J.Co Donuts & Coffee (已結業)

男朋友下午茶來到這間咖啡店打算坐一坐，由於間咖啡店在男朋友屋企樓下，所以佢都着得比較頺。幫我去買食物嘅時候，一位短頭髮女店員突然走來同我男朋友用英文講，如果唔買嘢食麻煩要離開。有冇搞錯！我先行開唔夠2分鐘去買嘢食，坐低都要俾人趕？真係唔明有咩咁巴閉，donut 先$15，覺得人哋會買唔起？俾錢佢仲要受氣，非常過分！以後唔會再來！環境方面，裝修唔錯， 但由於太近門口，其實都好嘈下。我想靜靜睇書或者溫書就非常之適合。

不吃正餐，愛吃甜點。女人為了吃甜點，可以千方百計，無所不用其極。這裡的環境裝修，感覺十分舒服，非常適合Hea時間的。但今天因泊車問題，我哋沒有在這裡堂食，外賣取走。我㨂咗最愛的焦糖咖啡，當然唔可以同Pacific Coffee 相比，但口感、味道仍是可以的。另外，Donuts 方面喜歡甜點的我當然是叫好，甜而不膩，味道適中，老少咸宜，六件裝都只係 $88 抵！！

好喜歡這裡的環境，充滿自然光的空間，感覺好寬敞舒服。間隔帶點型格，木造的傢具也份外親切。是日人不算多，比起逼爆的星字頭咖啡店，坐得自在得多。點了flat white，我不是咖啡專家，覺得還不錯。名叫cocoloco的甜甜圈，朱古力醬外層，裡面也有朱古力餡，巧克力迷吃起來很滿足; 這款甜甜圈質地是軟軟的，有點像軟法包，個人挺喜歡。甜甜圈有不同size，小的挺適合用作散水餅。推介希望過過休閒時光的人來坐~

星期日就緊係要去間咖啡店chill下啦今次就無揀pacific個啲 揀左間冬甩店❤️我地揀左2個冬甩食一個朱古力一個士多啤梨首先食左啖朱古力先 食落去好軟熟 又有朱古力味但係個冬甩裡面無朱古力既料 有啲失望到食個士多啤梨 呢個比起朱古力個個甜啲而裡面係士多啤梨cream 有啲甜得濟總捨黎講 2個冬甩都唔會話太甜 食完都唔洗即刻係感要飲水👍🏻

從前很喜歡刻意跑到 Time's Square 買 krispy Creme, 就算在日本住時也會跑去池袋或新宿的 krispy Creme, Mr Donut's 就只是跟朋友吃過一次，就是覺得 donut 這玩意就是要美式的，日式的對我來説一點也不好吃！但自 krispy creme 於香港消失後，就沒有再吃過 donut了，幸好我家附近新開了這家 J.Co，所以就跑來試試，不算美式，但至少不是日式的！點了兩個，Marble Hazel 及 Forest Glam，因為本人不吃 cream cheese 所以就挑了兩款比較不會中伏的味道。Marble Hazel，或者本人真的太喜歡榛子味了，總覺的榛子味不夠，可以再重一點Forest Glam，以黑森林蛋糕為 concept 吧，味道不錯，但再多兩顆車厘子的話，味道會更豐富甜甜的 donut 配上黑咖啡來中和甜度，剛剛好！是太久沒吃 donut 了吧，晚餐時間一口氣吞下兩個，好像有點過份。

難得好味的冬甩！！呢間鋪頭有26款冬甩！佢全部冬甩都係＄15一件！另外仲有迷你版冬甩，散水餅可以考慮下！真係好難揀！想食啲冇咁甜同埋特別啲嘅冬甩！最後揀咗個牛油果味冬甩同埋奶茶味冬甩！Avocado Dicaprio綠色糖漿鋪面，周圍再鋪上朱古力碎條仔！咬落去啲cream走曬出黎！可惜完全食唔到牛油果味！雖然好多cream, 好在唔係過甜! 唔錯既！Royal Tea薄薄地既朱古力漿做面，咬落去有淡淡既奶茶味，一樣啲cream係走曬出黎，唔知點解好似食到啲Oreo 味！haha! 好處都係唔係勁甜！可以人食到唔係勁甜既冬甩！好值得再試！下次要試其他味！

每次到台灣, 日本旅行都一定會買冬甩食, 但唔知點解香港的冬甩店真係買少見少.呢間由印尼過江到港的冬甩店, 款式與造型都有很多選擇, 下午4點幾想食少少嘢, 就簡簡單單食個朱古力花生冬甩 - Jacky Chunk - $16.冬甩入口軟綿綿, 外層塗上朱古力醬再加上大量脆脆的花生.配埋個Thai Ice Tea...下午茶就是這樣

之前同事請過黎食散水餅..... 最近冇意中見到將軍澳竟然開左😱⋯⋯緊係得閒又黎食下啦...去啲聚會又多個選擇🤓唔洗成日買cakes..佢仲成日都會有啲限定味道添... 佢好係好在唔似krisxxcrexx果啲咁甜...所以次次點都食兩個😋😋😋佢個白朱古力杏仁片係我飛佛.......🤩🤩🤩🤩🤩🤩🤩成日想試下佢果啲細細粒既蘇皮冬甩... 但好似要一盒盒買🧐🧐，印象中好似$148 一盒25粒.........

