JK Kitchen (已結業)

朋友知道我好鍾意食越南美食，所以佢地話我如果去開銅鑼灣工作，記得去到登龍街永光中心既樓上食店JK Kitchen既越南餐廳度一試。餐店內裝飾簡約，門口放著老闆娘參加越南菜式比賽既獎狀，亦都帶一點文青既風味 。店員招待非常熱情，睇完餐牌就叫左JK 拼盤 (HKD 105)，蕃茄蟹肉湯檬 (HKD 80)同埋珍珠奶茶 (加HKD 5)。先黎既係湯檬，分量唔細，非常足料，有札肉，蕃茄，蟹肉，蔥花等。蟹肉非常多，而且幾鮮甜。 湯底就帶有濃濃既蕃茄味，正呀，非常開胃。 細心一聞之下，覺得個湯檬幾香，應該係落左啲秘製既馬拉盞。跟住黎既就係JK拼盤。呢個拼盤係佢地既signature之一。內有春卷，牛油雞翼，魚餅，蔗蝦，薯仔絲蝦 (每款兩件)。春卷炸得非常香脆，又唔油膩，點埋佢地既醬汁，勁有越南風味。牛油雞翼好大大大大隻，而且好香。魚餅同蔗蝦味道唔錯，比起一般既越南食店要大同好味。我覺得就係炸左既薯條絲包住隻蝦，賣相唔錯，幾好味。杯珍珠奶茶，奶味十足，珍珠又多又彈牙。朋友無介紹錯，下次要再encore先。

銅鑼灣登龍街不嬲都出名多野食，當中永光中心就係表表者啦！今次就去左17樓嘅JK Kitchen去食越南野！黎到餐廳出面仲以為去錯左其他食西餐嘅地方添，入到去見到牆上有不同的紙貼公仔戴著signiture嘅越南帽先安心啲。餐廳地方不是很大，平靜的星期三午飯時候，店面眼見只有兩個店員，看得出應該是小本自家經營的。只係坐低左大約五分鐘，店外就已經有條小人龍了，所以大家如果要午飯時間黎嘅話，打電話去餐廳就最保險了！JK炸併（春卷2件，雞亦2件，蔗蝦2件，炸薯仔絲蝦2件，香茅煎魚餅2件）（＄115），樣樣都食到啲，最啱我呢啲選擇困難症的人。全部都係即叫即炸的，當中最欣賞的就係蔗蝦，出面有啲餐廳有時會貪快是但炸完就算，又或者炸得太過，以佢地炸得啱啱好，唔會過乾。味道亦都好強，點埋啲甜辣醬就perfect！香茅豬扒撈檬（＄68），豬醃得好夠味，又唔會好硬。啲汁係一碗咁另上嘅，本來覺得一定唔夠啦，仲諗住叫佢俾多一碗我，友人叫我即管試下先。原來真係啱啱好足夠，哈哈！連埋啲生菜一起食，確實好refreshing！朋友就叫左菠蘿豬頸肉炒飯($78)，一上菜我已經俾佢啲色吸引住！泰式定係越式嘅菠蘿炒飯都好，永

每年年三十去行花市都勁多人，今年唔去去逼，所以同老公提早幾日今晚去維園行花就好，唔洗同人逼。首先我地去登龍街食左晚餐先岀發去行，附近好多都係拉麵鋪頭，好多人排隊。行行下見到永光中心原來有好多野食，我地選擇左食越南野，因為有我最愛食嘅河粉餐廳環境好舒服，感覺似台灣d cafe鋪頭咁，好清新。另外餐牌有好多野食，全部都好吸引吖我叫左個香茅燒牛肉湯河，牛肉同河粉仲有洋蔥份量都多，最岀色就係個湯，真係好好好好飲，好濃味，河粉我最怕有陣 ‘雪’，呢間河粉絕對無！唔洗一陣我就食晒啦，連湯都飲左好多老公叫左燒雞飯，雞燒到好香，最特別係綠色個醬，酸酸地食落去好開胃，食飽後再飲返杯即磨咖啡嘆下，一流我地叫埋單時仲有個free甜品啫哩送，有三層唔同嘅味架，好食

