JK Kitchen (已結業)

至從上次發現永光中心有咁多食肆之後，就好想每一層嘅餐廳都試一遍，所以去今次就揀咗食越南菜！JK KITCHEN! 平日嘅晚市時間唔算多人，最開心就係可以同朋友邊食邊聊。一打開life就見到顏色鮮艷嘅大門，仲有廚師推介嘅menu! 1. 越式豬頸肉湯河：上菜竟然有三碟！餐廳好貼心咁將配料分開碟上，等我地可以按自己口味加上麵到，分別有辣椒、青檸、芽菜。河粉係偏幼身的，而豬頸肉大碟之餘，仲煎到好香口，加分！2. 蒜蓉炒通菜：通菜炒到好爽脆，上菜仲聞到好香嘅蒜蓉味，不過要快啲趁熱食，凍咗就唔好啦！我叫咗杯熱嘅桂圓紅棗茶，好啱女孩子飲，唔太甜好容易入口～By the way，今次嚟食有一種家的感覺，除咗餐廳嘅裝潢好舒服之外，就係店員嘅服務態度非常之好，不時為我地加水，仲會關心食物嘅質素。最後食返個甜品：七色椰果啫喱，完全感受到餐廳好有心機啊！

前幾日星期三黎嘅，放工之後約左女朋友一齊食飯撐台腳，為左就腳就約左係銅鑼灣食。👫💑你無睇錯，我無打錯。係啊，又係銅鑼灣的餐廳，究竟仲有邊間我係未食過嘅呢？🤪🤪咁啱呢排女朋友又戒緊口，話想食得清淡啲，標準好男友的我當然一早上網搵定餐廳同埋book定台啦！今次我搵到嘅係食越南菜🇻🇳的餐廳🍴搭Lift上到去，第一眼見到佢嘅裝潢設計真係幾有自己嘅風格，帶比人一種家的感覺，別樹一格！重點係佢嘅野食真係好出色，今次我地叫左：牛油雞翼湯檬 （10/10）湯頭夠鮮甜，配料又多樣；牛油雞翼酥脆香口，仲有我最愛的檬粉，份量黎講我覺得啱啱好。👍🏻👍🏻😋越式豬頸肉湯河 （9/10）呢個我冇食到，分數女朋友比的，佢話豬頸肉燒得好香，唔會好油膩😂😂蒜蓉炒通菜 （9/10）一般出面食的都會好多水係底啲菜會好淋，呢度又唔會，菜咬落夠爽，炸蒜又夠香飲品方面我就叫左杯珍珠奶茶 （8/10）奶味好重，好快就比我飲晒，如果大杯啲就更好食完準備埋單先知原來仲會送甜品，咁啱個日送三色啫喱杯，好有心思，又唔會話好甜，作結啱啱好，好滿足！

約咗表姊去銅鑼灣行街，係時候食番個下午茶餐，行到登龍附近見到( JK Kitchen) 越南餐廳，就上去試下，原來樓上舖都有好多美食。餐廳設計格調簡單舒服， 好有家的感覺。越南扎肉河粉$6O， 扎肉加埋䓤花好好味，河粉夠幼細及滑。香茅豬扒飯$60， 豬扒肉質比較乾身，薑蔥加入飯食又好惹味。越式米紙卷$58有四件，餡料有大蝦同豬頸肉兩款，米紙捲鋪上花生碎再點些醬汁，令到米紙卷更加惹味。下午茶餐包一杯飲品，價錢都OK。廚師每天將精選美食推介，寫左餐廳門口的大餐牌。

