J.Co Donuts & Coffee (已結業)

冬甩 $15 (每個) @ J.Co Donuts & Coffee冬甩既爸爸、冬甩既爸爸🎶，開心到唱歌！終於試到J.Co既donut啦👏👏，明明將軍澳店都近我，硬係要去到灣仔食🙄，真係自己都想反自己白眼呀👏。… .入返正題先，揀左oreo同greentea，其實仲有好多款😍，絕對可以再encore。orea冬甩上層係oreo碎碎碎（因為真係粉狀咁），每一啖oreo味都好出，裏面係cream cheese，淡淡既芝士味，幼滑既口感，估佢唔到兩者非常夾，係打🌟之選。Green tea冬甩面層係綠茶朱古力漿，裏面係鮮忌廉，係爆餡的程度👈，不過相對oreo款就無咁特別啦。

一直都好想試佢地既冬甩，上次係灣仔影完月球相，就順路黎埋呢度食冬甩冬甩有多款，有D有餡，有D冇餡，價錢仲好平，都係$15/1個~~冬甩 $15/1 呢兩款係冇餡既~~圓形呢款就有餡既~好中意佢地啲冬甩，有唔同既味，好似個冬甩王國咁🕍。我最怕食啲乾爭爭既野，但佢地啲冬甩口感鬆軟，而且唔太油✨ . 空心個啲冬甩係冇餡架，但圓形既冬甩入面係爆餡既cream 😍，各有各特色。🍫oreo有餡呢款真係好好食，面頭仲有好多oreo碎，入面啲cream cheese仲有淡淡既芝士味，真係好想試晒佢地啲冬甩🤤🤤最後仲買多3個番屋企食左面berry味最好食，其次係右手面，好似係牛油果味，最後就中間個個綠茶味～

成班朋友食完lunch，有人提議不如去試下好出名既 donuts 店。我地嗌左唔同既口味，一齊share試落果然好味！特別推介綠茶味，食落仲有cream係入面難怪見到咁多人排隊買值得一試！

🍴冬甩（全部款都係$15一個）🍩冬甩專門店喺香港真係買少見少，仲要好食嘅唔多，價錢平就更少！而呢間來自印尼嘅冬甩口味多😻，包夠軟👍，餡料d cream爆多👍，最緊要係佢個價錢夠親民！👍.不過，面頭嘅醬加上內在嘅cream就略為油膩，下午茶最好一件share食。👯💕我個人比較中意米白色的Tiramisu味，感覺上無咁溜。粉紅色的Berry味就最甜，👉🏻👉🏻👉🏻我特別推介Dark chocolate味（有白色心心花紋果款），因為朱古力味夠濃，甜中帶少少苦味，正！🤤🤤🤤🤤🤤🤤🤤🤤🤤🤤🤤.🍵而綠茶味較重牛奶味，如果想要濃d嘅綠茶味，店員建議揀返面頭有杏仁片嘅另一隻綠茶味。

香港終於再有Donut專門店喇！！！🍩🍩🍩雖然賣相冇想像中咁靚，不過勝在夠多款，想要咩口味都任均選擇👍🏻👍🏻 一定揀到一款岩你口味！！我就揀左食Crunchy因為想冇咁甜😊 都符合我預期！🤤包身鬆軟～唔會油膩，亦唔會重空氣感👍🏻 朱古力就有d 薄，所以唔會好甜，包上crunchy toppings好味好特別🤗.好想食哂咁多款呀！！😍 仲有Baby donuts供應！細細粒，食多幾粒都唔會滯🤤

🍩🍩算係香港cp值最高嘅冬甩🍩🍩(其實香港好少冬甩賣😑)唔明點解香港冇咩冬甩專門店😤(將來我開!!!希望🐸)呢間係唯一有咁多款又專門嘅冬甩店👏冬甩鬆軟唔乾 唔似麵包店買到個啲 口感的確較好👍💓左Alcapone💓簡單白朱古力加杏仁片 杏仁片落得多亦香脆外表唔算特別fancy 不過真係幾好味😚😚💓右Cheese cakelicious(圖二)💓上面係oreo粉 包住cream cheese不過唔夠cheese呀 cream味多啲所以食落會膩🙊抵讚係會爆餡👏👏同埋環境真係好舒服 靜靜地又無人趕 仲有街境睇👍👍