心血來潮想食越南野，係Openrice發現呢間JK kitchen好像不錯，就起行覓食啦🍽餐廳位於銅鑼灣永光中心，地點方便，餐廳裝修簡約有趣，像是Cafe，跟一般的越南餐廳不同午市餐牌選擇極多，有飯類，河粉檬粉，小菜，小食，串燒等等🍛🍜🍢揀左越式燒雞飯🐔同越式米紙卷，另外加左$15要玫瑰茉莉花茶越式米紙卷餡料豐富，好足料，內裏有豬頸肉同蝦，生菜新鮮爽脆，口感清新，配魚露同海鮮醬吃非常搭配越式燒雞好香口，配秘製醬汁食 送飯一流玫瑰茉莉花茶幾好飲散發陣陣花香味

CWB係多餐廳到自己都唔試揀, 午飯時間又到, 真係唔知食甚麼, 想起之前隔離位同事見客去過的越南菜話好食, 於是乎就上去看看. JK Kitchen 嚮 登龍街永光中心17樓, 成條街都系餐廳, 要搵食算係幾方便, 不過可以想像食飯時段會成日滿座, 最好事先留坐.一坐低我地就叫了杯紫芋奶茶, 都OK，香芋味夠濃，奶茶味和香芋味都的到平衡。比一般街買到的外賣"芋味奶茶"多一種口感，都幾得意。由於唔算太肚餓, 今次無叫小食, 只是隨便叫了個菠蘿豬頸肉炒飯. 一上檯發覺實物係9成9跟足menu張相咁, D豬頸肉真係好鬼多, 我原本還擔心會唔會唔夠飽, 不過佢分量都好足. 我自己就喜歡佢豬頸肉燒得都比較乾身，唔會太肥， 菠蘿粒就切成bite size, 幾易入口，貪心D咁講如果有多啲菠蘿就好啦~ 另外炒飯本身都好乾身, 好有飯香.雖然餐飯唔系食左好耐, 但是我聽到其他檯D人都話D也食唔錯. 而且餐廳都比我感覺十分注重衛生和保持環境乾淨. 推薦下次可以反轉頭光臨啦~

最近比公司調了去 CWB 的分店工作, 同事都基本上戴了我去附近的餐廳太多次了, 於是上網搵餐廳食飯. 眾裏尋他 一眼就比 JK Kitchen 的食物照片吸引到. 於是在完成中午的工作後便即刻黎食野.我大約兩點多少少來到, 男侍應 (應該是老闆) 很用心咁向我地講解餐牌上的食品, 食物的照片吸引呀. 我選了 Set Lunch 入面的越式生炒飯套餐. 落了 order 後, 飲了兩啖水才有時間細心看看餐廳的環境, 呢度雖然是位處 CWB, 但由於鋪子位於樓上的關係, 氣氛都很舒服而且也不會聽到外面的嘈吵聲, 呢度好適合朋友傾計！ 同埋檯凳都好企理.食野啦, 越式生炒飯套餐首先上檯, 我立刻用鼻子聞聞, 十分香哦. 我覺得呢個飯粒炒得都算乾身~我自己覺得其實好OKAY哦~ 食了幾啖之後我試下將d飯加少少撈檬汁一起吃~酸酸辣辣之後仲有點飯香~口感味覺得唔錯~ 值得推介~ 相機影相之後隔了無幾多分就差不多食完了.最後食曬所有野後, 因為感住返去幫手睇鋪, 所以唯有急急腳走了. 但是不得不提, 侍應的服務很好, 全程都有留意我有咩需要, 又肯主動加水, 態度一流.

這次與朋友來到銅鑼灣嘗嘗越南菜，朋友選了JK Kitchen，聽名字像西餐廳，一出升降機看見門面覺得應該是普通cafe,只看餐廳名字和外貌真的想不到是一間越南餐廳，真的店不可貌相。我和朋友被安排在有靠墊的座位上，坐得舒適。而店內環境以藍白為主色，是我喜歡的顏色!感覺給人寧靜自在的感覺。來到越南餐廳當然要試試特色越南菜，最後抱著好奇選了札肉湯河。試了試札肉，有點像香腸加火腿的味道，肉之間有些爽脆的粒狀物，我猜應該是豬耳吧。使整個札肉口感豐富。接著點了老闆娘炒米，是一個看到名字便覺得必點的菜式。老闆娘炒米由豬頸肉和米粉組成，配上洋蔥與燈籠椒，雖然外型像港式茶餐廳的炒粉，但卻有說不出的獨特風味。最後選了亦充滿越南特式的米紙卷，米紙卷餡料豐富，有大量的米粉，紅蘿蔔絲，生菜，青瓜，蝦與豬肉。米紙不過軟而帶點煙韌，米紙卷配上魚露，鮮味突出。沒想到有甜品的贈送，是芒果奶凍，奶凍很滑亦有淡淡的芒果味，這一餐很完滿，很滿足。