今晚同男人黎到銅鑼灣食野集中營＜登龍街＞，上黎樓上鋪食越南菜，果然不負所望一上到樓就俾個環境吸引住，有一種柔和舒服的感覺，好適合同朋友聚會。入面都充滿越南風味除左環境外，食物先係重點，當然都係高質素喇。首先叫左個越式蝦餅扎肉湯檬，配料另上（芽菜，青檸，辣椒，九層塔），可根據自己口味自由加上。首先湯底濃郁，唔會油膩；蝦餅厚實蝦味突出，大大塊超好味；扎肉又夠爽口。越式春卷，十分香脆，跟上生菜，用生菜包住春卷，減少油膩既感覺，亦唔會食到周圍都係，點埋醬汁，味道一流。椒鹽軟殼蟹，見到附近人都有叫，忍唔住都叫埋一份，果然無揀錯，軟殼蟹炸得剛好，非常香脆，而且啖啖都係肉，而且大大件件又唔少。朱古力窩夫，外脆內軟，雖然做得比出面食到既薄，但仍然充實飽肚感十足，每一塊都有香濃既朱古力醬，再加上一個有朱古力碎既朱古力雪糕就是完美，仲要係心型的叫左一杯三色杯（綠豆），好大杯呀，面頭充滿綠豆，椰香味十足，涼粉又夠爽。個杯造型都好特別最後職員仲送上甜品，簡直大滿足不得不提，員工服務好好，不時關心顧客既需要，時刻加水。果晚冷氣好凍，都馬上留意到並調較好，十分細心

我成日去銅鑼灣登龍街搵好野食，今晚放咗工同朋友試下呢間樓上越南餐廳。餐廳以黃色、藍色、白色做主調，一入去就有種好舒服嘅感覺，裝修有心思。卡位上面好靚呀！好似有好多星星咁！<越式大蝦柚子沙律>好多柚子肉，蝦煎得好香！食落清新開胃！份量亦夠多。<JK Kitchen 湯河>呢碗湯河好出色！！湯底咁濃咁深色，我初初以為會好鹹啦，點知一飲，有驚喜！濃濃嘅牛味，飲得出係無落味精，亦唔油👍🏻有牛腩、生牛肉、扎肉、雞絲，好多餸！生牛肉正呀，好滑好高質！<西題素菜米紙卷>個皮做得好薄👍🏻，d蔬菜refreshing，店主介紹我地點海鮮醬黎食，好夾好好味！<薰衣草桂花茶>薰衣草同桂花味夠濃，飲落覺得好舒服❣️<三色啫喱>上面有椰果，呢個啫喱令我諗番起好多童年回憶。總括黎講，呢度環境一流(係同朋友傾計嘅好地方)，服務好，食物有質素👍🏻

很久沒有吃過越南菜，今天心血來潮跟老公一試這間openrice有很多好評的越南餐廳。餐廳隱身在熱鬧的登龍街的一楝大廈內，一搭電梯上去便能遠離喧嘩的鬧市。甫一進去，便覺得餐廳裝飾是有花心思的。不僅有很多花草佈置，更有越南象徵的人物圖案。而且值得一讚是餐廳內全部座位都是梳化位，而且位與位之間不會覺得迫，有一定的空間感。剛巧8PM有英格蘭對巴拿馬的世界盃賽事，店員很貼心地把電視頻道轉到可看到該賽事直播，超正啊﹗我跟老公沒有很肚餓，所以只點了JK KITCHEN湯河、蕃茄蟹肉湯濛及越式米紙卷。JK KITCHEN湯河超大碗，而且餸菜很豐富，有牛腩、生牛肉、扎肉和雞絲。我最欣賞它的扎肉，非常有咬口，而生牛肉亦不錯，有香濃的肉味。另外湯底亦令人眼前一亮，帶點藥材味但又未去到肉骨茶那種濃度，一口河粉一口湯很是享受。蕃茄蟹肉湯濛也很不錯，蕃茄湯底濃郁，拆好的蟹為數不少，散滿在湯麵上。而且這裡也有我喜歡的扎肉，實在太好了。這個濛粉份量不及湯河多，但一樣好味道﹗越式米紙卷有4件，包裹著粉絲、豬頸肉、蝦及菜，非常豐富。豬頸肉是煎過的，非常香口，配襯米紙卷的醬汁酸酸甜甜很開胃。最後店員更送我們甜品，是椰果啫哩

