I-O-N

營業中

休息中

去咗九龍東如心酒店入面食晚市半自助餐，疫情之後都點食過自助餐，今晚嘅店員都好Nice好有禮貌，而且食物refill速度好快，出去攞嘢食都冇見到有空盤。晚市半自助餐:💰星期一至四:From $498 (Adult 成人) / $348 (Child 小童) / $398 (Senior 長者)💰星期五至日及公眾假期:From $548 (Adult 成人) / $398 (Child 小童) / $448 (Senior 長者)🍴半自助任食餐桌🌟餐湯會有兩款湯，一款中湯同一款西湯。🌟Cold cuts莎樂尾腸，高帕火腿、巴馬火腿、蜜糖芥末煙燻三文魚店員介紹半自助餐桌比較受歡迎係Cold cuts。每樣都試咗少少都唔錯，我就幾鍾意煙燻三文魚，火腿我哋就配埋哈密瓜一齊食。🌟芝士布里芝士、巴馬臣芝士、餐包🌟沙律🥗白醋鴨牛油果沙律配芒果沙沙醬、車厘茄水牛芝士配意大利香醋、青蘋果沙律、火腿長通粉沙律、烤雜菌沙律、薯仔煙肉沙律。牛油果沙律加咗芒果醬酸酸甜甜好開胃，另一款幾鍾意食嘅係水牛芝士。🌟刺身有𩶘魚、馬刀貝、吞拿魚、三文魚、希靈魚、八爪魚放喺雪櫃入面，需要嘅就可以向店員攞，不過我哋就冇試晒，三文

半自助餐仲要中西合璧點睇？佢地依家做緊半自助餐加主菜形式嘅午餐同晚餐，實有沙律冰鎮海鮮刺身同甜品，海鮮種類都幾多而且都OK好食，刺身好似都有五六款，甜品同沙律嘅有唔同嘅選擇！主菜都有好多款可供選擇，波士頓龍蝦意粉同泡澳洲西冷牛扒都好足料！餐廳大廚亦會按當日食材烹煮限量嘅菜式，當日食咗個客家薑醋轉鴨肉意粉配忌廉汁，聽落都幾伏，但食落都幾特別，完全唔違和，值得一試！當日仲有炆鮑魚，都真係估佢唔到。而且餐廳好闊落寧靜，都幾啱約朋友傾偈食飯！

今日元旦，諗住豪少少同太太去食個豐富晚餐，見到疫情前叫Forta的洒店餐廳現在叫I-O-N，下午4:30係OpenRice 訂位，好快被確認和聯絡。下午6:30到達餐廳：1. 嗰場啲攞位無變；2. 坐低有welcome-drink…啤酒汽水果汁，請你揀；3. 自助吧食品好精緻，魚生、長腳蟹點會少得；4. 主菜的豬扒和牛扒真係好好食；5. 其實8:00都已經飽飽，但仲會有驚喜食品加推環節…餐飲都爭啲飲唔落Full！

一直都想吃個悠閑的早午餐 最近觀塘有間新酒店開幕♪(´ε｀ ) 立即來試一下它的周末限定brunch! 餐廳木系設計 型格時尚 座位舒適具備空間感 大玻璃令環境充滿自然光✨ -早午套餐由$368起 包括自助冷盤沙律吧🥗、熱盤、自選主菜一份🦞、飲料和甜品🍮 款式多 而份量相當豐富ʕ •ᴥ•ʔ🔻🔻🔻🔻🔻 ✨ 主菜▫️香烤龍蝦班尼迪蛋 (+$100)高級豪華版的班尼迪蛋🍳 香烤過的龍蝦肉質佢然爽彈 且有不少龍蝦膏🦞～ 而流心的班尼迪蛋 配上菠菜和火腿 味道很不錯🥰-▫️叉燒醬鱈魚🌟超推介的一道主食!! 鱈魚上塗滿叉燒醬 焗好的鱈魚非常嫩滑 吃下去感覺就是像在吃叉燒味的魚😂 平時吃叉燒會超果腹 吃這個就不用怕了! 而且整個擺盤很有心思 是叉燒飯的概念吧! 有蛋、鱈魚和菜心 超精緻🍚～-✨ 冷盤▫️蜜糖芥末煙燻三文魚▫️烤雜菌沙律▫️火腿長通粉沙律▫️車厘茄水牛芝士配意大利香醋▫️羽衣甘藍沙律 冷盤都有不少選擇 個人最喜愛它的蜜糖芥末三文魚🍯 甜滋滋又帶點刺激ψ(｀∇´)ψ -✨ 熱盤▫️白酒炒海鮮▫️法式洛林蛋批▫️日式照燒豬梅肉▫️炸魚配他他汁▫️煎香腸配酸椰菜熱盤當日有海鮮、蛋批、豬梅肉等等～ 其本上只是任吃冷熱