冬甩專買店總係一陣風咁黎又一陣風咁走，Ｊ.CO喺舊年殺到香港，香港終於又有高質冬甩食。每個月總係突然有幾日冇啦啦諗起J.CO，雖然地點唔算好就腳，但都會特登過黎食。今次叫左Why nut 同 Forest Glam。食車厘子加工品總要冒食到藥水味嘅風險，Forest Glam絕對冇呢個問題，面層朱古力係MS酒心車厘子朱古力嘅味道，富果香微甜帶苦，上面兩粒車厘子經過醃製，酸酸甜甜好開胃，冬甩食落好軟熟好light，食麵包最怕食空氣包，但出現係冬甩上反而係好事。Why Nut 表面係白朱古力，裡面包住花生醬，不過朱古力遮蓋花生醬味，當佢白朱古力donut食就可以了。食完唔夠喉再加左個Avocado Dicapio，重朱古力味但冇咩牛油果味，中間有一堆cream，我麻麻地但男朋友就好鍾意。每次必叫Iced Thai Tea，泰國餐廳都未必有，反面呢到有得飲。有泰式奶茶獨有嘅茶味，唔太甜，平時唔飲港式奶茶嘅男朋友都爭飲。整體呢到嘅冬甩都唔太甜，價錢合理，可以慢慢試哂呢到嘅冬甩！

為食脆好少去灣仔一帶揾食，忽然醒起記得有段時間，好多朋友推薦食冬甩，叫朋友帶路，食個下午茶，吹下水先。原來冬甩店來自印尼，撞正星期日，好多姐姐係店內，晤知仲e為入錯舖，店舖一角落，標題勁有意思餅櫃放滿勁多冬甩，店員夾完又夾，好快買完，為食脆見好多人一打半打咁買，好誇張，吸引力咁大？冬甩色彩繽紛，選擇太多，又有選擇困難……由於第一次食，好驚食濟左……（上）missipi dount 有的少少朱古力彩針碎（下）oreology dount 有oreo餅碎舖面（右）mr. green tea 有少少果仁碎，綠茶味（左）tiramisu 像意大利芝士蛋糕味道，咖啡味，內餡有少少 忌廉這裡的冬甩像好鬆軟的面包，幾啖就食完，完全像食了空氣咁，食多個都得。每個冬甩只售$15，價錢公道，去咖啡店又多一個選擇。

平時去見到咁多口味, 往往有選擇困難, 最多試到一至兩款! 今次同事買回公司做散水餅, 大家將每個一開四, 可以樣樣味都試, 好滿足呀!因為預先訂購, 所以一開門就有得取, 不用等候! 返到公司大家影完相即食, 盒面指示放完雪櫃食前叮一叮, 因已放室溫, 所以無再叮。冬甩質地好軟身, 切到走晒樣, 而面的cream都溶溶地, 感覺一般, 可能因為溶溶地, 不同顔色的的味道差別唔算好大。 因為買了很多, 放到雪櫃, 下午茶時間再拿出來吃, 雪過的口感好好多, 感覺無咁甜, 真係好味! 我最愛以下兩款:   脆香米到下午仍好脆面的糖層厚薄剛剛好, 可以食到冬甩原本的質地, 正!

自從Krispy Kreme走左之後好少再有大型冬甩店駐港喇，印尼專門店黎喇，終於唔駛排長龍有成22款慢慢揀。以白色同木系做左設計，坐得好舒服，仲有落地玻璃有陽光曬入黎，場內同其他咖啡店一樣都有杯同咖啡豆賣。有22款放哂係度，成個櫃都五顏六色，如果有選擇困難症真係企係度有排揀。朱古力迷緊試《Crunchy Crunchy》，面頭有朱古力脆脆咬落有口感，不過面層朱古力凍左稍為太硬，冬甩唔油膩軟為淋身亦唔太甜。最正係有《Thai tea》(Due $29)，唔算太特別咖啡店都係飲番咖啡，黎緊將軍澳都開分店喇。仲買多三個番屋企慢慢嘆，《Mr Green Tea》綠茶控必揀，綠茶味濃再灑上杏仁碎。再黎《Avocado Dicaprio》牛油果醬舖滿面，咬落朱古力同忌廉味太重太搶，《Sugar Ice》滿滿既糖霜甜甜地都係受歡迎款。店名: J.Co Donuts & Coffe地址: 灣仔軒尼詩道55號地下1及2號舖餐牌:

