I Café

營業中

休息中

是日9:30去食早餐，很多位無乜人，起碼唔會有大媽出現。早餐都非常抵食，一份厚多士加一杯熱飲(凍飲加$3.00)都係$27.00，多士質素非常好，只是花生醬比較少，咖啡就........很失望，無味，雖然奶分開上，但真係唔好飲。友人叫了沙爹牛麵，都叫抵$36.00，麵質唔錯，唔會太淋或太硬，但牛肉都鹹左少少，牛肉又唔太難咬，但最意外是套餐竟然無多士，因為可以提供2個配搭選擇(如: 雞蛋加腸仔，註: 腸仔只是2條細條的芝士腸)，友人大讚凍奶茶好飲，好有茶味。

進咗「I Café」，第一眼就係嗌整個午餐set來試。開胃嘅雞茸雪耳忌廉湯，濃郁至極，好似飲住一碗濃縮嘅雞湯，滋味夠晒正！皇袍日式原條鰻魚飯份量大得嚇人，啖啖肉都係鰻魚嘅嫩滑，滿嘴都係佢嘅甜味，滑蛋配飯嘅組合，簡直配合得天衣無縫。🍚沙律方面，煙三文魚新鮮非凡，佢哋嗰個胡麻醬調味剛剛好，唔會遮咗魚本身味道，牛角酥仲要提一提，外皮香脆，牛油味十足，入口就即刻化咗，真係一絕！😋飲品部分，原本搞砸咗嘅抹茶鮮奶拉花，幸好未至於影響到滋味，抹茶同鮮奶嘅配合，就算喺殘花之下都飲得出嚟好調和。而抹茶紅豆鮮奶亦唔會太甜膩，紅豆粒粒分明，每一啖都飲到啲紅豆嘅自然甜味，抹茶微苦跟住過嚟，調和嘅感覺一流！🍵整體食呢餐午餐，真係覺得自己食到一份來自遠方嘅純粹享受，又唔使揀乜花哨之選，簡單嘅一湯一飯一沙律，已經滿足哂所有味蕾。尖沙咀食好東西，真係唔洗駛破產，依間餐廳證明哂呢一點！

📍I Café (尖沙咀)📍尖沙咀麼地道67號半島中心1樓115號舖🟡香茅白咖哩雞球$58🟡黑松露珍珠帶子燴意粉＄68🟡熱阿華田（跟餐）$0🟡熱抹茶鮮奶（跟餐）+$10最近去了尖沙咀的I Café用餐，餐廳位於半島中心一樓。點了香茅白咖哩雞球和黑松露珍珠帶子燴意粉，還有一杯熱阿華田和熱抹茶鮮奶。食物方面，香茅白咖哩雞球簡單又滿足，雞球唔會好硬，白咖喱混合香茅味。雖然擺盤好簡單，但係簡單先可以有咁快速嘅節奏上菜，真係好方便我哋食個快飯之後繼續返工！黑松露珍珠帶子燴意粉出其不意的好食！黑松露味道未算突出，但整體絕對係對得起個價錢！意粉煮得剛剛好，珍珠帶子分量充足，整體呢個意粉真係好值得食！最後真係要講一下杯熱抹茶鮮奶，媲美貴價Cafe。味道濃郁，抹茶好香，口感順滑。真係估你唔到！

今日和朋友在尖沙咀參觀博物館後，發現一間坐落在半島中心的餐廳 iCafe。環境舒適，座位闊落，窗邊的座位，景觀開陽，頭上有一些小燈飾，整體感覺溫馨。我們一共點了兩個下午茶餐。芝士煙肉蛋手打牛肉漢堡配料有芝士、煙肉、滑蛋、手打牛肉、生菜、蕃茄，咬下去感覺層次感十足，食材新鮮，牛肉多汁有咬口。鮮果沙律滿滿的童年回憶，鮮果粒加上薯仔粒配以沙律醬汁，滋味十足。炸雞髀雞扒份量算大，肉質滑嫩，用刀一切，滿滿的肉汁溢出，大人和小朋友都會喜歡。熱朱古力熱杏霜

