Hunky Dory

營業中

休息中

今日同主子係科學園行街，行到夜晚上openrice睇下有咩餐廳可以帶主子去，比我搵到喺科學園有一間餐廳「Hunky Dory」可以帶埋主子去嘅於是就去試下喇。環境方面有狗仔嘅可以坐室外，全間餐廳我諗可以坐50至60人左右，裝修氣氛好舒服好柔和，適合慢慢坐可以同朋友傾下計。職員服務好好，主動加水收碟，每逢上菜都會介紹呢個係咩菜式抵讚。食物方面黑松露湯黑松露好濃味係鮮打磨配橄欖油，仲有焗過嘅軟法包，配埋一齊食好開胃。韓式炸雞係六隻雞翼，炸粉好香脆雞翼多肉汁，配埋韓式辣醬，仲有少量紫菜好味。西班牙紅蝦意粉西班牙紅蝦意粉蝦肉係炸過好香有濃味嘅蝦味，意粉方面能夠掛汁，仲有有蘆筍做配菜，執方面係蝦汁配忌廉汁，有香濃蝦尾。班尼迪蛋配牛油果呢間鋪頭班尼迪蛋有得轉牛油果代替班戟，今次我就試咗牛油果喇，牛油果上面配有蛋，強汁香濃，亦有沙律菜配菜。牛油果雞肉漢堡呢個漢堡好出色，第一夠大個，第二麵包又要用牛油焗香過，麵包入面有牛油果、蕃茄、芝士同雞肉漢堡扒，咬落十分多汁，配菜有薯條沙律菜，呢個十分推薦。mocha香濃嘅朱古力咖啡飲落去舒服，今日天氣轉凍呀飲杯熱嘢不得了。總括：今餐食咗六百幾蚊，我覺得性價比係超

⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯愛爾蘭健力士牛肉批 $148需時30分鐘製作，想食嘅朋友就要早啲落order。外型真係同佢個名一樣，係勁大份，尺寸足足有成個碟咁大。面頭嘅酥皮充滿牛油香，切開就聞到濃郁嘅牛肉香味，充滿肉香餸飯食就一流啦。泡菜豬頸肉炒飯 $118見到橙黃色嘅飯底就知道火喉啱啱好。炒飯入面嘅泡菜數量都唔少，加入埋蛋絲和豬頸肉，飯粒粒粒分明又有泡菜香。棉花糖朱古力芝士蛋糕 $58只是蛋糕面頭嘅棉花糖火炙到微棕色，蛋糕充滿芝士和朱古力嘅味道。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Hunky Dory (沙田)沙田白石角香港科學園科技大道西19號19W大樓2樓245室 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

今日同朋友帶住兩個兩歲嘅小朋友一齊去呢間餐廳度食嘢諗住佢有個大草地可以比小朋友跑下放下電一坐低佢比張QR code單我哋落單 估唔到係用掉嘅形式 拎Bb櫈又有d面口比我地睇我地一個意大利粉 意大利飯同埋一個兒童餐另外叫咗兩杯桃茶但飲飲下發現其中一杯桃茶有隻昆蟲 個職員只係將桃茶收走 係有換過杯新既 但一句道歉都冇食食下野 未食完 就直接過嚟收走食物問都唔問下 要我地出聲話未食完食物其實係OK嘅 但佢哋嘅服務態度令到我哋食咩都冇心情 埋單$550 但服務連茶餐廳都好過佢地其實如果唔想招待小朋友嘅直接寫唔招待會好d唔會推介，亦都唔會再去😡😡😡

其實動物同人一樣，如果成日留喺屋企都會冇乜精神。所以今次就帶埋主子出嚟食番個晚餐。知道科學園戈邊都有好多寵物友善嘅餐廳，於是乎就帶埋我啲貓貓去食飯加散步下。科學園都好大，我就去到19W區嘅《Hunky Dory》，餐廳外面仲有個小草地啱哂寵物食完飯行下。香烤厚切豬鞍 $208依度菜式需要大約30分鐘製作時間，記住去到嘅時候落咗單先，咁就唔會對時間失預算。見到真係好厚身嘅豬扒，選用咗連骨嘅部位。豬鞍面頭烤到焦香，肉質軟腍又多汁。三文魚菠菜忌廉汁闊條麵 $128新鮮嘅三文魚兩邊香煎至微焦，切開三文魚內層仲係微橙色，熟道就剛剛好。而闊條麵亦都好掛汁，充滿濃厚嘅菠菜忌廉味。自家製蘋果批 $58蘋果批上面有一個雲呢拿雪糕，同蘋果批嘅酸甜可以中和甜度，咁樣就比較開胃啦。

