JA Kitchen

營業中

休息中

酒店價、冇服務！服務員冇經驗，樓面不足，酒店收費服務員不專業，價錢貴，食客消費不滿意，今時今日咁嘅服務態度係唔夠，全港巿民北上消費有原因的，應該向內地學習工作態度。

今日同屋企人一齊 去呢間 裝修非常美麗的ja kitchen食晚餐， 餐廳裝修美麗簡單， 有日本色彩， 當中服務員 服務殷勤， 這間日本餐廳主打 ，日本新派美食 ，包括 包括日式燒焊 ，鐵板西班牙，黑毛豬 ，日式炸豬扒， 新鮮即開海膽， 日式串燒雞軟骨， 日式蟹肉天婦羅 等等，都非常美味可口 值得推介， 我一定會再嚟呢間美味餐廳 食佢其他菜式！！！

第一次來Ja Kitchen食omakase，小店裝修精緻、整潔、乾淨，每一道菜賣相非常有心思。最先上的前菜三點，吸睛、開胃又好味。日本生𧐢及海膽亦非常鮮味，跟在日本食的一樣，尤其是生𧐢，爽脆有口感。整晚最驚喜的是黑毛豬，超juicy，口感非常tender，未食過咁好味嘅黑毛豬，食味一流。另一驚喜是鐵板金山勾翅配蟹肉清雞白湯，勾翅非常有質感，每一口都是骨膠原，湯味濃郁，非常入味！新張有折扣優惠，每位$880，同行朋友亦覺十分抵食，位置近柯士甸地鐵站，一定會再來！

High quality Japanese fusion food ! Tasty food made with heart Chill vibes suitable for friends gathering. Personally recommend- grilled codfish with mango sauce 香芒焗西京燒銀鱈魚- cold tomato 日式凍蕃茄- smoked chicken meat ball with egg sauce自家軟骨雞肉棒配月見汁

今晚同朋友黎左JA kitchen食晚餐我地叫左Omakase $780個餐，因為新開優惠有7折，折完$580一位，另加一位龍蝦刺身首先黎左龍蝦刺身，黎到個龍蝦頭仲識郁刺身新鮮，仲有d魚籽加埋上去，帶黎多種口感前菜有蕃茄，醉花螺同天婦羅魷魚味道調得剛剛好，醉鮑魚＆花甲，好香酒味，鮑魚彈牙海膽天婦羅伴魚子醬，食得出海膽用靚料，無坑渠味，煙燻雞肉棒，好有視覺效果，點蘭王蛋味道幾夾北海道鮮活帶子煎得火喉剛剛好鐵板聖子好大隻，配黑松露汁係第一次咁食芝士銀雪魚好邪惡，外面芝士好香，銀雪魚保持到魚肉嫩滑燒鰻魚配辣汁皮香肉彈牛似好香肉味，配上山葵汁同炸蒜片都好夾之後加錢要龍蝦頭煲湯仲有炒飯，新竹米粉同埋甜品感覺好似食極都仲有食左3個幾鐘超飽，而家好少餐廳可以俾人坐咁耐，慢慢食慢慢傾，完全無壓力

呢間餐廳除咗食Omakase set仲可以單點架，價錢唔算好貴今次食呢個Omakase set 係$680/位由前菜到甜品有10款野食前菜:【味淋魚干天婦羅/炸日本白蝦仔/自家製泡菜】魚干天婦羅係我食過最好食嘅魚干， 薄薄嘅天婦羅包住軟淋淋嘅魚干，口感好特別，日本白蝦仔送啤酒一流。JA菜仙子拼盤:【大頭蝦/醉鮑魚/花螺】呢三款酒味都好出，尤其係大頭蝦，蝦頭爆膏，仲有滿滿花雕酒香炸物:【海膽天婦羅伴魚子醬】薄薄嘅天婦羅包住海膽，海膽唔會話炸到乾哂，食落口仲好鮮味之前仲試過另一款炸物【蟹皇蟹肉腐皮春卷】都好正架主食:【南非鮑配白酒海膽汁】鮑魚爽口彈牙，每口再點上白酒海膽汁，真係好好味【立鱗金鯛配黑松露野菌鯛魚汁】魚皮燒到卜卜脆，魚肉仲好嫩，個汁好味到我飲哂【鐵板大蝦配蝦膏濃汁】大蝦超彈牙，蝦膏濃汁用蝦頭嘅蝦膏炒到好似比金沙包住，個個食完😋👍🏻【煙燻雞肉棒配蘭王月見】燒得外脆內嫩又夠juicy ，另外點咗蛋黃後提升左個味蕾，食完隻手仲有好香嘅煙燻味【鐵板薩摩和牛】牛香味好重，夾埋蒜片好好食炒飯或新竹米粉係二選一我個日鐘意食【高麗白飯魚苗炒飯】甜品綠茶蕨餅好味，但我鐘意上次個個【焦糖脆脆布甸】

