I-O-N

營業中

休息中

今日一班人約好了去食半自助餐，星期日本來想都要等 口下 位才有位置食午餐，想不到，一去到便有多坐位的大枱了。要多謝一批大家一起北上消費的港人，如果不是，要等一小時都不出奇。我一定是試個burger ，說是和牛，應該是有不小油份的，不過我自己都無想過可以用dry去形容的。一點都不juicy ，有點失望。所以，我自己去cut兩片cheese 做自製 cheeseburger 。不過，個包是有心機 toast 的，有分加。所以為了平復不滿足的胃，去食兩個Häagen-Dazs 雪糕杯

食物方面：刺身：全部都新鮮，算唔錯😆👍🏼海鮮：種類唔多，但全部都正正常常，入到口😆👍🏼甜品：正常發揮～肉眼：呢份半自助差小小，叫咗5成熟，但黎到有小小overcook～龍蝦牛柳：呢分半自助就真係唔錯😆😋嫩滑多汁！薯條：驚唔飽，加多份薯條，唔錯☺️服務方面：唔錯環境方面：唔錯性價比方面：ok備註：人唔多，傾計好舒服！如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

試過不同地點的I-O-N cafe，每間餐廳的裝修佈置都不同，今次試觀塘如心酒店這一間，木系裝修，感覺舒服寧靜，適合好友相聚閒聊。餐廳午餐以半自助形式供應，自助部份主要以沙律為主，有菜，還有冷盤、湯、生果、茶啡及雪糕等。菜是水耕菜，新鮮及款式多。冷盤有三文魚、cold cut、芝士、辣肉腸及黑木耳等。湯有中湯及西湯，可配麵包。雪糕是Häagen-Dazs，有三款味道可選。主菜有魚、雞、牛、龍蝦、意粉及意大利飯等可以選擇。我們就點了比目魚、黃薑雞、龍蝦意粉及八爪魚意大利飯。主菜份量不多但精緻，味道不過不失，合乎水準。如果只是享用沙律bar buffet，只要188元，如果享用主菜，則以主菜價錢收費，主菜一般由二百多至三百多元，這些價錢經openrice訂位再有75折，如果有長者，每位主菜減60元，所以很戈算。說實的，食物沒有驚喜，但正常發揮，以這樣價錢能在酒店用餐，實在沒有投訴。

酒店網站做緊買一送一優惠更抵，生日更送上蛋糕。推介主菜main course: 牛仔骨，好味好冧。 另外豬手都唔錯。飲品方面比較少選擇，只有啡茶。訂位後酒店會WhatsApp confirm你的Booking, 職員安排得好好！

好耐之前食過見到網店上面做緊買二送二就即刻約朋友食飯，細細間酒店都有免費泊車值得一讚，大衛姐姐服務有禮，Semi Buffet 就最岩我哋呢啲唔食得太多嘢嘅人，對比起full buffet 雖然係多但唔會樣樣都岩食，食物方面改動左好多，主要係西式食物，斧頭扒依然係高水準係正係隔離即切又有噴火表演10分滿足，侍應生10分純熟，好快就切好晒成塊斧頭扒，哩度地方寬敞枱枱之間唔會好迫，傾偈食飯一流，環境又乾淨廁所又夠闊落

I-O-N is well decorated and has a comfortable ambiance. Recently noticed a "buy 2 get 2 free" offer for the Semi Buffet on Nina Hotel website. Such a great deal! For our group of four, we combined our main courses to choose the Tomahawk steak. The Tomahawk steak was torched right at our table, IG-able!!As a semi-buffet, quite a variety of food available. I love the shrimp, had a genuine seafood flavor. Everything was fresh and constantly replenished.Special thanks to Perry for his excellent serv

位於牛頭角九龍東如心酒店既I-O-N一直都有推出半自助晚餐，素來網上評價都唔錯所以今次專程去試下😋一入到去中間位置放晒自助餐供應既食物，中途有期間限定既野食會搖鈴提示，聽到鐘聲就記住快啲去排隊啦🙈—————————————————————————————Main Course🍲♦️烤美國斧頭牛扒(4位用)：佢一開頭係會成張枱推出黎係你枱邊切，店員好細心會問你牛扒想要熟啲定生啲，因為我地有長者所以叫佢燒熟啲，店員既生熟度拿捏得好好，就算燒熟啲但肉質都可以保持嫩口，而且牛既脂肪比例適中唔會話過肥，絕對推薦大家食👍🏻😋♦️蒜香烤羊架及寶雲酥焗羊架（2位用）：我自己本身麻麻地羊架因為驚羊臊味，不過呢度既羊架真係要試下～份量都幾多而且蒜香味蓋過晒羊臊味，肉質口感好腍身，生熟程度岩岩好唔會過熟而韌，羊架表面焦香，内裡嫩滑脆嫩，幾好味🤗♦️烤斧頭豬扒 : 超級推薦💖外表望落好似有啲老，但食落係好嫩滑一啲都唔痴牙，表面撒左香草同黑椒令到燒起黎更加香👍🏻配菜有青椒同薯仔都好好味，青椒爽口咬落去唔會乾噌噌🫑♦️ 南瓜羊肚菌意大利飯配蘆筍及松子：意大利飯既軟硬度適中好入味，佢個汁好creamy南瓜味好香，而且唔會好