尖沙咀勝在熱鬧，但偶然還是想在這鬧市之中尋找一個可以輕鬆不太擠擁地用膳的地方，於是這天走到位於尖沙咀東部半島中心的I Café 享用下午茶。餐廳提供各款美食，亦有套餐選擇，可謂琳琅滿目。餐具都在餐桌旁邊的抽屜中，自行取用。這天點了全日早餐，配搭熱奶茶，熱奶茶香濃順滑。All day breakfast即叫即製，所以需要花一點時間等候，然而這會換來熱騰騰的食物，可以說是值得的。薯餅香脆可口，炒滑蛋豐盈細滑，扒茄鮮甜，牛角包鬆化，司華力腸被切了花紋，賣相加倍吸引，火腿和煙肉一樣煎得香口，配搭茄汁焗豆和沙律菜享用，令營養更加豐富。

尖沙咀半島中心的一家打工人茶餐廳。這家茶餐廳中午以不是套餐爲主，價格都是40多到70多，中間還有配例湯，還有飲品，也算是優惠，位置十分好找。離尖東地鐵站出口不遠。中午的時候來，看到人許多，找了位置坐下之後和朋友點了兩個套餐，第一個點了鰻魚套餐，75鰻魚。鰻魚一整條，加上上面的雞蛋配在一起，還有香濃的鰻魚汁拌飯，十分的推薦。另一個點了豬扒意粉，豬扒意粉豬扒意粉是配上番茄醬酸酸甜甜的。喝的，我們點了抹茶紅豆。這個是他們的新品，另一杯當然是點了凍檸茶了，檸檬茶一直是我的最愛。

今早,在尖東i cafe食早餐.早餐($33)*沙爹牛肉湯意粉沙爹汁,濃沙爹味,好味; 意粉,不淋，偏少少硬身，我喜歡的那種西餐做法;湯底，香濃，好味;整碗意粉,夠熱,味道不错。*煎蛋,一般。*餐肉,暖的,薄,一般.*奶茶,茶體適中,唔澀,但冇茶香，一般茶記水準.員工服務態度有禮。環境佈置是西餐廳格局，燈光偏暗，令人心情放鬆些。

尖東附近返工成日路過半島中心嘟八達通今日首次係個棟商場食飯和同事一起吃lunch 但求快靚正set lunch 最啱外邊看見尖東行人區 人來人往 但好似少人左快速上餐湯兩個紅湯 蔬菜量足 清澈無多餘調味 可惜忌廉湯已經賣晒配餐飲 夠熱同事叫 芝士龍蝦汁焗海鮮飯 但龍蝦汁太受歡迎賣晒要變白汁 真係一個焗飯 隻碟熱辣辣，差啲辣親手裏面材料豐富有青口，同事表示新鮮乾淨 又魷魚 炸魚柳好香脆我叫咗鰻魚飯 原條鰻魚上 都幾大條 下邊煎蛋皮好有心機 滑嘟嘟嘅表面 唔捨得整爛 值得encour

係尖沙咀食晏大部分價錢都唔算平🫠，去呢頭嘟完八達通就會順便去icafe買lunch食🤤有成A-J咁多個餐，中式西式都有，其中三個餐仲可以將飯轉做什菜/生菜！係減肥恩物🥹今日食左日式芝士咖哩焗牛肉，白湯係雞茸蘑菇忌廉湯。我以為會係厚身既牛肉，原來係薄切牛肉🙈芝士份量適中，唔會好膩，不過今日個咖喱汁就落得太多茨，直頭有透明粒粒🫠呢個位要扣一扣分，雜菜底就同平時差唔多，有翠玉瓜椰菜同埋紅蘿蔔絲。外賣既話仲會再減$5👍🏻

今日放假嚟到尖沙咀想食一個午餐，經過麽地道上咗去呢間餐廳,門面非常普通裝修亦很一般,但係聽聞呢間裏面嘅食物質素都唔錯，,於是就入去試一試,卡位地方非常寬敞雖然環境唔係好靚，但係梳化嚟講都幾舒服，我哋兩個女仔叫咗一個我哋全日早餐，非常之豐富，裏面有炒蛋，珍寶腸，薯餅牛角包，牛角包吃起來也是熱騰騰，另外珍寶腸確實份量也很大，薯餅也是很大塊，這個餐吃起來其實如果女仔來說己經很夠飽，所以見到佢都比較大份嘅size,但價錢非常便宜，我們再點了一個牛扒餐，牛扒也不會太熟,但老實講當然價錢來說這個牛扒的質素不是太高質，但係如果只係大家食過午餐來說其實已經非常滿意.

