Jack's Terrazza Ristorante

營業中

休息中

叫個set，有餐湯餐包，pizza，海鮮拼盤同肉食拼盤。聽落好豐富，收成三百幾四百一個人，難食到難以置信。人生好耐冇食過咁難食嘅嘢，與其話佢難食，不如話佢CP值極低。首先個餐湯，真係未試過忌廉湯入邊會有打碎晒嘅薑，超難飲…然後佢個Pizza，仲難食過薩莉亞，又細份🤣個海鮮拼盤係成個套餐入邊最不知所謂，每人一隻蜆一隻青口，完全係白烚無味，一咬落去係有白開水湧返出嚟，完全冇鮮味，如果瞌埋眼都唔知自己食緊乜🤣個海鮮拼盤仲有每人一隻炸蝦，全部都係炸粉，真係極度無奈。個肉食拼盤係得個牛扒好食啲，但份量極細，羊扒一般，都係冇乜味，個拼盤仲有腸仔，但唔知點解呢間餐廳，可以連腸仔都唔好食。我身為一個女仔，除咗完全食唔飽，仲要樣樣嘢都難食，得個牛扒擺得落口，呢個咁樣嘅套餐都好意思收我368仲要加一……真係覺得好搵笨，奉勸大家唔好嚟，環境又唔係特別靚，大美督仲有好多更加好嘅餐廳，大家無謂嘥錢嘥時間

Today we went there for lunch, it's the worst experience ever! the seafood pasta has no flavor, they basically just boiled it, and some seafood is still raw. We have waited for more than half hour for kid's burger, and the beef in between is not meat at all, and has a weird taste, i didn't dare to let my kid eat it. The semi-buffet salad is not fresh at all, cucumbers must be at least yesterday's. Beef pasta has no beef at all too, and they charged us almost 400 for the lunch. I wouldn't go ther

復活節假期諗住同男朋友同媽咪一齊去chill下入咗大美督random搵左呢間餐廳前菜個麵包都幾軟身幾好味 但個雜菜湯就好麻麻主食更大失所望 我哋叫咗鮑魚海鮮意粉 咖喱雞飯 同埋蘋果汁豬扒 鮑魚海鮮意粉得一粒細鮑魚 幾條細魷魚 同一粒蜆肉蝦都冇隻😰 都叫海鮮咩？咖喱雞飯既雞少少老 咖喱汁都還好最差係個豬扒 仲衰過超級市場買返嚟急凍嘅😑😑又薄又無味 啲汁又浠到水咁重點係價錢又唔平唯一可取嘅係杯檸檬茶幾好飲 唔太甜又唔澀同埋啲Staff服務都幾好幾友善但真係唔會再有下次😰

好耐未食過咁差嘅西餐! 首先湯一飲就知係罐頭!! 沙律還可以, 主菜pizza同急凍無分別，個pizza dough 冇質感，一個主菜嘅pizza得6吋，但我們叫的是二人餐!! Pizza 除咗一大pat cheese 之外，每四份一塊得一塊辣肉場，之後就係多到不能接受嘅橄欖，多都要挑出來!!! 最後meat platter…. 羊扒好勁雪味，牛扒直情有點異味，好像有點過期肉嘅感覺。埋單$6xx 可惜食物還比快餐差，真係冇下次。現場有歌手，可惜走音，好失望。諗住放假去放鬆下食餐飯，但在場不好聽嘅歌真係好滋擾

單車友必定食過的西餐廳，本人去過無數次，食物質素高，環境舒服，半年没來，因装修左小小，所以影響左個自助沙律bar位置暫時lunch未能提供（有點失望，因為佢個沙律bar係起正，希望快d整番）昨天去食unch，餐牌好似有d改左小小沙律份量多新鮮又好味餐湯正無論頭盆要湯定沙律都有餐飽，個飽好好食記住一定要食咖哩正，就算三樣伴菜都非常新鮮好味豬鞍扒又厚又大件，味道一流無得頂意式蔬菜意粉簡單用料但炒出高質味道lunch用餐後可享甜心價叫甜品叫左個心太軟，正，正，正一間高質西餐廳，有入開大尾篤記住試下啦

