I Café

營業中

休息中

平時去尖沙咀多數行九龍公園一帶，今日途經尖東，入了半島中心逛逛，原來現在多了不少食肆，見這間餐廳客有不少卡位，便入去試一下😀龍蝦汁海鮮燴粉$60，份量超大碟，龍蝦汁弄得剛剛好，不會太稠，海鮮既有青口，亦有蝦和魷魚等，甚為豐富。龍蝦汁能完全滲透意粉之中，很好吃🎊墨汁魷魚會意粉$58，這個看此容易但很難做得好的菜式，此間餐廳竟然做得甚有驚喜。墨汁味夠，魷魚不靭，十分彈牙入味，和墨汁混在一起，味道甚佳👍🏻草莓梳打和青檸梳打（$20 一杯）顏色靚，味道佳不會太甜，透心涼😍總括而言，這間餐廳的食物質素絕不比一些大餐廳遜色。見其他客人食的下午茶大大份，下次到來時必定試一試！

半島中心商場是個舊式商場，入到去有種回到過去的感覺，反而給我一種好新鮮好有趣味的感覺。這種舊式商場在香港已經很少，需要好好珍惜。‖ 皇袍原條鰻魚飯 ($72) ‖整條鰻魚鋪在蛋蓋飯上，燒汁甜甜地，蛋很滑，三者加在一起，不錯。‖ 帶子什菌忌廉燴意粉 ($62) ‖意粉忌廉味香，口感不錯，伴有小帶子、雜菌和一點洋蔥。Hazelnut latte 和 Caramel latte，跟餐各+$8。我覺得Hazelnut 好飲一點☕️。

I Cafe  約左friend 係呢度食Lunch, 因為聽佢講All Day Breakfast 抵食，而且野飲都比較多款，去到見成個setting 都match 返半島中心，有舊或茶記味道，餐牌都好吸引。 All Day Breakfast 份量豐富，腸仲𠝹左花，真係feel 到有心機整，之後會想試lunch set 以外既choice。 另一個招牌係原條皇袍鰻魚飯，蛋熟得恰到好處，一匙落去可以一次過食到鰻魚、蛋同飯，我覺得整得幾出色。 不得不得既係佢有各式咖啡，我地叫左竹炭燕麥芝麻同薑餅味，我覺得薑味略淡，但整體食得開心。 佢呢度既Tea 款多而且抵食，本身想趁食飯途中到tea time 可以食埋個吞拿魚多士，可惜真係太飽。見到隔離檯好正，絕對係下次可以再來食飯既小店。

今天來到尖沙咀半島中心的I Cafe 吃午餐，雖然它名字是cafe, 但餐廳的格局更似一間茶餐廳。不過食物的種類比一般cafe是有過之而無不及，例如：All Day Breakfast、焗飯、意粉、手打漢堡、Panini 等。我到達cafe的時間仍然有set lunch 供應，由於想吃得飽肚一點，於是選了一個中式的栗子排骨飯。它的外型雖不算討好，醬汁看似很濃，但吃落的味道是恰到好處，排骨炆得超級軟腍，有八粒完整大大粒的栗子，飯也是很綿、很軟熟的。感覺到廚師是用心烹調，很開心吃到一個這麼高水準的栗子排骨飯！餐湯是蕃茄雜菜湯，偏甜有蕃茄味，醒神又開胃。I cafe的食物質素很好👍 值得一讚。

全日早餐All Day Breakfast向來是港人最愛之一，無論是尖沙咀的鬧市，還是寧靜的小島的Cafe都必定有一份All Day Breakfast，每間都有不同特色，而我是一個十分喜歡周圍吃的人，聽到朋友推介呢度有性價比高All Day Breakfast，減肥什麼的統統拋到腦後了，總給自己有個理由去試返次，順便找閨蜜出來一吐怨氣舒發近期壓力。餐廳位於尖沙咀東部名為【I Cafe】，於半島中心1樓。入到去都要先記得量體溫呀，不過此舉已經成了習慣，都應該不會忘記吧！餐廳入面採光度算高，店員帶了我們去卡位就座，座位亦夠寬敞，不似小店般擠迫。唔洗搭枱👍🏻餐牌非常簡單，兩面睇晒，食物嘅選擇好多:上至粉、麵、飯、西式意粉、創新配搭、小食、Cafe飲品、All Day Breakfast，應有盡有！普遍lunch set都不太貴，的確係平民CAFE之選。我地分別叫左兩個All Day Breakfast set。All Day Breakfast十分豐富：🍴B. 牛油脆豬、扒茄、炒蛋、豬柳漢堡、紐倫堡腸、薯餅、茄汁焗豆、沙律菜 兩份擺盤都好靚而且份量都是絕對對得起價錢的。牛油脆豬：香脆的豬仔

