JK Kitchen (已結業)

銅鑼灣嘅永光中心有好多特色餐廳，而JK Kitchen就係其中一間，聽個名可能唔知原來係食越南菜嘅。餐廳環境舒適，牆身掛滿越南嘅風土畫，仲有部大電視，唔洗驚食食下覺得悶。侍應招呼周到又親切，黎依度食野有種家嘅感覺~首先叫咗廚師推介嘅JK炸拼($115)，有春卷、牛油雞翼、魚餅、蔗蝦、薯仔絲蝦，每款2件。春卷皮薄餡靚，食得出落足好多材料黎包。蔗蝦係用蔗黎整條棒，蝦打得好實，爽口彈牙。薯仔絲蝦由香脆嘅薯仔絲包住大大舊蝦，外脆內軟。食越南野就一定要食湯檬或者撈檬，所以仲叫咗精選生熟牛肉湯檬($78)。生牛肉係薄肥牛，上菜嘅時候係見到紅紅地嘅，一浸落湯到就熟哂，可以睇得出係超薄。熟牛肉係厚身啲嘅。兩款牛肉都好重牛肉味，又軟又入味。最後送咗甜品大菜糕，上面淋咗花奶，而入面嘅蛋花好有紋理，係好有特色嘅大菜糕。而晚市每位顧客嘅首杯飲品係半價，我地就叫咗珍珠奶茶同青檸梳打。

好耐無和同事聚餐啦，之前放完大假，好多說話要長談，食住講先坐舒服豬頸肉好厚身，外脆內嫩好熟牛肉味，超嫩滑生熟牛肉超香口，味道鮮甜豬扒大大件，炸得好香脆蟹肉粒好香，超級海鮮味，蕃茄大大粒容入湯底特飲加5元

同朋友行經銅鑼灣，想搵間舒服嘅餐廳慢慢坐。見到有間樓上越南菜，裝修到好似cafe咁，望落都唔錯，所以就入去試下！我地嗌左個茉莉奶茶(小甜)同青檸梳打，前者茉莉味好香，飲落唔太甜冇乜罪惡感xd 後者味道好fresh，用黎中和食物嘅油膩感就啱啱好。小食方面嗌左必點嘅豬頸肉同米紙卷。豬頸肉肥瘦適中，燒得好嫩滑；米紙卷口感豐富，加埋甜甜地嘅醬汁，好開胃。老闆娘炒米好有鑊氣，而且好足料，兼夾唔油！士多啤梨窩夫嘅雪糕好似係牛奶士多啤梨味，值得一試。

銅鑼灣通常都係食啲高級餐廳，好少食啲住家feel嘅嘢食，今次去咗永光中心試咗一間樓上越南菜，真係好有食緊住家飯嘅感覺。一上到去個裝修已經俾你一種好窩心嘅感覺，有梳化啦，有大電視，好似屋企咁。而且個色調呢都係以淺藍色為主，成個感覺都真係行warm嘅路線。嘢食同平時嘅越南菜差唔多嘅，今次就叫咗個小食拼盤蒜蓉炒通菜同佢哋嘅招牌炒米粉。個拼盤有五款嘢食有魚餅、雞翼、蔗蝦、薯仔包蝦，當然仲有越南春卷。春卷、魚餅嘅調味繼好，雞翼炸得幾香口，蔗蝦個蔗好甜好清，薯仔包蝦係特別嘅，都好脆口。然後蒜蓉炒通菜真係落足蒜蓉，絕無欺場。炸蒜生蒜都有一齊落，上碟嘅時候仲有一對炸蒜鋪喺面，真係落足料。最後試埋佢個老闆娘炒米粉，其實呢就係有豬頸肉炒嘅米粉。炒落去都算惹味，如果佢可以落少少辣呢，咁就會更加好啦，味道應該更加出。我想講碟碟都好有份量，真係好有家嘅味道呀！仲要老闆娘好貼心臨走會送甜品，我哋就食咗紅豆椰汁糕同埋三色啫喱。成個椰汁糕面都鋪滿紅豆，好好味；個啫喱好挺身，唔會太硬(姐係太多魚膠粉)，都唔會太腍(太多水)。間餐廳真係真材實料嘅！十分好呀！以家為主題嘅越南菜。

