INN - I’m Not Nothing (已結業)

今日黎到元朗搵朋友仔食飯😋網上見到inn-I’m not nothing 哩間餐廳個環境好似好靚，好適合傾計😍見到lunch menu又好吸引，就決定去試吓啦😊環境超靚，特別佢個裝修！睇得出好有心機！裏面都係花花草草為主，好舒適。平日午餐已經坐滿人。叫左南瓜蟹肉意大利飯😋同豬肉眼配肉桂蘋果醬😍兩個都係我最愛😊另外同朋友叫左杯cappuccino 同longblack,果然香港人唔少得咖啡。跟餐南瓜湯好好飲呀 😊有拉花咖啡就有好心情😆好鐘意個肉桂蘋果醬。蟹肉南瓜意大利飯！推薦呀！意大利飯口感岩岩好，加埋鮮味蟹肉😍勁夾！兩個人食到勁飽😍😍超豐富既午餐☺️☺️環境衛生一流，同埋職員態度好好！午餐性價比好高呀🥰

今日下晝山長水遠咁去咗元朗搵朋友，佢就帶咗我嚟呢間喺Yoho Mall附近嘅INN-I’m not nothing食個lunch先舖頭嘅裝飾係以白色為主，然後有啲花草樹木做配襯，一入到去已經覺得好適合大家嚟打卡！餐廳亦有兩張戶外嘅枱仔，等客人可以帶埋狗狗嚟食飯Lunch menu嘅選擇都唔少，咁我就同朋友一人揀咗一個lunch set嚟share每一個set都會包餐湯同埋餐飲，今日嘅餐湯係好creamy同埋好濃郁嘅蘑菇湯呢間舖最吸引我嘅地方就係呢度有得試法式班戟，所以我就叫咗呢個野菌忌廉雞肉配法式班戟($75+1)我印像中嘅法式班戟係煎得扁扁平平、打開中間會有少少餡嗰種，呢個法式班戟就係整到捲狀，然後中間包住滿滿嘅忌廉野菌同埋雞肉，所以佢都會比想像中飽肚朋友叫嘅係香燒焗豬肉眼配肉桂蘋果醬($98+1)，配菜有薯蓉、甘筍仔同埋蘆筍呢塊豬肉眼大塊得嚟都幾厚身，肉質幾彈牙唔會韌。佢個玉桂蘋果醬嘅味道同回憶中嘅麥當勞蘋果批嘅餡有啲相似，因為佢甜甜地所以食塊豬肉眼嘅時候唔會覺得好滯我同朋友都另外加錢upgrade咗餐飲，我就揀咗呢杯士多啤梨藍莓奶昔(套餐轉配價$24+1)。佢唔會太甜，飲落去好f

平時去元朗行街食野，都只係識係大商場搵食，YOHO、元朗廣場呢啲，一係就好貴，一係就黎黎去去都係啲連鎖店，真係食都食到厭今日試下出去街邊搵食，點知真係有驚喜！呢間「INN」離YOHO唔係好遠入面裝修得好用心，感覺好優雅帶女仔黎影相一定開心死佢呢到既menu同普遍西餐廳差唔多，不過價錢就相對平啲，fish and chips都只係$68炸魚薯條雖然平，但質素絕對唔差！魚柳炸粉唔厚，但仍keep到好脆，下面肉質唔會一切就散開，亦保留到魚既鮮味呢個澳洲肉眼一定要讚勁高質，可以講話好食過唔少餐廳！一上台已經聞到好香，我叫左5成熟，切開無血水，肉質好淋，食落勁香牛油味，當然牛味亦出聚，好正！好多所謂高級西餐廳都熟到好硬，又無乜味，要靠燒汁/芥末黎調味，呢到加左芥末反而浪費左大廚調既味！豬手都唔錯，面頭豬皮有蜜糖，豬手肉夠咸，肉質亦好軟身，易切易入口，唔會夾到牙都無力最後仲叫左個朱古力pancake，好大份上面有cream、有香蕉，配搭食好match好好味。不過太大份食完覺得好有罪惡感食啲咁好味既野特別難忍口，返去又要瘋狂做運動啦！

朋友推薦的新店，位置是有點難找。但環境佈置舒服，以白色為主色，配搭小巧的水晶吊燈，女生聚會必選。食物都在水準之內，擺盤用心，打卡一流。🍽英式炸魚薯條 奶油大蝦煙肉忌廉意粉波士頓龍蝦肉羅勒忌廉意大利飯另外朋友經openrice訂座，送左碟好靚的Crepes，有香蕉、朱古力和棉花糖，哈哈🍊橙片和薄荷菜很點晴，充滿幸福感的美食。

