I Love 戟 - 班戟專門店

營業中

休息中

繼續掃街再帶國內朋友去食焦糖燉蛋雪糕班戟朋友揀咗綠茶雪糕面個層焦糖好吸引，我讓朋友吃了焦糖部分朋友話燉蛋是熱的，同冰凍雪糕一熱一冷，好特別，最後，班㦸皮煙靭，三重感覺，口感更加豐富我用匙羹嘗了幾口燉蛋同雪糕隔咗幾日，一個人再去買焦糖燉蛋食面層一塊薄薄的焦糖，脆脆的，下面就是軟綿綿滑脱脱的燉蛋，不太甜，可惜今次失手，可能剛從雪櫃取出，燉蛋重未完全解凍，有點冰，影響口感焦糖好脆，好吃燉蛋嫩滑，但不熱

聽朋友講筲箕灣東大街好多好嘢食，之前就帶咗我去食雞蛋仔，佢今次就推薦我食焦糖燉蛋班戟。於是乎我特登留咗個肚去試，結果我覺得比我想像中好食。嗰日晏晝唔算好多人，等咗都唔係好耐，拎上手嘅時候仲暖暖地，但真係成大個燉蛋喺個面頭到。因為佢都幾大個，你可以見到佢俾埋匙我筆嚟食。淨係食面頭嘅燉蛋我都覺得勁好食，加埋望住佢燒嘅焦糖脆片。本身以為會好膩，結果我覺得啱啱好，無論係個份量定係個甜度。價錢又唔係好貴，值得推薦俾大家試食。

好多年前係太安樓附近返工個陣,成日放工都會去食返個焦糖布甸班戟,去除一天既疲勞不過轉左工之後就....咁啱今日去開筲箕灣,竟然比我見返佢,真係太開心阿!唔食都對唔住自己啦隔左咁多年,都仲係咁好食Yummy!Yummy!

介紹東大街掃街既YouTube片一定會介紹呢間，所以專程去筲箕灣試試。點咗最具人氣既焦糖燉蛋雪糕班戟，雖然一早知佢係點樣，攞到手仲係覺得：「點解呢個甜品咁靚嘅？😻」個樣已經100分，雖然只係焦糖布甸放喺班戟+雪糕上面，但個層次不得了。上面既焦糖好香脆，而佢既微苦正好中和布甸既甜。而布甸亦唔係死甜，香、滑、暖，同下面既雪糕一齊食有冰火既效果。下面雲呢嗱雪糕正常發揮，但任何甜品加一球雪糕都會加分，呢個班戟都唔例外。而抵讚既係，我本來有d擔心，個甜品又布甸又雪糕會食得好狼狽，但佢個size啱啱好，個布甸喺頂好fit，只有用佢提供既匙羹食咁部分布甸，就可以順利食晒個甜品。個班戟食過真係返唔到轉頭，又薄、又軟，同所有配料夾得天衣無縫，成個甜品口感層次非常豐富。三十幾蚊，又抵唔抵呢？香港隨便飲杯珍珠奶茶，或者食個普普通通既甜品都要呢個價錢，就算唔係最「抵」，都一定係「值」👍

今次我要介紹嘅係一款街頭美食，Oreo雪糕可麗餅🍦🍪。呢個Oreo雪糕可麗餅真係太棒啦！口感綿密，味道香甜。😋🍦🍪首先，講下佢嘅外觀。可麗餅金黃色，煎得酥脆，散發出誘人嘅香氣。餅皮薄脆，內裏鬆軟，加埋Oreo雪糕，真係好吸引人。🌟🍦🍪食落去，你會感受到可麗餅外脆內軟嘅口感，同Oreo雪糕嘅濃郁巧克力味道完美結合。每一口都帶來滿滿嘅甜蜜享受，令人愉悅。🍫🍦🍪呢款Oreo雪糕可麗餅亦都好適合夏天食用。凍凍地嘅雪糕同可麗餅一起食，清涼又解渴。無論係行街、遊樂場定者放喺手上嘅小食，佢都可以帶嚟一份甜蜜嘅享受。❄️🍦🍪總括而言，呢款街頭美食Oreo雪糕可麗餅係一個絕對值得一試嘅選擇！如果你鍾意甜品同巧克力味道，呢款Oreo雪糕可麗餅絕對係你嘅最愛！🌟🍦🍪😍

