Jacomax

營業中

休息中

今晚跟4個朋友去這黃店pizza，之前想打電話訂位，但當日一路都打唔通電話，唯有同朋友直接走過去，下午5:40分到達，見舖面拉咗半閘，以為又一間店因疫情而結業，睇真d，店員走出告之因午市太好生意，所以要趕緊準備pizza皮而未能在下午茶時段做生意。我們在門口等到傍晚6時，店舖終於再次開門。我們點了二個pizza, 一個spicy Mexican, 另一個Margherita, 一個seafood pasta, 一份青口，一份雞翼及一份肉丸，我們一致覺得這裡的pizza無得輸，我最鍾意Margherita, 皮薄脆口，芝士蕃茄比例剛剛好，味道調較得很好，真係好食到唔停得口，但因為掛住食同傾計，居然一張相都無影，失敗！其餘的食品不過不失，但意粉就強差人意...講開又講，由我6點入店開始，到8點離開，這店門外一路都排著長長的人龍（約30-40人），睇嚟好多人都好想懲罰這黃店呀

看餐廳介紹和食評，都不錯。這意式餐廳由喜歡意大利的家鄉菜的Jacopo和Maxy創辦。我想試下正宗意大利式風味，所以同朋友來試下。 。餐廳位於上環近中環的商業區，店內燈光昏暗，感覺有點幽深。我們點了T-Rex，T-Rex以肉類為主，有火腿、香腸、莎樂美腸、芝士和番茄，材料豐富，但味道一般般。我驚訝的是呢道Carbonara。味道不錯，有濃郁慨白汁，意粉相當creamy好食，如果多點培根就更好不過了。我們還點了 飲品，整體來說這間餐廳還ok

I love pasta and the homemade sausage pasta is so good that I feel like I am in Italy tasting their traditional food. Long Island Ice Tea is unbeatable. Whenever I visit a new bar, I try Long Island Ice Tea first. Unfortunately it’s difficult to find good one. I found it here and the price is so reasonable (hkd 78). Will come more often! The last but not the least, Bowie, the bartender and waitress, is always welcoming and friendly. Great restaurant!

這個星期來到上環區做演出。晚餐時間同伴們帶foodamin到Jacomax吃Pizza。點選了朋友推介的藍芝士蘋果和辣肉腸兩款口味。即叫即製作的pizza烤烘得脆薄香口又沒有過火。餅底輕微的軟糯口感令人驚喜。兩款口味的pizza皆十分美味。藍芝士蘋果非常特色。吃來有淡淡的芝士咸香又帶香甜微酸的果味。一片片切得幼薄的蘋果片加在薄餅上沒有違和感之餘而且感覺十分清新。意大利辣肉腸非常香辣。簡單的只是配搭上芝士已經夠滋味。貪吃的我們離不開要多點一碟雞翼作小吃才滿足的了😂😂。黑椒雞翼味烤得熱呼呼。外皮掃上了薄薄一層的蜜糖。加上黑胡椒一起烤焗令雞翼份外惹味濃郁 。

夜晚收工約左朋友去上環買啲野跟住順便openrice下附近有咩食，最後朋友話食pizza，就揀左jacomax永樂街一到夜晚就冇咩人，行左一陣就到。餐廳外觀認真麻麻，玻璃好似好污糟咁，但入到去都唔錯，燈光柔和，人唔多，靜靜地最岩傾計，而且仲會望到chef 整pizza，係外國人黎。我就唔太好pizza，就叫左個pasta，朋友話佢自己叫一個pizza食哈哈挪威三文魚盧荀意粉（$132）個意粉既份量比我想像中大碟，意粉煮得岩岩好，唔會太硬或者太淋，啲汁都好適量，每條意粉都掛到啲汁但唔會話浸住晒個意粉。忌廉汁通想都係杰身同比較漏，不過佢帶幾分甜味又令到我一口接一口。而個煙三文魚唔多又撕開晒，唔係太食得出個味，比啲汁蓋過左。盧荀非常之幼身，口感不錯，好像冇乜點調味朋友叫既13”風乾火腿火箭菜薄餅（$152）終於出場了大概等左15分鐘到啦，因為佢即叫即整，係會比較耐。啲火腿既鋪排係一舊有一塊，上面灑左啲芝士再加埋pizza既蕃茄醬同綠色既火箭菜，視覺效果好fresh。我試左一舊，感覺都係好fresh！個皮搓得好薄，焗得香，稍為硬左少少，蕃茄醬少少酸帶啲甜，火腿既咸再加埋火箭菜獨特而清新既味道，

Always wanted to find a place where I can casually order lunch for my team for casual Fri. Never did I know there's always this hidden gem nearby my office! Called a day earlier they were nice enough to agree an earlier than usual delivery time for us! We ordered 4 pizza in total and and T-rex was definitely my fav! Highly recommend for those who are nearby and fancy a pizza lunch. 

