INN - I’m Not Nothing (已結業)

今晚經過元朗鷄地見到呢間新餐廳INN, 起初都唔明係咩意思，睇真D原來係I’m Not Nothing。餐廳外觀設計清新、用咗好多綠色植物去點綴，滿滿嘅田園味道，望埋餐牌見食西餐嘅，價錢合理，可以入去試吓。主食有幾款都想食，見隔離檯個波士頓龍蝦牛肝菌意大利飯好好味咁，我都跟住點呢個先。上枱時見賣相好靚，有半隻龍蝦，好吸睛。蝦肉鮮甜爽口。而意大利飯好好味，米飯索曬滿滿嘅醬汁香味，濃稠適中，食不停口。甜品點了法式班戟：榛子朱古力和香蕉味道，相信呢個組合一定穩陣。法式班戟賣相好豐富，餅皮口感煙韌軟熟，配上Nutella醬和香蕉，加埋cream 一齊食，味道好夾，又唔會太甜。呢度感覺好舒服，而且食物味道唔會好濃，感覺健康，下次再黎試埋其他野先。

元朗一直都有好多唔同既美食，所以住係呢頭都會周圍試下唔同餐廳。今次係open rice到搵到呢間新開既餐廳就諗住過黎試下去到見到鋪頭既裝修都幾特別 行法國宮廷風 有好多打卡位。今次同朋友黎到食晚飯，去到餐廳都接近滿座，好彩都好快有位。入到去發現餐廳空間都比較逼夾，枱同枱之間既空位唔多～夜晚用餐時間限制左90分鐘 每人最低消費120。整體黎講，野食質素唔錯，份量都多，擺盤靚，價錢就正常，但係環境衛生就有待改善。

今日放假同朋友揀左呢間餐廳食晏，睇相覺得裝修幾靚，食物又唔錯係openrice訂位仲有9折咪一於試下囉！係可以再返轉頭幫襯嘅我地叫左一客焗豬肉眼配肉桂蘋果同埋一客牛扒，兩杯士多啤梨藍莓奶昔，最後加左＄38要左客甜品特濃咖啡配雪糕餐牌雖然唔太多選擇，啱哂有選擇困難症嘅我最緊要係好味，唔好食比幾多你揀都無意思！希望可以繼續經營落去

屋企又無飯食～～收工翻到入元朗唔知食咩好，yoho town行出黎就有一列小店。當中呢間白色裝修，好有feel既餐廳吸引左我～餐廳好適合打卡，擺設好有古典味道。餐點選擇唔算多，但有齊哂基本既不同選擇。南瓜忌廉湯濃郁得黎有少少南瓜既纖維咁，幾香。秘製蜜糖燒豬手配酸椰菜本身想食牛扒既我，比好耐無食過既豬手吸引左。因為我其實係好鐘意豬手個種滿滿骨膠原既口感，同埋酸椰菜！！結果呢到既豬手係絕對無令我失望😍當然，如果expect食脆皮既話，呢款應該唔太適合。佢地將外皮燒到略焦，保留左豬皮軟熟彈牙同黏口既感覺。而肉質亦係十分有驚喜，由於燒得唔耐，所以肉質完全唔乾，仲好彈牙🤤最重要既係，佢地做到無乜豬既腥味，我好滿意～酸椰菜比既份量好多，好開心🥰另外仲有兩塊菠蘿墊底，可以解一解膩。Espresso Tonic食完豬手，最好就係飲呢一杯Espresso Tonic鮮膩，同埋可以refresh下～啡味唔算好重，反而我覺得甜感同果味都幾突出，幾好飲。