酒店內之餐廳，還算是不錯，整體服務水準到位，食物質數及格，服務員態度親切，餐廳地方整潔乾淨，午餐的種類尚算滿意，性價比高，已經到訪多次，從來沒有令人失望，會向推介朋友

餐廳位於觀塘九龍東如心酒店, 經OPENRICE訂座有全單75折, 最後埋單時原來仲有長者優惠餐廳係採用半自助餐形式, 由於是半自助餐的關係，外面的食物種類不太多，但不經不覺也吃飽了沙律區有不少新鮮蔬菜和配料，餐廳很貼心提供了大碗方便放和攪拌🥣除了自選沙律，也有不同款現成的沙律, 有藜麥沙律、意式粉仔沙律、雜菜沙律等冷海鮮區當晚提供了長腳蟹、翡翠螺、海蝦、青口、小龍蝦，非常豐富 , 樣樣都無限任食！每一樣的質素都不錯，特別是蝦，真的很鮮 , Refill的速度很快, 我都食左幾round! 實在太正！刺身區有三文魚、吞拿魚、希靈魚、甜蝦、八爪魚、𩶘魚等厚切刺身期間限定每隔一段時間 , 有員工會搖鈴提示有廚師即製新鮮食物出爐！今晚既期間限定係水煮魚 , 魚肉厚身唔腥～酸辣適中～仲有雲耳手快有手慢無㗎！主菜方面, 四人可以ORDER一份斧頭扒,我地一行五人, 所以叫左一份斧頭扒同一個海鮮意粉,斧頭扒要了七成熟就做到七成熟斧頭扒絕對夠4人吃，即場替我們切開，生熟度拿捏得好，另外仲會提供十款不同味道的鹽配斧頭扒帶出不同既味道水果有西瓜、哈蜜瓜、菠蘿及梨甜品有藍莓紐約芝士蛋糕、綠茶慕士蛋糕、柚子

我哋係常客，今晚同老公撐枱腳！佢哋最好食，其實係冷盤，以前食開嘅main course都係一般，但係嗰日食清蒸比目魚同埋斧頭豬扒，真係超正！豬扒外脆內軟多汁！比目魚嫩滑可口！好正呀！！不過老實講依家啲甜品好似種類少咗以前啲蛋糕好靚，而家淨係出咗啲自助餐嗰啲蛋糕，淨係朱古力都兩款，我覺得可以整多啲花臣或者拎啲生日蛋糕出嚟切吓都好呀！今次都有七五折，所以都係三百幾蚊一個晚餐！

食物雖然選擇吾算多，但一定夠食，而且啱食，水準亦好好，至於服務方面，員非常殷勤，感覺出於真心，不是機械式，環境寬敞舒適，無論二人定朋友及家庭聚會，呢庭都係一個理想選擇，值得一试

今晚（星期六）訂了11位預祝母親節，之前已經分別和家人、朋友來了三次，同樣地吃半自助晚餐。餐廳環境舒服乾淨，座位安排靈活恰當，11人坐巨型方枱，方便傾偈，每次來的食物質素也很好，今晚的主菜特別多選擇，斧頭扒要五成熟就做到五成熟我要讚賞及多謝各位員工同事，個個都很勤快友善，尤其William 及Long，我們一家人又要這樣那樣，他們都笑容滿面盡力幫忙，沒有半點不耐煩，有溫度有熱誠的員工就應該要表揚🥇現在香港餐飲經營艱難，所以好餐廳好招呼就要繼續支持

經open rice 訂有75折扣優惠長者價只需3佰元己食到Semi dinner buffet ，除了生蠔龍蝦貴價海鮮外，長腳蟹凍蝦榮螺青口同一般coldcut都有，多款沙律，還有Haagen Dazs 雪糕，我同朋友order 两人份量羊架，簡直驚呆，超大份量仲要非常嫰滑，厨藝抵讚，見隔鄰四人的話可order 斧頭扒，又係值巨型，望見到很吸引，下次一定約夠四人試斧頭扒，整體連環境及服務態度俾滿分。真心值得推介這餐廳。

美味semi buffet, 新鮮沙律蔬菜，2款湯亦美味及足料，刺身款式亦可以，主菜：斧頭扒一流，蒸魚亦美味，唯一美中不足，甜品嫲嫲，沒有多款弌選擇，吾食亦可以，可以加一點甜點會比較好。

今日四個人提前在網上團購慶祝生日，酒店餐廳職員好貼心提前問我哋要唔要留限量斧頭牛扒，整個過程可以用WhatsApp聯絡比較方便，有刺身甜蝦八爪魚幾款，冷盤有長腳蟹，小龍蝦多種選擇，甜品是H牌子，預留咗一個生日蛋糕甜品，整體滿意之後會繼續幫襯