今日放假去了尖東k11商場逛逛，又去海旁散散步，之後就去了半島中心I Cafe食下午茶，朋友介紹我去，兩點幾去到不用等位。店舖門口附近有一隻很大隻的啤啤熊，小朋友可以影相。餐牌有焗飯、意粉、漢堡包、及其他輕食，都多選擇。今日叫了一個下午茶皇袍鰻魚飯，味道不錯，皇袍就是滑蛋，蛋又滑，飯又熱，個名又改得幾特別。All day breakfast 煙三文魚班尼迪，非常豐富，三文魚夠大塊，仲有兩隻雞蛋，蛋汁流入麵包及三文魚特別好食，還有沙律菜，飲品另加$8，叫了杏仁Latte 及薄荷朱古力，都幾大杯。

無睇openrice就入左去食原來網上咁多好評主要是被餐廳餐牌吸引左 選擇好多 可以食到茶餐廳少見既Bagel呀墨西哥卷呀 同埋係尖東都幾難搵到40蚊有找既下午茶啦尼度價錢相宜 款式繁多 好似好hard sell咁 大件又抵食！味道都唔錯！下午茶飯餐都係40蚊左右昨！我食左牛油果吞拿魚藜麥墨西哥卷外皮已烘熱了 卷皮又薄又脆 皮薄多餡 不是冷冰冰的！朋友食左X燒炒蛋飯 下午茶42蚊味道唔錯啦 超多X燒 飯都算軟熟架！會再食多幾次！

途經尖東時覺得有點餓，於是在附近搵下有咩食肆。👀咗一陣，係半島中心見到呢間「I Café」，佢嘅午餐款式頗多，而且餐廳座位都算闊落、價錢又夠貼地，咁就入去試下喇！😉首先，套餐梗有餐湯啦～雞茸雪耳忌廉湯 / 雜菜蕃茄湯【煙三文魚雜菜沙律拼牛角酥】 $60 ~ 兩大塊煙三文魚配新鮮沙律菜，配合胡麻醬一齊食味道好夾，此外鬆脆嘅牛角酥滿有牛油香味！【皇袍日式原條鰻魚飯】 $68 ~ 原條鰻魚上，好有咬口；滑蛋覆蓋整碗飯，賣相吸引，令人食慾大振！【抹茶鮮奶】 $8 ~ 估唔到拉花好正，但因被我踫到，所以圖案模糊咗啲 😅。味道唔太甜剛剛好，抹茶香鮮奶滑滑！【抹茶紅豆鮮奶】 $12 ~ 抹茶味夠重，配合又淋又甜粒粒紅豆、滑滑鮮奶，甜而不膩！

有朋友食過I cafe話唔錯，所以我今日黎開尖沙咀都專登去試吓。朋友叫咗個煙三文魚班尼迪，本身佢仲擔心會唔夠飽，點知一上枱我哋都哇左一聲，因為好大碟！ 個包係烘底，超級脆，個包上面揸咗好多牛油，好香，淨係個包都好好味。配合埋煙三文魚同埋蛋一齊食，口感一流。旁邊仲有啲沙律菜，加埋一啲酸酸地嘅沙律汁，好開胃。我就叫咗一個all day breakfast，裏面有牛油脆豬、炒蛋、豬柳漢堡、紐侖堡腸、薯餅、茄汁焗豆同沙律菜，非常豐富。最鍾意就係個脆豬，聽係好香口好好味😋而炒蛋都炒得好嫩，唔會好老，好味，再加上沙律菜真係一流。我叫咗杯抹茶紅豆鮮奶，唔會太甜，抹茶味都幾濃，好好飲！

同朋友兩個喺尖沙咀行街，行到去尖東見肚餓，於是決定喺嗰度搵嘢食。同朋友都唔算太飽，所以揀個比較輕盈啲餐廳，簡單食餐飯。餐廳款式都幾多，我哋點左lunch set 。lunch set包一個湯，可以係雜菜蕃茄湯或者粟米忌廉湯。主菜就例如有沙律、漢堡包、薄餅、飯同埋意粉等等，價錢$45至$60左右，仲包埋餐飲，都算尖沙咀入邊比較抵食嘅餐廳。我點左蛋黃醬煙三文魚薄餅，隨餐附送雜果沙律，可以話非常豐富。個薄餅厚身，一個人份量啱啱好，三文魚再加蛋黃醬呢個配搭都幾特別新鮮，食落味道層次豐富，同埋最好就係啱啱奉上嘅時候保持到溫度。至於個湯，我點左羅宋湯，因為覺得可以幫助開胃。水果就留返食完薄餅之後食，係哈密瓜。朋友就點左松露煙肉燴牛粒飯，同樣配羅宋湯。煙肉嘅份量都幾多，味道都唔錯，平時食煙肉覺得好漏，但今次又冇呢個感覺。如果想食一個碟頭飯嘅話，套餐都飽肚。最後埋單兩個人都係大概$100，如果以套餐價錢來講覺得都幾抵食。