訂左檯7點鐘泥到I’m not nothing食晚餐。歐陸式嘅裝修增添浪漫環境氣氛。坐低無耐已經見到坐無虛席，泥呢度真係要訂位，閒日晚市都多人😳主菜方面分別點左2樣。香煎北海道帶子配香蒜辣味羅勒意粉（$138）帶子煎得好香，亦唔會鞋。整體來講意粉炒得好香唔會乾身，配合啲菇會多左口感，味道辣辣地好開胃！澳洲肉眼8安士配薯菜燒汁（$158）我地叫左5成熟，可以見到下圖真係做到5成熟無話過熟！牛肉較薄身，相對地唔會鞋同韌。配菜如薯條整得香脆可口！飲品方面叫左2樣青檸香茅薄荷梳打（$48）一飲就覺得好fresh✨✨夏天飲真係好match!最緊要係一定環督啲青檸同薄荷令佢地更加出味😋凍朱古力（$42）好濃郁嘅朱古力！唔係茶餐廳溝好多水沖嘅味！而且佢加左一大pat cream係面，睇得又食得，仲好邪惡啊🤩最後補上餐牌，佢嘅插畫畫風都好趣致😆總括泥講，餐廳食物價錢唔貴，而且都有質素，性價比頗高。泥開元朗可以一試！—————————————————味道：✨✨✨✨推薦：✨✨✨✨回頭：✨✨✨性價比：✨✨✨

朋友知我鐘意食法式班戟，相約我黎晩餐，話呢度環境舒服，食物質素唔錯，啱我地慢慢傾、慢慢食，重好多打卡位。環境方面就好有法式風情，以白色為主色，配上華麗的閃閃發光水晶燈，雲石枱，同時配上藤織櫈、同植物裝飾，風格清新又雅緻，有種悠閑感覺。主食點了澳洲肉眼扒配薯菜，肉眼扒我點了七成熟，肉眼本身高質，外層煎香，肉汁被鎖住，以燒汁配搭，好好味。沙律菜新鮮爽脆，粗直身薯條有濃濃嘅薯仔味，如果份量多d更好。法式班戟係另一大滿足，朱古力香蕉.係perfect match. 餅皮軟熟煙韌，整體味道豐富又唔太甜。飲品點了士多啤梨藍莓奶昔，奶昔味道唔會太甜，濃濃嘅水果味，口感幼滑。

元朗法色餐廳入面環境好靚而且仲有由航空界KOL腔叔設計既menu📋香煎牛油波士頓龍蝦牛肝菌意大利飯🦞 $148大大隻龍蝦 上面重有啲蟹籽有啲菇菌同飯混合🍄令燴飯嘅味道同口感加倍濃郁意式茄醬松露芝士意大利雲吞☁️ $118配上新鮮蕃茄🍅芝士餡又出味🧀入口煙韌但松露就吾太出夠晒清新開胃😍榛子朱古力香蕉棉花糖忌廉法式班戟🧇 $68法式極薄嘅煎薄餅 內餡非常飽滿佈滿香蕉🍌榛子朱古力醬🌰簡直就係畫龍點睛👍🏻派對白桃烏龍茶🍑 $48凍檸茶🍋 $26📍INN - I’m Not Nothing (元朗)元朗鳳攸南街9號好順利大廈地下60號舖

/𝐼𝑛𝑛 𝐼’𝑚 𝑁𝑜𝑡 𝑁𝑜𝑡ℎ𝑖𝑛𝑔🇭🇰/#sa元朗篇➖➖➖<逆市下開張嘅小店>➖➖➖之前見佢係荔枝角岩岩開張無諗過一兩個月後元朗、九龍灣同觀塘都有係歐陸風西餐廳設計 覺得幾適合係到食tea 夜晚環境會比較偏昏暗～ 差不多6點都已經幾多人食full house🤣整體來講食物都多元化 可以試下較少見嘅意大利雲呑同法式班戟☺️☺️Dinner 可以+$38 配餐湯+$28 以下飲品亦可用半價轉其他特飲😆➖➖➖1️⃣餐湯: 忌廉南瓜湯 忌廉幾有奶香 南瓜味都幾出 味道天然如果有埋南瓜蓉就更好➖➖➖2️⃣意式茄醬松露意大利雲呑 $118 🌟大概有六隻雲呑 都幾大隻～不過對我黎講未必夠食夠喉 但係係幾好食幾鍾意個番茄醬 夠惹味☺️☺️雲呑皮幾軟滑、有咬口 而且厚薄均勻❤️入面夾住嘅係芝士同松露 松露味比預期中突出、幾香口➖➖➖3️⃣肉桂蘋果班戟 $68 唔多唔少都係為佢而黎好少地方有呢啲pancake 食😝😝份量黎講都算大份 足夠兩人share 班戟皮薄、軟熟就咁食蘋果蓉會有少少甜～夾埋班戟皮就好啲啲❤️❤️另外肉桂味唔算好重仲有杏仁片 焗過幾香口！忌廉唔算好heavy 鍾意可以加$10 要雪糕✨雖然