I’m not nothing一直知道荔枝角有店，但依加元朗都有分店啦，方便哂我呢d屯門牛，不過menu好似係有少少唔同？夜晚6點開始係openrice book位，仲送生蠔同甜品，2揀1，甜品只送一客，如果要生蠔就每人一隻，好抵-香煎北海道帶子配香蒜辣味羅勒意粉 $138意粉尼到既時候，第一眼感覺意粉好似會好乾同無乜味，同平時見到既香蒜意粉個樣有d唔同，不過食落去原來係另一個層次，完全比佢外表呃左，原來係好入味既，不過辣味就唔出，但帶子都唔錯幾滑，唔會煎到過鞋🤤幾好食。澳洲肉眼扒8安士配薯菜.燒汁 $158 肉眼扒我地就叫左5成熟，不過我地都覺得偏熟，可能遲下要食番3成🤣個扒比較難切，所以肉質就鞋d啦。Crepes 法式班戟（芒果,青提,忌廉) $68最後訂位我地送甜品☺️整體成個甜品都唔太甜，不過唔中意佢配香料既芒果汁😖覺得個味好假，係成個甜品扣分點，可能配真正芒果溶會好食d😂整體餐廳環境都好舒服，係文青風，比大家打下卡，仲有室外坐位，個人覺得如果坐室外打卡就好d，不過夏天，怕熱既我就真係揀坐室內啦😂

元朗鳳攸南街一帶都有好多美食 閨蜜揀呢間餐廳 環境真係一流 啱曬一眾女士打卡或者情侶拍拖餐廳以白色為主題 吊著華麗的水晶燈 閃閃發光 店內店外放滿不同的植物 讓人有種休閒寫意的感覺 而且桌子用了雲石枱 優雅又高級午市餐牌套餐有十項選擇 菜式是法式及西式的概念 飲品方面 當然是以咖啡為主打 另外亦有特色飲品 例如梳打，英式茶，奶昔 等等我同閨蜜分別每人叫咗兩個餐 是日餐湯是龍脷柳蔬菜白湯 熱騰騰的自製餐湯 真材實料 有蔬菜有海鮮 口感十足英式炸魚配薯條$82 是即叫即炸的 所以製作需要點時間 清晰可見 有炸魚，炸薯條及沙律菜 炸魚好大塊 脆醬鬆化 入口不油膩 魚肉還是一梳梳的 而且很嫩滑 充滿肉汁 加點檸檬汁味道更鮮薯條外脆內軟 香口嘅食物真係讓人忍人不著一口接一口 薯條配茄汁係絕配蟹肉南瓜意大利飯$88 食物賣相一流 真係要相機食先 意大利飯生熟程度啱啱好 中間仲食到有少少生米 不過我知咁樣先係正宗嘅食法 忌廉南瓜汁完全比米飯所吸收 醬汁濃厚香甜 蟹肉份量超多 啖啖蟹肉很奢華鮮橙色嘅蟹子拌飯有提鮮作用 咀嚼嘅時候再口腔中爆破 魚油味滲透在飯香之中士多啤梨藍莓奶昔$48 用時令水果製作的

好耐都冇嚟過元朗啦 呢度開到周圍都係食店 想食乜諗到都應該會有初頭比裝修吸引 唔講仲以為係食蛋糕嘅入到黎感覺好空曠 好舒服 同埋啲店員好NiceMenu唔算有好多頁 但係甜品主菜去到小食都一應俱全最後揀咗個班戟同澳洲肉眼扒配薯菜澳洲肉眼扒配薯菜 叫咗五成熟一上枱已經覺得好有份量 熟嘅程度都係我想要嘅效果每啖都好Juice 哈哈 最驚啲好乾嘅牛另外佢有三個醬汁 正生菜都好新鮮 最出奇嘅係薯條竟然勁好食外面好脆 入面好軟綿綿 竟然有少少覺得薯條好味過塊牛扒其實食完呢碟野都已經有七成飽但係Menu真係覺得班戟好吸引冇理由唔試埋佢㗎嘛 我係要咗榛子朱古力 香蕉 棉花糖 忌廉所有材料一眼望晒 哈哈個餅底做得好軟綿綿 同埋好薄身朱古力味道亦都好突出 有冇人可以解答上面嗰個果乾其實食唔食得我食咗一啖覺得好苦 就冇再食總括嚟講作為一個飯後甜品 好滿意