夏天都冇咩胃口食飯，想轉下口味，食D清爽口感冇甘油膩既菜式，東南亞菜係一個唔錯既選擇，好想食湯河😋好想食木瓜沙律😋好想食呀😆朋友就帶我黎左間樓上既越南餐廳，環境好寧靜舒適，餐廳主色調係充滿少女風既Tiffany Blue，好夢幻✨菜單點少得生牛肉湯河🍜木瓜沙律既配搭有好多種，揀左最愛既豬頸肉木瓜沙律，仲有越式米紙卷，飲品要左越式三色冰🍧三色冰超大杯，最下層係涼粉，中間有椰果冰，最上層係紅豆，飲既時候要小心，D冰會溶得好快，好容易會流出黎😅生牛肉湯河份量好大，夠晒兩個人食，除左生牛肉片，仲有牛腩，湯頭好鮮甜，店員話係老火湯，飲多都唔怕😊牛肉好嫩好滑，牛肉味都好重，牛腩炆到好鬆軟入味，食既時候我仲意加埋芽菜同青檸汁一齊食，會更加有風味😋我最愛既豬頸肉木瓜沙律，有齊晒我既最愛💕豬頸肉燒到岩岩好，爽口彈牙，沙律除左木瓜仲有好多蔬菜，味道酸酸甜甜的，好開胃👍🏻仲有越式米紙卷，米紙卷同平時食開既有小小唔同，有創意地加左食北京填鴨點既甜醬，諗唔到味道同米紙卷係夾，再點返醋黎食，味道係更加豐富😋而且米紙卷既餡料都好豐富，有豬頸肉又有鮮蝦，仲有好多蔬菜同粉絲，啱晒女仔減肥又想食好野👍🏻

永光中心有好多餐廳, 今日去左位於17樓既JK Kitchen食越南菜。 餐店內裝飾簡約, 環境休閒舒服。 午市仲免加一添。點了一碗JK Kitchen湯檬, 內有幾款餸, 牛腩, 生牛肉, 扎肉, 雞絲, 好豐富呀~ 跟餐送餐飲。 仲有, 惠顧套餐仲可以加錢追加小食, 特色餐飲 & 自家制甜品。JK Kitchen湯檬 $88, 呢個即係火車頭, 有好多餸, 有牛腩, 生牛肉, 扎肉, 雞絲。 用得店舖名唻命名一定係招牌菜, 牛湯底色澤香濃, 最欣賞生牛肉, 程粉紅色, 有肉味。追加小食 + $25 牛油雞翼, 牛油雞翼新鮮熱辣, 即炸, 外皮鬆脆好JUICY, 推介!小食- 串燒牛肉 (2 串) - $38, 好想試多款小食, 追加只需+$25就有, 可惜只可追加一款, 牛肉串間住三色椒, 好色彩豐富, 食落唔覺油膩, 個黃色既汁酸酸地好醒胃。特色餐飲 + $5轉飲香芋奶荼, 再+ $5加珍珠, 估唔到食越南菜有香芋奶荼飲, 淡淡唔太甜。自家制甜品 + $5, 一入店已經見到有塊黑版仔寫住是日甜品” 三色啫哩”, 由於食到好飽所以冇叫, 不過 + $5有一個甜品相當唔錯。埋單$16

要選間坐得舒服，價錢合理，地點又要方便，呢間越南餐廳係個不錯既選擇。晚餐都係散叫為主，飲品在晚市第一杯可獲半價, 每次黎都一定會點珍珠奶茶，茶香不苦，奶味濃厚，好過很多外賣奶茶店。前菜叫了牛肉沙律，肥牛配上大量蔬菜，加上酸甜汁，十分醒胃。主菜叫了蝦餅，份量需不多，但蝦肉味濃，啖啖蝦肉; 豬頸肉炒菜份量多，豬肉有口感，很有香料味，菜亦新鮮清甜。炒粉絲味道清新，落左很多配料，每一口都食到配料，算是驚喜之作。

炎熱既下午，自然諗起東南亞美食，openrice左依間試下。同友一入到去依間越南餐廳，就有好少女既感覺，tiffany blue tone既裝潢，打卡一流。我地叫左一個牛油雞翼 share食，肉質好嫩滑，唔似一般餐廳咁"鞋"，牛油味都好濃。主食方面，我地叫左蕃茄蟹肉湯米粉，蕃茄味好濃郁，好明顯用左大量鮮茄熬製。蟹肉都算多，每啖都食到蟹肉。另外我地仲叫左香茅烤牛肉撈檬，牛肉好入味，唔係果種乾硬既牛肉，同個撈檬好夾。店員服務好好，環境好舒服，可以hea一個下午。

