J.S. FOODIES (又一城)

營業中

休息中

之前搵野食時見到尖沙咀 J.S. Foodies 幾次, 都一直想試架喇. 原來又一城都有分店, 呢日行過就順便食咗. 原來佢同Flipper’s係同一集團. 雖然之前已經食過cwb嗰間Flipper’s, 今次都係點咗佢個招牌梳乎厘班戟($99)🥞 同樣係即叫即製, 要等20分鐘. 都係好香好鬆軟～ 係值得等嘅👍🏻另外叫咗個明太子醬龍蝦沙律🦞🥗 雖然龍蝦肉+牛油果+三文魚籽+明太子醬 都好好味, 估唔到所有嘢撈埋啲味道咁夾. 但龍蝦肉&三文魚子嘅份量都唔係特別多... $188就好似稍為有點貴💰今次只係嚟食個下午茶, 本身又唔係好肚餓, 所以冇嗌到其他嘢. 其實佢另外仲有其他熟食嘅🍝🍔 或者下次再嚟試過啦.

又一城有幾間唔錯嘅cafe，J S Foodies係其中一間。食飯時間要排隊，下午茶就可以坐得耐啲。等咗20分鐘，梳乎厘班戟終於到了😀在厚厚忌廉下有三件班戟，表面灑了少少糖粉，好香蛋味，鬆軟幼滑，入口即溶，兩個人食，加杯飲品啱啱好。可能太鬆軟，有少少黐住碟底😂

咁岩黎開又一城 想食下新野等候時間都幾長 要等大約一個鐘多d叫左唐揚炸雞咖喱飯同埋你black truffle cream source pasta 食物質素都算唔錯 份量亦算幾大份 價錢亦都合理個人感覺咖喱飯好味過pasta侍應態度都唔錯帶有笑容不過排隊服務係我見過既餐廳最寛鬆 見到有人可以過左10張枱既number都可以唔使從頭排過飛就可以直接插隊入返所以大家唔使介意等得太耐 可以周圍行下先過左飛既話跟住都可以冇問題

約了朋友去又一城行街， 肚餓搵餐廳時，見到呢間假日放晒長龍既餐廳竟然唔洗排隊😍仲有梳乎厘食，二話不說就入左去1. 牛油果芝士漢堡好耐無食burger，忍唔住叫🥳burger入面有好juicy又夠厚既漢堡牛肉漢堡扒、牛油果、蕃茄、生菜、芝士、洋蔥！個包好鬆軟，索晒啲肉汁好好食，所以配料加埋都好夾👍🏻👍🏻👍🏻食完半個漢堡都覺飽😋2. 黑松露忌廉意粉無諗過意粉既份量都唔少，好抵食！啲忌廉汁好濃郁烈，好香黑松露既味道，但食落又唔會好滯3. 原味班㦸係期待已久既班㦸啊！🤩🤩見到都已經流晒口水，每塊班㦸都好鬆軟，好香蛋味，同係日本食既差唔多🤤啲cream唔會太甜，啱晒好驚食太甜既人👍🏻👍🏻下次黎一定會再encore

Lunch 無端端想食班戟，今日喺附近工作，又唔想等位，所以經OpenRice點了個外賣。OpenRice表示要等30min，所以都預咗時間。我大約25分鐘已經到達，外賣已經預備好了，當時都有一點擔心，怕外賣會唔夠熱。5分鐘路程已返到，滿心歡喜，開出黎嘅時候有啲失望，明白外賣必定對比堂食一定有出入，但係個賣相非常很不良好。溫度係常溫，外賣來講算OK嘅。味道方面，基本上牛油果加三文魚加班戟係一件好穩陣嘅味道，結果味道方面係唔錯嘅。但係價錢和堂食係一樣，希望餐廳方面可以改善一下，例如將旁邊的沙律和班戟嘗試分開兩個盒，結果出嚟一定會好得多。

通常同好朋友Gathering ，都係揀Cafe，因為我哋會雞啄唔斷，要坐得耐又要一邊食一邊講嘢😂今次揀咗呢間Cafe，因為有Pancake😍🤤先嚟咗個沙律，個柚子醬加埋落去又幾好味🤤幾開胃。主菜叫咗個蜆煲同埋意粉😋個蜆煲都有D驚喜，鮮甜，同埋份量算多👍🏻意粉個汁好食！好creamy但唔係漏嗰款😆不過天婦羅蝦就冇乜蝦味，正體都算合格😆😋另外小食就叫咗我最愛嘅薯條😍😋好味，黑松露醬幾香，薯條亦都冇淋🤩好味😍最後就係壓軸甜品Pancake🤤三大舊，好鬆軟，cream亦剛剛好，士多啤梨都好甜呀😍正😋