Openrice 見到有焦糖燉蛋雪糕班戟覺得好特別, 一早已bookmark.咁岩去左西灣河就買黎試下班戟底包住雲呢拿雪糕, 上面係燉蛋, 最後加左塊涷焦糖喺頂, 外貌非常吸引。但燉蛋太軟, 需要用匙食‧一咬先食到焦糖, 因為雪涷左一塊, 所以有啲硬, 亦唔可以同燉蛋混合食。然後用匙食燉蛋, 最後先食班戟, 蛋唔算好有燉蛋味, pancake唔太甜, 但感覺似蛋還蛋, 皮還皮咁, 未能融為一體有啲可惜。不過呢個配答幾有創意, 可以一試。反而雪糕意外地好食, 尤其係朱古力味。而且價錢非常抵。

I Love 戟 - 班戟專門店💛🍮是我在香港吃到最好吃的可麗餅🧡🧡🧡‼️以為只是打卡美食，結果真的好吃🥰—————[🍦]他的冰淇淋多達1️⃣0️⃣種口味，點了豆腐、咖啡，這兩個口味都好吃🥹不會過甜但又濃，份量又多！[🆚]他的可麗餅沒有葵廣、藍田、旺角的「又一戟」的那麼多奶油，冰淇淋份量也更多、更好吃！▪️焦糖布丁裡面的燉蛋真的好吃，不過甜又嫩，沒有平常吃的那麼膩。▪️草莓草莓真的好甜好好吃🤤最後一口還突然吃到幾顆草莓。欣賞他不是只把草莓鋪在表面，做表面😂而是用心的做出大家吃到會開心的可麗餅～！[🍰🧋]除了甜的可麗餅，還有很多鹹的！！而且還能加起司🧀️ 可麗餅之外，還有賣蛋糕、各式台式飲料🧋之後再去筲箕灣，會想再去的💖

真係想食好耐,之前特登出咗去筲箕灣點知要等成個鐘就放棄了🥺今次要去太古城做嘢所以就順便去埋筲箕灣食嘢😚終於食到我一直想食嘅嘢💛🔸焦糖燉蛋雪糕班戟 $35係我心心念念想食好耐嘅班戟❤️‍🔥焦糖燉蛋超滑,蛋味香表面焦糖都超脆😍係會一啖接一啖超快食哂😂而下面嘅雪糕店員冇叫我揀就比咗雲尼拿味就正常啦🍨但最驚喜係班戟皮,超煙韌嘅皮真係大愛啊🤤成個班戟真係超夾,難怪咁多人會去食🥹而個焦糖燉蛋真係好想揾日單買一盒返屋企食可惜好遠啊🥲🤤好味度 : 9/10🔙回頭率 : 10/10

山長水遠入嚟筲箕灣就係為咗一試呢間好出名嘅班戟店😛佢係一間小店得一人主理，所以都要耐心等待😌見佢最出名係焦糖燉蛋雪糕班戟，於是就嗌左呢款。一攞上手就見到好靚嘅焦糖面，幾脆唔會有苦味😌燉蛋質地好creamy唔會過甜，而班戟面厚薄適中，加埋一齊好好味😋食到下面就有雪糕，係雲呢拿味。整體來講成個配搭好夾好好食😋

呢間真係好好生意，我山長水遠嚟一定要食到，等咗好耐，終於買到個焦糖燉蛋豆腐雪糕班戟，好好食，呢喥無堂食，所以我都係去附近嘅公園坐低食，因為間舖頭前面附近都好多人排隊買嘢。

一場黎到筲箕灣，就試吓bookmark 佐好耐嘅焦糖燉蛋雪糕pancake。雪糕可以自己揀口味，我揀咗豆腐味，可以走cream，pancake size 唔算好大，當飯後甜品剛剛好。面頭嘅焦糖好香脆，燉蛋就好滑，豆腐雪糕豆味好香濃，加埋煙韌嘅pancake 皮真係唔錯，值得一試😊