因為本人好鐘意食法式班戟，見呢間餐廳新開又有crepes 食，訂位仲有crepes 送，當然即刻去試啦。去到餐廳，係環境清新既小法式風枱，不過入面既枱都擺得有少少密，人一多就少左份優雅既感覺。菜單上既選擇唔多，不過啲食物都有驚喜喎。前菜叫左水牛芝士蕃茄，呢個前菜好難唔好食，但個擺盤搞到好似得半份咁，建議可以再執執。主菜有奶油大蝦菠菜煙肉忌廉意粉，除左菠菜失蹤之外，個意粉軟硬適中，個汁唔會太膩，味道唔錯。重頭戲係豬手，百五蚊食到咁大隻豬手真係好抵，而且整得好好食，皮脆肉厚，性價比極高。最後送既crepes 我揀左肉桂蘋果，作為高質甜品做收尾，呢餐好滿足

平日放假，入左元朗搵食，係雞地見到間西餐廳好多人食，就入左去試下。香煎北海道帶子配香蒜辣味羅勒意粉帶子煎到金黃色，味道鮮甜，意粉軟硬適中，帶少少香辣，味道更豐富。奶油大蝦嫩菠菜煙肉忌廉意粉意粉軟硬適中，醬汁好creamy。大蝦大大隻爽口鮮甜，煙肉煎到好香，肥瘦適中。另加$38配餐湯及餐飲。是日餐湯係南瓜忌廉湯，味道香濃，新鮮製造。餐飲配左凍檸茶。$28以下嘅嘢飲就可以免費叫唔使加錢入面個環境幾靚都見到好多人打卡！

和朋友去了元朗鳳攸南街9號好順利大廈地下的INN - I’m Not Nothing食飯。這是間擁有一個很特別名字的餐西餐廳。餐廳裝修得很精緻，放了很多植物在餐廳內裝飾，走清新田園風。餐廳播著輕快音樂，使人感到放鬆。店員服務殷勤有禮，安排我們坐在玻璃窗前的卡位，可以望到街上的景物視野開揚。我們點了奶油大蝦菠菜煙肉忌廉意粉，香煎北海道帶子配香蒜辣味羅勒意粉，和黑松露薯條。奶油大蝦菠菜煙肉忌廉意粉，意粉奶油豆creamy，蝦肉彈牙好味。香煎北海道帶子配香蒜辣味羅勒意粉，很喜歡這裏的意粉煮得不會太軟身，有口感。有些香蒜配帶子，好惹味。黑松露薯條，薯條醬有黑松露香味，適合和朋友分享。總結：INN - I’m Not Nothing 是一間裝修很清新田園風的輕食西餐廳，意粉做得不錯，不會太淋，有口感，和朋友過來食餐飯，傾下偈確是不錯。

🔎INN - I’m Not Nothing (元朗)呢個位成日都無乜客 轉咗呢間新開之後多咗好多人 即管試吓係咪咁受歡迎🔹Crepes $68榛子朱古力、香蕉、棉花糖、忌廉無乜機會食到Crepes 呢度有四款揀 揀個最邪惡嘅試 🔹秘製蜜糖燒豬手配酸椰菜 $158都幾大隻 不過就唔夠甜 d肉都多 皮又夠煙韌 個底仲有2件燒菠蘿🤣仲甜過蜜糖豬手 🔹英式炸魚配薯條 $68 (for 1 to 2 person)炸魚薯條呢d咁熱氣咁唔健康嘅野竟然有沙律菜跟埋🤣罪惡感即刻降低 炸粉都算薄 薯條就用基本粗直薯 如果多d會滿足d📍元朗鳳攸南街9號好順利大廈地下60號舖🍴搵返相關地區👉🏻 _元朗#食在元朗

見到雞地有一間好靚嘅Cafe，相信係之前嗰間嘅西餐廳轉左手，然後重新裝修。🧐🤓環境佈置得好靚，連啲枱枱凳凳亦都好有歐洲嘅風格。😍😍餐牌更加係用好靚嘅插畫尼設計！如果有睇開Catherine嘅人就會知道佢嘅畫風真係好搞笑！ 😊😝😝😝所以就約咗朋友特登試吓佢嘅lunch，午餐嘅時間唔係太多人，😎我哋叫咗兩個lunch set，一個就係韓式泡菜雞肉漢堡，🥳另外配上薯條。中間塊雞肉相信係自己打嘅，混入左泡菜，味道好新鮮，但亦都好好味。好創新嘅漢堡包。☺️☺️另一個就係蟹肉南瓜意大利飯。上面鋪滿左蟹肉碎，餐廳一啲都唔孤寒都有好多蟹肉喺上邊，另外仲有蟹子，增加左個層次口感。每人都會再跟一碗餐湯，味道都好好味，並唔係一般罐頭湯，心機之選。飲品方面叫咗杯咖啡同埋一杯藍莓士多啤梨Smoothie。唔會好甜上面仲有好大舊cream🥰值得回頭嘅一間餐廳。同好朋友仲影咗唔少靚相。