I had been craving pizzas and wanted to go somewhere new and found this place on openrice. Comments were generally positive so I decided to give it a try! I had reserved a table the night before and when we arrived we saw quite a number of expatriates, lifting my expectations of their food.The lunch sets didn't seem so attractive with limited choices of food so we decided to order a la carte from their menu. We ordered a salad, starter, pasta, pizza and a dessert to share.This  salad sucked as I

店內有個小酒吧🥂放滿了各式各樣的啤酒🍺、手工啤🥂仲有多款Cocktail選擇🍹款式應有盡有👍🏻 ====—====—====—====— 🍝意大利媽媽肉醬千層麵🧀（$139） 濃厚的芝士配上肉醬千層麵一起焗製，千層麵層層疊上，夾住芝士🧀和肉醬🥫非常邪惡👻 🍕公司批（$160/13‘’） Mozz🧀Tomato🍅Ground beef🥩Bell peppers🌶Egg🍳 吃Pizza當然要點Signature⭐️ 餅底夠薄又香脆，餡料豐富👅 ====—====—====—====— 

呢間餐廳我成日用網上外賣平台買外賣會叫，次次想食啲西式野都會食呢個，佢嘅Pizza同意粉從來都冇令人失望，今次去咗堂食，有朋友介紹我再試一樣新嘅嘢，係外賣冇得叫嘅😋去咗佢上環間分店到試，門口位都係用落地玻璃可以望到外面嘅街景，餐廳燈光比較昏暗，有個位可以現場直擊點樣整pizza香烤黑椒雞翼外皮烤得香脆，肉質嫩滑，每一隻都充滿黑椒嘅味道，但又唔會太多太攻鼻，味道啱啱好👍🏿藍芝士蘋果薄餅每一次叫外賣都係必食嘅！真係超級超級好食，同埋未試過喺其他薄餅店食到呢款，淨係試過喺意大利見到有餐廳有。呢款薄餅又咸又甜，味道好豐富，食到蘋果嗰個位仲會特別有汁，超好食！白酒煮海鮮意粉呢個意粉就係外賣冇嘅堂食先有嘅！試左先知點解身邊嘅朋友咁為佢瘋狂。之前其他餐廳食過呢款意粉經常都煮到好淡唔夠味，但呢度味道濃，亦都加咗好多蒜粒，令到海鮮同意粉都吸晒個醬汁嘅味，仲要意粉嘅硬度適中，超級超級好食👍🏿可能因為呢度嘅美食比較高質素，所以價錢都會比較高，未必個個朋友都負擔得到～ 相信他日如果我更富有嘅話，一定會成日嚟呢度食呢個意粉同Pizza😍

今日同男朋友去灣仔整電腦之後就搵嘢食男朋友話想食pizza 上網見到附近有一間pizza好似幾好食所以就去了入到去嘅裝修好有異國風情燈光柔和 所以成個氣氛都好舒服我哋小食方面就叫咗個雞翼個雞翼熱辣辣 外皮煎得好香脆所以我同男朋友都好鍾意而且我哋都叫咗卡邦尼意粉個汁好creamy 之後我哋叫咗個三文魚pizza呢個真係好正每個Pizza都好多三文魚 而且個批好薄仲要勁抵食 $160有成直徑32 cm而且都仲有啲cream係上面嗰啲cream勁好食真係近期食過最好食嘅Pizza一定會再嚟㗎我

難得假日出港島區但落大雨俾我停左喺呢間幾有風味既西餐廳諗都無諗就拉左男朋友入去！係好有寶物收藏店既感覺😂好似太誇張但真係幾多精緻裝飾！食野前飲杯酸甜紅梅汁 好開胃雞翼烤得好香 咬落去好豐富黑椒味 重點！雞肉好嫩好多汁 烤得唔乾但保持到肉汁先勁一上千層麵 啲醬汁係滾到起泡😂好新鮮出爐 啲芝士肉醬係拉絲狀 每塊麵都有心機鋪上去 層次分明重頭戲就係招牌公司批 平時中意食厚批既我 都中意呢個薄批 佢焗得好似餅乾咁脆 仲有加左蛋真係勁好食！蛋香洋溢而出👍🏻推介推介