好耐無食呢間早餐可以叫我最愛沙嗲牛米再比你加多兩餸既火山式早餐😆😆😆點解係火山式？因為佢真係d餸多到好似火山爆發咁！本身沙嗲牛份量已經比好多餐廳多，而且沙嗲味香濃、夠厚切（啱啱好）、有咬口（暫時我只食到呢間可以做到），作為一間Cafe, 呢點真係太驚喜。最後價錢，呢個早餐B只盛惠33蚊（肥牛加1蚊，鴛鴦因用即磨咖啡加3蚊，可以選擇其他不用加錢的選項）性價比超高。呢間餐廳主業是Cafe，所以其實佢另外仲有好多西式早餐供選擇。

復常在即，我約朋友下午三點在尖東半𡷊中心行商埸，行累了就在商場一樓i cafe 食下午茶。從尖東地鐵站P1出口行5分鐘就到半𡷊中心，交通方便。下午茶餐款式很多，花多眼亂😚😚卡邦尼燴意粉$58卡邦尼意粉口感濃郁、香氣四溢，主要材料煙肉、洋蔥片及卡邦尼汁的搭配非常好，味道匹配，仲有隻溫泉蛋，大大碟，當提早食晚餐，也是一個不錯的選擇。紅豆一口西多$35我唔太餓，點了红豆西多士，它是將红豆和煎蛋方包结合在一起的甜品。红豆西多士是一種非常美味的美食，口感非常豐富，配上少許糖漿，味道好味，是非常值得一試的美食。熱朱古力(跟下午茶餐）朱古力味濃郁，口感豐富，唔錯！熱奶茶（跟下午茶餐）茶味同奶溝得剛剛好，茶味濃郁，飲落十分滿足。整體而言，這裡裝修摩登,環境舒適，窗外望又有怡人景色，在尖東地鐵站傍邊，交通便利，西式菜式用料新鮮，貨真價實，侍應服務周到, 我們约了不久的將來再次光顧。

🚁🚁🚁🚁🚁🚁難食🤮，食物亂咁嚟，冇心機冇質素，但求俾到d野個客食，快快收完錢就算。第一次去，叫咗個漢堡包，塊漢堡扒細到見唔到，上枱嗰下仲以為係"生菜包"。如果唔係揭開個包，都唔知原來入面有肉。塊肉乾爭爭，芝士都冇塊，求其加pat 茄汁沙律醬就算🤮🤮 跟餐杯熱咖啡仲要加三蚊😱未食完侍應已急不及待要收碟，想趕人走。啲侍應又勁嘈，成餐飯不停聽住佢哋大大聲催廚房出餐😱咁嘅質素都要收$66 伏伏伏伏伏！

相約友人尖沙咀，經過呢間西式黎講價錢大眾化，一於坐低食個下午茶啦！先叫左個燒汁牛肉漢堡包配latte以下午茶來說 ，份量正常 、包焗得好香 、做到包面趣口，入面軟熟 ，仲有好足既牛油🧈向面！ 牛肉雖然表面煎得過火左， 但肉入面依然juicy有咬口唔會過林。磨菇煎香後與燒汁成為絕配，圓滿左呢個漢堡包～呢杯黑色既latte ，我相信出面好少見，名為竹碳燕麥芝麻特飲，跟餐只需加8蚊就可以。入口香濃，奶味與芝麻好夾，芝麻夠濃濃得黎又夠滑，唔會飲到一粒粒影響口感👍🏻友人試呢個皇袍鰻魚飯，蛋夠滑，唔會生到仲有蛋汁個種，鰻魚夠哂啖啖肉，如果鰻魚醬可以再多啲就Perfect👍🏻最後飲埋個朱古力，大滿足💕整體來說 ，質素滿意、服務態度又好 ，值抵試😊

今日在公司忙碌了半天，工作完成了，就到公司附近的 cafe 食 lunch，原來這裡的午餐非常抵食，價錢由$48-$72，而且每天有很多不同款式選擇。每個午餐都會有餐湯，主食及餐飲。今日餐湯是什菜蕃茄湯，用料豐富，有很多蔬菜，蕃茄味香濃。忌廉黑松露珍珠帶子燴意粉，香濃的黑松露醬及忌廉汁，很香滑，意大利粉軟硬適中，味道配合得很好。皇袍原條鰻魚飯，原條的鰻魚燒焗後加上香甜的鰻魚汁，另外再蓋上滑蛋，份量十足，非常抵食。