呢間小店是之前食的，好啱元朗人拍拖食飯/同朋友星期五食吓嘢，傾下偈！環境走自然舒服嘅路線，有一種坐咗落去就想慢慢傾偈嘅感覺。小店位處Yoho mall旁，但價錢就親民得多👍🏻Australian ribeye 8 oz ($158)比大型連鎖牛扒店好吃！還有豐富操薯及沙律做配菜。青芥末牛油果三文魚子蟹肉多士（$88 ）都幾足料，豐富好味！！！青芥末味道唔濃，唔食得辣嘅都可以放心食。Fish and chips($68) 價錢相宜，不過脆衣內的魚肉口感非常淋，早知牛扒都有咁多薯條就唔駛點呢個，非常想點crepe!!!! 原來呢度最招牌嘅係crepe，見到隔離枱食個crepe超吸引....!!!! On Wish list!

同朋友去元朗覓食，想搵個啱傾計嘅地方，呢間INN I'm nothing好啱feel ! 見到小食有炸魚薯條，可二人分享，很久沒吃了，乾脆點兩份小食和甜品當晚餐吧！芝麻芫茜菠蘿燒烤醬雞中翼$68, 燒烤醬味道非常突出，有菠蘿又甜又多汁，芝麻的香味黏著雞翼，吃得很香，雞中翼切成單骨，方便食用。整道菜味道不錯，又有沙律蔬菜，看起來份量更多更滿足！英式炸魚薯條$68,一至二人份量，的確可以二人分著吃，一人吃就只能吃這一道菜便飽了。先讚炸魚外層炸粉不厚，脆脆的，裏面魚柳又滑又多水份，點沙律醬食非常好味，薯條是粗身的，炸得夠香脆，要與人分享才不會覺得油膩。法式班戟$68,榛子朱古力醬香蕉棉花糖忌廉。香蕉配朱古力是絕配的味道，見到有這個甜品，就忍不住要吃了。賣相非常漂亮，班戟有兩塊重疊摺起的餅皮，摺成扇形，中間還夾著香蕉，上面大大粒棉花糖，軟綿綿的，與cream 一起吃，又滑溜又香甜，感覺很治癒！吃得超開心呢！最後來杯expresso $20, 入口有濃濃的碳烤香味和酸味，然後回甘，後調短暫，算是易接受的味道，晚上喝也不覺得太刺激。總的來說，食物味道不錯，服務也好，環境很適合女孩子飯聚談天。

帶子好腥😓服務好差😓除咗啱影相之外，冇嘢值得來，大把餐廳好過佢真係食得太唔開心，元朗最差餐廳，叫乜冇乜，亦冇服務，差過麥記門口就寫住又12開到10點，冇寫有中場休息，不過佢哋就自己選擇中場休息，我6點去到，要等到6點15分先開⋯天氣咁熱仲要人咁樣等😓😓😓😓我係因為朋友想食先勉強等，否則我都唔想嚟！😓😓😓😓服務太差，個場咁細，舉手舉左10分鐘都冇人嚟，係咪因為我坐喺門口位？如果係門口就睇唔到人，點解要安排呢個位？想叫個鮮果果碗，只不過係生果，等左半個鐘後，竟然同我講要等1個鐘之後先有🤬🤬🤬🤬🤬🤬😱😱問佢原因，因為話佢哋廚房用緊攪拌機！我真係好想知，咁如果佢哋唔夠攪拌機，點解要出呢個產品？🤬🤬🤬🤬🤬既然佢哋咁講，咁我咪要個沙律囉⋯⋯又等勁耐⋯⋯⋯沙律味道一般啦，不過不失，帶子好腥，不過咁樣嘅服務，我都唔會再嚟，好恐怖，簡直係惡夢