上星期五同朋友們一齊去呢間餐廳食生日飯。我同另一位朋友預先買定左個蛋糕，諗住比個驚喜比壽星朋友，係未入座前就偷偷地比左個蛋糕職員A 同職員B 。而個兩位職員亦有問我地係味需要比驚喜，我地話「係啊，到時麻煩晒你地捧個蛋糕過黎」，仲比埋個入座飛號碼佢mark返係蛋糕。原本以為應該可以有驚喜比到朋友，點知齊人入座個陣，職員C直接問我地：「係味擺左蛋糕個枱？」然後我地全部人靜左十秒咁望住佢🙄🙄但個職員C完全唔覺得有問題個下先勁🤗貴餐廳請到個咁聰明識做既staff，真係等人比劣評啦🤪🤪然後座位安排個到，職員C完美示範咩叫自打嘴巴。我地有5個人，咁佢安排左一張大枱比我地先入座，仲有一位要等隔離枱走左先可以入。但安排左個張枱係超級大，我地問可唔可以中間擺塊隔板？職員C勁串咁答：「咁你改左人地條法例喎，一張枱只可以坐4個人」但最好笑貴店對窗個條長枱都係一張過，但又隔左幾塊隔板架喎🤓我地問返職員C，佢又答唔到我地。咁即係點呢？野食不過不失，但係貴店服務態度極有問題。特別係職員C, 於2021年4月30日 晚上8點幾個陣企收銀位既個位staff!

《最吸晴緊係啲醬喇😍》放假前夕，撞埋幾個朋友都放假就即興出黎食個飯。哩間餐廳之前成日大排長龍，今日一試就知點解～😌😌🍟黑松露薯條 $69黑松露醬配薯條簡直不要太香，薯條熱辣辣又脆，熱力更令黑松露嘅香味提升，上枱無耐已經清曬！🍝 松菜蟹忌廉意粉 $198比咁大隻蟹腳你，認真唔話得，就連意粉醬都係蟹肉整成，蟹香爆棚勁好食。🍅蕃茄海鮮意粉 $198咁大隻開邊蝦賣相已經好夠氣勢，帶子嘅熟度亦岩岩好，仲配上百搭蕃茄醬酸甜味道，除左可以提鮮外，撈意粉都一流。🥞香芒熱情果Frappe $45梳孚里係癡線地鬆軟，係癡線地鬆軟架，用叉輕輕一切就開。口感綿密，配上忌廉同糖霜已經好好味！極推薦！🥞朱古力香蕉pancake $119一上枱噴鼻而來先有一陣好香嘅牛油味，口密鬆密。配朱古力同香蕉味道好配合，甜甜嘅味道好岩為一餐豐盛嘅晚餐作結。

昨日睇OpenRice見好多好嘅食評 lunch嘅時候去試吓 叫個明太子意粉 素玉burger 味道好一般 跟住叫咗個甜品芋泥pancakes 質感好稀 我食緊甜品那個Assistant manager走過來好幾次態度好差叫我哋夠時間埋單 我就同他反映我們一直唔知佢有限時 直到落甜品後 你才提醒我 那個經理就話入坐時一定有講 態度極之差 估唔到經理個態度都咁差真係唔知點解佢可以做經理 唔會有下次再光顧就算食物幾好 服務咁差都唔會幫襯！

☕️ 食物：👍🏻👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5J.S.FOODIES 🤗 它來自東京，與日本Flippers同一集團，分店遍佈東京、台灣等地 🇯🇵餐廳以「奇蹟的梳乎厘班㦸」聞名 🥞，除咗提供多款甜食班㦸，另外仲有咸食班㦸及其他漢堡包、小食選擇，而最重要係食品質素好有水準 👍🏻，喺好多細節位都會令客人感受到佢哋對食物質素嘅堅持，加上環境舒適，服務一流，地理位置又非常方便，攪到我耐不耐就心思思想去幫襯～ 😍💋 牛油果配三文魚班㦸 ($129)薄薄嘅傳統班㦸上面係份量好多嘅新鮮牛油果，仲有多片三文魚，出奇地略帶甜味，明顯係事先醃製過，味道一啲都吾腥，最估唔到係面層嘅蕃茄碎粒，好有質感，而且似係醋漬，味道好醒神 🍅；旁邊提供配班㦸食嘅蜜糖、忌廉，突然福爾摩斯上身，心諗：又咸又甜？味道會唔會好奇怪呢？🤔 哈～ 結論係一啲都吾奇怪！仲好夾添呀！👍🏻 Yummy！🤤 💋 原味班㦸 ($99)再叫咗個Soufflé pancake 🥞 ，蛋味超香，質感就超級超級鬆軟，真係好似喺日本餐廳食到嘅咁有水準㗎！👍🏻 班㦸上

原本見倒呢間餐廳係flippers姐妹店有flippers既pancake食所以被吸引左假期前去夜晚排左一陣 大概半個鐘先有位等位既期間已經決定好食咩🤣特濃海膽忌廉意粉配炸蝦天婦羅好多汁 有微微既海膽未 個汁都好creamy炸蝦天婦羅有三條 脆卜卜 沾埋d汁食 一流😛酸忌廉黑松露薯條見倒個賣相都睇得出好正一上到黎勁香黑松露味好大pat酸忌廉同黑松露薯條啱啱炸好 好脆我地食到停唔倒口！！！原味pancake食完主食當然要食呢度最出名既pancake啦～三大舊疏乎厘pancake同creampancake入口即溶 好香蛋味 唔會太甜都唔會好漏 超好味個cream都非常出色d cream份量好足夠 啖啖都可以同cream一齊食😋😋