住係九龍嘅我覺得過海真係一件好麻煩嘅事，所以唔係有咩必要都廢事過去。咁岩今次一定要過港島攞野，所以就乾脆同朋友係個邊食埋個lunch。以前差唔多每次係銅纙灣食野都係去登龍街食拉麵（身邊有太多鐘意食拉麵嘅朋友），唔知有咩食嘅情況下又走左黎呢條街度望望﹐發現原來好多拉麵店都轉左做其他野食。行下行下見到呢幢大廈有人sell 樓上有野食，所以即刻openrice下望下仲有咩其他好野食。，望到呢個名一開始以為係西餐，後來發現原來係越南餐廳，咁就試下啦。唔駛返學嘅朋友訓到好晏先起身，食完早餐冇耐又出黎陪我食lunch，所以就唔太肚餓。既然係咁，我地就叫多個小食叫少一個主食首先係炭燒豬頸肉，基本上每次見到呢個名都會忍唔住叫左。肉質有咬口又唔un，而且都幾香口。份量唔算多又唔算少。最搞笑係佢上面個D好似食白切雞嘅蔥蓉咁，呢個咁神奇嘅配搭都係第一次見～比起想像中夾。之後就到米紙卷，又係一樣食越南野會忍唔住叫嘅野食。一碟4件，每件都大大件，要分開幾啖食先食得完。每件入面都有2-3隻蝦入面有D疑似豬頸肉嘅物體，幾足料。佢都比唔少醬我地，唔會食到覺得好乾主食就叫左個老闆娘炒米。呢個炒米雖然油左少少，但都幾有鑊

食完位於西營盤嘅Soo Viet後開始對越南嘢產生左興趣今日就尼左銅鑼灣試下食尼間評價都唔錯 性價比都高嘅越南餐廳尼間雖然喺樓上鋪 但喺喺登龍街交通非常方便 出地鐵站唔洗5分鐘就到一出口 就比果一扇扇窗嘅裝潢吸引住好有歐美小鎮嘅風格 非常得意隔離仲有個簽名版 可惜我冇追開星一個簽名都認唔到（掩臉 慚愧）7點幾去 算喺飯點 但人唔算多所以強烈推薦想喺銅鑼灣慢慢嘆個晚餐嘅人內裏裝修都有襯返出面果幾扇窗總體尼講 裝修喺以歐美小鎮嘅風格為主好可愛,整潔 顏色同格局都令我覺得好舒服感覺可以喺繁忙嘅生活節奏中放鬆下作為一個河粉控 檬粉同飯直接跳過叫左過名都特色過人嘅河粉 JK Kitchen湯河裏面有牛腩 生牛肉 扎肉 仲有雞絲越南嘅特式嘢都有曬 但又有別於火車頭碗河喺飲品同拼配上左冇幾耐都上埋個碗非常西式 碗邊特別寬過人 唔方便直接飲湯作為一個鍾意將湯飲到乾乾淨淨嘅人尼講唔喺好鍾意餐廳用尼款碗裝湯類嘅嘢尼方面扣左少少分 但的確同個擺盤幾襯嘅未食其實有啲驚 個湯咁深色 好驚會好濃 好膩 但飲落去第一啖嚇親我同我想像中嘅完全唔同 一啲都唔膩味道都非常適中 滿滿嘅牛味喺嘴度爆發配合埋啲香葉同配料:青

立春那天，還期望天氣回暖，怎料不升反跌！只有 8~13度低溫！ 當日，約了一位好姊妹出去銅鑼灣 Shopping 及影商場新年裝飾，一樂也！ 於是，我們走到登龍街永光中心的越式餐廳 <JK Kitchen>！眼見店子裝潢光潔新淨，意想不到開業已三年！我們也喜歡這裡的環境格局，空間感充裕，一點卻不侷促！ 優雅舒適！寧靜的環境是享受美味越菜的好地方！最有趣的是牆上的公仔圖案似 what's app Emoji！ 供應多款越南美食！蕃茄蟹肉湯檬 $90橙紅色的蕃茄湯，加上蟹肉，散發鮮香，入口酸鹹帶鮮，令人開胃！ 檬粉晶瑩掛湯，亦比預期少油！串燒雞肉 $58雞肉肉質柔軟入味，加上沙嗲醬，香甜濃郁，倍添風味！沙嗲醬混合花生粒，口感更豐富！越式老板娘炒米 $88好有鑊氣！香口惹味，而且米粉炒得乾身又均勻入味！ 我們也食得滋味無窮！甜品~椰果啫喱賣相層次分明！椰果的份量也不少！一小杯甜品足以滿足我們兩個女人的甜胃！