平時好少入科學園，呢日女朋友話不如入去散步輕鬆吓😄仲帶咗我去一間之前佢都去過嘅餐廳Hunky Dory。坦白講我真係唔熟路，不過餐廳位置好方便，喺大學站搭去科學園嘅巴士，落車之後行大概5分鐘就到👍🏻餐廳環境都幾好，感覺好開揚，坐近門口位置仲可以望到一片大草地🏝️今次我地就坐返室內。一定要叫雙重炸脆雞中翼 炸得好鬆脆好惹味👍🏻另外朋友推介嘅炸豆腐棒，效果都好好，入口好滑嫩，有個甜甜酸酸嘅醬汁點埋一齊食。主菜我揀咗炸魚薯條🍟比想像中嘅份量更大，炸漿好薄，肉質軟嫩🐟薯條味道濃郁。波士頓龍蝦班尼迪蛋係朋友點嘅，當然我都有試下😌龍蝦好厚肉，都幾爽口，班尼迪蛋都做到留心效果，整體都唔錯☺️

✨ Hunky Dory餐廳位於大埔科學園，環境清悠嘅好地方💯而且餐廳分室內同室外，半開放式嘅用餐環境，輕鬆舒適☺️餐廳主打經典英式美食同埋韓國料理，絕對係偷閒慢活嘅好去處😜🍔 牛油果雞肉漢堡 $108依個係熱門推薦菜色，果然無錯‼️漢堡個Size真係好大😍差啲要兩隻手先揸得住個包。半溶嘅芝士🧀真係好吸睛，雞排肉質非常厚，一咬落去有肉汁💦好Juicy！而且仲有仲半隻牛油果餡料🥑每一啖都好滿足🤤另外，仲配有薯條、沙律，薯條係粗身，有少少鹽巴調味，過足口癮！沙律就正常發揮，當開胃菜咁食🥰🥩 香烤厚切豬鞍 $188豬鞍坑紋十分靚仔😍肉質厚實，食落既軟嫩又充滿脂香🫧一啲都唔油膩。配有蘋果醬汁，味道酸酸甜甜😋食到一半可以蘸醬汁一齊食，又可以減少飽膩感。🍝 蕃茄蓉肉丸寬條麵 $128寬條麵超級掛汁，每一條麵條都沾上蕃茄蓉，酸酸地好開胃😝而且肉丸十分足料，大大粒👍🏻寬條麵上面仲有少少巴馬臣芝士，整體食落味道豐富。雖獨係寬條麵份量精緻，適合女士食量🙊.⭐整體︰9.0/10⭐食物︰8.5/10⭐環境︰10/10⭐價錢︰8.5/10

最近帶毛孩來科學園參加萬聖節的嘉年華。非常熱鬧，毛孩們都玩得很是盡興，大人們跟在後面跑完，趕快在找來一間餐廳補充能量。餐廳分室內和室外兩區。班尼迪蛋能量充足，蛋提供足夠蛋白質，面包有碳水，沙律菜帶來維生素，是一道健康的菜式。愛爾蘭斑尼迪蛋更加是色香味俱全，蛋的質地軟嫩，無論早晚都能給人帶來一天的活力和滿足感。蕃茄蓉肉丸寬條麵。這道菜以寬條麵為基礎，配上添加了蕃茄蓉的肉丸。寬條麵亦加入蕃茄蓉醬汁酸酸甜甜，肉丸又加入了香草的味道。炸魚薯條固之然是由炸魚排一塊和炸薯條的經典搭配。炸魚外脆內軟，不過因為最近熱氣，我只挑了內面的魚肉來吃。綿密的口感，沾上醬汁更加惹味。炸薯條是小朋友的至愛，沾上醬汁會更加惹味。讓小朋友吃得更加津津有味。因為周未的關係，帶埋毛孩前往的食客只能坐室外，所以室外的四張枱都非常受歡迎，提醒周末來的毛孩家人要提前訂座呢。