I-O-N喺觀塘Nina Hotel最近開左一間新分店，餐廳裝修新派雅緻，樓底好高，空間感唔錯，而且檯與檯之間保持適當距離，坐得非常舒服。餐廳仲推出左全新半自助餐形式嘅Weekend Brunch Menu，每位$368起，有7款主菜選擇，及超過20種無限量添食嘅Chef Table美食，非常豐富，11月30日前仲做緊全天侯８折開幕優惠，大家千祈唔好錯過！我地喺店員嘅推薦吓揀左香烤龍蝦班尼迪蛋及烤澳洲西冷牛扒兩款主食，前者選用新鮮活龍蝦製作，蝦肉十分鮮甜彈牙，伴以出色嘅Egg Benedict， 水波蛋生熟度剛好，切開見到啲蛋汁流晒出嚟，真係邪惡又好味🤤 澳洲西冷份量幾大，烤得好香，肉質軟嫩，如果再生少少會更好味！喺等緊主食期間可以去自助區攞啲嘢食，由於選擇非常之多，所以我都係每樣試少少，留番啲肚食主食同甜品。冷盤區主要以沙律為主，例如我試左烤雜菌沙律同埋牛油甜粟米沙律都非常好味，而熱盤方面，個人推薦白酒炒海鮮、脆炸雞中翼同埋法式洛林蛋批!我哋仲加配左半打精選生蠔(+$158)，當日係法國生蠔，尺寸為3號大細啱啱好，每隻都非常新鮮，肉質肥美，味道甘甜，而且價錢都好合理👍🏻甜品方面，我哋

觀塘新開酒店半自助餐 今次試試weekend brunch 好適合假日放鬆 慢慢嘆茶 最近仲有開幕八折優惠做到11月30日 簡單記錄下（價錢餐牌可以睇圖先）.呢次試試酒店假日半自助早午餐朝早1100黎到 可能新開 客人唔多酒店環境新淨 座位舒適夠空間感比較多木系玻璃自然光設計可以先點飲品 再喺外面自助區拎野食食到差唔多 再點主菜同甜品.主菜每位選擇一款今次選擇左⭐️香烤龍蝦班尼迪蛋開邊龍蝦厚肉 爽彈有個位值得加分 佢地龍蝦鉗幫你起埋肉⭐️烤澳洲西冷牛扒叫左5成熟 肉質粉嫩 有肉汁今日呢塊牛 肥位 根位明顯有適量去除 加分.⭐️前菜有田園沙律 蜜糖芥末煙燻三文魚 牛油甜粟米沙律羽衣甘藍沙律 烤雜菌沙律 德式薯仔煙肉沙律
凍肉 火腿長通粉沙律車厘茄水牛芝士配意大利香醋⭐️熱盤有
白酒炒海鮮 脆炸雞中翼 烤燈籠椒意大利青瓜煙火腿豆角卷 法式洛林蛋批 番茄醬地中海式肉丸.果汁方面 佢地有 橙汁蘋果菠蘿汁茶類方面 都有近10款 呢次唔知飲咩好 侍應主動拎哂咁多隻味嘅茶包 比客人慢慢揀 加分.甜品方面 今日點左⭐️甜品拼盤 賣相勁靚除左👎🏻窩夫口感 比較死實 其他都ok👍🏻心太軟甜到漏 做到爆流心👍🏻蝴蝶酥

I-O-N 新推出左週末早午餐 每位$368起 係半自助午餐嚟架 啱哂假日同屋企人去嘆早餐 chill 下😛香烤龍蝦班尼迪蛋+$100店員推介 話係新鮮活龍蝦🥹 又真係唔錯喎！食得出龍蝦非常鮮甜😚班尼迪蛋啱啱好 一切開流哂心❤️‍🔥 蛋汁、多士、菠菜、ham 一啖過味道好豐富☺️食落仲有啖啖牛油香💯仲有好多沙律菜 係輕食之選 食完都唔會有好飽滯既感覺😆 加錢都值得😙叉燒醬鱈魚呢個黯然銷魂飯又幾特別喎😝 賣相好吸睛 用叉燒醬整鱈魚 食落好得意 因為食落好似食緊味既魚🤣 鱈魚燒得啱啱好💯勁滑勁juicy😚一切開忍唔住又拎返起部相機影底 勁多肉汁爆出嚟🥹❤️ 燒飯團仲加左隻鵪鶉蛋 哈哈好可愛🤣每日精選生蠔🦪 $158 半打隻隻都幾新鮮、肥美 如果中意食生蠔都可以加 算幾抵食自助區都有唔少野食！有蜜糖芥末煙三文魚、多款沙律、及凍肉任君選擇👍🏻熱薰都唔Hea 架 法式洛林蛋批、煙火腿豆角卷、白酒炒海鮮、烤燈籠椒、蕃茄肉丸等等淨係自助區既食物選擇已經非常多甜品可以選一款本來想揀拿破崙 但當日竟然冇哂🥺最後升級左甜品拼盤！如果4位同行係免費升級架😆甜品有心太軟❤️‍🔥切開流心個下真係好治癒 濃濃既朱古力味😚