下晝去咗呢間餐廳度食下午茶，環境空曠人流唔算多，所以坐喺度放空都幾舒服。但係食物質素一般價錢有啲昂貴，自己要叫一份雞翼餐雞翼嘅煮法好似茶餐廳嘅質素，沙律都算有誠意。而朋友叫咗一份牛肉漢堡，佢覺得個牛肉質素幾好幾好味，所以大家可以參考一下

第一次嚟，餐廳坐室外位都幾舒服。星期六去都有set lunch + 自助沙律吧。Set lunch 就包餐湯同咖啡或茶。自助沙律吧選擇唔算多，質素中規中矩，普通質素。餐湯係薑黃南瓜湯，湯南瓜味濃，帶有少少薑味，好味。麵包係落單先焗，熱辣辣，好正💯主菜點咗椰香芒果雞排咖喱 $148雞普通唔乾不過亦唔滑，食唔出有椰香，咖喱汁還可以。意式軟殼蟹番茄醬扁意粉 $158軟殼蟹炸得好鬆脆，好好味；番茄醬一般冇特別。烤紐西蘭肉眼牛扒配磨菇汁 $188肉眼扒有筋，一般般。總括食物一般，性價比唔算高，不過服務態度唔錯👍

有大半年沒來，周末的午餐，就是set lunch，包个自助沙律bar，餐湯加杯飲品，主菜价錢不一，百多元左右。但令我失望的是加左价，食物質素卻下降，尤其是沙律，沒有從前的菇菌，沒有紫薯，菜不新鮮，也沒有跟餐的麵包了。客觀點，如果你沒有來過，這裏是坐得舒服，陽光下，聽著老歌，幾有mood。於我，沒有下次。

下午茶超難食，份量又細又貴，完全唔抵食，門口招呼人入來果個呀姐又話好大份，真係呃死人，等左成9個字先食到嘢，不如去等其他間晚餐啦，唔好中伏阿大家，唔好係呢間食下午茶。

平時去大美督都係BBQ 原來有一間咁隱世嘅西餐廳🍴個美國豬鞍扒幾唔錯✨豬扒好厚身 食落唔會好鞋口 再配埋清甜嘅菠蘿🍍味道真係好夾 仲更加開胃😚拌碟仲有烤蔬菜同軟滑牛油味濃嘅薯蓉🧈🥔真係幾豐富❤️

第一次去汀角路開餐，本身想試食泰國菜，但啲indoor位full曬（俾人卜左），適逢風暴前夕，坐outdoor感覺窄窄地，所以專食西餐。間餐廳好有特式，可能大家驚打風返曬屋企，所以假期前夕都係得1、2枱客，雖然伙記唔多，不過上菜既速度同show up都唔錯，又無食評講到咁差喎！紅白湯有講清楚白湯係豆湯。我地叫左兩個dinner set，本身想試燒春雞，但老細話驚麻麻，最後就點左一份rib eye一份羊架，都係7成熟。嚟到個湯合格，老細幾欣賞個豆湯，佢飲曬，跟湯個包仔有啲硬，都合格啦！沙有驚喜用料好足，係用左紫色同黃色蕃薯，再加啲哈密瓜定西瓜，夏天用瓜好牙煙呀，有變壞既風險，不過都照食啦⋯⋯份牛就真係過曬火，叫5成應該好少少，質素一般，羊架係有啲蘇味，不過份量好夠，燒得唔錯。甜品佢俾左兩款我地，預左我地share，我就一般啦。薯蓉有啲搞笑，佢個味令我唸起即沖果啲，不過佢真係用薯仔整既，係實的的唔係滑身果種，都ok啦，翠玉瓜都好甜！如果夏天日頭嚟應該都夠涼，因為餐廳加左好多部冷風機，而且侍應都好貼心幫我地係枱底點蚊香，不過可能疫情無live band，希望下次老細日頭可以帶我過嚟chill