J.Co 嘅甜甜圈真係好好味，十五元一個抵食到唔食唔得。久不久會有新産品，今日買了個叫鴛鴦，付合香港風格。脹卜卜好飽滿，外表分為兩色，深淺的咖啡色，代表了咖啡和奶茶。深色的那邊鋪滿了朱古力粉好濃稠，而淺色那邊味道帶有少許苦味，濃郁。內餡的忌廉完完全全特出了紅茶香。好軟熟不過甜膩。原來咖啡都好出名，試了杯cappuccino, 雖然拉花有點另我失望，味道卻濃厚甘香，餘韻強。要了細杯但總覺跟連鎖店的大杯一様，抵飲。

對於從來不是一個Donut 粉絲來說，Donut 其實無咩特別⋯只係一團包有D topping 🤦🏻‍♀️但尼間好唔同⋯😋一定會再食👍🏻第一次食到如此好味既donut😋很久以前曾經係雜誌見到迷你donut 已經好想試，雖然唔好donut 但影張相都好呀。今次經過見到有間幾grand 既coffee shop. 店內好簡單既佈置，入到去第一個感覺已經好舒服👍🏻多款donut 任你選擇！價錢都比想像中便宜一點。職員服務好好，快手加有禮貌👍🏻加分！味道應該不會太差，雖然我只係試左4款（堂食）但最後見到盒迷你donut 真係忍唔到手。飲品絕對不是問題，同其他市面上既咖啡店一樣；不過佢杯strawberry yogurt Frappe 好正。唔會太酸，yogurt 唔會蓋過士多啤梨陣味，好balance👍🏻 雖然成個area 唔係太大但絕對係一個令工作忙碌既人放鬆既好地方😉

驚喜十足，意想不到一試愛上，又愛又恨我吾係作詩呀，實係我食完之後既感受呀！平時好少接觸港島區既食物，今次又係又同事farewell 既時候食，一尼就對左一盆冬甩俾我揀，對我尼講，真係揀吾到呀，因為真係好難決擇，最後揀左一個好似「史力加鼻涕」既冬甩食，開頭頭食得戰戰兢兢，因為真係吾知真係好吾好味，點知一食愛上，一開頭咬落去無咩野，點知咬多口，入面d醬咇哂出尼，個味係好似Cappuccino味，有吾會好甜，真係好讚呀👍🏻👍🏻👍🏻👍🏻，不知大家估吾估到係咩味既冬甩，吾係Cappuccino呀，而係Avocado DiCaprio 🥑🥑🥑最後都係忍吾住口，真多個🍓🍓🍓🍓味，但係我有覺得太甜，但個味又吾係假甜，下次一定一定一定要去試緊多味呀！

I love this place. These donuts are delightfully moreish - they disappear within seconds. All the non filled ones are great, while the Cheecakeholic which is a oreo dusted cream cheese filled donut is my absolutely favorite filled donut. I am not a fan of the ones filled with whipped cream but that might just be my taste. I once had a monthly special "Red Velvet hot Chocolate" it was soooo good. 

平時飲咖啡，大多都飲S同P字頭嘅連鎖店，今日食Lunch行過，見到依間咖啡店，打算買杯咖啡飲下，點知比佢既甜甜圈吸引左，買番公司做3點3下午茶一流，6件$88，大約$14一件，買比同事一齊開心share。店鋪款式都幾好，個個賣相都好吸引，女仔緊係鐘意食靚野，順便影下影，如果買黎做散水餅都唔錯嫁。講到味道，食落一般般，有D就偏甜，個人最鐘意Oreo口味，原味都唔錯。綠色係牛油果口味，但食落就無牛油果味，卡其色係Tiramisu味，味道就較濃味啦。今次原本想飲咖啡，但收左買甜甜圈，下次要試埋佢d咖啡先。