不說不知原來科學園開了很多新餐廳🫣週日的科學園有很多人帶住小朋友同狗仔一齊黎玩，很多餐廳都座無虛席👨‍👩‍👦🐶我哋去咗一間有露天座位的cafe，好有weekend vibe，食物份量超大，價錢都相宜，性價比很高⭐️餐廳的威靈頓牛柳非常出色🫡酥皮焗得金黃酥脆，緊緊包住鮮嫩既牛柳，配搭焗薯仔及松露既肉汁，非常惹味😛不比外面的高級西餐廳遜色～炸魚薯條份量超大，魚肉雪白嫩滑，炸粉一啲都唔厚，而且無腥味，超級推介👍🏻👍🏻而cafe點少得Egg Benedict🙈都整得好好，是鹹香奶油味口感，是我喜愛的味道👅因為是我哋既brunch，所以叫多一份小食—炸脆雞中翼，又脆又香，依間餐廳完全無伏！🫶🏻🫶🏻猜不到科學園除咗辦公室外，還有很多高質食肆，大家可以去發掘一下🤟🏻

Hunky Dory (沙田)📍沙田白石角香港科學園科技大道西19號19W大樓2樓245室🐶🐕Pet Friendly 嘅餐廳真係唔係太多選擇！🍔🌮👯👯今次同朋友仔一齊去科學園呢間西餐廳，齊齊食好嘢！🎉🏡餐廳外圍仲有一大片草地可以帶狗仔放電！最值得推薦嘅地方係成個範圍都好安全又衛生，放繩比狗仔自己奔跑都可以好安心！💨💨💁🏻‍♀️我哋order咗好幾個主食開心share，每一樣質素都幾高！重點推介幾款令人回味嘅item做參考！✳️重點推介1️⃣：法式鵝肝帆立貝龍蝦忌廉汁天使麵 ＄198鵝肝煎得好香脆，帆立貝大粒份量都算多！龍蝦汁嘅鮮甜完全滲入咗天使麵入邊，雖然天使麵比一般意粉幼，但依然有少少煙靭彈牙！整個味道都非常之豐富！✳️重點推介2️⃣ ： 愛爾蘭健力士牛肉批＄138酥皮外皮內包含住大量牛肉，一上枱就聞到好香嘅牛油酥皮味道！慢慢切開酥皮就會食到熱辣辣肉質鮮嫩嘅燉牛肉同各款薯菜，連埋酥皮一齊食好滋味！✳️重點推介 3️⃣： 自家製蘋果批＄58呢個係我最鍾意嘅甜品！撻底做得非常酥脆，蘋果蓉酸甜到適中，而且帶有新鮮果肉！大大個賣相又靚，咁有質素但價錢都非常合理！甜品控一定要試！

今年母親節選擇了去食西餐，因為中餐阿媽唔鐘意，自助餐母親節正日又好貴又難搵到位。科學園一定少人好多，見呢間西餐廳OpenRice 好多好評，環境又唔錯，就試吓啦。當日去到大約8成滿客人，我哋一行6大2小，叫咗好多菜色，最好食係健力士牛肉批，係啱啱焗好，皮鬆脆，裏面好多牛肉粒，season 得幾好。燒烤拼盤有牛扒，豬肋骨，雞半隻同一啲蔬菜，比較乾又已經凍咗。大蝦意大利燴飯，大蝦一大隻，買相吸引，水準可以。黑松露忌廉天使麵，充滿忌廉汁。漢堡包好大份我冇食到，另外再叫一大份豬肋骨，鋪上大量bbq醬，好味。呢到環境幾好，又服務唔錯，值得聚會時去，尤其啱揸車人士。

📍 Hunky Dory （科學園）平時只會踩單車經過科學園，從來冇入過黎食飯，今日突然心情大好，入黎行個圈，順便食個飯～聽人講呢度既牛肉批係招牌，當然要朝聖一下🫢環境開揚，光線充足，座位闊落，仲有塊落地玻璃既大窗開住，令人感覺舒服😌望住草原食飯，感覺果然不同🥰🔸 龍蝦湯龍蝦味濃，湯入面仲有龍蝦肉，忌廉令整碗湯好creamy 😍🔸 英國皇家牛肉漢堡麵包皮是塗上奶油，再烤過，香噴噴肉排非常的鮮嫩多汁又有厚度，配搭半溶既芝士🧀️特別幸福💕薯條份外酥脆，薯香味亦很濃☺️🔸 愛爾蘭健力士牛肉批煮得軟爛的牛肉粒。夾雜新鮮冬茹，餡料十足，外層金黄的酥皮更被撐得脹脹的，誘人至極。刺穿酥皮，來享受甜與鹹交雜的雙重滋味🫣🔸 黑松露蘑菇忌廉汁天使麵幼細既天使麵，營造煙韌有嚼勁的口感；意粉配上松露忌廉、鮮刨松露片 和松露油，松露味香氣四溢~🔸 Lemon Tart適當既酸度相當刺激味蕾，清新嘅檸檬香又唔太甜嘅檸檬批～甜度剛剛好又足以平衡檸檬嘅酸，係我大讚既甜品～🔸 Espresso比一般咖啡增量 20%整體風味更加濃郁更香醇尾韻更濃厚口感層次更豐富💕