啱啱過咗嘅星期六我哋一家大細有老有嫩一齊嚟到九龍東如心酒店試佢岩岩開返嘅新餐廳I-O-N，幫哥哥慶祝生日🎉🎉🎂🎂。今次試呢間新餐廳都係想近近地，因為屋企有老人家同小朋友唔想周圍去。嚟到餐廳之後裝修格局同之前都冇乜點變個場都一樣闊落，只係擔心食物水準會唔會有變。因為始終佢哋之前都係做開半自助餐，但今次嚟到是佢嘅set Dinner真係喜出望外，首先價錢中規中矩晚餐$300左右一位。我個人特別鍾意佢嘅牛肋骨，老人家就鍾意佢地既銀鱈魚扒同埋佢地嘅擺盆嗰啲配菜都好好味我哋下一次一定會再去幫襯十分抵食😋😋😋

之前返香港住過7日哩間隔離酒店，住宿嘅時候已經覺得啲野食唔錯架啦，知道佢重開就約埋家人一齊去試吓啦，好彩都冇令我同家人失望，食物擺款有心思，味道比酒店房食既時候更好，服務員態度和藹親切，值得推介

餐廳前身係叫forte，都係食西餐嘅，自從酒店做完檢疫酒店後，餐廳亦同步重開，並改名成Ion (唔知咩意思)。Menu固之然係全新概念，是日同同事試左半自助式lunch set，質素極佳，決定要上黎讚一讚。半自助餐係包任食自助餐枱上嘅頭盤、沙律同湯，呢個係重點之一，食物選擇上不能夠與大排筵席自助餐相比，大概有20樣種類，非常精而吾係平價劣質大堆頭。我哋都盡可能試晒，整體黎講食物水準非常高非常新鮮！我特別鍾意南瓜湯，cold cut，麵包係暖又軟。食到半飽，聽職員推介下我點左主菜，係好趣味性嘅蝦醬意粉，咸香濃，煮得有咬口剛剛好！！份量都唔細！整體上環境、服務同食物質素都上乘，我哋一行四人都非常滿意，並擇日happy Friday再嚟。

早前I-O-N喺觀塘如心酒店開幕，同時推咗個全新嘅weekend brunch～ 除咗有7款主菜、4款甜品選擇之外仲有超過20種無限量添食嘅Chef Table美食🍖 更可以加配精選生蠔、芝士拼盤、薯條、白咖啡同虹吸壺煮茶！超級推介一家大細/情侶/閨蜜過嚟放鬆享受吓呢度嘅美食💞等緊主菜嘅期間可以先拿出面嘅嘢食～ 冷盤有煙燻三文魚、烤雜菌、牛油粟米、火腿長通粉、薯仔煙肉、車厘茄水牛芝士、凍肉同各式沙律菜🥗 熱盤包括白酒炒海鮮、烤燈籠椒意大利青瓜、煙火腿豆角卷、脆炸雞中翼、法式洛林蛋批、番茄醬地中海式肉丸、麵包同南瓜湯～ 三文魚肉質細嫩而且煙燻味夠濃厚，雞中翼新鮮炸起熱辣辣，外脆內嫩食到舔舔脷！南瓜湯超有驚喜，味道香甜濃郁，暖笠笠咁好暖胃呀！主食方面叫咗香烤龍蝦班尼迪蛋同烤澳洲西冷牛扒🥩 麵包外皮香脆可口，內裡鬆化，波士頓龍蝦肉鮮甜彈牙，搭配水波蛋、荷蘭醬同炒菠菜，整體口感豐富，層次分明，簡單得嚟又滋味～ 牛扒煎至七成熟，火候掌握得唔錯，切開後仍然見到有少少紅肉，牛味濃郁，口感嫩滑唔乾柴！旁邊更有切絲蔬菜同其他配料，超級豐盛🥰另外加配咗半打來自澳洲嘅精選生蠔，飽滿度高，肉質滑溜，食落去先鹹

餐廳全新進駐在東九如心酒店二樓，無論酒店大堂職員或餐廳服務員都貼心有禮貌，招呼好，有五星質素，Chef table前菜自助食物新鮮，當天點了主菜牛扒十分美味。值得給讚!