影片
港鐵尖沙咀/尖東站 D2 出口, 步行約1分鐘
繼續閱讀
電話號碼
23590001
營業時間
星期一至日
11:00 - 22:00
以上資料只供參考, 請與餐廳確認詳情
早前同朋友飯聚，一位老友送我La Famille嘅意大利芝士口味戚風蛋糕，而另一位老友就送我Isabelle嘅香榭牛奶夾心曲奇（Milk Tuiles Sandwich Cookies），晌度再次多謝老友厚愛，不時送上小禮物，曲奇就更喺喜愛零食，又可以有個唔單調嘅下午茶。Isabelle嘅出品一向注重包裝，今回曲奇嘅包裝盒以湖水綠為主調，盒面印有巴黎地標艾菲爾鐵塔，以表示佢依個品牌喺嚟自法蘭西。不過，其實佢喺晌台灣出產！打開包裝盒，內裡共有12塊，塊塊獨立包裝，保證衞生。Isabelle出品好多種曲奇，而依個夾心曲奇系列共有兩款口味：牛奶味及朱古力味，小弟所收嘅喺前者。啪開一睇，上下兩片曲奇夾住薄薄一層牛奶夾心，個曲奇餅身好脆，牛油味唔重，而中間牛奶夾心層好重牛奶味。依一種曲奇立時令我想起Tokyo Milk Cheese Factory嘅出品，均以兩片曲奇夾住餡料，可謂各有千秋，但同樣好食。
繼續閱讀