J & V Mini Kitchen

營業中

休息中

今日搵朋友食lunch，又唔想去茶餐廳食得咁趕，所以咪試下呢間，佢價錢唔平，最平個set lunch 要 $45。不過如果食得舒服啲就算啦~~我朋友放食12:30 pm, 因為我早咗到，又唔想四周圍行，咪早啲入去等囉，果時大概 12:10pm. 當時成間餐廳得我一個客，不過就覺得啲職員係我身邊行黎行去，尤其係一個好矮嘅阿伯。差唔多12:25pm，個阿伯好惡咁走埋黎問:「你究竟幾時點餐?」我咪話等埋我朋友先，佢就到。之後佢仲更加惡咁質問我:「咁佢幾時到?」我真係以為自己去咗大排檔，我唔知佢係咪蝦我一個女仔，但係其實除咗我之外，成間餐廳只有另外一枱客。我咪話:「你咩態度呀?」之後應該係佢果仔走黎同佢講算啦。個時我想即刻走，但係我朋友啱啱到就算啦﹗仲有，我地食嘢嘅時候，果個阿伯係我地身邊行黎行去，連我朋友都覺得好煩，話快啲食完走，果時仲未到一點，同埋只有三分一客﹗呢間餐廳應該係家庭作業，同埋同區咁多競爭者，佢價錢又唔平，食物又普通，加上咁嘅服務態度，根本就係度趕客。我同我啲朋友以後、以後都唔會幫襯﹗唔想貼錢買難受﹗

之前經過呢間野幾次都想食不過因為成日都唔記得而無去今日終於去左呢間野食可能因為我地好遲先去成9.00先去所以入到去已經無乜人地方都幾大幾舒服入到去叫左兩個set dinner.一個鵝肝牛扒一個大蝦牛扒同一個咖哩魚飯d野上得幾快.牛扒整到好好好食個魚好軟身幾好食甜品叫左甜太軟對我唔太中意甜既就麻麻不過都好好食叫左三個餐都係4604個人去食都差不多不錯不錯下次都會再去

每次經過譽港灣,見到J&V都很想試下.今朝, 決定一家四口到J&V食早餐.餐廳裝飾精緻,很有氣氛.可能太早的原因,整間餐廳只有我們一枱.早餐款式很多,主要有湯麵,三文治和歐式早餐三大類.我們叫了BLT三文治餐(跟caesar salad) $24腸仔蛋拉麵餐$22日式猪扒天使麵餐$22石斑煎蛋餐(跟麥包)$22店主很有禮貌,食物也很好味.

呢個餐廳既環境唔錯,好舒服,鵝肝幾好食,價錢都ok

西蘭化忌廉湯+ 扒羊柳+ 咖啡$45 不用加一雖然地方唔太大, 但坐得都舒服, 3 個大男坐四方都唔太迫。