講起Pizza, 如果你只想起那連鎖店的厚底芝心餅底, 咁你就一定要嚟試下呢度嘅意式薄脆Pizza。呢間Jacomax嘅一大特色就係, Pizza都有得雙併, 不過meun有成2, 30款選擇, 有排先試得晒呀。落單後見住師傅兩下散手就整好Pizza, 即製即烤。Mortadella Fantasy + Capricciosa$168意大利燈籠腸火箭菜松露油薄餅 + 意亂情迷高溫烤烘幾分鐘, 香噴噴嘅Pizza就上檯啦！ Pizza餅底要烤得夠脆, 而又不至於太乾很考功夫, 呢個做到恰到好處, 邊位同餅底香脆, 食落中心帶點柔軟口感, 非常出色。鋪滿火箭菜嘅Mortadella Fantasy, 配料不花巧, 主角Mortadella腸配上芝士本來已經鹹香味美, 再加上火箭菜同松露油, 味道層次非常豐富。另一邊嘅Capricciosa, 配料比較多, 但味道複雜得嚟都好夾。咁好食, 難怪見師傅一整晚都有接不完嘅外賣。Affogato $68呢度竟然有我最愛嘅Affogato。將熱烘烘嘅Italian espresso淋上冰凍順滑嘅Gelato, 一口嘗盡冷、熱、甘、甜, 非常過癮。

認識呢間餐廳係因為曾經行過見到All You Can Eat嘅promotion，對呢間主打pizza嘅餐廳留有印象，所以星期日專程嚟食。原來裏面嘅裝修充滿歐陸摩登風格，座位亦都相當寬敞。主打pizza，有開放式嘅廚房，可以見到即叫即做嘅過程。叫咗一個白酒煮海鮮意粉（ $152 ），意粉食落相當有咬口，味道方面，白酒嘅味道唔太突出，反而比較鹹香，蒜汁味道香濃， 有黑椒和辣椒點綴。海鮮方面有蝦，魷魚，青口和蜆，不過量不多，質素亦都不驚艶。雖然有越嚟越想食嘅感覺，不過這個定價來說，唔太抵食。拿坡里pizza ($135, 13”) - mozzarella cheese，番茄醬，蒜油。既然係主打Pizza，無可否認Pizza係比較出色。揀咗一個冇乜配料嘅Pizza，反而食得出芝士， 番茄醬，和蒜油本來的味道。一拉好多芝士絲，番茄醬帶微酸，令芝士感覺不油膩，味道剛剛好。雖然係薄薄一片，但口感少少煙韌，保留好麵團的彈性。Pizza底焗至微啡色，火侯控制剛好。吃過真真正正的意大利Pizza，就知道連鎖pizza店絕不能媲美。最後以一杯latte作結，很滿足的一餐！

放假黎嘆下pizza hea下～吸引我地嘅係師傅即叫即整嘅薄脆pizza，經過已經聞到陣陣pizza香～啤酒青口$139一份有20隻左右， 隻隻都好大隻同厚身，鮮甜肥美，平時多數食白酒青口，第一次食啤酒青口，青口索晒啤酒味，更添風味～記得用個汁黎沾麵包食！四重芝士拼風乾火腿沙律$152Pizza 可以雙拼，以價錢最高計算，兩個人去食都可以試到兩款味～所有pizza都係即叫即造，我地揀左四重芝士拼風乾火腿沙律，四重芝士分別係mozzarella, Asiago, Gorgonzola, grana cheese，芝士味香濃有層次，由於係番茄醬底，所以唔會話好漏。風乾火腿沙律份量岩岩好～配上薄身軟熟而帶點脆脆嘅薄餅，兩個人好快就KO了～

Thanks god it's Friday!Lunch time同同事行遠d去覓食去左永樂街既jacomax12點幾都已經坐滿哂好彩仲有吧枱位Menu選擇都唔少2個人左揀右揀先決定要一個pizza 一個意粉Jacomax公司批 同鋪頭名一樣 應該係呢到既招牌真係好大份2個人食到勁飽材料有牛肉蕃茄青椒等等重點係佢中間隻蛋！超級加分Pizza有少少厚度食落唔會好硬好乾挪威三文魚蘆筍意粉呢個都大推食落creamy但又唔會好漏三文魚份量都好足意粉爽口 個汁唔會太多太水Like!最後飲埋杯espresso 心滿意足