去嗰日係中秋節翌日，因為係連假驚出沙田食嘅話多人，最尾去咗科學園諗住易啲泊車。間餐廳位置有啲難搵，原來要去搵部𨋢上平台先去到🫢我哋叫咗呢幾樣：#焗寳雲蘇羊架 $268第一樣嚟嘅係羊架，叫咗5成，但好似有啲生🤔個羊食落都幾韌而且有筋😅個面啲麵包糠唔夠味。呢度有薄荷啫喱供應加返少少分，唔係間間有得供應，不過偏甜～#愛爾蘭健力士牛肉批 $138呢個都係有啲韌，食完痴晒牙🥲🥲個酥皮撈汁可以#傳統鮮檸檬撻 $58本身其實想叫蘋果批，但賣晒，最尾叫咗個檸檬撻，味道正常，酸酸哋甜甜味道幾balance。呢餐味道一般，個羊唔係好值呢個價錢，另外呢餐廳可以開大門通去出面平台變半open area ，當日坐入面都有啲熱😅

約埋朋友一齊去到與世無爭既科學園食飯兼溜狗, 黎到Hunry Dory見環境舒服, 景觀有廣闊👍🏾 出邊仲有個大草地可以比狗狗狂奔但又好安全唔會怕狗狗走失!! 我地帶左小動物所以坐outdoor但見室內位置都好大好舒適!講返食喇, 主打都係西餐為主, 我地就叫左幾款主菜甜品share食😁1/ 法式鵝肝帆立貝龍蝦忌廉汁天使麵 $198超濃郁既龍蝦忌廉汁味配上彈牙幼細既麵條, 鵝肝外脆內軟, 煎得夠香口!2/ 愛爾蘭健力士牛肉批 $138剪開件外酥皮, 內裡熱呼呼既牛肉汁標哂出黎, 牛肉質非常柔軟嫩口😋3/ 傳統公司三文治 $98厚度十足既公司三文治, $98黎講好抵食!!4/ 炸魚薯條 $118經典既英式食品, 魚肉仲好嫩滑, 炸薯條就岩哂我地幾個人一齊share食😆5/ 自家製蘋果批 $58蘋果批餡料酸甜多汁,外皮酥脆, 口感好好！😆6/ 特濃咖啡芝士蛋糕 $48濃厚嘅咖啡味蛋糕, 口感順滑, 價錢都唔算貴👍🏾7/ 傳統鮮檸檬撻 $58酸酸尾尾超醒神! 餅底牛油味滿滿👍🏾8/ 飲品方面我地各人都叫左唔同口味, 最特別既一定係cream ale latte, 出邊真係未飲過, 綿滑既奶加

波士頓龍蝦寬條麵😎 主要係由半隻波士頓龍蝦+洋蔥+蒜+櫻桃番茄+羅勒+帕瑪森起司+龍蝦奶油醬汁煮出黎。寬條麵夠哂煙UN彈牙，口感好al dente，麵粉香濃郁，掛上濃濃既醬汁，配上彈牙爽口既龍蝦肉，再有淡淡既蕃茄香味，份量如果可以再多d就更好! 而且佢地個龍蝦係起埋肉，懶人表示食得好開心好滋味。傳統公司三文治❤ 豐富層次，餡料勁多有Wheat Bread+ Lettuce+Tomato+ Cheese+ Ham+ Bacon+ Chicken Breast+ Egg，Wheat Bread夠哂熱辣辣烘得香脆可口，配料美味豐富，啖啖食起黎都好滿足，而且仲有伴碟既沙律，配上甜甜酸酸既沙律汁，非常開胃。

平日星期二到科學園同朋午餐，她推薦韓式食品，但我們約12：30到，所有韓式午餐顯示"sold out"，唯有試其他set lunch，價格連加一較科學園一般茶餐廳式食店略貴， 午餐時段也不用等位直入，但此店環境不錯，味道可以，食材也新鮮，就各方面來睇也可接受。也可選擇在外座位，此處人流少，朋友講在此可欣賞日落。牛油果香草蝦肉長通粉，份量足，牛油果味濃，蝦肉也可以。而朋友的漢堡餐好大份，麵包就一般，牛肉漢堡厚。