早排睇完雜誌介紹，話尖東一帶已經開始有聖誕燈飾，所以就過黎呢度行下，準備之後去影燈飾。行完之後覺得有D肚餓，就行左過黎半島中心醫肚。午餐呢個白汁芝士焗海鮮意粉吸引到我，而女朋友就叫左個鮮茄汁芝士豬扒焗意粉，兩個午餐都有跟餐湯同埋餐飲，呢個價位喺尖沙咀黎講都算好抵食。餐湯係黑松露忌廉湯，湯嘅稠度夠，唔會太稀好似水一樣。而黑松露味都好濃。白汁芝士焗海鮮意粉海鮮配料多，青口都有兩大隻，意粉味道都唔錯，美中不足係芝士少左DD。再多返DD 就好，而女朋友嘅鮮茄汁芝士豬扒焗意粉豬扒都好大塊，聽佢講味道都OK，正常茶記水平。

假日又想簡簡單單食一餐，今次就去咗位於尖東嘅一間小店Cafe，主打平靚正set lunch 👍🏻地方雖然唔大，但都坐得幾舒服，最重要係一個set lunch都係50至$70，仲會包餐湯同飲品！今次order Set lunch I 皇袍原條鰻魚飯 $68咁平嘅原條鰻魚飯真係買少見少，呢個係蛋包飯底，蛋炒好滑，鰻魚性價比高。整體都好好食絕對推介Set lunch J All day breakfast $65 All day breakfast 份量十足，裡面食材包括有牛角包、黑松露炒蛋、司華力腸、煙肉、蕃茄焗豆、煎蕃茄、炸薯餅同沙律菜。真係都幾豐富，啱晒胃口大嘅朋友食

尖沙咀地段貴，要找到優質又平價的美食不容易，今日就見到這間在半島中心的I Cafe，餐廳食物種類多，性價比高，絕對是良心選擇。見到午餐餐牌有共10項選擇，套餐包湯及飲品，我跟朋友都點了All Day Breakfast，材料豐富又大份：黑松露炒蛋，司華力腸、茄汁豆、沙律菜、大啡菇、煙肉、薯餅、火腿、牛角酥及大蕃茄。當中黑松露炒蛋最有特色，蛋味香濃，配合黑松露香氣撲鼻，蛋炒得亦算滑；薯餅炸得香脆，灑上少少鹽就更好食；煙肉及火腿就煎得脆口，鹹香味道配上充滿牛油香的牛角包以及軟熟的麵包口感亦匹配；大啡菇非常多汁，而且菇味香濃；司華力腸原條上，分量大，完全充滿童年回憶，上面亦有心機地切滿格紋，賣相非常好。至於餐湯方面，餐湯屬於正常水準，起碼材料充足，南瓜忌廉湯裏面有雪耳，口感彈牙，增加口感幾特別。而飲品亦做得不錯，雖然特飲要加錢，但價錢合理。我點的凍杏仁霜口感香滑，亦不會過甜，有濃濃的杏仁味，自己十分喜歡。難得在尖沙咀找到一間性價比高，選擇多，食物味道又不錯的餐廳，下次途經會再光顧。

今日去左尖沙咀陪女朋友睇醫生，等到肚餓去左附近食個下午茶！因為時間無多，所以要快快手搵間餐廳醫肚！I cafe一間港式咖啡店，下午茶時間人客都唔少，餐廳選擇多，價錢實在太吸引，我叫左一個tea set試下！黑椒汁雞排意粉！港式黑椒汁，香、濃，辣味唔重，意粉煮得彈牙，拌上醬汁，又幾惹味！雞排即叫即煎，肉質爽嫩，仲好juicy！飲品叫左一杯凍檸茶！埋單時候見到好多人食鰻魚飯，望落唔錯，下次黎可以再試下嚕！

今日放假同男朋友去尖東行下海旁 黎到附近半島中心食個下午茶 叫咗個公司三文治同埋龍蝦汁海鮮意粉公司三文治 - 公司三文治裏面有蕃茄/生菜/蛋同埋豬扒 麵包看到香脆搽咗啲牛油 夾埋啲餡料口感豐富 而且跟埋薯條 薯條係粗薯 而且新鮮炸起 好味龍蝦汁海鮮意粉 - 意粉份量幾大 雖然話係龍蝦汁 但係食落似白汁多啲 海鮮係急凍海鮮 不過都幾多料 有青口/蝦/蟹柳 仲有青椒紅椒雜菌等等 另外跟咗兩杯餐飲 嗌左凍檸茶 正常不過不失食完個下午茶 餐廳就收鋪了 原來呢度六點就收舖