面頭有2塊Oreo餅同少量餅碎 令Oreo味道更突出 入面就配搭左Oreo雪糕同埋少量忌廉 雪糕味道一般 冇咩Oreo味 食落口感好似沙冰 唔軟滑 而忌廉唔夠幼滑 食到尾冇咩配料同忌廉 食落就有啲單調

I Love 戟原本在太安樓開業，之後搬到筲箕灣。據網上資料，老闆曾任酒店西廚，當初因為見焦糖燉蛋班戟在日本和台灣大受歡迎，所以決定把自己對西餐的概念融入日式班戟中。除左班戟，小店亦售很便宜的雪糕和千層蛋糕。🌇裝修：舖在小巷，十分細，只做外賣。我假日黃昏時間去，要等大約8-10分鐘。🫶焦糖燉蛋雪糕班戟 $35🍮班戟即叫即製，攞上手仲係微暖；上面是焦糖燉蛋，面頭焦糖燒得好靚，燉蛋亦頗滑溜🍮班戟卷裡面都是雪糕，夏日天時食真是好透心涼，救左就黎中暑的我🥵🍮雪糕可自選口味，有成12款揀，我揀咗最basic的雲呢拿雪糕，雪糕正正常常🍮為防班戟過濕潤/雪糕因燉蛋的微溫加速融化，燉蛋底下有一層忌廉相隔🍮班戟皮厚度剛剛好，食落煙煙韌韌有咬口，配合燉蛋和雪糕有不同的口感😌🍮最底也有一層忌廉，我鍾意佢cream的比例不高，食落唔會好漏，整體甜度啱啱好🍮會提供匙羹，方便客人食，咁就唔會整到隻手黐笠笠或者食到好狼狽🎆整體：作為街頭小食真係不錯，可滿足想食燉蛋、雪糕、pancake三個願望，又唔會過甜。當然，如果可以攤開食，即可三樣一啖同時食，應該會再夾d，依家就似是燉蛋pancake加雪糕pancake分開兩

店名/Shop Name：I Love 戟 - 班戟專門店 (筲箕灣)地址/ Adresss: 筲箕灣東大街76號地下C號舖種類/Type：甜品推介/Recommend：焦糖燉蛋雪糕pancake焦糖燉蛋pancake雪糕是一道美味的甜点，口感丰富、层次分明。首先，焦糖燉蛋是一种柔滑、香甜的蒸蛋糕，它的口感非常细腻，入口即化。其次，pancake是一种松软、甜味十足的薄煎饼，通常用小麦粉、鸡蛋、牛奶等原料制成。将焦糖燉蛋和pancake结合在一起，就形成了奶香浓郁、口感丰富的组合。最后，燉蛋下加入雪糕，让整道甜点更加丰富多样。雪糕的冰凉口感和甜点的热腾腾口感相结合，让人感到非常清爽。总之，焦糖燉蛋pancake雪糕是一道非常美味的甜点，口感丰富、层次分明，非常值得一试。

😁 小編依日同朋友去筲箕灣觀禮，傍晚時分一齊去大東街掃下街。依間係其中一間小編一直想試嘅～ 🫓 焦糖燉蛋雪糕班戟 (沖繩海鹽) 😋😋😋😋😋班戟到手暖暖地，面頭焦糖燒得好靚。店家好貼心，畀咗匙羹𢳂，唔使整到隻手黐笠笠～ 👍🏻 焦糖下嘅燉蛋好滑溜，好有蛋香。😚 班戟成卷裡面都係Tiffany blue嘅沖繩海鹽雪糕，食落少少鹹味，而甜度又啱啱好，食完唔驚口渴～ 🤗下午茶 💵 約港幣$40/人 💁🏻‍♀️ 大熱天時，掃街係會有啲辛苦，食返啲清涼啲嘅小食，就會舒服啲！依日星期日等咗大約15分鐘，係可以接受嘅時間～ 仲有見到佢哋雪糕賣得相當平，四球、五球都唔使$20！大家去開真係要試下呀～ 😉