午市黎到係元朗新開嘅INN食午餐，估唔到依個鐘數已經非常爆滿。餐廳佈置得非常別緻，擺放咗唔少植物，好有心思。我地坐咗係靠外面嘅位子，可以望到外面嘅風景。餐湯係南瓜湯，非常香濃。一見到餐牌有crepe，即刻解決咗我嘅選擇困難，我點咗其中嘅野菌忌廉雞肉配法式班戟。班戟上面擺滿咗濃濃嘅野菌同忌廉，切開仲見到層層嘅班戟包住雞肉。班戟煙煙韌韌，雞肉creamy，非常滿足~香燒焗豬肉眼配肉桂蘋果醬，豬肉眼上面係滿滿嘅肉桂蘋果醬，下面係薯蓉蔬菜。豬肉眼好厚，但係一啲都唔韌，帶有少少焦香味，醬汁好重肉桂味，薯蓉亦都好香滑。餐飲轉配特飲，士多啤梨藍莓奶昔 & 香橙芒果薄荷梳打，果味香甜，同樣都好清新解暑~因為實在太飽喇，所以冇點到甜品crepe，下次一定要試！

元朗雞地一向都出名好食美食，最近經過發現一間新開嘅餐廳，裝飾用咗好多綠色植物，感覺清新就入去食個lunch。我叫左一個lunch set, 隨主菜有餐湯，南瓜湯好好飲，有濃厚嘅南瓜味，而且唔會好咸，飲得出唔係出面一般嘅味精湯。我見佢套餐加特飲半價，又好耐冇飲milkshake，就點左杯士多啤梨藍莓奶昔。飲品賣相吸引，上面嗰cream好滑，下面嘅奶昔調得好好，士多啤梨同藍莓比例適中，而且杯野係新鮮水果打出黎，fresh得黎唔會好甜。主菜香燒焗豬肉眼配肉桂蘋果醬終於到，擺碟有心思，令人食指大動。呢道菜做得好有層次，上面係新鮮芽菜仔，豬肉眼扒上面係酸酸甜甜嘅蘋果蓉，而豬扒下面就係配菜粟米仔、紅蘿蔔同青荀，最底就係薯蓉，十分豐富。豬肉眼扒焗得幾好，肉汁仍然鎖住，而且唔會出油，配合個燒烤汁食非常夾。值得一提係蘋果蓉同豬扒一齊食出奇地好食，呢個都幾驚喜。薯蓉份量好多，做得好軟身，配合個汁食完已經好飽。餐廳食物質素唔錯，而且環境寧靜，充滿植物令人放鬆，大家有機會都可以去充下電。

假日前夕收工當然要去食埋dinner 先返屋企啦🤣 約左朋友仔入元朗食dinner🍴 7點半左右去到已經好full🙈 好彩唔洗等位 如果唔係一定餓壞我😂 我地叫左2個主食 澳洲肉眼扒8安士配薯菜燒汁、秘制蜜糖燒豬手配酸椰菜同一杯香蕉朱古力奶昔🍌🍫 香蕉朱古力奶昔有陣陣既香蕉香味 再加上濃濃既朱古力真係勁好飲 又滑又香 其實都幾飽肚 不過好邪惡😈澳洲肉眼扒因為朋友仔唔食得太生 所以我地叫左7成熟 肉眼煎到岩岩好 好有岩燒既香味☺️ 入口有好香既牛味 我同朋友仔都覺得好出色 配菜有沙律菜同薯條 沙律菜好fresh 薯條又岩岩炸起 熱辣辣好好食🥰蜜糖燒豬手好大隻👀 唔係平時炸到乾淨淨果d 反而一切落去勁有驚喜！ d肉好嫩 唔會勁難切 仲有豬手層皮真係世界級🤤 層皮吸收晒蜜糖既香甜味 又淋 但又唔會入口覺得係一pat肥膏😍 真係好好味呀！ 再配埋酸椰菜同燒菠蘿🍍 成件事配合得好好👍🏻