最近習慣了吃外賣，覺得人有點自閉，今晚同樣不願堂食，男友說他想食望月樓的福建炒飯，但我想食意粉，方便起見，就選了這間吃班㦸聞名的餐廳，一中一西，各取所需，大家都開心呢！這間餐廳之前吃過，它的梳乎厘型㦸味道不錯，不過上次未有機會吃它的意粉類，所以就點了一個黑松露忌廉意粉。黑松露忌廉意粉光是打開膠袋就已經聞到濃濃的黑松露香氣，意粉賣相就一般，不過外賣稍欠漂亮賣相也是意料中事，只要不是太糟就收貨了。意粉份量合理，不會過少，大概有兩碗份量；另外餐廳很慷慨，黑松露醬和菇菌份量都很多，頗足料呢！值得一讚，希望這份慷慨能夠維持下去。忌廉醬汁份量看似很少，其實拌勻所有醬汁配料後，每條意粉都沾滿醬汁，十分誘人。幼意粉軟硬度適中，黑松露忌廉汁的味道和質感大致符合我的期望，既有黑松露那股獨特的幽香味道，同時忌廉汁的奶香味也不會太濃；汁醬稠身不過稀，口感幼滑，整體水準不錯！如果再進一步，稍微加鹹醬汁味道，黑松露忌廉汁的味道會更加突出。食物質素不錯，餐廳亦很貼心，除了乾紙巾和餐具外，還附有濕紙巾，確實不常見呢！不過外賣盒就建議改用較高身或較密封的，特別是有汁醬的食物，防止漏汁機會。今次因為紙盒太矮，又沒有正規蓋

今日好難得可以見番十幾年冇聯絡嘅朋友😆九龍塘對大家都係方便，JS foodie 又好耐冇食（重點係冇寫過食評！）所以一於揀佢啦！期間限定！奇蹟の粉紅莓果忌廉梳乎厘班戟 $139如果平時我係會叫原味soufflé pancake，但係今日竟然有期間限定！當然要把握機會試吓啦😋佢有一層好厚嘅奶蓋cream喺面，一拎咗外面層膠就會好似瀑布咁散落嚟，幾得意～cream同之前一樣又滑又充滿奶香味，今次中間仲加咗酸酸甜甜嘅莓醬，特別開胃。仲有啲細細粒嘅脆卜卜，連埋鬆軟嘅soufflé pancake 真係好正😆Cheese burger with french fries $129因為係share嘅關係，我哋叫佢cut half食得方便啲～雖然麵包已經唔脆，但係裏面嘅牛肉好多汁，配埋其他配料都係一個好食嘅漢堡，薯條亦都炸得唔錯Black truffle pasta with cream sauce $129真心佢個size份量都幾大，我哋係要放棄部份先留位食到甜品。白汁偏”潔身”，所以食得多會有啲滯，蘑菇黑松露都幾多，味道係好的，不過如果細食就建議一個鹹食一個甜品😂總結：今次雖然貪心左不過樣樣都試

每次見到人龍咁長，都唔想去排隊。終於都過咗排隊嘅熱潮，行入去就即刻有位坐。黑松露忌廉意粉$129Black truffle pasta with cream sauce 未食過咁足料既黑松露意粉，好多啡菇，忌廉汁係好香濃又唔會好膩。芝士漢堡$129 Cheese burger 麵包外面脆，裏面好軟熟，塊漢堡扒好厚，薯條熱辣辣，值得食焦糖咖啡（熱$37/ 凍$39）Caramel Macchiato 飲完咖啡之後已經好飽， 冇位置甜品了。下次吧

J.S. Foodies呢個名相信大家都唔會陌生可以話係不折不扣嘅網紅店🤣真係超多人排隊佢同flippers同一集團 賣既pancakes同flippers一樣咁高質😍但同樣主菜都係非常有水準 值得一試😋.🎈松葉蟹忌廉意粉 ($198) 價錢少貴 但我覺得非常足料值得一試👍一上碟已經聞到好香忌廉同蟹味 仲見到一大pat蟹膏同海量蟹肉😍忌廉汁亦非常creamy 濃濃既香味加埋啖啖蟹肉真係一大享受啊😋😋評分: 8.5/10.🎈原味疏乎厘pancake ($99)一份三大舊 仲好香蛋味啊😋空氣感十足 好鬆軟👍係食完會想再食既甜品評分: 8.5/10.🎈總括而言排隊時間偏長 太肚餓就唔好等啦🤣平日walkin排半個鐘走唔甩🥲但食物的確高質 不過價錢真係幾貴評分: 8/10