附近食完飯，見到呢間以冬甩為主題嘅咖啡店，店內佈置有種韓式風格，播住悠閒音樂！店內有多種冬甩，今次由店員推介外面係oreo，內面係creamcheese, 甜度唔太甜，質感鬆軟！另外點了特濃朱古力咖啡，初飲一口好濃朱古力味，再飲有少少苦味，質感濃滑，細杯份量都幾襟飲！

上星期約了朋友們上一位好友的家裡，就在等候期間發現J. Co Donuts & Coffee在將軍澳開業了，占苗自小有個早到的習慣，於是便買來幾件冬甩一嚐。還記得在灣仔開業初期，大家都蜂擁而至，雖然就在公司附近，但卻未嘗一嚐，午飯時間的人龍超長，放工時間又已經售罄，所以今次是第一次品嚐。 於擺放得色膠繽紛的雪櫃內，冬甩都放得整整齊齊，款式有十多二十款，一時之間都猶疑要選那件。最後選了Why Nut及Alcapone兩款，Alcapone由白朱古力及杏仁組成，口味較清淡。相反地，Why Nut是花生醬及白朱古力做成，所以會濃味一點，不過甜度適中。 另外，再點上一杯薄荷朱古力沙冰，好好享受了一個美妙的等人空閒時間。 到最後，更以一盒小型的冬甩去取悅友人們！

Halloween 又到了 , 全城群魔亂舞 , 不單止在 LKF , 各大主題公園 / 商場 等有嘩鬼活動 , 就連餐廳也不放過 , 魑魅魍魎就是無處不在 ~ 我喜歡的 J.Co Donuts & Coffee , 推出了 halloween 限定的冬甩 , 作為冬甩粉絲的我 , 又怎會錯過 ~ Halloween 期間限定 donuts 就是 外觀綠色的科學怪人 Cranky Frankie & 木乃伊形狀的 Coco Mummy ~ 這兩款期間限定 donuts 的外觀基本上是可愛多於恐怖 , 相信不會嚇到小朋友 , 外觀精緻之餘其味道也相當特別 , 其質感鬆軟還有豐富的內餡 .... 為保持兩款冬甩的神秘感 , 我實在不想透露太多 ~ 食冬甩 , 當然要喝一杯咖啡才對味 , 一杯 Iced Americano 就最合我口味 ~本篇完 ~

其實我無吃甜品的習慣，但冬甩真是一試難忘。以前老公買過比我吃要專門過海去灣仔買，現在將軍澳都有分店啦！好正好方便！今次試左新出的焦糖，甜度適中，不怕太膩！oreo味道就有點普通，比較淡無咩味，主要係吃中間d吉士醬！原味最經典，幾時都最軟綿綿！香港無咩冬甩專門店，要吃甜甜圈一定是這家！

其實圍繞著 popcorn附近仍有好多有特色之餐廳 ，今次就試了一間過江龍、 全店以冬甩為題售賣的款式林林總總真是眼花繚亂， 店舖位置有點兒吊腳、 雖然在商場內但位置就略然偏離人潮稠密的商場地面 ，所以不是特意專程到訪、很有可能在商場遊走都並沒有發現時間餐廳。。 如果你是冬甩控眼前這一批色彩繽紛之冬甩, 不但會令你心花怒放兼夾有選擇困難~ 室內座位設計較為歐綠化, 木枱與櫈感覺舒適自然、 這天的中午遊人不算太多 ，故此更令人覺得寧靜 、舒服~ 先要來一杯簡單之Cappuccino ， 綿密的奶泡下咖啡香氣隨隨送入口腔、 咖啡豆沒有帶太強的果酸味道，頗為醒神~ 在多從的選擇當中Marble hazel 是我今次挑燈的主角, 入口味道與甜道比我想像中較為淡， 口感上亦非常鬆軟、(輕和鬆)好貼近眼前這個冬甩之形容詞~ 熱量Quota不是每個人可以承受得起,偶然一件淺嚐作茶點也可算為不俗。☆作為一個食客在飯後評述,我只能稱自己為一個食客評述員、 好味與否實屬個人取向!☆

見到新開呢間coffee shop, 簡約設計望落幾舒適，係細少少無乜梳化位，除一般咖啡店有既飲品，好似主打冬甩，坦白講太甜大heavy既甜食唔係我地住附近家庭杯茶。好在有些少輕食三文治類。三文治類即叫即整味道OK價錢也合理。但其他popular cake類muffin 等欠奉，想食其他甜點就只有冬甩可選。仲見有Donut版漢堡，今日試豬柳車打芝士Club。點知個size同圖片(沒有說明大小)出黎效果差好遠！係超級Mini版，幾乎一口果種，收$22! 有d失望！因為無諗過真係咁細件。即使light lunch要食三至五個先夠！雖然味道Ok，但最好寫明係mini burger，一係出番個 standard size可以當lunch仲好。

聽朋友講將軍澳開左間冬甩專門店由於小豬之前去過台灣食過Mister Donuts之後愛上冬甩，所以聽到附近有，即刻話去食原來呢間J.Co係香港有其他分店望住呢間野個logo,第一眼覺得係pacific同starbucks合體冬甩款式都好多試左2款分別係士多啤梨味同牛油果味賣相唔算好吸引味道...冬甩底又乾又un,同食麫包無分別完全唔覺食緊一個冬甩牛油果個款好少少，入面有d cream，起碼無咁乾小豬覺得平時麫包店入面d冬甩仲好食過佢，如果純粹想搵個地方坐底傾下計，呢到環境都ok,但如果專登過黎食冬甩，就唔好抱咁大期望