星期日去花展賞花，搵地方先醫肚，但假日既銅鑼灣超多人，好多商場餐廳又多人又迫，呢間越式餐廳係登龍街入面既商業大廈樓上，地方舒適寬敞。中午時段任何粉麵飯加$25轉餐有小食及飲品，叫左香茅牛肉撈檬配春卷及青檬梳打，另一個叫左香茅豬扒飯配牛油雞亦及咸檬梳打香茅牛肉好嫩唔un, 連埋小小洋蔥絲及蒜粒抄香好野味香茅味亦好濃郁，個檬粉撈埋魚露好開胃香茅豬扒夠軟淋配蔥油好夾但個豉油汁可以再多d就更好味牛油雞亦即炸皮脆肉滑多汁，牛油味濃好好食

香茅豬扒湯河.HK $68.送餐飲 : 港式奶茶、港式咖啡、金桔青檸、柚子茶、檸檬茶或檸檬水 (冷飲加$2).香茅豬扒有六件，幾入味，不過肉質較鞋身。湯底係清湯，河粉份量幾多。

永光中心附近有好多餐廳，但係越菜餐廳就冇咩。入到去裝修好雅致，格調簡單，舒服既感覺，好似係大海咁。叫左越式豬頸肉湯檬($68)，越式米紙卷($58)，蓮子薏米冰($46)。蓮子薏米冰超級足料，一大杯椰子沙冰，圍住好多粒蓮子，底部有1堆薏米。椰子清甜，蓮子唔苦，而且薏米甜甜地，蓮子and薏米都係自己煲，健康有益，又養顏，第1次見越菜餐牌有尼個選擇，必試。lunch特飲加番差價。越式豬頸肉湯檬既湯底係自家製，冇味精，食完唔會口乾，湯底唔多油。麵身唔太"林"，份量足夠1個男士，可能仲有剩......芽菜另上，自己選擇落唔落。豬頸肉亦另上，燒得唔會乾哂，仲保留肉汁，上面鋪住d蔥油，好似平時食蔥油雞既醬汁，愈食愈惹味。越式米紙卷4件既內餡有大蝦，豬頸肉，最估唔到隻蝦既size咁大，餐廳特別在於，米紙卷面頭有花生碎，加上有甜醬，亦有可以自己加，令淡淡地既米紙卷食落多左入甜味，平時其他餐廳都唔會落甜醬，尼個新組合好match。總體，質素高，價錢比其他同類餐廳平幾蚊，服務非常好，唔該前多謝後。好多上班一族lunch time黎食。食物上菜速度亦快，所以岩哂上班人士食，唔駛等咁耐。值得再食。

驚覺之前唔知擺左幾耐係公司春茗抽到sogo既現金券到月底到期，前車可鑑免得到期化為烏有，所以特地過海買野用左佢。之前聽過朋友話附近呢間樓上鋪野食幾好味同價錢合理，於是買完野就上泥一試。tea time時段到黎，有卡位坐，點左個牛肉湯河同小食拼盤(諗住每款打包件番屋企俾家姐試)。等左一陣，好快有野食。牛肉湯河($68)料好爆，唔係講少既多牛肉，河粉同配菜都份量好多，湯味很濃，絕對係性價比高，量多到非常飽肚。牛肉唔係普通果種肥牛，薄切身但多肥膏果種，有圖有真相，真係一塊牛肉，牛肉紋理亦清晰可見，肉味好香而有嚼勁。湯頭好濃郁，好味道到邊食邊飲，清埋個湯底。意想不到既大份量拼盤，新鮮炸上，金黃程度剛剛好，好熱辣香口，每樣各食左一件，打包左4件回府。重點，食落唔油膩，碟上亦無咩油鯨係碟底到，廚師炸完應該有吸油？炸魚餅好彈牙，點醬食一流。牛油雞翼好味道到令人食指大動，外層吸晒牛油香，味美可口。雞翼好味到即場食晒，無打包貢獻俾家姐。青檸梳打，酸酸甜甜，好清爽。店內裝修令人好閒適舒服。個天花裝修好用心，有啲假草點綴，提升左悠閒感。卡位隔離個窗好別緻價錢公道，同一般越南食店價錢相去不遠，但環境舒適店卻不

