Jaspas Restaurant (已結業)

又是大好星期天，天氣涼涼地但又好猛太陽，不去郊外走走是對不住自己，就同太座加埋小狗，去西貢走一轉。十點半，肚子空空的，我提議去金山食粥及即拉腸粉，太座卻想去食西式早餐，幾經協商，結果亦拗她不過，還是來了這裡﹝後來才知，金山十一點已經差不多收爐，好在沒有去食粥﹞。這裡在中環有分店，同Pepperonis亦係同一個集團，裝修及外觀都有點相似。十一點仍然可以選早餐，或叫午餐也可以。我們就一個叫早餐一個叫午餐，要了個早晨全餐及烤雞扒三文治。侍應拿來幾片多士，配上兩款果醬及植物牛油，熱辣辣夠脆口，但原來三塊麵包都全是太座的早餐的，比著我地，獨力吃完這幾片包已經邊度都唔使去，西人的食量真的不可小窺；主菜上場，份量都相當之大。先說太座的早晨全餐，是典型的英式早餐規格，有炸薯餅、兩條腸仔、煙肉、茄汁豆、煎雙蛋及半隻煎蕃茄，食物、煮法及味道都沒有特別，在家裡隨時都可以整一大堆出來，也不大明白太座為何會叫，更不明白佢吃完都為何說好味的；我的炸雞肉三文治更大堆頭，除了香草包的雞肉三文治外，還有一大堆炸薯條及沙律菜，絕對係唔打得都睇得。三文治熱熱的，味道也不錯。不過薯條就油膩了一點，亦不太夠脆口，一般。因為人

It is located beside an open space but unfortunately construction was still going on when we visited the restaurant. Portion was big and food was ok. Would come back again after the open space is renovated.

20050521 5pm同男友入西貢hea下, 求其搵間bar 飲杯啤酒.呢間好就好在門口o的檯木凳擺得無咁逼, 同埋檯面係大畫紙又有畫筆咁可以亂畫一餐, 我同男朋友就用張紙勁玩過三關同畫無聊o野, haha.一個Foster draft, 一個青島, 又一個悠閑午後.

很冷的新年日，與朋友來到這兒。這兒非常熱鬧，附近的餐廳都很少人，但這兒卻有很多人排隊。朋友知道這兒的份量比較大，便叫了一些share 來吃。頭盤有忌廉汁磨菇配麵包，個汁非常濃郁，很好味！主菜是燒羊架，肉質很鮮味，燒得亦很香。配著紅酒飲，與朋友享受這個晚上，很有氣氛呢！甜品香蕉焦糖熱布甸配雪糕，雖然比較甜，但很香香蕉味，係這頓美味晚餐的完滿結束。心情非常愉快，非常滿足啊！

周末同家姐到蘇豪區食早餐. 蘇豪區供應早餐o既餐廳寥寥可數, 而o係少數開門o既餐廳當中以Jasper最人頭湧湧, 就吸引左我地試一試.早晨食客八成係外國人. 我地聞到鄰座o既鬼佬食緊o既homemade pancakes香噴噴, size係厚厚o既三大塊, 仲配雪糕同糖漿, 同家姐商議後, 決定先嗌一份share, 唔夠食再叫其他野. menu上有兩種pancakes揀, 香蕉或藍莓, 兩種都跟糖漿同雪糕, 我地揀左藍莓, 再要左兩杯cappuccino. 班戟即叫即製, 所以要等大約5分鐘. 上檯時, 見pancakes上有香蕉, 以為waiter俾錯左, 一問之下原來藍莓已經內藏於pancakes內, 咦? 咁咪變成雙併pancakes? 糖漿同呍呢拿雪糕用器皿另外上, 睇得出呢度o既廚房幾細心. 糖漿同雪糕都係普通貨色, 生果幾新鮮, 至於主角pancakes, 就同自己o係超級市場買班戟粉調製o既差唔多味道, 係唔錯, 不過我地覺得自己o係屋企都可以整到. cappuccino d泡打得幾滑, 咖啡味都幾香濃, 不過$30一杯就唔算好抵. 埋單$130, 價錢中上. 我地覺得

同個o係香港土生土長o既鬼佬o係度食晚餐~ 因為佢帶埋隻狗, 所以坐出面~ Waiter好周到咁主動俾o左兜水隻狗飲, 但係我想同佢講..... 狗唔應該飲冰水o架...... 兩個人叫o左個chicken tikka, Thai beef salad, 北京填鴨卷, strawberry smoothie同荔枝smoothie~Thai beef salad - 牛肉唔係泰式o個種, 佢地似美式燒牛肉切條多d~ 配埋green salad & Thai sauce, ok喇~北京填鴨卷- 餅卷, 醬料同燒鴨都係中式o既, 但佢地包埋沙律菜入去, 就變o左fusion style~ 講真味道都ok o架~ chicken tikka - 點解又係連餅卷o架? 好飽呀..... 味道一般.....strawberry smoothie - 本來係要Mango smoothie, 俾錯o左~ 佢飲, 所以唔知好唔好味~荔枝smoothie - OK~總結: Portion大, o岩晒鬼佬o既東南亞菜喇~

食聯合國菜即係咩都有d,至唔掂-招牌蘑菇,好鬼咸!其他食物都唔錯,三文魚沙律d汁好得意甜甜地;咖哩中東包d點醬汁好好味,天使麵就淋左dd;pizza係薄又脆. 每人消費太約$150. 坐outdoor就至正,佢地有暖爐架,又warm又夠feel!

呢度賣o既食物都簡簡單單,幾清新.煙三文魚皮得包唔錯,食落唔乾,用o既三文魚都唔差,唔太咸.另外蘿蔔橙湯顏色搶眼之餘仲幾好飲,唔係好杰,好消暑解渴呀...