coffee ☕️, Tea 🍵, Chocolate, Smoothies, Soft Drinks 🥤, Juice 🧃, Soda, Cocktail🍸, Mocktail 🍹,Beer 🍺, Wine 🍷,House Spirit, Vodka🍾, Rum🥃我哋4個人叫咗以下幾樣野：✅皇家煙三文魚牛油果🥑班尼迪$118有兩大舊，配少少沙律菜🥗牛油果幾fresh，煙三文魚唔太鹹，班尼迪蛋又唔會過熟，唔錯👍

呢個科學園cafe真係好正喎!今次嚟呢間真係好正,食物質素同服務水準都好優秀！我地食左2個set lunch ～ 其中一個係炭燒紐西蘭肉眼扒～呢塊肉眼好嫩滑,好味道!我地揀咗Medium煮熟,剛好呈現出粉紅色嘅肉質,又香又滑。住Liquorice Cool Mint飲品,好清新,好開胃。最後再配合少少羅宋湯,整體味道天衣無縫！緊跟住我食咗焗蕃茄牛脷拼煙鴨胸寬條麵。佢哋個麵條好Q彈,煮得正好冇過熟,再配合焗蕃茄、牛脷同煙鴨胸,好豐富！超多肉！好滿足!最後連埋忌廉湯飲！完美！最後食埋甜品 - 焦糖香梨批。呢個個批有好脆嘅皮餅底,外皮香脆,裡面嘅梨仔又香又甜,加埋焦糖醬同雪糕,真係好吸引。

休閑的下午，約人去科學園小聚，想食個靚靚下午茶！行上2樓來見到呢間📍Hunky Dory 📍環境裝修都好舒服，外望一片綠草花圃，景觀開揚，就坐低試下！我們叫左🍕巴馬火腿瑪格麗特披薩，脆香餅底配上濃香的芝士和香草，巴馬火腿又厚又有肉味，咸味適中，高質😍🐓雙重炸脆雞中翼醃得入味，熱辣辣又外脆內香，雞翼大大隻，肉汁保留到亦無雪味，好正👍🏻 仲有杯好特別嘅飲品～益力多茶，上面用果茶中和杯底嘅益力多乳酸，夏天飲清爽解膩，靜靜地享受了一個寫意的下午！

而家多咗機會嚟科學園工作，所以成日都喺呢頭附近搵食，原來都真係有好多高質價錢又抵嘅食店！今次就嚟到Hunky Dory，肉眼扒睇落肉質都不錯，對得住個價錢，最驚喜係個Yakult Tea，因為本身當日個胃麻麻哋，飲呢個令個胃都好舒服，酸酸甜甜咁好開胃☺️豬肉豆腐鍋都不錯，同埋最正係個環境好闊落+有個露天位置，最重要係就算露天都係喺冷氣位，一啲都唔熱，同朋友靜靜地chill一個下晏冇難度！是日menu:炭燒紐西蘭肉眼扒$153.0韓式薯仔豬肉豆腐鍋 $108Dirty $20.0Yakult Tea $15

今日喺科學園搵到幾個抵食嘅午餐選擇，我哋叫咗兩個午餐、一個小食。午餐包餐湯及餐飲。雖然羅宋湯買晒，但忌廉湯都冇令我哋失望，夠哂creamy。香煎牛柳拼帆立貝 $118，牛柳煎得剛好，外表微焦，內裡嫩滑多汁。同時，帆立貝煎得香口，意大利式忌廉菠菜豬柳肉寬條麵 $78呢道意大利麵菜色彩繽紛，有忌廉汁同菠菜、車厘茄等配搭，味道濃郁但唔會太膩。豬柳肉質爽身。呢個價錢能夠食到呢個意粉，真係超值。炸豆腐棒 $68，豆腐外層炸得金黃酥脆，內裡保持嫩滑，配上醬汁，味道更好。餐飲揀了熱檸茶及熱洋甘菊茶，用上Twinings 茶包，夠香濃。

放假訓到自然醒再約朋友出去，今日一於遠離市區，入去科學園食個lunch~慢活一下.牛油果青醬雞肉扁意大利粉 $128雞肉嫩滑，意粉好掛汁好creamy！加埋果仁粒同芝士，味道更豐富！.全日早餐 $138All day breakfast勁豐富，有豬肉腸、蛋、菇、薯餅、煙三文魚等等！豬肉腸唔會好咸、煙三文魚咸香十足、車厘茄好juicy、沙律菜新鮮，多士有莓乾，整體幾好食，放假就係要嘆返個all day breakfast(´▽｀).FLAT WHITE $44 LARGE 120Z入口順滑，咖啡味同奶味既配合得剛剛好.MATCHA LATTE $44 LARGE 120Z綠茶🍵味唔算好濃，比較偏甜少少，岩哂唔鐘意綠茶味太濃既朋友