係CWB 多數揀日本菜, 今次揀左呢間食越南菜~呢棟野全部都係食既. 好誇張!夜晚冇餐既, 全部散叫~我地叫左香茅豬扒飯. $78呢個我唔記得左係咩黎... = =  唔係我食既. 今次我地自己食自己 哈哈~蝦餅扎肉湯河. $78馬拉盞豬頸肉炒通菜. $78晚市叫飲品有半價~金桔檸檬 $34 (有半價.)蓮子薏米冰~ $46 有半價.呢杯野好強勁, 滿到呢.... 大過個杯呀! 好有氣勢!食完重有甜品送~~~~ 細細杯, 幾開心~呢度個環境好好,幾好坐又方便傾計, 價錢又唔貴~

The seating area in this restaurant feelslike home. It is rarely found in the causeway bay district. I love the icedpearl bubble milk tea the most, very rich in tea and creamy milk. It is softand silky. Vietnamese style papaya beef salad isrefreshing with sour sauce and slices of beef. The salad includes greencucumber, papaya and carrot. Vietnamese sausage and shrimp cake is quitesmall portion. Fried rice vermicelli with crabmeat, the glass vermicelli isquite chewy and perfectly cooked. Spicy st

放工約咗閨蜜落銅鑼灣食飯, 大家都想搵個地方坐得舒服啲可以傾吓計! 我哋就係openrice 發現到呢間環境唔錯嘅越南菜餐廳, 一於就上去試吓! 一出就覺得餐廳都裝修得幾靚, 入到去環境舒適佈置得唔錯, 見到牆上貼有小朋友相片幾親切, 好有家嘅感覺! 坐低時職員介紹首杯飲品可獲半價優惠, 咁我同朋友好快就叫咗兩杯飲品嚟解解渴再慢慢睇吓食咩! 為食嘅我睇到個餐牌又樣樣都想食喇為了滿足我嘅樣樣都想食嘅心態, 併盆就一定走唔甩精選JK炸併: 春卷,牛油雞翼,魚餅,蔗蝦,薯仔絲蝦(每款兩件) $115 ~ 因為薯仔絲蝦已售罄職員就提議我哋要多兩件牛油雞翼 , 鍾意食雞翼嘅我當然冇問題啦！ 而雞翼炸得好香脆, 好有肉汁, 幾香牛油味, 確係冇介紹錯! 春卷有微微嘅芋頭香, 幾多餡了, 口感豐富! 魚餅和蔗蝦不過不失略歉有點燶! 越式蟹肉炒粉絲 $88 ~ 睇菜名以為只係得蟹肉, 嚟到時發現有扎肉仲要份量都幾多, 鍾意食扎肉嘅我有少少驚喜! 炒粉絲味道都唔錯, 喊淡度適中帶有金不換嘅香味! 越式馬拉盞豬頸肉炒通菜 $78 ~ 豬頸肉爽口幾入味, 通菜鮮嫰爽口, 加埋個馬拉盞炒得幾惹味! 最後仲有

好小上黎呢棟大廈食野，原來呢度真係好多野食，就搵左呢間越南餐廳食個lunch😆呢度裝修以Tiffany blue為主題，真係好令，少女心爆發！平日差不多1點黎到唔算多人，但過左一陣就好多係附近做野既人黎食lunch。❤️雞扒河粉 $68河粉好滑，唔太油，份量適中。芽菜，青檸，辣椒同芫茜都係分開上可按個人口味加😆湯底算濃味，加左青檸可中和膩感。雞扒都幾大塊，但唔算厚，略嫌有d油❤️豬頸肉撈檬粉 $68朋友叫d，岩哂夏天食，好清涼！檬粉好彈牙好爽口，個sauce酸酸甜甜，真心開胃。豬頸肉好易咬，份量亦多！❤️牛油雞翼 +$25有2隻，牛油味勁重，夠熱又juicy❤️雞串燒 +$25有2串，雞肉勁滑，唔太油！算幾好食，大熱天時真係要食呢d先有胃口😂

前兩天在銅鑼灣打算找越南菜食，隨便搵到這呢間睇落都ok就決定去食兩個人食左柚子大蝦沙律，豬頸肉撈朦同札肉蝦餅撈朦個沙律用椰菜絲同紫椰菜絲，蝦係熱既，唔係平時食開既柚子大蝦沙律撈朦都不過不失，普普通通，豬頸肉ok,但個札肉唔好食仲滑滑地感覺似有問題.朋友食完之後就腸胃炎