今次同屋企人叫咗個set dinner，基本上選擇唔太多，原先之前呢間最出名嘅當然就係live Music🎵，但係原來嗰班團隊已經俾人發掘左去其他地方表演，所以冇幸聽到啦🥺水牛芝士薄餅係唔錯嘅，但係個人唔太喜歡有羅勒香草，味道比較濃烈，係簿批🍕最令小編印象深刻嘅係三文魚，口感好鬆軟而且好Juicy好似食緊蛋糕咁🤭生蠔就叫咗愛爾蘭同法國嘅，就不過不失啦可叫可唔叫🤥，但係環境就真係好唔錯有埋live Music會更好，而且waiter好有耐性咁講解，地方都好寬敞👍🏻👍🏻

店舖環境係唔錯，但….下午茶真心中伏！ lunch set價錢但係食物份量同質素係出奇地驚人😖只係order 左兩份下午茶set (須加一）:1. 照燒雞腿配照燒芝麻醬 = 5隻氣炸鍋雞鎚 （配茄汁& tabasco）$882. 意式羅勒香草蕃茄將意粉 = 1湯碗無味意粉 $88最後仲要收多錢🤷🏻‍♀️

朋友先去搵位，另外兩個朋友等車位，接到朋友電話，通知我話餐廳員工告訴他旁邊有車位可以泊車，便把車駛到餐廳門前。落車問一問門口的服務員，可以泊在哪裏？服務員回答：不知道。入去餐廳搵朋友問過究竟，朋友再問其他服務員，每一個都話不知道，找回答應他的那位服務員，服務員告訴他，原來冇位喎！又駛回停車場等位。三個人，叫了一份羊扒，兩個叫pizza，Pizza寫到明toping有蝦和anchovy (鯷魚鹹魚仔）。餐飲問清楚了服務員，可樂是汽水機的、還是罐裝或樽裝？服務員回答，是罐裝的。OK，就叫了可樂。餐湯，服務員問，要紅定係白（一字一句，沒有多也沒有少），心諗，紅湯就係羅宋湯或者雜菜湯；白湯就係忌廉蘑菇湯之類。我就叫了紅湯，另外兩個朋友就叫了白湯。奇怪的事發生了，先來兩杯餐飲，係兩「杯」可樂，並不是兩罐，而且兩杯可樂，份量相差有一寸，就像是其中一杯有人飲過一啖一樣。算了，小事。餐湯來了，三碗湯都是紅色的，朋友出聲，我不是叫了白湯嗎？服務員說，紅湯就是雜菜湯，白湯就是蕃茄湯，真係世事無奇不有！主菜來了，羊扒正常；我和朋友選擇Pizza，我發現有啲唔妥，不過唔想出聲，希望求求其其食完餐飯就走，見到個

今日同太太去呢間食下佢哋生𧐢、set dinner 湯⋯本身我Tony生 其實食𧐢有小小心得 法國比較咸味 ，而紐西蘭比較淡口， 店長介紹我2入食半打生蠔set,及2 個set dinner,二隻法國二隻紐西蘭，最後2隻係愛以蘭 但我唔明果位4眼上年紀的侍應竟叫我地先食法國𧐢？咁就奇了，法國生蠔出名海水味重，如果食完法國先食另外2款咁就未必食出他們鮮昧好彩我食𧐢經驗有十年 所以亦食出愛爾蘭𧐢係清新好多 重要係原來可以叫半打受爾蘭生𧐢6隻一份 就不用太麻煩 因為我二人至愛食愛意蘭生𧐢！這方面他們應該改進下‼️‼️說主菜 個羊架太so了 我頂唔順 只是食半件其他牛扒是合格 炸魚亦pass!! 湯都有心機煮嘅磨菇湯， 希呢有關介紹生𧐢方面⋯⋯可以改善一下資訊⋯⋯埋單一千找幾蚊