凍冰冰嘅星期六下午，最啱就係揾個靜靜地嘅地方hea下，感受一下慢活嘅樂趣今日想食啲酸酸辣辣嘅野醒下胃，所以就同朋友黎咗依間樓上嘅越南餐廳，貪佢靜靜地，啱哂我地慢慢傾下計我地首先叫咗豬頸肉湯河同香茅雞肉撈檬，本身以為每個$68只係單叫嘅價錢，點知原來兩個都係連飲品嘅套餐，份量都好足夠，非常抵食兩種肉嘅調味都充滿香料味，食落好正宗，唔錯個撈檬汁比起坊間嘅，蒜味較重，啱哂中意蒜味嘅人！我地仲加左個越式米紙卷，本身以為係小食，點知都係包埋野飲，以假日銅鑼灣區消費黎講，真係性價比超高而最抵讚嘅係餐廳環境幾靚，感覺温馨同非常寧靜，侍應服務態度都幾好，絕對唔會急著趕人走，啱哂想慢慢傾下計食下野嘅人

今日落雨，我哋一行七人，近近地去登龍街食越南餐。去過幾次，食物好食人唔多，基本上實有位。最喜歡食佢哋個豬扒湯河豬扒煎得好香又夠淋，正個湯底味道又夠濃，再加埋啲配菜，好食！值得推介！另外珍珠奶茶好好飲！個場細細，但環境舒適坐得又舒服。仲有電視睇，哈哈。而且通常都有位。不過服務就差啲，有待改善。。。。上次唻有個金毛女侍應黑口黑面態度串。今次到另一個，收銀兼侍應態度又串又差。。。重點好大聲講客人壞話同講粗口。。。。。呢間越南餐食物好環境好又舒適，不過服務有待改善，希望下次來不再有這樣的事發生。

同朋友睇戲前仲有時間，去左永光中心搵食，無意中上左去依間越南菜的餐廳，點知有驚喜。環境好舒服，藍白色為主調，牆上貼有不同相片，用心佈置，對女仔黎講，環境已經贏左個好開始先叫左個熱辣辣全生牛河。個湯雖然同一般食開嘅越南牛河有啲唔同，不過依到個湯好濃又好夠熱，最重要係啲牛肉好好味，好滑又唔肥，正呀。河粉又幼又滑，Good!菠蘿豬頸肉炒飯。伴碟好靚。依個飯入面，豬頸肉最好味，燒到條邊好脆但又唔會乾身。最後叫多個雞肉串燒撈檬。點知等左有啲耐。一問之下，先知完來串燒係即燒，所以要等一陣，即燒果然係正，熱辣辣又juicy，加上餐廳特製嘅沙嗲醬，好味道。最後竟然有甜品送。實在太飽了。飽得滯食唔落其他甜品。下次真係要帶其他女仔friend黎依到又食又傾先得。

今早去銅鑼灣做完嘢，打電話問老公乎近有乜好嘢食，佢叫我去登龍街揾揾，登龍街對我嚟講好陌生，被佢指道下，原來係向時代廣場乎近，夾向軒尼詩道及羅素街中間，一轉入去原來呢條以往唔起眼嘅小街道，已轉變成為食街，左右兩邊好多餐廳食肆，亦有好多樓上餐室，我揀左呢間上樓嘅JK kitchen ，因為我希望揾間好似私房菜咁，唔係大量生產食物嘅餐廳，踏入去見裝修用藍白黃為主，有歐洲家嘅感覺，時間尚早，看似啱啱開門，客人未多，啱哂我可以向繁忙嘅午市前，靜靜坐低整理我今早所做嘅事；我叫左越式大蝦柚子沙律，柚子好多好甜，一碟沙律有成六隻煎得好香嘅蝦，而且夠大碟👍🏼再來個越式米紙卷，去親食越南菜，我基本上都會叫呢味前菜，呢度同我平時食有D唔同，香口好多，拆解睇睇，原來有蝦、香葉、米粉、花生及一片我諗係豬頸肉，咁多料放埋一齊，唔怪得咁香👍🏼👍🏼