今日咁啱係附近做嘢 想同朋友休息下 見到依間cafe咁靚就忍唔住自己行咗入去啦！但作為一個湯怪 對湯係有種執著！ 個湯一飲落去已經飲到好多蘑菇粒 濃度都夠 蘑菇香味好濃🤣   《班尼迪蛋菠菜巴馬火腿配法式班戟🍳🍯》 略帶鹹香既火腿配蜜糖 第一啖食落去真係幾驚喜😛 鹹鹹甜甜咁 自己食哂一個都唔會覺得濟😆反而愈食愈上癮😂🙈《英式炸魚薯條🍟》 首先佢魚既質地滑得黎唔鬆散 而且佢本身冇乜點醃過條魚 所以都食到淡淡地既魚味～勝在冇雪味 都證明左佢地啲魚品質唔差 唔洗用一大堆調味料去遮住佢既不足😋 《香燒焗豬眼配肉桂蘋果醬🍎》 塊肉眼黎到既時候賣相係超吸引☺️好似好香好淋咁～ 切落去雖然係冇想像中咁淋 但都絕對唔係硬 中間仲會有少少粉粉地色🤣 食落去我會形容為正常 未去到話多汁 但係豬既香味都係有既 配埋佢比既燒汁同埋肉桂蘋果醬 可以救返本身唔夠肉汁既佢

平時入開元朗都係食小菜/大排檔之類..今日突然間好想食西餐..即刻上網搵下有咩好介紹..見到評語都唔錯既INN..就決定同朋友去一試..夜晚7點左右…已經見到佢地都好多台客人食緊了..Menu 種類都好多..有牛扒意粉意大利飯..意大利雲吞等等..於是乎又同朋友決定叫塊肉眼扒再加個意大利飯share另外再加左兩杯梳打..西柚檸檬梳打西柚同檸檬個味好夾..飲落唔會太酸好解渴…岩哂夏天飲香橙芒果梳打芒果味好香..估唔到襯埋香橙又唔會覺得好怪..澳洲肉眼扒8安士配薯菜面頭有最愛既火箭菜粗薯條炸得香脆..份量都多牛扒不得了..我地叫左5成熟..好正..肉質食落唔硬..好重肉味.煎得兩面都好香..重點係佢塊扒如果呢個質素都係$158..真係超抵食香煎牛油波士頓龍蝦牛肝菌意大利飯一黎到已經聞到濃濃既龍蝦味..龍蝦肉有咬口..個蝦頭仲有膏tim..意大利飯軟硬度恰度好處..食到淡淡既菌香..因為平時嘅意大利飯都好少食得晒..但係呢個唔覺唔覺就已經清碟等到對面枱走左..先影到佢裝修..裝修得個格局好靚..都幾岩同情人黎食飯打卡架臨走前仲見到佢地outdoor係可以比狗狗坐架..如果可以同埋狗狗食..一

早前去過佢哋荔枝角分店，都唔錯😆，而家喺元朗區都開咗，咁較近我，緊係要來試吓啦👍🏻📌北海道刺身帶子配夏日西瓜青瓜沙律🍉🥗$88夏日感覺，帶子刺身相當新鮮，配合青瓜感覺清爽🧊👍🏻喜歡他們西瓜波波🍉，很可愛，清甜冰涼😋📌澳洲肉眼扒8安士配薯菜燒汁🥩$158肉香濃，牛排點了五成熟🥩，粉嫩多汁🌿！而旁邊的薯條也是即叫即炸，酥脆可口！📌鮮果果碗🍓🫐🍌$68最喜歡他們的鮮果果碗，其實就是鮮果昔，有藍莓🫐、士多啤梨🍓、香蕉🍌、亞麻籽、椰子片，健康好吃😋

Though it might be hard to begin again,I'll write myself a brand new story with a happy end.And I'll show you that I am not nothing一首經常聽嘅歌，經過元朗竟然見到一間Cafe同用左I’m not nothing呢個名。元朗打卡Cafe真係越來越多，度度都打卡，食物都要好食先得架。來一份Fish and Chips試試質素原條魚柳，皮唔厚，係好食既！推薦！薯條都新鮮炸起，唔錯！唔想飲咖啡嗌左Soda，影相一樣好靚🥰🥰好食又好chill ，幻想下出面有個海飛咗去Brighton Pier咁。#旅行妄想症食fish and chips懷緬一下英國🥺