環境好舒服，食物係有驚喜，首先廚師真係好有心去製造每一道菜，而且廚師會出嚟講解係點樣製作，我覺得呢一個係廚師同客人係一個交流，作為一個客人了解咗廚師點樣做一道菜，你食嗰陣都會感受到佢嘅心思。而且食物質素性價比，首先講個大頭醉蝦，真係好正，食落去每一啖都係蝦膏，最衰得一隻，勁想食多隻。廚師知道我唔食牛，特登做一道豬肉俾我食，豬肉一啲都唔會好韌。至於個鵝肝煎得好香，啱啱好。所以我覺得呢間餐廳係令我會再去支持！❣️❣️❣️

睇戲前落渡船街睇吓有咩好嘢食，經過一間新開嘅日式餐廳，望入去個裝修好有格調，跟住有個員工出嚟介紹個Menu，原來係日式嘅烹調方法配合西式同亞洲菜嘅元素,見到有個廚師發辦$580/位幾抵就試吓，坐低奉上一個以木盒裝住嘅茶杯夠乾淨感覺吳錯，前菜三點擺設唔錯個自家製泡菜幾好味，香辣酸平衡得唔錯，第二道個大廚親自出嚟介紹，大廚話撞着開舖嘅時候日本倒輻射水令到香港人對日本空運嘅魚生有所卻步所以用咗自家製嘅配方花仙子酒醉系列代替魚生嘅位置，有大頭蝦,鮑魚,花螺，花雕控制得好好完全冇苦味，個花甲食到停唔到口😋第三道蟹王蟹肉春卷天婦羅，用新鮮蟹羔打出嚟嘅蟹汁加蟹肉做天婦羅真係無敵，，第四道煙燻自家製雞肉棒配日本蘭王月見，煙燻盒一打開淡淡嘅蘋果木加上煙霧彌漫嘅效果相機一定要食先🤪，第五道厚切牛舌陶板燒啱晒我心意，夠厚👍第六道香芒焗西京燒銀鱈魚真係要特別介紹令我其中一道驚喜菜式，芒果同銀鱈魚中間有着一種淡淡嘅酸中和芒果同醬汁嘅甜，同個醬汁真係絕配👏🏻第七道菜鐵板西班牙鴨肝配北海道牛乳麵包小熊最中餅，一嚟到我眼睛叮一聲🤩鴨肝前面隻小熊好可愛真係唔捨得食，顏色上好精彩不得不攞個相機出嚟打卡，第八道鐵板嘅牛肉稀

食物意想不到好食🥰完全係Omakase 級數 但價錢平民🩷今日三個女仔消費722 平均每人都係兩百幾蚊一個人 食物係意想不到好食 環境寬敞 裝修漂亮物超所值🥰🥰🥰尤其係個蕃茄 一食就知道係用溫室蕃茄 唔係普通街市嗰種蕃茄 調味酸酸甜甜好開胃然後就係個牛脷 竟然用鐵板上 牛脷食落去一啲都唔韌 好滑 熱辣辣好香🥰🥰🥰叫咗個二人餐 裏面隻溫泉蛋都煮得好入味同埋好流心 然後二人餐嗰度有個牛小排竟然幫你起埋骨 一片片咁上俾你食，一啖一片 又唔使自己切同埋啲牛肉林 🩷🩷🩷🔥整體感覺好好