嚟度先發現呢棟樓每層都係餐廳，競爭真係好激烈，坐低叫左半隻燒雞，朱古力窩夫雪榚，同埋一杯越南滴滴咖啡，燒雞烤到外層酥脆，特別鐘意佢隻唔知乜嘢做嘅香料，食隻燒雞時會有陣陣香草香味，真係食得香脆，聞得香草香味，仲有個自家製嘅伴碟醬料，食到有蒜嘅成份，但應該仲有其他香料撈埋一切，就算空口食佢都幾香口㗎，個窩夫有5塊咁多，每塊都有香濃嘅朱古力味，配埋朱古力雪榚球一齊食，如果啲窩夫可以保持乾身同埋脆口感就一定會更好味唷。

一嚐環境食物唔錯嘅越南菜今日一同三位姐妹係銅鑼灣行完街後，想食越南菜，open rice 後就決定食JC kitchen！內部環境唔錯，小清新風，適合拍照裝偽文青！哈哈！牛油雞翼一上菜已經聞到好香嘅牛油味，賣相都唔錯，炸得剛剛好，金黃色！咬落酥脆可口，好重牛油味！鍾意食重口味嘅你，肯定鍾意食呢味菜！JK kitchen湯河大雜燴湯河，有牛腩、生牛肉、扎肉同雞絲，湯頭十分清甜，好足料，如果你想試好多種料，呢個湯河啱晒你，一次過滿足你四個願望！當中牛腩十分唔錯，唔會太老太鞋！生牛肉好嫩口，唔錯！其他不過不失！馬拉盞炒通菜不過不失免費甜品紅豆椰汁糕有驚喜甜度適中，好重椰汁糕味，食完一杯想食第二杯！仲有服務員服務好好，好有禮貌，笑容十分好☺整體黎講唔錯！

今日FIF行完銅鑼灣突然好想食越南野，就上左OPENRICE見到依間JK Kitchen，賣相都唔錯咁，就上左去樓上鋪試下啦。一行入去，佈置得幾有田園既感覺，坐得都幾舒服。好，講番野食先… 我同友人叫左一碗JK Kitchen湯河 (火車頭)，一碟豬頸肉菠蘿炒飯，仲叫左米紙卷，同一杯熱薑蜜、一杯熱柚子，仲有小驚喜老闆娘送「藍莓好凍」。JK Kitchen湯河都好大碗下，入面好多料，湯底都好鮮味。生牛肉好嫩滑、河粉亦都好有咬口。扎肉非常之香，唔錯唔錯!到豬頸肉菠蘿炒飯，塊豬頸肉真係不得了，係厚切架，好香口，食完仲有好濃既香味係口到徘迴。米紙卷亦都好清新既感覺，夾住蝦同豬頸肉，都值得一試架! 仲有藍莓凍，個texture好有趣，藍莓味亦好出，唔會太甜。好飽同滿足!

銅鑼灣一路向係美食集中地。其實除咗地舖之外，樓上舖亦都有好多選擇。今日趁住公司唔係好多嘢做就去享受一個long lunch食越南菜。 呢間餐廳位於登龍街，我哋喺銅鑼灣地鐵站出發，行咗唔使十分鐘就到。餐廳裝修好有特色，門口佈置到好似一個歐洲花園，有一道道藍色小窗。旁邊亦都擺咗當日嘅廚師推介。可能時間尚早，我哋入到去嘅時候餐廳唔係好多人。餐廳入面嘅佈置簡單，感覺舒服。枱與枱之間有足夠空間，唔會有擠逼感。我哋一行兩人點兩個午餐 1) 菠蘿豬頸肉炒飯(⭐⭐⭐⭐💢): 豬頸肉大件，而且唔會燒得好乾，食落有肉汁。炒飯亦都用料十足，有提子，乾新鮮菠蘿同埋雞柳，絕冇偷工減料。2)越式燒雞飯(⭐⭐⭐⭐💢): 朋友叫嘅燒雞飯亦用了十足，應該有半隻雞嘅份量，包括雞髀同雞翼。味道方面，廚師無特登用好多醃料，咁樣反而更加突顯到雞嘅鮮嫩。當然，如果然唔夠味 可以配薑蔥醬油。3)跟餐熱飲(⭐⭐⭐⭐💢):分別叫咗生薑蜜同埋柚子茶。生薑唔太甜而且有薑味，冬日暖胃之選。相對，朋友嘅柚子蜜就比較甜。總括而言，呢間餐廳嘅午餐都算經濟抵食，而且味道亦都唔錯。係返工一族嘅銅鑼灣午膳之選！