又到左年頭出左BONUS既時候，公司入傾得埋幾NICE既同事搵到好路數要離開了，對左幾年日日番工都有講有笑，對方要撤退，以後番工實行有排悶，始終職場之地碞傾既真係唔多。散水飯循例要食番轉，大家屬於係朋友唔單係同事，唔係公司晏晝飯食完一餐就算，而係就番對方係佢屋企鵝頸橋附近揀餐廳食完可以番歸湊B女。佢揀左間屋企附近既樓上食店，話之前假日幫襯過，食物味道同環境都唔錯又傾到計。所以禮拜日晏晝帶左我黎銅記呢邊食晏。好少過黎香港島呢邊，所以感覺幾新鮮，由同事帶路，經過樓下一條食街，而呢幢樓全都係食肆，望見好多樓層既鋪牌都係食日本野。一出電梯，見到個裝修好別緻，粉藍色既窗框做點綴，帶點悠閒風。店內裝潢更見用心，枱櫈都用左好仔鐘意既TIFFANY BLUE粉藍配搭白色，海洋風格中滲透閒逸風情；兩邊窗框都好用左好日系既木材雕飾，令整間店格調彷似日本六本木區既CAFÉ咁。間店明明係長方形，裝修黎講本應好考功能點令間鋪唔狹窄(枱與枱之間保留左一定距離，唔仔細聽，係聽唔到隔離枱談話內容)，但觀乎整間空間感十足且開揚，睇得出係設計上花左心思，係女生喜歡既格調。點左一個飯、一個湯河&小食拼盤+凍飲。餐飲點呢杯仙

地點在鵝頸橋附近 位置方便餐廳環境舒適以Tiffany blue 與白色作主調十分適合相約潤蜜傾計食野$68香茅燒牛肉撈檬放低已經聞到好香嘅烤牛肉味 薄切牛肉量十分足料 冇慳水 極推薦$78菠蘿豬頸肉炒飯 炒飯入面有菠蘿粒提子乾肉鬆菠蘿食得出唔係罐頭菠蘿 冇湯水係入邊 應該真係自己將菠蘿切成肉粒 偏酸 以較甜嘅提子乾作為配搭就啱啱好 旁邊嘅醬汁專登搭配豬頸肉微酸嘅味道去除咗豬頸肉嘅肥膩+2金橘青檸+5胚牙奶茶建議平時買珍珠奶茶少甜開嘅朋友 都要叫少甜 因為本身較為偏甜+25 轉套餐我揀咗牛肉串面頭汁醬以橙製成既醬蓉醬汁清新可口加上牛肉嫩滑 絕對有驚喜中間以洋蔥牛肉紅椒青椒夾雜 唔鍾意食洋蔥嘅朋友要注意 洋蔥較生 可能未必鍾意 但只要自己剔走其實都不大影響如果想選擇一間環境舒適 唔需要玩board game，只係想搵個地方傾計食嘢 又經濟我絕對會再返嚟

真係一間令人好溫暖的餐廳👏🏻我講的不單是食物，更是侍應的態度。我時常覺得一間好的餐廳食物的質素、環境我佈置、清潔等固然重要，但是服務態度更為重要。我們入到餐廳環境尚算優雅清潔，坐下不久殷勤的侍應向我們介紹餸菜，還說可以order住一、兩個先，令人感覺不錯。之後發生一件事更令我們感到很溫暖。我們原先去左蒜蓉通菜，但就送上芥蘭，侍應第一反應覺得自己錯左並承認，他建議我們可以試試，如果不想就立即換，我們也就順應試下。過了一會兒，另一位侍應走過想再詢問碟菜的味道及是否太老。我的都覺得可以沒問題。侍應都話廚師用心煮。我們煮應同👍🏻由此可見，他們很著重顧客的感受與要求。真係給人種溫暖的感覺。致放食物味道不錯，推薦炒米，還有飲品半價，還有精美甜品贈送。值得起👏🏻👍🏻😋

每次係銅鑼灣行街，諗唔到食咩，就會泥到出名多餐廳嘅登龍街揾食。今次就揀咗呢間樓上嘅越式餐廳。其實一開始上到去，真係估唔到佢係食越南菜，因為餐廳嘅裝修用咗粉藍色同白色為主，比人一種小清新嘅感覺。今次我就揀咗一個蝦餅扎肉撈檬，午餐泥講份量都幾多，一大塊蝦餅加兩塊扎肉，札肉入面有少少肉粒，增加口感；蝦餅炸到卜卜脆，想冇咁熱氣梗係加啲酸辣醬啦，酸酸地仲好開胃；配埋青瓜絲、生菜同蘿蔔絲，感覺仲幾清新。另外，套餐仲可以用＄25優惠價加多款小食添，我今次就揀咗牛油雞翼，同我想像中嘅牛油雞翼有少少出入，原本以為只係普通用牛油煎香嘅雞翼，但估唔到係炸物，不過牛油味都幾重，亦唔算太熱氣。最後，追加嘅越式蔗蝦都唔錯，配上小小嘅炸蒜片，味道比較濃。